channly's Profile

唔知最近係咪轉咗手，樓面同廚房都好似唔同咗人🤔基本上嚟親匯景我都會嚟食佢個豬頸肉喇沙米粉❤️鐘意佢用新竹米粉，喇沙湯底又香。但最近幾次叫米粉，都出錯係米線，仲要個米線勁淋，等咗勁耐先有，同以前出餐快、靚、正，相差好遠！次次比錯米線我都好無奈😮‍💨豬頸肉之前係厚切，燒得香脆又juicy 😃而家係薄切仲要比較柴😥成個lunch 都係聽到廚房兩個阿姐激烈嘅交流⋯又問樓面哥仔枱面張單出咗未⋯唉⋯睇嚟我都係要搵定下一間嘅匯景飯堂了😢可惜可惜⋯…Read More

終於有機會來到咕嚕啦😃由於勁肚餓又想食菜、立即點了個咕嚕啦牛肉麵（幼麵）加娃娃菜和熱的招牌復刻奶茶。牛肉麵一到即嚐湯頭，走偏甜路線，再倒入配菜的酸菜，感覺湯頭平衡了一點。牛肉很腍而且大塊，還有紅、白蘿蔔，麵身爽口，麵量適中～ 熱呼呼的幾口湯和麵，很滿足😌娃娃菜超級大碟！足足有半棵菜！菜上面肉燥的份量也不少（忘了拍照），雖然$32，但份量撘夠！建議二人食用較好🥳至於杯復刻奶茶，感覺奶精味偏重，茶味亦不濃，就不是我口味了⋯…Read More

觀塘區可以吃喇沙的地方不多，在這裡看到食評一面倒的好，帶來了希望，決定來試試！由於想吃海南雞，也想吃喇沙的關係，午餐決定點了海南雞喇沙和薏米水，一次過滿足了兩個願望。喇沙可選滲滲，亦可選擇米線或米粉。午餐一到先試試湯頭，不過不失，很合我這種不能吃辣卻又很喜歡吃喇沙的人，但卻缺少了喇沙應有的椰香味，湯頭不算濃郁也不厚，總覺得差點什麼似的，有點失望。相反，海南雞十分出色，雞肉滑而香。下次再來，我定必會點海南雞飯！…Read More

一向喜歡吃 croissant, 喜歡它酥脆香口的感覺。途經當文歷餅店，見到它誘人的賣相，決定一試。選擇了almond croissant and DKA(當文歷的著名酥餅），並配上一杯cappuccino 。說實話，這個croissant 一切開，外面雖然鬆脆，但裡面盡是椰絲，與一般西式的croissant 有異，口感也一般。整體來講，量雖大，味道卻一般只有椰絲的死甜，吃著吃著，我也曾懷疑自己是否正在吃雞尾包⋯而DKA 並不鬆脆，咬下口感較淋，亦感覺oily,倒是蠻失望的。今天最滿意的，大概就只有杯cappuccino 而己。…Read More

想搵台灣嘢食，見到之前啲食評咁好，一於走上嚟試吓！一人食仲可以坐bar台，最鐘意呢種安排～Lunch set 加錢（好似$15）點咗半筋半肉紅燒麵，啲筋肉好腍勁入味，份量都ok, 絕對唔會係得兩塊肉同細細碗。啲麵又滑又掛湯，個湯底飲得出完全無味精，無死咸仲有牛肉嘅甜味！我覺得個湯底同啲肉都比同區嘅其他台灣食店好！我一定會encore 再食，又或者下次試埋啲飯～另外再加咗滷蛋，咁蛋就一般不過不失，又唔算係特別入味同印象深刻。至於杯珍珠奶茶，我都幾鐘意個茶底，偏濃珍珠係大粒較QQ的口感，飽肚感十足❤️食物同飲品都高質！！…Read More

咁啱出外工作又到放飯時間，第一次嚟駱駝漆工廈，發現原來呢度真係好多嘢食！今日揀咗呢間日本野因為見到openrice 都好多好評，一於嚟試試叫左是日午餐- 油甘魚帆立貝牛油果飯跟set 前菜有沙律🥗、味僧湯、仲有飯後甜品雪糕沙律ok,味道唔錯味僧湯足料，唔係行貨是日午餐刺身方面新鮮，自家製牛油果醬撈埋落個飯度都好好食😋雪糕我揀咗海鹽味，一打開係海水藍，賣相一般，而呢個味道就真係一般🙈因為完全唔知自己食左乜⋯…Read More

點了個牛肉飯套餐1）前菜- 芽菜白烚無味，kimchi 無味2）湯 - 好咸3）牛肉飯 - 牛肉勁老、超級「鞋」口，只有甜味汁嘅味道賣相一啲都唔吸引，仲衰過去茶仔食碟頭飯，$53套餐但份量勁少，都唔緊要，連湯都漏到個盤都係！個樓面阿姐落單又唔見佢，出菜又唔見佢，要自己起身出去同佢講煮好咗麻煩拎出嚟😡除咗個老闆係韓國男人之外，我睇唔到呢一間係韓食店！無heart 煮又無heart serve, 真係唔會有第二次！！…Read More

第一次食素食茶仔，選擇比我想像中多！今次試咗沙嗲牛肉炒蛋+蕃茄湯螺絲粉沙嗲牛肉味道唔錯，無乜平時素食扮肉果種味，沙嗲味調得唔錯，感覺似食緊平時茶仔嘅沙嗲牛一樣～蕃茄湯底好好食，勁夠味！而且飲晒成碗湯後一啲都唔口渴，證明應該係自家製無落味精，正！我會因為呢個湯底想再嚟食多次😎另外想講吓啲姐姐，佢哋好有禮貌又親切，見好多熟客都返轉頭食而佢哋都認得，感覺佢哋好開心多啲人嚟嘗試素食～下次再嚟開呢頭都會想去試埋其他食物😋…Read More

純粹見沙灘旁有間餐廳幾靚，室外座位環境好好，但奈何始終怕熱🙈所以揀番室內坐。座位與座位分隔距離都遠，食都食得好安心。室內環境燈光浪漫且較寧靜，侍應態度良好又細心；我地叫咗兩個set dinner 另加生蠔🦪 - 個法國生蠔好鮮甜！Set dinner 中唯獨湯較遜色，其他例如沙律、主菜甚至甜品都甚有驚喜 - 味道同質素都比想像中好，原以為係港式西餐廳寄望不大，但整體上不論服務態度、環境氣氛以及食物味道都中上，可以的話都會想encore 多次！…Read More

誤打誤撞去到龍珠島，入島前途經呢間餐廳，外面望落去感覺唔錯，好似去咗外國小鎮啲餐廳仔，就決定晚餐在此，好好享受。當晚全場waiter只有兩位，但服務態度良好及上餐速度都頗快。我哋叫咗兩個set dinner, 分別係牛扒同羊架。另外仲叫咗半打生蠔🦪兩種生蠔都唔錯，一隻係creamy d, 另一隻海水味重啲同爽口啲，不過就唔記得係叫咗咩種類喇🙈前菜個薯仔沙律都唔錯。是晚餐湯係意大利菜湯，足料，味道幾好。整體來講羊架唔錯，外面有酥皮，羊架肉淋有羊肉味，叫咗五成熟都啱啱好。…Read More

入到大澳，少不免當然要食蝦乾、蝦膏之類嘅餸菜，先會覺得不枉此行。見到差不多每枱都叫招牌菜 - 籠仔飯當然都要點啦！由於得兩個人，可以點菜有限，我哋叫咗：籠仔飯 - 好香咸香味！蝦乾、魚仔乾加埋個蒸飯簡直一流！唯一美中不足係唔太覺太荷葉香氣同啲飯比較硬身少少🤏小炒王 - 正！炒西芹蝦乾魚片腰果等等，不油膩，夠鑊氣！用嚟送啤酒最正！蝦膏蒸肉碎豆腐 - 結果除咗肉碎仲有豬頸肉，豆腐同肉都蒸得好滑！用嚟送飯相當唔錯！值得一提嘅係：姐姐們服務態度良好，又會定時幫你添茶，上菜速度快，收碗碟時都會禮貌問聲是否食完，可否收碟 - 我覺得出面茶仔都無咁好嘅禮貌啊！…Read More

鋪頭樓面四正，乾淨衛生，一入座即有哥仔送上熱水浸住餐具，招呼不錯，落單快捷。點了安格斯牛肉船湯金邊粉 牛肉：上枱時處於生牛狀態，埋在熱湯中慢慢變熟；肉質偏稔，但無牛肉味。金邊粉：爽口，不錯不錯！船湯：第一啖甚覺味濃，正！再飲多幾啖，發覺越來越口渴，甚至覺得「確喉」⋯唔知師傅今晚係咪重手咗？由於無叫飲品，只好快快食完，再到附近超市買咗支椰子水解味精解鈉- 唔係講笑，我真係飲番500ml 嘅椰子水先無咁口渴同「確喉」⋯…Read More

純粹行經海港城而又想食拉麵，八點左右見間鋪唔駛等位而又係米芝蓮，就一於去試吓啦點咗醬油白玉叉燒拉麵 🍜首先見到有黑松露 - 一股香氣撲鼻而來 先嚐湯頭，比較清淡，雖然一開始會被黑松露嘅香氣蓋過，心諗個米芝蓮個銜頭唔係因為落咗黑松露呀嘛？後來越食，越覺得個湯頭清淡得來有溫醇嘅感覺，呢種感覺似乎喺其他舖頭嘅醬油拉麵搵唔到。好欣賞個麵質，爽口彈牙，就算食得慢，都完全唔影響個拉麵會變淋最後講講隻雞蛋同4塊叉燒隻糖心蛋相當唔錯，亦非常入味叉燒片偏薄亦偏瘦，但絕對唔「鞋口」總括嚟講一碗拉麵要大概$130實屬偏貴但整體味道同麵質相當不錯，飲完湯整晚都無口乾，覺得湯頭應該無味精，真材實料:)…Read More

見奧海城有新開店舖，不如就入去試吓啦！呢間鋪，試一次便夠！我叫咗個一口和牛定食，朋友叫咗個豚肉拉麵。首先，我個定食嚟咗，我食到一半嘅時候見朋友碗拉麵未到，見隔離枱遲過我哋落單嘅吉列豬扒定食都到咗，我就決定追一追單，位侍應姐姐就話幫我跟一跟 。佢去到廚房門口問：仲有碗麵呀！廚房回：吓？侍應姐姐笑住答：你唔知咩？跟住行過嚟回我哋：嚟緊㗎喇！到隔一陣，我都食完喇，位侍應姐姐仲嬉皮笑臉叫入廚房話：人哋食完喇，你出得未呀？（其實當時餐廳唔多人，基本上佢講完果句全餐廳都聽到）講完態度，講番食物。個一口和牛定食附送湯同前菜 - 個湯一飲就係大量味精溝水，飲咗一啖我就成晚都口乾到爆。兩個前菜一個無味，一個勁咸。到個一口牛，啖啖都咸到暈，所以個定食我最快食晒嘅係碗白飯。至於碗拉麵 - 其實係超市買任何一種即食拉麵返屋企煮都好食過佢。…Read More

一直都想嚟食船麵，難得友人今日肯等位，一於嚟等啦～ 結果等咗45分鐘首先，服務態度良好，由留名等枱至安排座位及落單，一一都有安排。由於枱與枱之間距離相當近，如身上有厚䄛和背囊，侍應們都會遙指牆上面嘅掛鉤，等你可以先掛上唔駛坐得好論盡。環境、音樂都似落咗酒bar一樣，如喜愛熱鬧氣氛，此店確係一間好選擇。Entrees 方面我哋叫咗虎蝦青芒果沙律同泰式蟹肉奄列 - 前者妹仔大過主人婆，成碟花生、芽菜同蝦乾仲多過啲青芒果絲；反而後者無論香味、鑊氣同味道都相當出色。主菜當然要食此行最大目的嘅船河 - 豬及牛兩個泰式濃湯河都有叫。兩個相比，個人覺得牛嘅較淋同好食，河粉係幼身果種，不過好掛湯汁，唔錯！甜品方面叫咗個椰子雪糕，十分值得一試，絕對係誠意之作 - 椰子雪糕加上花生粒同片片椰子肉，如果你係椰子迷就絕對不能錯過！另外我哋都叫咗啤酒同荔枝香茅梳打，埋單大概$750左右。雖然係香港米芝蓮推介，但我哋都應該唔會試第二次 - 原因係：食完個船麵當晚口渴非常，同真正係泰國食完船麵個感興趣好唔一樣⋯…Read More