kujira12's Profile

耐冇試過盡情咁食牛🐮，今次就去牛大人，豪啲點咗個120分鐘「日本A4黑毛和牛」套餐，一於食個飽😇 啲個餐雖然貴少少，但係抵食嘅。個A4黑毛和牛絕不欺場，淨睇個樣就知好食，油花均衡，牛味濃郁，每一碟賣相都勁靚。2個人叫咗差唔多十碟，真係光食牛都歸本了，牛魔王唔好錯過👍🏻👍🏻除咗A4+黑毛和牛，仲會每人送2粒澳洲M9和牛牛丸，彈牙而牛味濃郁，勁正必食！另外仲有個海鮮拼盤有鮑魚、蠔、帆立貝、魷魚，夠新鮮質素屬中上，而且鮑魚仲要係無限recall，值得一試。最近餐廳做緊「炎夏椰樂祭」，有兩個特色湯底「喇沙椰爺仲夏鍋」和「木瓜椰皇嫩雞鍋」，叫咗鴛鴦鍋兩個都試吓，結論係兩個都咁正！🍲「喇沙椰爺仲夏鍋」用料十足，完全係正宗喇沙味道，椰香味突出，辣度輕微，適合大眾口味🍲「木瓜椰皇嫩雞鍋」帶有木瓜嘅清甜，又帶有椰皇嘅淡香，配合養生食材如紅棗、枸杞，養顏潤燥，女生最愛有杯特飲🍹椰奶蓋芒芒爽一定要試，奶蓋充滿椰香，仲有大量芒果肉配上西米，口感同味動都一流，不會太甜勁正👍🏻…Read More

好耐冇食過任食韓燒，揾到間又平又多款式嘅「韓燒大叔」，午市只需$168 就可以任食90分鐘，肉類/熟食款色高達24款，加$48仲可以任食10款海鮮。鐘意佢以QR code落單，較衛生。自助區仲有各式汽水、甜品同前菜小食等。最吸睛係佢個圓圈盤，可以一次過放多個小碟。叫晒多碟不同款式，每碟細細碟，可以試好多款，見到成枱食物就已經大滿足😌仲可以用優惠價換購醬油蟹，真係幾抵，如果想平又想任食韓燒，係一個唔錯優惠👍🏻P.S. 60歲以上長者可享 85折優惠👍🏻🌞午市訂枱優惠每四人午市韓燒 ＄１升級換購- 韓國直送豬梅頭一塊（價值 $88）- 或 韓豬腩片一塊（價值 $88）- 或 韓國直送醬油蟹一隻（價值$108）- 或 醬油蝦 （價值$98）或 醬油八爪魚（價值$88）- 或 醬油螺一份（價值$68）…Read More

想食松葉蟹🦀，又想食和牛🥩？成年人不做選擇🤡 位於尖沙咀金馬倫道嘅宴居酒屋🏮，就做緊任食松葉蟹日式火鍋放題，仲要係任食來自熊本縣嘅頂級品種「和王」！介紹番💁🏻‍♂️，「和王」是為和牛之霸，只有經過精心挑選的飼料飼養28個月以上，並獲得A5或A4以上等級，且BMS (油花標準等級)需達到6以上，才能夠稱之為「和王」。放題淨係食啲兩樣都已經回晒本😆松葉蟹🦀唔係一般雪藏貨，蟹肉啖啖肉鮮甜多汁，蟹味濃郁。而「和王」就更加amazing，肉質柔嫩，油花均勻，味道溫和醇厚，真係做到入口即溶，滑不溜口！放題包括咗熊本黑毛和牛「和王」、宮崎和牛、松葉蟹、日本豚肉和日本雞肉，質素全部都好高！❗️❗️重要資訊❗️❗️🔅日式火鍋放題每日10點後7折, 🔅星期日至四10點前75折 🔅每晚10點後仲有深宵割引，10款指定菜式以及5款酒精飲品一律半價。 …Read More

最抵食串燒店首選一定係「燒烤堂」，價格親民又好食。最近試咗間串燒店「人生有限杯」，格局和「燒烤堂」非常相似，兩者都係主打日式串燒，連菜單都非常近似，聽講好似係姐妹。不過「人生有限杯」價錢更親民，最平$10已經有一串。Sapporo啤酒🍻買一送一添！當晚9點先去諗住可以少啲人，點知座無虛席！都要等一陣先入座，建議先book枱。餐廳有一個圓形吧檯，可以一邊食一邊睇住串燒師傅烹調，零舍好食😆🐔雞串燒鹽燒雞腿肉⭐️⭐️⭐️⭐️⭐️鹽燒雞中翼⭐️⭐️⭐️⭐️椒鹽雞軟骨⭐️⭐️⭐️汁燒雞爽肉⭐️⭐️⭐️鹽燒鮮雞頸肉⭐️⭐️⭐️⭐️紫菜鵪鶉蛋卷⭐️⭐️⭐️⭐️⭐️🐷豬串燒鹽燒西班牙五花腩⭐️⭐️⭐️豚肉荔枝卷 ⭐️⭐️⭐️⭐️⭐️味噌松板豬⭐️⭐️⭐️🐳海鮮串燒山椒鰻魚汁燒白鱔⭐️⭐️⭐️⭐️⭐️椒鹽紫菜味泰式辣醬九肚魚⭐️⭐️⭐️⭐️⭐️🐮牛串燒鹽燒牛舌芯⭐️⭐️⭐️⭐️🥬蔬菜串燒香燒翠玉瓜⭐️⭐️⭐️⭐️蜜糖燒菠蘿⭐️⭐️⭐️⭐️⭐️蜜糖牛油粟米⭐️⭐️⭐️⭐️蒜蓉菜脯燒茄子（微辣）⭐️⭐️⭐️…Read More

海底撈一直都係以高質食材🥩+超好服務👩🏻‍🍳而聞名。尖沙咀最近新開咗間「宴聚」，主打親朋宴客，走中高檔路線，水平可謂更上一層樓，無論環境、服務、食材，都係天花板水平！餐廳位置設於1/2樓，1樓為大廳，餐枱數量不多，地方寬敞，而2樓為包廂，最好預先book枱。服務超級好，侍應和餐枱比例幾乎1:1，有專人為你控制火鍋大細、主動加湯，更會主動幫你拎水果🍉、小食🧆等，侍應態度殷勤，有賓至如歸嘅感覺😌菜單和普通海底撈完全唔同，每款份量比較多（適合最少3-4人），而食材質素更為講究，賣相亦更為吸引🤩。選擇咗鴛鴦鍋底，必點蕃茄湯底，直頭可以當湯飲🤤另外個大骨湯呈奶白色，同樣出色食材方面價錢少貴，但同樣質素可見分別🥩雪花牛小排 - 淨係個樣都贏晒，一大盤非常吸睛，牛小排部位亦好靚，又好睇又好食🐟8秒脆鯇魚片 - 賣相非常吸引，同一般脆鯇片完全唔同，好創新值得一試🧆芝士牛肉丸 - 有8粒，手打牛丸，肉質彈牙，芝士味道恰到好處每位加$15 可以任飲柑吉水/酸梅湯，配料區除咗醬料，仲有啲涼拌小食同生果。有我最鍾意食嘅泡椒魚皮🥓，勁好食，仲有啲西瓜🍉，清甜過aeon買😅，啲個都係加分位😌整體而言，同親友想食個好啲嘅火鍋，海底撈火鍋・宴聚真係冇得輸，誠意推薦👍🏻👍🏻…Read More

幾年前去過尖沙咀嘅大紅袍，印象中質素唔錯。知道最近做緊優惠，平日只要身份證上含有 1，5，7，9 四個字其中一個或以上即享有折扣，我咁啱中晒4個有75折，點可以錯過😎湯底㨂咗椰子雞（$168）有驚喜😍，足足用咗兩個椰子🥥嘅椰汁，再加上清潤藥材例如五指毛桃🪾、杞子，啖湯係超級清甜😋，再加半隻雞🐓，基本上淨係食個湯底已經滿足😌另外必點推介有白鱔片（$98），新鮮爽彈厚切有質感。滑牛肉（$118）亦不錯，肉質嫩滑牛味濃郁🔸 限時優惠🔸身份證上含有 1，5，7，9 四個字其中一個或以上即享有以下優惠 [不計算重複及身份證括號內號碼]： - 1個字9折 - 2個字85折 - 3個字8折 - 4個字75折（星期日、公衆假期及節日不適用，優惠不可與其他優惠/折扣及現金券同時使用）…Read More

想去啲間餐廳好耐，聽聞佢嘅waffle🧇好正，今個周末終於去咗，果然不負眾望，無論主菜🍽️或甜品🍰都相當有水準，土瓜灣區入面嘅西餐廳嚟講係no.1😎🍝松露油忌廉野菌汁貓耳朵意粉貓耳朵煙韌，野菌味濃郁，再配搭合桃，味道有層次。忌廉濃稠剛好，帶有少少松露油香，味道香濃而不油膩，必點推介🍖香料牛油烤春雞伴印度香飯 春雞肉嫩滑有雞味且帶有焦烤香味，香飯帶點煙韌，沾上香料十足嘅醬汁，好有印度🇮🇳風味，味道一流！擺盤又靚，仲意外地好食添😋 值得留意，雖然菜單叫Main for share，但春雞只有半隻，主菜的話份量只足夠一個人享用🧇窩夫配髒髒曲奇忌廉配朱古力蛋糕 一個字「好食！」，窩夫🧇造得夠輕身香脆，最吸引係個朱古力醬和朱古力片，係有質素香濃嘅朱古力🍫，朱古力控不能錯過！🧇薑味麻糬窩夫配黑芝麻蓉及香草雪糕非常特別嘅窩夫，內裡係充滿煙韌嘅薑味麻糬，有點似薑糖味道，配搭濃郁嘅黑芝麻蓉，味道恰到好處。再淋上黑糖醬，整體味度口感層次豐富，又不會太甜，又係必點推介！手搖番石榴冰茶 $48用的是新鮮番石榴汁，淡淡番石榴味道配上茉莉花茶底，味道清雅優香多莓果茶 $48有香濃嘅黑加侖子果香味，入口帶微酸生津開胃，非常適合女士，無糖冇壓力👍🏻整體而言，無論主菜和甜品都非常有質素，小店來說CP值很高，值得再光顧😊…Read More

BB出世前夕，兩公婆都不忘最後一擊去拍吓拖番餐好（依家真係忙到食都冇時間😭）。中環區有間唔錯嘅西餐廳「紅館」，最近出咗個六道菜晚市二人套餐，原價要$1398，依家特價$699 就食到！🥗第一道是前菜，選擇了香草魚茸薯仔沙律配檸檬醬和澳洲M8和牛他他，兩款都幾好食各有特色。🫕第二道是餐湯野菌忌廉湯，正常發揮沒有甚麼特別。🍝第三道菜是主食，不用加錢的話就選擇低溫慢煮雞胸扁意麵配冬陰功醬汁，幾創新嘅菜式，有冬陰功酸酸辣辣的味道，雞肉嫩滑。🥩第四道是主菜，選擇了紅館姜母鴨和法式香草焗蝸牛配薯茸。姜母鴨肉味濃郁且肉質嫩滑，係不錯嘅選擇，但我會更推薦法式焗田螺，充滿牛油嘅香草壤入了田螺，非常惹味，再配上牛油薯茸，食過返尋味！🍰第五道是甜品，有芒果拿破崙和鮮果芝士撻，兩款都好食，建議可以各一☕️第六道是咖啡或茶，為這個晚餐做個總結。以中環區而言，這個價錢非常公道，而且菜式和味道都不錯，如果中環區夜晚想食西餐但又唔想太貴，「紅館」都係一個唔錯嘅選擇。…Read More

放假去「安平燒肉」食番個M5和牛餐，大滿足！😌 安平燒肉出名食物種類豐富，啲個餐除咗有M5和牛，還有多款高質素的牛肉和海鮮。最近還有新產品「威士忌烤肉醬系列」，結合了威士忌的濃郁香氣，提升肉類風味，不可不試！🌟🌟 威士忌烤肉醬系列🌟🌟 ✅威士忌烤鳳梨內群柳 (只限M5和牛餐)每塊長度至少有18cm，好適合打卡！肉質軟嫩，搭配鳳梨片經過烤製後，甜香四溢。✅威士忌醬烤鮑魚(SRF極黑牛餐起) 肉質鮮嫩，口感亦非常滑順。🌟🌟十二味醬專區🌟🌟超多款醬汁可供配搭，細味台燒的醬汁情懷。必推有🍯招牌黃金醬（🔱必推）- 新鮮蔬菜汁配上台灣麻醬，味道清新，帶有蔬菜的甜味。🍯泰式海鮮醬 - 各款海鮮配上獨特香料，鮮味海鮮醬與香氣互相交織，令人垂涎欲滴。🍯五味醬（🔱必推）- 經典台式醬汁，酸甜可口層次分明。🌟 Ｍ５和牛餐 🌟成人價錢 $418（19:30前結帳 $358；21:00後入座 $388）身高90cm以上、130cm以下小童 $198 ＊星期五六日、公眾假期及其前夕、特別日子+$20［身高 90cm 以下或嬰兒，未能安排］📌 安平櫻花蝦飯其中一個指定必食～ 白飯加入櫻花蝦、香蔥、海苔，再配搭秘製的滷水汁，親自製作非常好味的拌飯👍🏻@anpinggrill.hk @media.vas#安平燒肉 #燒肉放題 #任食燒肉 # 燒肉吃到飽 #燒肉控 #聖誕好去處 #旺角 #旺角美食 #荃灣 #荃灣美食 #將軍澳 #將軍澳美食…Read More

最近發掘到一間燒雞外賣店「豐味窯雞」要推介俾大家，佢哋嘅秘製窯燒雞好有質素，不可不試🤤外賣店位於觀塘工業中心一期，地鐵站隔離位置好方便。以瓦缸來製作窰雞，可以令隻雞保留到原汁原味，自取時用錫紙包好曬及保溫袋放好，攞到返屋企隻窰雞仲係熱辣辣👍🏻而且店家仲好細心仲配埋食雞工具「手套」！打開有驚喜，聞到好香嘅獨門香料味道，重點係隻雞仲依然保持嫩滑多汁，食過返尋味🤤隻雞都幾大隻，足夠2人食用，依家仲有Keeta外賣仲方便！夜晚諗唔到食乜可以考慮吓👍🏻…Read More

要食梳乎厘 Pancake，TERA一定係不二之選，之前去過大圍分店，今次就去咗佢哋位於佐敦嘅始祖店。店舖雖少，但都同樣沿用了木系主調融合日本寺廟設計⛩️，環境都算舒適。🥞🍵宇治抹茶 $138💨空氣感極重，🐣蛋味又好香嘅疏乎厘Pancake 配上香濃宇治抹茶忌廉，真係不得了😋👍🏻再配上自家製蕨餅、白玉和紅豆蓉 ，無論賣相和味道都是一流🤤🥗🧇全日早餐 $118除了甜品疏乎厘Pancake，主食同樣出色。全日早餐 好豐富，有大啡菇、牛油果、煙三文魚等，都係有質素，而窩夫🧇自帶蜜糖🍯甜味且香脆，亦不錯。另外點了2杯特色飲品，芋頭粒粒椰乳咖啡$46 和 抹茶生椰乳 $58，椰乳味比較清淡，價錢偏貴，如果熱飲味道可能較佳。@tera_pancake#pancake #疏乎厘 #日式pancake #佐敦美食 #香港美食…Read More

這次去澳門旅遊，選擇了性價比高的澳門皇都酒店。皇都酒店是澳門最早的五星級酒店之一，處於澳門半島核心地段，地理位置優越，交通極方便，可步行至各大景點如大三巴、老城區，盡是打卡熱點。酒店2003年重新設計和裝修，現代時尚又不失古典優雅。酒店還有個室內恆溫暖水泳池，日光透射之下，環境非常優美，舒適寫意。房間方面升級了行政套房，房內空間十足寬敞舒適。房間設備應有盡有，而且洗護用品還選用了德國經典奢侈品牌「 AIGNER 」。另外訂房時備注了慶祝紀念日，房間還準備了香檳🥂和生果盤🍎🍊，非常貼心！酒店另一特色就是非常有名的Fado花道葡國餐廳，由國際知名大廚 Luís Américo主理，提供獨具中葡特色的地道葡國菜，最近推出了A Taste of Love情人節雙人套餐，有五道菜由頭盤🥗至甜品🍮都非常精緻美味，不能錯過！如果打算去澳門半島旅遊，澳門皇都酒店是一個好選擇👍🏻📍澳門皇都酒店澳門得勝馬路2-4號2-4號2樓…Read More

愈來愈常去Airside ，因為有唔少優質餐廳，今次去咗浪谷，係一間有得滑浪🏄🏻嘅印尼泰國菜餐廳。餐廳樓高超過10米，空間感十足，裝潢都非常有格調，同朋友聚會摸下酒杯底真係一流，仲可以一邊用餐一邊睇人滑浪🏄🏻，係一個非常特別嘅用餐體驗。食物方面有驚喜，菜式賣相精緻，味道亦出色，相當有質素。前菜點咗個印尼素菜卷🫔，香脆唔油膩，沾上泰式甜醬好開胃。再點咗個加多加多沙律🥗，沙律菜加入了大量花生醬，配上脆卜卜嘅蝦片，甜甜地醬汁香濃，好惹味👍🏻主菜點了印尼非常出名嘅巴東牛肉🥘，牛肉炆燉之後吸滿了香料和椰奶的精華，非常軟淋之餘味道香濃，必點之選。主食點了泰式大蝦炒金邊粉，大蝦夠新鮮爽彈，金邊粉亦做得好彈牙，味道偏甜。要注意碟旁放上了辣椒乾，如果怕辣就最好不要撈埋，否則都幾辣的。整體而言，餐廳環境氣氛絕對係滿分，座位舒適，印尼菜亦非常出色，約埋三五知己聚會一流👍🏻…Read More

如果想要食正宗嘅pizza，當然要去意大利🇮🇹餐廳，最近去咗一間老字號嘅pizza店「Pizzeria Italia」，有個二人套餐又好食又抵食。套餐包括咗個小食拼盤，款式豐富而且份量都唔少！當中最好食係炸新鮮魷魚🦑，使用了新鮮魷魚，而且粉漿有調味，即炸熱辣辣勁好味😋其次係個秘製沙律醬，有好香嘅松露味，配合烤麵包🥖一流👍🏻套餐包括一個主食🍝和一個pizza🍕，各有幾款選擇，今次就選擇咗意大利磨菇香雞扁意粉🍝，雞肉非常嫩滑且入味，加上白汁磨菇，味道香濃，而且扁意粉軟硬適中，烹調出色👌🏻主角手打意式pizza🍕，配料有最傳統嘅白菌、香腸、意大利辣腸、意大利青椒等，餅皮係自家製發酵麵團造成，餅皮夠薄，皮邊做到脆口，濃厚嘅茄醬🥫和芝士🧀份量適中，整體pizza非常平衡，比連鎖餐廳嘅質素好多了。最後有大大件tiramisu🍰，仲有餐茶，咁豐富嘅套餐都只係$468，絕對係抵食之選！#手工薄餅 #手工pizza #薄餅 #意大利 #意大利餐廳 #西營盤美食 #香港美食 #意粉 #手工意粉 …Read More

最近發掘咗一間非常正嘅火鍋店「去滾」🕺🏻💃🏼。淨係個餐廳名就知鬼馬😝～ 餐廳裝潢、菜式名稱都好有gimmick，而最重要係食物質素高，值得推薦👍🏻餐廳樓底夠高，座位寬敞舒適，裝潢風格充滿香港地道特色，有多個霓虹燈裝飾，仲設有多間VIP房，職員服務水平高，走中高檔路線。有多款特色而高質嘅湯底供應，今次選擇了🥘鴛鴦湯底 $258 （秘製沙爹湯/蕃茄豬骨仔湯）。兩個湯底都勁濃郁，而且有好多料頭。沙爹湯內有豬皮魚旦蘿蔔，相當入味；而蕃茄湯係超。級。濃郁！而且有十足料頭，有好多帶肉嘅豬骨👍🏻肉類點了個🥩美國手切牛頸脊 $228，擺盤精美，牛味相當濃郁，入口鮮嫩，絕對有質素。丸/滑類都相當高質：🧆爆汁手打牛丸（4隻） $48，新鮮彈牙；🥟鮮蝦餛飩（4隻） $58，入面有大大隻爽彈鮮蝦；🍤下面滑 手打蝦滑 $98就最為出眾，爽彈程度爆燈。仲有點蔬菜拼盤 $98，有多款新鮮蔬菜選擇，而且仲有比較少見嘅冰菜🥬～最後，濃郁嘅湯底又點少得稻庭烏冬 $32，大滿足😌…Read More