oohooa's Profile

平時好小寫食評，今次都想分享下，今晚同朋友經過，見到有間細細間嘅粥底海鮮火鍋，朋友話疫情以前好旺㗎呢度，但我眼見得2枱客，好，又即管試下，入到去，店員都好有禮貌，有慢慢解釋有咩選擇，我同朋友選咗藥膳雞海鮮餐，258一位，餐嚟到，店員教點食，首先食雞，再食其他，啲雞真係好滑，好好食，到7款海鮮啦，食得出係新鮮嘢，唔錯，到5款配料，坦白講，有誠意嘅，特別推介牛同個腐碌卷，好食，最後食到個粥，好食到痴線，我食咗3碗，真係好甜好鮮👍👍👍👍當時有個員工同佢傾咗一陣，我估佢係老闆，講到疫情，能夠維持營業已經唔容易，如果再一波，可能都會頂唔順，唉，如果係咁，真係好可惜，有質素嘅小店已經買小見小，2百幾蚊，真係唔貴，我自己比較少入大埔，希望粥地頂得住，我會再嚟幫襯，都會叫大埔啲friend多啲幫襯…Read More