Fancylily123的个人专页

有一次行過呢間餐廳已經被佢既裝潢吸引住, 因為真係好有日本風味。於是聖誕節假期就一家大細去左試下呢間新開既居酒屋。果晚我係推住BB車,店員好細心咁幫我安排左一張比較闊落既枱, 非常抵讚, 可惜餐廳既座椅略嫌坐得唔夠舒服。我自己好鐘意用QR code落單, 夠哂方便!豚之拼盤$298 ---　豚肉串有d乾身, 反而煮物既豬肉好入味, 夠哂淋!水牛芝士條 -- 唔錯!刺身拼盤 - 我最怕會腥既海膽都合格!鰻魚飯兒童餐 - 呢一個set係令我最驚喜! 基本上食物都係小朋友喜歡的配搭總括黎講, 我覺得食物質素好一般, 而價格偏貴!如果大埔/太和區黎講, 會有更好既選擇…查看更多

今日一早同小朋去去左觀塘既playroom玩, 玩完1pm 就搵地方食lunch。對於觀塘完全唔熟悉既我, 即刻問下o係附近返工既朋友有咩好介紹，當我同佢講完我想食西式野後，佢就二話不說介紹左呢間餐廳比我！當日星期六去到因地方夠大, 所以仲有好多位唔洗等。坐低唔洗5分鐘就決定要叫兩個lunch set– 燒春雞 & 安格斯牛肉漢堡個餐一黎到即心心眼, 因為份量都幾大, 同埋好豐富! 我同老公分工合作, 我切burger佢切雞, 佢一路切一路話聞到好香! 食落口雞肉好嫩同埋好juicy, 讚!而個漢堡因為實在太大, 只能分開幾層切黎食, 芝士配牛肉真係無得輸, 整體黎講, 食物既分數都幾高, 但可惜最後order左杯餐飲熱奶茶非常難飲! 好似加左勁多水, 又冇茶味, 扣哂分! …查看更多

星期日行下大埔一田，到3點零鐘果陣心血來潮想食個tea, 突然醒起大埔超級城開左間船皇，即刻行過去食。去到約3:30pm, 眼見只坐左3~4成客人，大把位隨便坐，我同老公純粹想食少少野，所以只order左一碗麵試下。一係唔叫，一叫就緊係叫佢個$58船皇湯麵 (牛腩+牛肉片+牛肉丸+雞絲+雞翼+豬肉+豬肉丸+豬潤)，因為可以樣樣餸都試下。先講d餸先, 值得一提既係碗麵係有一塊牛肉片，比錢果陣店員會問我地要唔要+$1轉和牛，咁見$1咁平就加黎試下啦！食落去都算有牛味, 加$1一值得既。其次係炸豬皮, 一開頭我好驚佢會淋, 好彩食落口仲脆卜卜, 合格! 而其他餸就一般般不過不失啦!至於個湯底反而有驚喜, 佢有少少杰, 幾濃, 唔錯!金邊粉軟硬適中, 索哂d 湯好好味!總括黎講價錢同質素成正比, 值得一試!…查看更多

上個月試左呢度既BBQ後一試難忘！約左大女幾個同學仔一齊黎呢度燒野食。交通其實好方便，75K汀角站一落車行去對面馬路就到。我地大大話話都成20人，大約5pm到達，唔算多人，職員任我地自己揀個靚位，揀岩就幫我地set位開爐爐都未set好，幾個豆丁就出哂去玩彈床佢有兩個充條滑梯，一個高d一個矮d, 小朋友放電真係一流！BBQ我地每位加$10 加左個串燒，有個細爐放枱面燒得快好多，而且串燒款式好多選擇！我最欣賞就係佢既*雞腎，雞翼，魷魚*, 好入味！入場每位包一罐飲品，唔夠再買都唔算貴。我地5pm入場基本上燒到11pm佢都唔會趕我地走，非常抵玩。…查看更多

自從朋友圈大家都有左小朋友後，越黎越少約出黎食飯，因為要搵一間可以容納到咁多個小朋友而又可以食得安落既餐廳實在唔多。但有一次經朋友介紹，第一次試呢間親子餐廳後就愛上左佢！因為大人們終於都可以安心咁放低小朋友去遊戲區玩，然後自己慢慢燒！一入門口已經見到一大個波波池同埋滑梯，果度有個職員會坐係門口睇住，雖然佢地唔係負責湊仔，但佢地如果見到小朋友有咩唔妥都會主動同家長講返聲，呢方面我覺得佢地做得幾好佢地仲會主動幫小朋友揀韓國試穿，即時覺得好有feel食物方面我覺得中規中距，每個小朋友都有一份兒童小食，小朋友見到好開心不過另外order既兒童餐略嫌有d貴，不過老實講小朋友黎呢度都唔係主要食野…查看更多