阿邊個's Profile

一行6人，叫咗以下食物:飛天雞 - 其實係一般炸子雞，隻雞大約係700克左右嘅細雞，味道可以，皮都脆嘅，算係唔錯酸菜魚 - 得幾片魚，下面有啲酸菜同水晶粉，味道可以。魚腐浸時蔬 - 得三嚿魚腐，菜份量都可以，湯底係一般味精湯底孖寶H (1) - 蠔有5隻 (好彩咁啱有一位朋友唔食蠔，唔係就唔夠分)，仲有啲蔥，味道就真係一般，唔太推介孖寶H (2) - 鱔應該有一條 (細條嗰種)，味道都係一般糖醋排骨 - 份量少，味道一般白飯3個…Read More

今日一行五人去試，因為試業期間，暫時只有午餐供應味道唔錯，份量剛剛好所有午餐都有三報前菜 - 手拍青瓜、大豆芽菜同埋菜寶牛肉麵 (好似叫清湯牛肉麵)，湯底好香藥材味 (當歸味)，同事話食落唔重口味，而且係藥材牛肉湯湯底，係幼上海麵五香牛肉麵，湯底好香花招八角同有少少藥材味，同事話唔辣但好香，呢個係配關廟麵台式香腸飯，係正宗台式香腸，輕烤過，香腸味道比喺小食店賣嗰啲無咁重口味，係跟肉燥飯台式排骨飯，炸得剛剛好，而且餐廳有椒鹽供應，係跟肉燥飯嘢飲就有綠茶、阿姆薩茶、珍珠奶茶三款選擇 (全部有冷、熱選擇，可以自己寫走甜/小甜/小冰之類，我見佢都有跟足指示做)我本身係排骨飯，$68 (無加一)，好味道價錢亦唔貴，唔錯!…Read More

三鮮炒年糕 - 年糕無炒過，似淥熱年糕之後，就落鑊撈埋啲餸就上檯酸菜煮魚 - 份量少、淡而無味，辣味淡，酸菜味更淡擔擔麵 - 算係合格，相對於上面兩樣嚟講都算好…Read More

話不多說，食評係咁:陳皮牛肉燒賣 - 淡淡陳皮、牛肉味，粉(麵粉啩)味太重，仲差過街邊嘅魚肉燒賣汕頭安蝦九菜粿 - 呢個唔錯，粿面層煎得好脆，裡面嘅韮菜同肉我覺得比例好合適蠔皇叉燒包 - OK，無乜特別九皇原隻鮮蝦刮腸 - 呢個最出事，韮皇、蝦同腸係完全分別(即唔係蝦同韮皇包喺腸皮裡面)，腸...係黐埋晒一PAT，蝦好重雪味，韮菜亦都好明顯係OVER COOK三層桂花糕 - 呢個個味好淡，不過尚算OK台式手抓餅 - 呢個都幾好食，質感似印度薄餅，個味似咸薄罉一口鬆糕仔 - 呢個難食到，連阿姐都話好難食 (佢見我埋單事，唯獨淨低呢個點心喺度無食未食晒)豆沙芝麻軟慈 - 都幾好食，香口嘢，缺點係裡面豆沙太少啦，成塊嘢杯墊咁大，豆沙得個五蚊咁細 TOTAL: $201.0 …Read More

話不多說，當日叫咗 - 安東元祖雞 (半隻) 小辣、燒肉生菜包、炮兵鍋安東元祖雞 ($138) - 下面尐粉一PAT漿咁黐埋晒一齊，個料除咗食到好似鹵水汁+甜鼓油+辣，已經食唔出食乜，半隻雞 (我估佢隨便執夠件數就算)，因為..碟嘢有2隻雞上髀、1隻雞中翼、1隻雞翼尖、半個雞胸 (切成幾份)、一條雞頸，仲有...半嚿上髀骨頭，配生蔥、薯仔、紅蘿蔔、青瓜。 其實算得上係幾難食吓。炮兵鍋 ($88) - 個湯好似辛辣麵開稀3倍左右，麵上到嚟已經淋晒，裡面得幾粒仔午餐肉、半條腸仔，同埋菜菇已經乜都冇。我食完個心就諗起 $128 餐蛋飯 (異曲同工)燒肉生菜包 ($68) - 食最正常嗰個，香香嘅BBQ味 (應該係用BBQ汁調出嚟)，唔辣嘅泡菜，下面仲有半張唐生菜...呀...三樣之中，最正常係呢個。食完勁口渴，我同我太太，兩個人飲咗佢兩支水 (兩支都係全滿，俾我哋飲晒)，再出咗去便利店買嘢飲…Read More

當日叫咗兩個嘢食，一個係芥菜魚腩湯飯 ($38)，一個係雲吞河 ($28)個芥菜魚腩湯飯湯底係用柴魚煲嘅清湯，個湯雖然清，但係個湯味都濃架如果我估錯，個湯飯仲要係即時用柴魚湯由生米煮成湯飯，份量都好夠，食完一個湯飯已經夠晒對我嚟講唯一缺點係太少芥菜 (本人習慣每餐都要多菜)個雲吞河湯底係正宗大地魚煲出嚟 (乜 上不下大 記水準)不過缺點係，佢唔係用中蝦，而係用細蝦，如果換做中蝦會更有咬口河粉量係一般麵檔份量 (唔係乜 上不下大咁...得一啖仔)值得一試。…Read More

之前團購咗個二人套餐($98)...咖哩蟹 - 味道okay，佢係用肉蟹，所以都算得上係啖啖肉 (雖然隻蟹算係細隻)，不過配料都還算多木瓜絲沙律 - 份量太小(兩啖就食得晒)，味道偏淡...粉卷 - sorry...完全唔知食咗啲乜落肚...差到呢...雞柳串燒兩串 - 燒雞肉 + 沙嗲醬 (其實同bbq扯唔上太大關係)以上就係個餐跟嘅野...性價比極低加錢叫咗 (total 163)無骨泰式鳳爪 - 偏淡無乜味道農夫包 - 加喺咖哩蟹度，用嚟包住整份咖啡蟹，無甚特別 (個包算係細size)x辣炒聖子 - 垃圾食品之最，食唔出食炒，得小小辣，同埋小數聖子 (十零隻啩)柑桔青檬梳打水 - 即沖柑桔醬 + 青檸+ 梳打水 (無特別)檸檬茶 - 正正常常一杯茶記檸茶…Read More

自佢開業以來，我都偶有去幫襯呢間野o尋日就叫咗:1. 海南雞飯套餐:海南雞 - 煮得剛剛好，剛剛好熟，無變老到，味道都不錯油菜 - 只得一種菜揀(即係無得揀)，o尋日就係生菜，份量小咗啲囉雞油飯 - 睇落仲以為白飯，食落又有雞油味，問題係飯身超硬超乾 (胃病人士不宜食用)熱咖啡 - 係呢間最大賣點之一 (我個人認為)，應該係用捷x即磨咖啡整，不過整出幾好味 (好過大xx、尾深、乜咖啡...)2. 菠蘿雞絮炒飯 - 飯底炒得幾好食，不過我就嫌菠蘿香唔夠香口 (我估計係因為佢係用平價罐頭菠蘿)，如果用新鮮菠蘿會好好多囉跟餐要咗個渣咋 (呢間野第二個最大賣點，就係可以要糖水唔要野飲)3. 油菜(額外再叫多碟): 跟餐加埋額外再叫先等於1/4個生菜...真係少到呢 (我習慣晚餐食1斤菜芯+半斤肉)…Read More

朋友喺佢地開業無耐就一家大細去咗試食，之後極力推薦要去試吓，o尋日偷懶唔煮飯，所以走去試吓逐樣講吓先:麵包 (配鮮牛油、黑醋) - 個麵勁新鮮，而且仲脆脆地，牛油好鮮味，我太太仲以為係芝士黎，配上黑醋我覺得好有層次感凱撒沙律 - 菜都好新鮮、爽脆，醬汁調配得好好，真係好開胃吓巴拿馬火腿配密瓜 - 密瓜好甜，佢用巴拿馬火腿亦唔會過咸，我將菜(唔記得叫乜名)密瓜同巴拿馬火腿捲埋一齊食...味道係一層一層出黎，再慢慢融合埋一齊，正呀番茄黑水欖銀魚柳簿餅 - 個餅底做得好好，好脆而且夠簿(唔會有似食餅乾感覺)，成個簿餅都好好食，唯一要挑剔係銀魚柳咸咗少少囉三文魚耳仔粉 (全名唔記得) - 一放入口...首先食到嘅係好香嘅檸檬味，之後先食到奶油味道，三文魚煮得剛剛好，無變老，呢個都好正磨菇蓉湯 - 應該係將磨菇煮熟隔水打蓉，再加上忌廉等打埋一齊，入口就好似有一堆磨菇湧入你個口裡面，感覺超正芒果千層 - 我本身唔鐘意食蘇皮，因為怕油淋淋感覺，不過呢個又唔油喎，佢個cream整得好好食...感覺好fresh，而且幾開胃雲呢拿雪糕配心太軟 - 至鐘意食心太軟配雪糕，兩樣野一齊放入口，同時感受到凍同暖嘅感覺，我貪得意將裡面啲朱古力醬同雪糕撈埋...即時變硬，可見其朱古力濃度 (有啲hea嘅店舖整出黎嘅係唔得)二人餐，8樣野，其實夠3個人食價錢係298 + 10% 我覺得物有所值，物超所值尤其係喺黃大仙區附近只有鑽石山一個商場，賣hea式西餐講真...價錢計落hea式西餐仲貴過呢間野囉…Read More

點咗以下食物:蕃茄牛肉烏冬($50) - 蕃茄得1/4嚿，蕃茄湯底就okay (似羅宋湯嘅味道)，牛肉幾靚...不過得幾片嫌太少，烏冬都係得幾條 (我諗大約係1/3包烏冬咁上下)金菇肥牛卷便當伴白飯($65) - 金菇肥牛幾好食唔錯，不過白飯小咗啲囉，個便當連我太太食完都話唔夠飽吉列炸蠔($38) - 呢個係咁多樣野之中最正，炸得剛剛好， 5隻炸蠔份量算唔錯 (以價錢計)糖心蛋($12) - 呢個就真係麻麻啦...隻蛋係凍、硬、乾服務方面:差 - 檯面乜野都冇提供，要乜都要叫侍應俾，搞到茶又要叫一次，七味粉又要叫一次，牙籤又要叫一次，最後又要叫多次買單差 - 職員態度都幾茶記feel差 - 份量太少，味道一般，仲有隔夜feel差 - 環境都幾劑迫 (旺角太子區店舖通病)讚 - 吉列炸蠔算係抵食兼好食 (可能因為其他都唔太好食)讚 - 店面都算乾淨，不過檯面有啲黐淋淋…Read More

朝早9點幾單咗個輕盈早餐食牛角包 - 好脆仲暖暖哋，唔油膩，好好味呀，有陣牛油香味 (我一向唔鐘意食牛角包/蘇皮之類)烚蛋 - 烚得剛剛好，拎出黎時溫度剛剛好，唔會熱到拎唔到，又唔會凍咗 (蛋黃無黑邊，簡直係完美)香腸 同 茄豆 - 呢兩樣唔多介紹啦，同一般無乜分別奶茶 - 係正宗英式奶茶，非傳統港式奶茶 (可惜係因為我發緊燒無緣一試個咖啡)真係無諗過會喺紅磡廣場食到啲咁好嘅野 …Read More

話說之前團購買左任食brunch，昨日終於就到時間去食勒食物種類大約有30款左右啦，一行五人全部都有點來吃總括而言樣樣都燒得好好食，食物燒到恰到好處唔會有唔熟/生/凍嘅情況亦唔會有過燶/熟等情況order左嘅野亦全部上齊晒，無話拖order或者有任何甩漏(任食/放題最常見嘅情況呢度都冇出現)唯一可惜係無包埋野飲 (汽水$10罐)唔係就正晒咯 特別推介係大蝦，真係用原隻大蝦燒唔係用其他次等貨代替牛、羊、豬雞都好嫩燒得唔錯我平時好少會食燒雞扒，因為怕燒得過火個心會韌，不過佢又燒得好好喎...下次單點我都會叫反而我覺得茄子就遜色左啲可能係因為唔係原條燒，係切片啦任食之中，無左我平時都會點黎食嘅菠蘿同粟子...可惜埋單每人$110.00 (88團購 + $10汽水 + 10%服務費)下次有團購我都會再買…Read More

話說，17號做冬，8大3細去左富臨食飯我地book左頭圍 (6:30入席)去到先知得ABCDE餐 (5個套餐)，無散菜叫 但係有老人家係食素菜...所以當晚只好叫老人家屈就 一直到8點其實都冇用人但係佢地打從一開始已經大混亂上菜次序全部錯晒 (一開始就上翅...)餐具污糟到爆炸 (仲黐住啲肉、飯、菜汁...)食評:蟹肉花膠魚翅 - 味道似碗仔翅、唔多熱 (微暖)、蟹肉係急凍拆蟹肉、花膠&魚翅我冇見到有喎燒味併盤 - 最正常嘅餸菜白汁炸蝦伊麵 - 個粉醬好唔掂，明顯唔係用炸炒脆醬開，白汁好難食、神奇係上檯時蝦係熱，但係伊麵係凍 節瓜候柱甫 - 節瓜生生地、候柱無味道，生菜係唯一又熱又熟味道又正常鮑片冬菇生菜 - 簡單形容係: "得蠔油味"炸子雞 - 呢個味道okay、皮夠脆，問題係啲肉好勒...我諗拎去做手撕雞會好啲lor蒸大斑 - 蒸過左龍...老晒生炒糯米飯 - 我無食，因為我一見到鼓油白飯相間 (即係鼓油炒都未炒得勻)已經無興趣食杞子桂花糕 - 桂花味okay，不過似啫喱多過中式糕點…Read More

話說一行24人，訂左檯去呢間食點知...去到佢居然俾左我地兩圍檯俾其他人我地24人變成坐兩張細圓檯 仲要搞左成15分鐘先俾到檯我地叫左好多點心食不過呢間分店真係無其他分店水準咁好感覺上只係似唔係大集團嘅酒樓水準牛肉球 - 落太過多梳打粉腌啦，食到脷都痺埋 凌魚球 - 又係落太多唔知乜野粉，搞到好似浸左膨沙嘅魚蛋 燒賣 - 放得太耐個皮爛爛地，而且上面我諗原本應該係有蟹籽 (我見個面橙橙地色)，但係無晒，而且...仲已經唔多熱三色糕 - 變左酸 椰汁糕、粉果、韮菜餃、 - 正正常常，OKAY牛腸、蝦腸 - 一般般，最大問題係凍左蝦餃 - 爛皮、凍鳳爪 - 味道正常，不過都係凍晒仲有食左好多點心...不過只記得咁多呢間美心究竟係唔係真正美心黎架…Read More

星期六晚一行三人去食呢間野6點鐘去到，裡面已經無晒位(應該係俾人book晒呱)我地唯有坐喺出面我哋點咗...四寶茶 - 呢個個味道唔特別，基本上只飲到普通茶業味話梅四季豆 - 呢個係冷盤黎，起初食面嗰啲食唔到甜華梅味...係食到中間左右先開始有 (相信係因為梅汁已經落晒底有關)天綠香干 - 都係冷盤，係韮菜豆腐乾粒(加麻油)，呢個都幾得幾好食，帶麻油香味而且爽口南瓜白雪 - 即係南瓜賽螃蟹，作為素食其實都幾好食小籠包 - 皮簿湯多，不過就未免太易穿底擔擔麵 - 一般啦，好香花生醬味，麵身亦煮得剛剛好，無硬生或太冧上海菜飯 - 菜粒有點過大...如果切得再細啲會好啲，而且佢個菜飯係用單一種菜，所以亦無乜特別呢間野都唔錯，我應該會再翻轉頭 …Read More