cwong852's Profile

今晚我哋去咗呢一間日式意大利Fusion嘅餐廳食嘢, 呢度有兩個sets，其實都幾抵食。不過今日想叫A La Carte.. 據聞呢度最出名嘅係吞拿魚，叫咗一個吞拿魚三文魚子多士，好鮮味, 多士外脆內軟! 好好味! 然後我哋就專攻串燒！食咗黑豚腩肉串燒，雞髀肉串燒，雞肉串串燒，炸蠔，豆腐串燒! 每一串都食到食材嘅鮮味，師傅仲燒得剛剛好，真係好好好好好好好好食! 覺得自己好似去咗日本咁! 非常高質素！食到呢度其實都已經好飽喇,但係我哋好為食仲食咗一個釣魚櫻花蝦虎飯! 為我哋今晚嘅晚餐畫上一個完美嘅句號! 今時今日響香港真係好少有今時今日響香港真係好少有咁嘅價錢而又咁高質素嘅餐廳!…Read More

嗰日去大埔墟街市樓下海鮮檔買咗啲海鮮，包括蟶子, 花甲, 瀨尿蝦, 桶蠔同埋海蝦，然後上去新樂園叫佢整俾我哋食蟶子就整咗豉椒炒蟶子花甲就整咗油鹽水花甲; 瀨尿蝦梗係避風塘做法啦，超級無敵正桶蠔就整咗炸蠔, 本人覺得只係OK,可以熟啲，但係啲friend就覺得好正海蝦就就咁白灼，都好鮮味後尾仲整咗個啫啫煲生菜，正到不得了所有海鮮買咗$680 ，然後上到去餐廳整咗以上做法嘅菜加埋兩支汽水同嗰個生菜就俾咗$720。三個人食，平均$450一個囉。咁多海鮮都真係好抵。呢間嘢整體做海鮮嘅味道唔錯，價格相宜，可以再去…Read More

今日去試呢間新中菜.. 裝修靚, 服務人員態度一流…. 價錢唔算貴.. 大多數點心係$68一份.. 蝦多士4件都係$68…. 食落D 嘢食味道唔錯.. 材料新鮮.. 咸甜適中… 好味! 可以回頭! 和牛酥 - 我冇食到, 個朋友話好正, 不過爆汁的, 吃時要小心黃魚紫蘇麵 - 呢個汁有酒香,魚係黃魚肉折骨整成魚卷, 好香魚味 (唔太食魚可能覺得少少惺).. 個麵吸咗D汁超好食蝦多士 - 蝦好新鮮, 好好味, 如果要挑剔的話, 吸油可以再好啲糖醋排骨- 個人喜歡酸酸甜甜嘅食物, 覺得個汁有山楂煮, 好鐘意食素鵝 - 係汁煮唔係炸嘅, 味道都唔錯, 個汁有啲八角之類嘅香料味, 都幾香蟹粉小籠包 - 可能唔係季節, 可以skip…Read More

今日同屋企人去開北角, 就嚟呢間食午餐… 呢度以前係海逸軒, 據聞outsource咗星期六特別少人.. 不過最好訂位… 費事白行Btw, 記得免運申請會員，好似有8折定9折..🫣今日雖然得4個人，但係要打包D嘢比老豆食, 所以叫咗好多嘢1） 點心拼盤+芋角2） 咕嚕肉3） 烤乳鴿以下因為太吸引唔記得影相4）籠仔蒜蓉蒸龍躉頭腩飯 👍👍👍👍👍 $198呢個真係好好食, 我母親大人食到讚不絕口.. 連唔食蒜蓉嘅朋友都食咗2碗… 真心推介5）勝瓜魚湯龍躉片👍👍👍👍👍 $298呢個都係真心好食, 龍躉嫩滑, 勝瓜甜, 魚湯清甜, 一個字”正”! …Read More

朋友仔生日, 想去一D特別D嘅地方, 就揀咗呢度…裝修真係靚, 不過有好多枱, 有啲逼食物非常好, 我哋叫咗D Tapas 同2 個main courses 1) 烤八爪魚🐙 - 好軟嘅八爪魚.. 個人覺得D質地怪怪哋..但我D西班牙朋友話軟先至做得好2) 香辣薯仔 - 少少辣, 好香3)croquettes- 好好味D雞肉同火腿好香4) stuffed mushroom - D 火腿有啲油益味3) 西班牙沙律 - salad with tuna, olive, tomato, onion.. 新鮮4)西班牙烤乳豬 - 超超….超超超好食, 皮脆肉嫩😋😋😋5) 西班牙海鮮焗飯 - 好好味… 海鮮新鮮.. 飯香… 有少少燶咗😅甜品都好正，尤其係個心太軟…. 我哋唔係特別鍾意個churro.. 我都係鐘意食油炸鬼多啲 🤣朋友生日預早通知佢哋會響甜品度寫上祝福同埋唱生日歌🤣🤣🤣 嚇咗我哋一跳…Read More

今日同朋友farewell… 見呢度嘢食ok, 人唔多, 環境又幾decent.. 所以揀咗呢度… 今日得4枱… 我哋5個人叫咗好多嘢食🤣1) 粟米魚肚羮 - 有啲住家 feel2) 椒鹽九肚魚 - 好好味3)蝦棗 - 好好味4)方魚炒芥蘭 - 有啲油, 但係都好味5) 蠔餅 - 一般般6) 鵝片墨魚 - 幾好, 但係唔特別喜歡d鹵水味7)兩面黃 - 有啲油8)芋泥 - 好好食服務一流, 食物都幾好！我覺得飲茶好味D… 唯一不滿嘅係個廁所有啲唔係咁乾淨, 有啲霉味… …Read More

今日妹妹生日, 本來想去半島果間日本餐廳… D嘢好新鮮服務好又抵食…. 但係full 咗…. 咁就book 咗聞名已久嘅帝苑四季菊, 順手向cake shop 買埋個蛋糕, 一條龍服務…. 真係有D期待…. 去到望住個餐牌… 唔知叫乜好…. 媽媽又唔食牛…. Omakase d 嘢唔係太啱食…. 單點覺得好貴….咁就叫咗鹿兒島豚肉鍋($680)+天婦羅套餐($1480)+銀鱈魚西京燒($390)…. 同埋因為有蛋糕, 所以亦唔敢叫咁多…. 呢度啲嘢食材新鮮, 但係真係冇乜驚喜…. 我諗我唔會再去… 個豚肉鍋, 鮮味, 但係就好似自己響屋企用鰹魚昆布湯底整火鍋一樣….. 個天婦羅個人覺得唔太掂, 感覺油膩… 個紫菜海膽, 實在名過其實…. 只有天婦羅蝦餅茶漬飯好味… 個西京燒係幾好… 肉厚嫩滑鮮味…. …Read More

今日一個人去完黃埔買嘢… 正在努力諗緊去邊度食午餐嘅時候, 見到九號水產入面呢間豚道樂, 排咗條長龍, 有差唔多十個人响度等緊… 就去排埋一份.. 呢度同日本D拉麵店一樣,有湯底揀, 仲有面嘅軟硬度, 要唔要蔥, 要唔要辣醬…. 我就揀咗星期六日先至有嘅濃蝦湯底, 仲好大食咁, 揀咗第特上即係有兩塊叉燒, 兩塊紫菜, 同埋半隻溫泉蛋.. 碗麵嚟咗之後, 睇落都覺得好好味, 食落啲湯底超濃, 有啲’傑’得滯，但係啲蝦味好香同埋好甜, 超級好食!!! 我覺得可以帶個兜, 將部分嘅湯帶返屋企自己煮麵!!! 另外, 我叫咗一支靜岡綠茶可樂, 味道其實同可樂一樣, 不過係綠色, 都幾得意!!! …Read More

嗰日去開石硤尾,唔知食啲乜嘢好,就諗起以前學校附近嘅南山村冬菇亭, 諗住去睇吓以前嗰間嗱喳麵喺唔喺度。去到發現冬菇亭啲舖頭好多已經收咗鋪，咁我行咗一個圈，就揀咗呢間粥店。呢間粥店個Menu得好少嘢食 — 有粥有腸粉有炒粉麵有油炸鬼嗰啲. 咁我就揀咗皮蛋粥同埋炒米粉. 落咗單之後, 先聽到原來呢度啲粢飯係好出名嘅, 本來想跟住叫, 但係嗰個人已經叫咗最後一舊, 咁我唯有下次先食啦！隔左冇耐啲嘢食就嚟啦⋯⋯皮蛋粥啲皮蛋份量好多，我諗有一隻咁多。不過皮蛋還皮蛋, 粥還粥。應該係煮熱咗啲粥，先加啲皮蛋落去。味道OK，但唔係特別好食!炒米粉都好斷下，味道都一般OK，加啲辣椒醬就都OK。整體冇乜特別，但係環境好有懷舊情調，諗返起以前讀書時候嘅情況，氣氛比食物更重要! …Read More

今日有人死都要拉我哋去D2 place 食omakase. 有D抗拒，覺得食omakase 唔係去茘枝角… 不過佢話好早已經book 咗位同埋係食家朋友介紹就去吓啦去到早得滯要响門口等…好彩有櫈坐，如果唔係大人會發脾氣….我今日揀咗omakase 12件壽司, 大人揀咗鐵板燒餐, 然後另外兩個揀咁omakase 會席料理. 師傅一開始揀魚生,揀好先整Omakase 12 件壽司(好似係$390）師傅今個揀咗間八，右口魚, 池魚仔, 帶子, 八爪魚, 牡丹蝦,赤目魚, 鯖魚, 中toro, 海膽(超超超超甜),銀鱈魚同埋一樣唔記得咗乜(定係佢比漏咗?! 下次一定要數住 )…. 每件處理手法都有D唔同,但又食到魚嘅鮮味…. 鐵板燒餐(好似 $278) 有銀鱈魚，帶子，多士,蔥豬肉卷…炒飯…份量足超好食… 主人讚不絕口… Omakase 會席料理 (好似$680) 有以下:1） 螺2）深海池魚+野生油金魚(獅魚) +鰹魚3）梳子魚+toro, 4）帶子紫菜5）Sushi 6件:右口+牡丹蝦+鯖魚+ 中toro+銀鱈魚+海膽6）Toro+安鱇魚肝飯所有餐都有沙律, 麵豉湯, 咖啡/茶/甜品… 呢啲就冇乜特別….整體來講，幾好食幾抵食,可以再嚟! …Read More

今日同D同事聚會, 佢哋揀咗呢間意大利餐廳… 首先環境一流，係一間有吊燈, bar 枱同梳化位嘅靚靚餐廳… 侍應態度亦係一流… feel 到好有heart…. 入正題喇…. 呢度D嘢食呢…亦真係唔錯..我哋一行人10個食晚餐，order 咗個group dinner set… 😰 sorry 唔記得影相直至到食甜品…3款前菜 - 牛肉他他 (👍👍👍一般般啦) - 焗青口(我哋改咗👍👍👍👍👍好鮮味, 同響歐洲食有得輝) - 蕃茄水牛芝士（👍👍👍👍👍超級無敵好食）2個pasta - 黑松露意粉 (👍👍👍👍👍- 連唔鐘意食黑松露嘅我都鐘意😍） - 虎蝦意粉(👍👍👍 - 鮮味但淡咗D) 2個main course - 燒牛肉有火箭菜番茄伴碟 (👍👍👍👍👍👍👍👍👍👍👍👍👍👍👍👍超超超超好食, 我減肥都食咗5片) - 地中海式焗魚 (👍👍入面有olive, onions, mashed potato, 魚等…我覺得有D太酸同”林”得滯2個甜品 - 意式芝士餅 ( 👍👍👍👍👍👍👍👍👍👍👍👍👍👍👍👍超超超超好食, 我減肥都食咗1/4杯) - 紅莓奶凍(👍👍👍👍好食, 不過冇乜特別) 總之呢餐食到我肥咗少少 🤣🤣🤣🤣…Read More

家人響外地返香港，一齊食吓點心，傾吓偈! 我揀咗質素一向好好嘅嘉里酒店紅糖中菜. 呢間嘢日日爆, 要早一兩個禮拜book..首先今日去嘅時候，我哋有5個人, 佢哋好好, 安排咗長枱放一塊板響中間比我哋… 坐落發現枱面有D食物殘餘物資… 😓心一沉! 點解咁樣…. 投訴後, 佢哋快手快腳清理咗, 同埋say 咗sorry… 咁就算… 衞生今次扣D分! 平日好乾淨嘅之後叫嘢食, D嘢食都係同以往一樣好超班! 樣靚味道好..尤其要讚下佢D XO醬, 超香同多蝦米同瑤柱, 好好味!叉燒燒肉拼魚子帶子餃蘿蔔絲酥餅+XO 醬黑松露素菜餃鮑魚燒賣帶子腸梨型咸水角最後想讚下shangrila集團, 佢哋D服務一向好好, D服務員真心好人同有禮貌, 大家食得好開心! …Read More

果日Lunch同屋企人一行七人去咗呢間嘢… 我哋一心想食正嘅日本嘢… 首先環境係幾好嘅，好好彩佢哋比咗間房我哋, 好開心, 但呢個心情唔係維持咗好耐… 如果唔係果日心情好, 我哋應該會片咗D服務員好耐! 呢間嘢D人態度勁差，呼呼喝喝，講嘢冇尾音….. 其實我好懷疑佢究竟係咪日本餐廳…. 叫嘢未諗到, 佢好唔耐煩咁; 問多句餐牌D食物, 答嘅時候把聲勁衰; 然後紙巾要叫先有; D嘢食嚟到又唔記得邊個叫咗D乜, 亂咁擺; 話咗小朋友要飲水, 又仲係要比杯茶佢… 真係食到一肚氣D嘢食又貴又唔好食:1)天婦羅勁油, 不知所謂!!! 2)銀雪魚西京D肉質素參差，有一舊幾好但有一舊唔太新鮮3) 壽司質素除海膽好鮮味之外, 其他一般, D紫菜係淋嘅😳4)shabu shabu 好一般, D 麵豉湯底冇乜特別; 5) 三式飯分量勁細6) D甜品勁差，抹茶奶凍同芒果奶凍仲衰過响超級市場買果D.. 總之冇下次!!! 唔值咁嘅價錢,同埋冇必要比人呼喝!!!! …Read More

今日又係阿媽突然想去街食午餐…. 周圍D餐廳又滿晒…. 打咗100間餐廳, 終於夜上海話有！ 太高興!搭的士去到Musea, D指示太差, 揾唔到點去, 又同阿媽一齊, 唔可以四圍搵, 真係好狠狽！後來問人, 終於揾到上去嘅電梯… 但係佢個lift 個掣真係大整蠱… 上到去7樓又要落一條樓梯, 先去到餐廳…阿媽塊面黑哂… 去到餐廳又有一條樓梯, 差D嚇死！好彩有㗎輪椅升降台…. 即刻叫嘢食… 因為肚餓, 所以叫咗好多嘢… 大家記得要用佢嘅XO醬, 幾好味1）煙熏鴨蛋 - 冇味道而且鴨蛋好膩! 2）蒜泥白肉 - 好香蒜味豉油都好味3）前菜 - 炸菜… 加入D麵到食好正4） 外婆紅燒肉 - 不好吃! 臭豬味!5)雪菜肉絲兩面黃 - 其實佢唔係兩面黃，係普通炸麵, 不過都幾like6) 蘿蔔絲酥餅 - 正7）香蕉高力豆沙 - 好好味.. 香蕉同豆沙好香, 又唔油…Read More

阿媽突然想飲茶, 周圍都冇位, 突然諗起東來順, 打去試吓, 就有位… 呢度D點心同食物, 可能係就番D 信回教嘅人, 大部分都係雞, 牛同羊… 都有D海鮮嘅選擇…因為屋企人唔食牛, 有D人又唔食羊, 其實都幾難揀嘢食, 好辛苦叫咗較碟嘢: 1) 羊肉卷 - 超”so”….. d肉又一Pat 嘢咁….. 不太吃羊肉嘅我真係頂唔順… 千祈唔好叫!!!! 2) 黑松露燒賣(好食), 蘿蔔絲酥餅(好好好食), 梨型唔記得乜嘢酥(好好食)3) 海參鍋巴 - D海參係豬婆參質素, 味道整得好好, 好天然, 我阿媽讃不絕口，好好食4) 雞肉生煎包 - 幾攪笑！好似自己屋企整咁整體來講, 呢一餐都幾好食(除咗羊肉卷, 千祈唔好叫), 有D驚喜咁啦！…Read More