jessielps's Profile

今日放工去左新商場搵食， 可能新既關係暫時無咩選擇， 最後去左呢間瓊芳。 以為新野， 入到去先知原來係太興集團。。。。我地叫左個义燒意粉常餐同晚餐既㗎喱吉列豬扒飯。 黎到個㗎喱汁真係少得可憐， 得一個兜仔咁多。 而個常餐食到件多士時， 見到件多士面頭係正常既， 但個底部有部份明顯哄燶左。 咁既食物質素都可以俾客， 我諗佢地真係要檢討下。 本來都無諗住寫食評， 佢咁燶既多士我真係第一次見， 所以無完整一個餐既相。服務態度係唔錯既。…Read More

前排放假去左上環行下， 行行下見到呢間餃子店， 我真係好鍾意食餃子， 即刻入去試下。本來我想叫我最鍾意既韮菜餃， 但見餐牌有個好特別既鮮肉咖啡薯仔餃， 我就改變主意試左呢個， 另外紫菜餃都好吸引， 可惜我唔食得紫菜， 所以迫我朋友叫， 咁我睇左當食左啦。黎到先試一口佢個花膠豬骨湯， 真係無味精既， 我清甜， 我鐘意。 而咖哩餃， 好香加上辣辣地好好味， 而我朋友食個紫菜餃， 佢話好特別紫菜好香。 不過餃子皮有點厚， 可能係北方餃子既關係啦。 不過我覺得食物唔錯， 但坐位上如果可能換d舒適d既櫈就好喇。 俾錢嗰時， 老闆同我講佢地星期日都開， 叫我得閒再黎幫襯喎…Read More

今時今日想搵間好食既扒房真係好難， 上openrice見到呢間食評唔錯， 而且book位有7折及甜品， 咁就即管試下。滿心期待去到叫左個西冷同肉眼， 仲叫左個煙肉帶子小食。先上湯， 我地紅湯白湯都有叫， 但紅湯係唔熱既， 而白湯就熱辣辣，明明見食評話有餐包， 但今晚無俾。 ，之後上扒， 我地叫5成， 但唔知係咪鐵板既關係， 件扒係全熟既。 牛扒個味道好花園餐廳少少啦。 反而個煙肉帶子我覺得幾好味，最後明明話訂枱有甜品， 結果都係無既， 唔知餐包同甜品係咪要問先會俾既呢？…Read More

尋晚同屋企人慶祝生日， 網上見到話有任食， 星期三仲有85折好吸引， 所以決定去呢度食晚飯。去到開頭有個女公關態度好好， 同我地講入單先計兩個鐘， 就算未齊人都可以入去剔定野食。 我見第一轉就剔左好多樣， 諗住佢會第一轉係一人一份啦， 點知， 佢每款只黎一份。 我地12個人， 將4分1件乳鴿分12份呀。 咁算啦， 我地再入紙， 今次寫明12份。 點知佢黎黎下見我地張枱擺唔曬， 就問我地咁多野你地食唔食得曬呀。。。 其實當時張枱多野係d碟多， 唔係分量多。 我地剛剛先開始食， 你又知我地食唔曬嗰個侍應跟住就全晚望住我地食， 好似想捉人食唔曬想話我地咁。 我地食野唔係想俾人住曬。最後我地當然係食得曬啦， 因為我地都係唔主張食剩野既人。佢仲有一個賣點， 係一人一盅燉湯， 但我爸爸飲左一半一唔為意就俾人收左， 跟著我同個侍應講， 佢無端端唔知喺邊攞左盅淨番少少湯既黎問係咪呢盅， 佢想俾黎盅唔知邊個客飲剩既湯俾番我爸爸。 有無攪錯。最重點， 我地食完埋單既時候， 發覺我地坐既位後面塊玻璃鏡有數十隻小強係度爬下爬下。 呢間野圍起上黎都要2百幾蚊一位， 呢個價錢好多地方都可以食得好好， 真係無下次。 …Read More

因為上次經過想食， 但因為佢9點半last order, 嗰時已經9點仲排緊長龍， 所以前日食完飯見時間尚早， 專登過去排隊等試個pancake. 去到已經排到洗手間門口位置， 不過排既時間都唔算太耐，大約半個鐘就入得喇。 入到侍應同我地講睇完meun, 去cashier買就得。 我就叫左個士多啤梨藍莓香蕉pancake, 同埋Flipper's punch. 買完佢問我係咪兩個人， 我諗佢意思係一人至少要買一樣啦。買完等左一陣先黎個punch, 個味酸酸地， 面頭仲有d新鮮生果口粒， 我覺得幾好飲。 之後黎埋個pancake， 我覺得pancake應該要襯佢熱食先好味， 所以我只係影左一張相就開動喇。 我都唔算放左好耐呀，但係佢只係少少暖。 切落去又唔係梳乎里嗰個感覺, 食落似食紙包蛋糕。 不過d生果都好新鮮， 而且佢個份量， 如果一人一份既話，應該可以當正餐食， 因為食完已經好飽，但以一個甜品要百幾蚊黎講， 真係覺得佢唔值呢個價錢。 …Read More

平安夜既大清早，約左妹妹同另一個朋友行山， 早餐嗰時先決定行大浪灣加石澳。 行到石澳就諗起成日都有人話石澳好多野食， 難得黎到緊係search下有咩好地山方啦 。 最後決定去洪記士多。 聽聞呢度出名燒鴨， 當然要試下燒鴨瀨啦。碗燒鴨瀨黎到見佢俾左隻燒鴨肶， 我同朋友都諗係咪佢聽錯左呢？ 不過都整左無謂要人換啦，反正就算係鴨肶都係36蚊， 比市面食都算係抵既。 佢個燒鴨食落好香好滑，鴨肉一d都唔“un”， 又唔似平時出面食嗰d咁“鞋”， 真心覺得好味。 之後我地仲叫左可樂， 但因為餐牌無可樂價錢， 我地仲話最多咪收15蚊， 點知我地計番支汽水都係7蚊支。 以石澳呢個都算偏遠地方，佢真係平。 值得推介。…Read More

今日約左好姊妹飯聚。當然要搵間可以坐耐d， 食完正餐可以順便食埋甜品既餐廳啦。今次呢間就係上次食過，又見到有人食Hot cake好似好正咁。但因為上次得兩個人食，驚食唔曬無叫。但今次有4個人。仲可以叫多款添。今次人多所以可以食多幾款食物。 但呢度食物選擇真係唔太多，但味道都唔錯既。我地今次叫左燒美國牛肉芝麻醬沙律， 牛肉食落好嫩滑，個底仲有兩片薄薄既蘿蔔，味道酸酸地幾開胃。我係黑松露fans當然要叫個黑松露大磨菇蘆筍意大利飯， 我好鍾意，因為平時食嗰d我覺得比較乾， 所以食少少都已經好飽同好漏。呢個較濕，食落無咁飽， 加上佢好香黑松露味，加埋個大磨菇。好好味。墨魚汁魷魚意粉， 呢個好好笑，我地食完成個嘴黑曬，直情可以落去玩埋哈佬喂呀味道普通啦，但d魷魚辣辣地令佢加番d分啦。燒豬肋骨配薯條, 味道唔錯，不過d肉煮得好淋，如果鍾意食淋既會覺得好味，但我比較鍾意實肉少少。但薯條幾好味， 唔太油，我上次單獨叫個薯條，佢配酸忌廉，我覺得酸忌廉好味d。 但呢個因為係配菜，所以只有豬肋骨個醬同茄汁揀。食完主菜，當然係女仔真正主菜。。。甜品出場啦我當然要食上次無食到既雜莓厚焗鬆餅啦。嘩，佢 熱辣辣嚟到， 已經聞到好香， 切落去嗰時， 已經感覺到我面好脆。 但係裏面係軟淋淋 ，佢有幾款醬畀你伴著黎食， 有雜莓醬，楓糖漿，同雪糕。 我個人覺得楓糖漿最好味。 呢個真係好食。仲有買咗個藍莓芝士蛋糕泡沫， 個泡沫真係好泡沬， 好creamy好滑，個藍莓芝士蛋糕ok喇， 冇咩特別。我仲有叫左個 牛油果乳酪沙冰， 但係我覺得佢 唔似牛油果味， 同埋似食雪糕多啲。 但因為掛住食唔記得咗影相…Read More

又到星期五去搵好野食既時間， 某日放工發現呢度開左間上海弄堂，鍾意酸辣湯既我一定唔會放過試新野既機會啦。6點幾去到，店內已經有好幾枱客，鋪內有十多張枱，但大枱最多只可坐6至8人，仲有一間獨立房。因為我地得兩個人，但又想食多d款，所以就點左個酸辣雲吞，仲有花雕醉雞，炸銀絲卷， 煎餃子。首先酸辣雲吞， 酸辣湯酸辣適中。唔似好多店舖一係好酸， 一係好辣。湯料都算好足料，暫時食過咁多間最好味係佢。至於雲吞，一食就覺得好新鮮， 餡料多菜少肉，食到新鮮既菜味， 雲吞皮薄，食多幾隻都唔會好漏。好好味。花雕醉雞，一黎到就聞到好香酒味。份量大約有4分1隻雞，雞肉好滑，浸一浸d汁一齊食，好香酒味，但d酒汁又唔係好難入口既酒精味。個汁做得好好。炸銀絲卷，呢個點心其實唔係我心頭好，但又覺得佢炸得唔錯，至少食落唔係油淋淋。同埋食落甜甜地都幾好味。煎餃子，呢個我覺得麻麻地，個餃子煎得唔夠香，食落好似煎同蒸之間咁。唔知想點。整體野食唔錯，但d服務生成日係度望住，一見我地食完一樣就收碟，我覺得有d騷擾，但都會成日添茶，唔似出面成日都要叫先加水。有好有唔好啦。…Read More

喺facebook見到有$298套餐仲有一打生蠔。我地呢d生蠔控當然要襯honey生日俾個借口試試。當日book左7點鐘，我地早左15分鐘到，即刻入座。入到去得幾枱客。但過多陣已入滿人了。個職員仲好細心俾個籃我地放手袋添。我地點左2個set. 首先上枱當然係生蠔啦。生蠔有幾款。但係我唔識分，不過味道有海水味濃的，有creamy的。味道唔錯。仲有一杯白酒，我對酒無研究，但容易入口，已經覺得ok。跟著係湯，應該係薯仔湯，因為有少少薯仔蓉係裏面，好味。跟著上主菜，我點左海陸拼盤。鵝肝唔膩，海蝦無特別，西冷我覺得有牛味，但唔濃。上枱時隻碟係熱架。都算有心思呀。最後上甜品，雖然細細件，但我覺得酸酸地好好味。 整體黎講我覺得算中上，抵食。可以值得一試。…Read More