cm.everywhere's Profile

N+ BURGER 🍔 啟德零售館2📍 啟德體育園啟德零售館2 1樓M2-102號舖⏰ 等候時間：即時入座💰 埋單總共$176今次我地嚟到啟德零售館2嘅N+ BURGER，呢間餐廳係全港首家擁有澳洲自家牧場漢堡店 🇦🇺，主打全天然安格斯牛肉。裝修好靚，有兩個大梳化位 🛋️，環境舒適。佢地有自助點餐機比大家自己落單。餐廳中間亦有茄汁、芥末、Tabasco等比大家自己拎。如果想飲水嘅話，佢地都有提供紙杯比大家斟水。貼心位係佢哋有洗手盆比大家洗手 。我地今次嗌咗兩個Burger，其中一個有加40蚊變成套餐。1. N+ Classics Original ($68) 🍔雖然係最Basic，最經典嘅Burger，但呢個招牌經典漢堡絕對有經驗到我！包面有燙到N+上去，肉煎到大概七成熟，肉汁多，好足料！而Burger入面有生菜、番茄、洋蔥、原塊酸瓜、芝士。一啖咬落去超級滿足！！！！2. Winner Winner Chicken 🍗 ($68)炸雞扒係即炸，個皮超級脆！而且個雞扒食落都唔會柴。但邊邊角角炸得太燶或者係太厚粉，有啲位太硬，咬唔太到。Burger包裝幾好，方便我地食嘅同時又唔會整污糟自己隻手。所有Burger都可以加40蚊變成一個Combo，包括一份薯條同埋汽水。佢地個薯條配埋跟埋嘅Honey Mustard 🍯，超級無敵好食 😋 ！大推 👍🏻！如果個Honey Mustard可以再多啲就好啦！整體來講，N+ BURGER比起其他Burger鋪真係唔算貴。有啲一個Burger都差唔多成舊水，但佢地一舊水有跟埋薯條 🍟 同汽水 🥤，仲要有咁高嘅水準，下次一定會再嚟食安格斯牛嘅Burger 🤩！佢地嘅安格斯牛絕對值得一試呀大家 👍🏻！！！…Read More

泰國大城船麵 Ayutthaya 🇹🇭📍 銅鑼灣謝斐道483-499號新城大廈地下G&H號舖 🚶🏻‍➡️ 銅鑼灣站C出口行5分鐘就到 ⏰ 等候時間: 即時入座 (大概18:45到)💰 埋單兩個人總共$226 (冇加一)今次我地嗌咗二人餐($198)，係Course A + B + C 各揀一個餸。二人餐入面只包餸唔包野飲。但咁岩見到餐牌後面寫住晚市(18:00後)野飲半價，所以即刻嗌咗兩杯泰奶嚟試下！即刻睇下我地兩個食咗啲咩：• 泰式遊船濃湯河 🥢 湯底濃郁，可以揀豬或者牛。船麵入面有豬潤、豬肉丸、豬肉片同炸脆脆等多種料，船麵都幾大碗，兩個人share啱啱好！加上側邊嘅酸辣汁，令到成碗船麵更加好食同惹味！• 泰式炒通菜 🥬通菜口感爽脆，搭配飯食一流，但真係真係太辣啦！如果食唔到辣嘅朋友，可以問下可唔可以少辣。如果唔係，可能就會食得有啲辛苦。• 碎肉生菜包(豬) 🌶️ 肉碎酸辣多汁，雖然調味稍為唔夠。生菜尾端有啲苦味。由於生菜係成棵上，食起上嚟唔太方便。轉另一款生菜可能會更好。• 泰式奶茶 🥤 味道一般，口感順滑亦唔會太甜，口感上可以再厚啲。值得一提嘅係晚市野飲半價，一杯泰奶只係14蚊！CP值極高！呢個價錢真係冇得要求咁多。整體嚟講，呢間泰式餐廳算係幾抵食，兩個人食得好飽。雖然呢間餐廳嘅CP值好高，但唔會特登嚟銅鑼灣食。如果係附近返工返學，絕對可以試下呢間餐廳！雖然啲餸冇話特別出色，但勝在夠抵食！…Read More

大概18:45到門口 拎完飛大概20-30分鐘就到我地(等咗5枱) 入到去已經派到26號飛 所以大家想要最好早啲到 🏃🏻📍好近地鐵站 行1分鐘就到 💰埋單兩個人總共$502(連埋加一)我地兩個人叫咗一個2人餐 入面有：• 泰式炒通菜上到台熱辣辣 ♨️ 仲有小小辣 我個人覺得如果配飯會更正• 咖哩軟殼蟹 🦀咖哩同軟殼蟹有啲分開咗 好似單獨食咖哩同軟殼蟹咁 但個軟殼蟹炸得好脆 所以不過不失• 泰式薄餅 套餐可以揀飯或者薄餅。佢地嘅薄餅有啲韌，唔係酥脆個種，亦都冇煎到金黃色。建議會返飯好啲！• 炸魚餅炸蝦球 🍤炸魚餅同炸蝦球好結實，好大粒！同埋幾有咬口。兩個分別都會比三舊，分量都好多。我同朋友兩個都食唔晒 😂• 甜品 🥥Menu上面冇指明會送咩甜品。食到中途佢上兩件椰汁西米糕。好重嘅椰奶味！亦都有一粒粒嘅芋頭喺入邊！但明顯比坊間賣嘅椰汁西米糕細。• 泰奶個人覺得呢度嘅泰奶一般，出面會飲到更加好飲嘅。-• 冬陰功海鮮湯 ⭐️⭐️⭐️⭐️⭐️嚟到泰國餐廳必嗌嘅一個餸！個湯係所有餸入邊最好食嗰個！個湯夠酸夠辣，但對我嚟講有啲太辣！海鮮分別有魷魚，青口，蝦，墨魚仔。仲有少少蘑菇同芫荽🌿！如果大家飲唔晒個湯，強烈建議大家Pack返屋企攞嚟煮公仔麵!!! 一定勁開胃勁好食！…Read More