1204isagoodday's Profile

我今日自費嚟試咗新開業嘅殿大喜屋日式放題，體驗真係好豐富💥🔥🔥食嗰陣係星期六，每人都係$368 加一！其實都幾抵食，仲要環境唔錯，喺帝京酒店上面👍首先，魚子醬新鮮彈牙，好滑又香，每粒都好鹹鮮，啖啖都係海味滿滿！三文魚刺身好鮮美，肉好嫩，一食入口即化，有啲淡淡油脂味，仲有淡淡海鮮味。最令我有驚喜嘅係花膠！好滑好軟，入口即化，同埋個燒蝦，好鮮甜多汁，燒得啱啱好，保留住啲鮮味同彈牙口感，每啖都係蝦嘅香甜味，仲有啲炭燒香氣。再食埋個蟹粥，好濃郁滑嫩，蟹肉好鮮甜，粥底濃稠鮮美，有濃濃嘅海鮮味，每啖都係滿滿蟹肉味，真係好令人回味！😋整體而言，殿大喜屋提供嘅食材質素高，選擇多樣化，係一個值得一試嘅日式放題餐廳。強烈推薦魚子醬、三文魚刺身、花膠、燒蝦同蟹粥！🫶🏻😋…Read More

Why rest is so important? Rest isn't about being lazy, with so many of us city people working long hours to keep up with an ever-growing workload, it’s time to a rest. Like this cafe, Rest, giving an notable impression of relaxation, a scene of a beach vacation and a sense of artistry. We ordered three cups of beverages with several coffee beans. Brazil Sino Francisco Natural brewing Iced Americano, giving a creamy and sweet flavour of almond. Ethiopia Guji Walichu Natural brewing flat white, giving a floral taste. Last but not least, a cup of cold-brew floral tea. To be honest, it’s kind of luxurious to spend over HKD 100 on beverages. If you ask me if it’s worthy, I’d say having a good drink when you’re thirsty and suffering from work fatigue, it’s totally worth it.…Read More

呢日突登約左個女仔朋友出街，帶佢去依間由餐廳裝修到食物都咁少女嘅cafe到食lunch就啱晒，我地兩個人，一人叫左一杯野飲、一份意粉，仲有一個甜品，我地試左佢嘅明太子意粉 (Mentaiko Spaghetti with Cream Sauce) $98，好多明太子，又好creamy，但味道略為鹹，甜品叫左一個窩夫，香草冰淇淋鬆餅 (Vanilla Ice cream Waffle) $85，個雪糕有好香濃嘅vanilla味，又唔太甜，但窩夫就似乎焗得有啲耐，有少少硬同深色，啲cream又太甜，所以都係一般般，反而飲品我就好推介，值得又黎試下，我今次就試左依個玫瑰荔枝氣泡飲 (Rose＆Lychee Soda) $45，好香玫瑰味，同荔枝味好夾，又有果肉，整體唔太甜，好好飲，朋友就叫左個鮮果葡萄柚氣泡飲(Grapefruit Soda) $45，酸酸甜甜，我試左一啖，都好好飲，好似好多野食咁，但其實食完又覺得啱啱好，可能我地好肚餓掛。…Read More

之前跳舞間唔中都會黎豆漿大王食晚飯，佢地嘅豆漿、粢飯係招牌菜，今次食一定要食翻個粢飯，仲要叫左多肉鬆，叫左個上海小籠包，但因為係好新鮮，要即刻蒸嘅，所以要等15分鐘左右，（太肚餓所以食左一個先記得影相，其實有四件的）之後我地叫左個酸辣麵，有少少辣，唔知點解有好大陣泰式辣醬味，不過都好味嘅，之後仲叫左個酥炸雞翼，一碟有四隻，炸粉較薄，但略為鹹左啲，不過我地飽到都食唔晒，最後壓軸介紹嘅係鹹豆漿，好好飲架，仲好飲過普通豆漿，佢入面加左蔥花、蝦米同埋好多塊油炸鬼，超好飲，不過我地最後都有再叫多個凍豆漿，食得太多鹹野，要解下渴。雖然食物整體都好好味，但餐廳環境就略為污糟，座位都比較逼夾，如果介意就真係要考慮一下外賣，因為依個係late lunch，所以係下午茶餐時段，非常抵食，埋單先至係$117，整體而言十分推介。…Read More

辦公室內慘白的光管整天亮著，根本察覺不到辦公室外泛黃的街燈早已亮起，天早就黑了，一月的日照，真是短呢，想著想著就下班了，孤獨的日子，幸好還有朋友和美食等待著我。好啦偽完文青，上回提到食完麻辣野，跟住落嚟就去食甜品，去左一間叫Modos、專賣雞蛋仔嘅檔仔，我哋一人食咗一個粒粒朱古力雞蛋仔，買單都要$20幾，加埋嘢飲就$30至$40，雖然唔係真係咁抵，同埋識食雞蛋仔一定去新蒲崗食，但係咁啱經過咪消費下囉，因為掃街都係想食多幾間唔同嘅餐廳、食物，所以今次就冇得食埋佢地果個雪糕雞蛋仔，見到都好想食，推薦大家個胃仲有空位就試下個雪糕雞蛋仔啦，今日嘅禁堂食掃街記～完。…Read More

我們長大了，時代變了，朋友圈子變了，還記得當年青蔥歲月，第一次和朋友mmkk去去旺中留連整天，到了黑夜仍不願歸家嗎？旺角中心，今天與昔日的印象，好像沒有什麼變化，仍然是每個人那mk年代的代名詞。好啦偽完文青，又繼續去食野嚕，之後我地上左二樓食麻辣野，冇錯就係川婆婆，其實依間係全香港都有幾間分店，旺角有、尖沙咀同銅鑼灣都有，之前都食過佢地嘅米線，都幾好味架，今次我地試下佢嘅小食，我地叫左個紅油抄手同麻辣皮蛋，但點解紅油抄手係熱嘅仲要放湯嘅？好啦，識食一定係要食完個皮蛋再將啲雲吞一粒一粒咁放落去皮蛋個汁度降溫，之後再飲返紅油抄手啲湯。雖然全部都好想食，但因為掃街我地冇嗌好多野，食到有啲飽，行過去食甜品嚕。…Read More

前幾日病左，但一路病一路好想食炸野，尤其係鹽酥雞，可能因為要戒口有一排冇食到依啲熱氣野，所以超想食，咁啱有日係葵芳附近收工，咁就同同事去葵涌廣場睇下有咩好食，食左檔鹽水雞之後就上左三樓，見到依檔繼光香香雞即刻眼前一亮，係我期待左好耐嘅鹽酥雞呀，我地叫左一份鹽酥雞同一份塔香百頁豆腐，分別係$28同塔$18，個鹽酥雞係即炸嘅，炸粉唔太厚，肉汁都好夠，幾juicy，但係啲調味粉有少少鹹，咁多間鹽酥雞黎講依間都算幾唔錯，至於個百頁豆腐，味道就偏淡，可以中和下頭先啲鹽酥雞，整體黎講都幾好味道，去葵廣掃街可以試下依間。…Read More

要不是今夜出走旺中，目睹街頭巷尾擠擁得肩擦肩，我無法想像旺中可以容得下這麼多人，我無法相信香港可以容得下這麼多人。好啦偽完文青，要入正題啦，今晚我地出左去旺中掃街，試左三間小食，第一間係炸物，我地叫左個炸洋蔥圈同炸雞軟骨，炸洋蔥圈入面包左啲雞肉，不過都係急凍果隻，炸雞軟骨幾爽口，炸粉嘅量啱啱好，最重要係夠抵食，我地仲去左旺中其他地方掃街，雖然全部都好想食，但我地冇嗌好多野，其實掃街都係想食多幾間唔同嘅餐廳、食物，所以今次就冇得食埋佢地果個拉絲芝士條，好似好好味，唯有等下次。…Read More

放假同朋友朝早去行紅香爐峰之後就搭車落翻銅鑼灣行下街，再去柏寧酒店食下午茶自助餐，但講起食依間自助餐，事情就要回帶到一個禮拜前，我同朋友都突然好想食自助餐，但全香港咁多間酒店咁多選擇，最後都係決定平平地試下柏寧酒店嘅自助餐。依間酒店嘅自助餐係official website 訂位會有八折優惠，但只限兩人以上訂位。先講講環境，我地係PLATY餐廳到食嘅，餐廳嘅裝潢以工英倫工業風為主，一面牆身有幅以塗鴉噴漆繪畫嘅名畫，整體都乾淨，唯一缺點係太多人，出入攞野食都有啲碰撞，比人踩到兩次，同埋座位有少少逼。食物質素方面，食物都有好多選擇，有龍蝦、生蠔、煎鵝肝、各種沙津菜，又有中菜點心、日式刺生、韓式炸雞、土耳其薄餅、印度料理等，仲有雪糕、甜品，好開心，有麵包布甸，整體都唔錯，有水準，又抵食。…Read More

今日工作晏就經過深水埗，就同同事一齊試下呢間好出名嘅素食cafe，竟然唔使排隊喎，好難得，我地真係好好彩，我地一入去就即刻可以落單，等左一陣就有得食，我地叫左個三色螺絲粉，仲有不可能漢堡（芫茜版），再叫左一杯Iced Americano同Hot Latte，其實素肉都唔係第一次食，但咁好食嘅素餐真係第一次，而且個漢堡包同個素肉又好夾，加上今次試依個不可能漢堡係特別版，加左我最愛嘅芫茜，仲有個炸黃蕃薯條做伴菜，係我最愛嘅炸野，真係perfect，但個螺絲粉就普普通通。素年雖然價錢有小小貴，不過一定會encore多幾次。…Read More

成個禮拜個腦淨係諗住食日本野，我講緊真係食食間日本野，其實我想試好耐架啦， 佢地個角切魚生丼真係幾抵食，午餐價先係$88，包一杯野飲，又有個一碟仔青瓜沙津，（雖然坐低睇menu見到個咖哩吉列豬蛋飯又好吸引咁，但同事話食過覺得有啲鹹）碗角切丼有三文魚、油甘魚、玉子同玉子燒⋯⋯同埋爆多蟹籽，一切都好完美，但如果個碗可以大少少就好啦，哈哈，一邊食一邊好驚啲魚生蟹籽跌到周圍都係，食完個魚生飯飽到OT個陣連零食都冇食，直落收工，到收左工都唔肚餓呀，真係唔誇張，依個lunch set超飽肚又抵食。角切魚生丼 $88…Read More

咁啱今日放假陪屋企人去深水埗附近診所睇牙醫，上網見到呢一間一直好多好評，一於今日試下！ 去到啱啱好唔使等位，一落單唔夠10分鐘啲嘢食已經到齊 啱晒專登出嚟搭車肚餓食飯嘅我哋！ 我哋地鐵站A2出口行6分鐘就已經到，位置唔算難搵，餐廳個環境都尚算舒服有格調。佢有個QR code俾我哋用電話上網scan嚟睇餐單，我哋叫咗一個意粉一個沙律另外加咗$12試佢嗰個黑糖玫瑰奶茶。果然冇失望，奶茶味道一流，d野食都好好味，呢間餐廳咁多好評係值得嘅。最後買單唔使+1 $120 抵食 值得推介！…Read More

星期六放工之後就去左佐敦撐枱腳，試左依間做花膠料理嘅餐廳，本身對花膠冇乜興趣，不過見呢間裝修幾靚，所以試吓，依間嘅午市都幾抵食，我地點左個花膠話梅豬手飯，依個飯就有幾塊花膠，我地再點左個花膠肉燥龍利柳飯，但依個飯嘅花膠就同啲肉燥融為一體，變左一粒粒，整體都幾好食，同埋幾飽肚，跟餐有湯又有野飲，湯係普通例湯，比較特別係叫左個花膠檸檬柚子蜜，其實個味係普通檸檬柚子蜜，因為花膠本身都冇味嘅，都係貪過癮先試吓啫。花膠肉燥龍利柳飯花膠話梅豬手飯花膠檸檬柚子蜜…Read More

今日去左大名鼎鼎、有好多好西食嘅厚福街入面嘅鳥語 Floom Floom，富士山黑豚肉咖哩飯，打卡影相就好靚，但味道一般，咖哩味好淡，汁唔夠、飯太多，而身為一個中意食青醬嘅人，依個柏士圖青醬雪糕海鮮意大利麵都令我有少少失望，意炒嘅汁一定係太淡，而且青醬唔夠味，太多cream，加埋個雪糕筒，整體有啲唔夾，最後我都點左一杯熱朱古力，面頭有一粒狗仔綿花糖，味道不怎麼樣，略甜，但狗仔綿花糖好可愛，依間餐廳嘅食物打卡影相係幾靚嘅，不過你問我下次會唔會再去食野，我就不了。富士山黑豚肉咖哩飯 $118Fujiyama Curry Kurobuta Pork Rice柏士圖青醬雪糕海鮮意大利麵 $138Pesto Floom Floom Seafood Pasta熱朱古力 $45Hot Chocolate…Read More

After we took the ferry from Peng Chau, we arrived at the Central Star Ferry Pier. The dessert bar is located on the ground floor at pier 7. The flavors of gelato change every day. And luckily, today it serves the White Rabbit Milk Candy flavour, which is the flavour that I always wanted to try. This gelato is made with dissolved pieces of the iconic White Rabbit candy. The milk-candy-flavored ice cream has been a craze that's been sweeping America ever since its launch. Despite the cold weather, this gelato store serves tasty ice cream and desserts and it's definitely worth a try.…Read More