estella_k's Profile

好耐冇去登龍街食嘢 呢到開咗好多間新嘢突然好想食粉麵我地就決定試試呢間麵家因為我地比佢既雞白湯吸引左😍😍😍餐廳裝修好有香港情懷 入面又好乾淨企理👍🏻櫻花蝦雲吞魚蛋米粉 我揀左大地魚雞白湯我見佢menu介紹佢既雞白湯底係每日用超過50公斤嘅雞殼 雞肉同埋雞腳熬製超過八個鐘頭👍🏻味道超級濃！！飲一啖成個人都暖笠笠 最好係佢有得無限refill啲湯😍😍雲吞超級大粒 係人手包 入邊仲有櫻花蝦櫻花咬落去個口感同平時食雲吞完全唔同好足料 魚蛋都係好彈牙 仲叫咗一個雙拼嘅慢煮牛腩牛肚麵慢煮牛腩肉質好腍好入味👍🏻餐牌都有介紹麵廠 兩間都有好多年歷史一間係永樂粉麵廠 另一間雙喜粉麵廠係品質嘅保證👍🏻👍🏻👍🏻我地另外叫咗個菜心苗有得揀腩汁或者蠔油 腩汁好香牛味😋最重點係！菜脯好好食！簡直係畫龍點睛見到隔籬枱食撈麵好似都好好食下次試埋佢嘅魚皮先😋😋😋如果夜晚唔想食太heavy呢間絕對係晚餐輕食之選👍🏻👍🏻👍🏻…Read More

上openrice睇尖沙咀邊度有好食嘅火鍋見到呢間龍鳳呈祥好多like 😍一於試試佢地點好方便 係地鐵B2出口行前少少已經搵到裝修設計好靚 好有心思，係7，80年代情懷既香港啲佈置同霓虹燈都好靚 超級打卡able😎仲播住懷舊金曲，梅艷芳 張國榮 陳百強既歌總係百聽不厭 有feel！！！餐牌款式種類多，雞煲都有好多選擇最特別係有榴槤雞煲揀 好大膽創新👍🏻我哋兩個人最後揀咗半隻日本廣島蠔雞煲bb辣好香濃既雞煲 麻麻辣辣 呢啲天氣食就最岩😋雞肉好鮮嫩 食完啲雞就可以加湯打邊爐龍鳳呈祥牛肉拼盤啲牛肉好新鮮👍🏻油脂分布平均 入口即溶我地一致認為最有驚喜係牛肉粒，好食😍同埋啲牛肉仲切到厚 毫不吝嗇🫢大讚另外叫咗墨魚滑 好彈牙😍好有咬口自家製炸魚皮食得出完全同出邊唔一樣，唔會有油益味炸到好酥脆，浸幾秒都仲係好香口👍🏻推介雜菜拼盤擺盤好靚，成紮花咁👍🏻仲要拎咗好懷舊既盤去裝粟米，蓮藕，金菇，蕃茄，蘿蔔，油麥菜，份量都幾多 飲品方面我地叫左自家製陳年鹹檸七同鹹檸樂個杯都係超級懷舊 咁復古好似特別好飲🤣總括嚟講，呢間絕對有下次👍🏻👍🏻下次一定要叫成班fd一齊黎 就可以試多啲唔同既野😍😍😍…Read More

呢排成日落雨心思思想打邊爐個friend喺屋企附近大滾友打邊爐已經食咗幾次 都仲係咁高水準花膠雞湯底 都係建議我哋飲咗湯之後先至整雞食 我哋兩個人所以半隻啱啱好啲雞肉好嫩 唔會諧霎霎 滾耐咗個湯底就更加濃郁叫咗個細嘅牛肉拼盤 樣樣都可以試到超級推介牛舌 有牛味又彈牙黃金響鈴 有好大浸鹹蛋黃嘅味即炸又熱辣辣 即刻食又得 放入個鍋度再食又得炸芋頭 擺盤勁靚 芋頭都好粉 就咁喺個湯度烚一下 個外皮仲係keep住脆好多丸可以選擇我哋揀咗金屋藏嬌和牛丸個名好得意 係墨魚丸嚟嘅入邊有牛肉 幾有口感仲有蝦滑 上面好多蟹籽 原來份量係咁多嘅超彈牙仲好有蝦味想食菜 叫咗油麥菜同埋水蓮水蓮係MVP 真係超級好食 好似唔係度度都有得食仲好貼心俾埋鉸剪 勁爽脆 食到最後仲有豆腐花表演睇好嫩滑 食到勁飽 大滿足😌…Read More

上次第一次食已經book mark咗呢間Cafe今日咁岩過海特登上西營盤搵佢揸車既門口有好多錶位 睇下好唔好彩🤣搭車既西營盤地鐵站出口就係對面 好方便3點呢個時間嚟食下午茶啱啱好杜拜開心果朱古力hit左一排仲喺Instagram見到佢哋個扮油王嘅reels鍾意食開心果嘅我哋一定唔會錯過我哋主食叫咗個雜菌水波蛋benedict啲菌好好食 尤其是炸咗嘅菇 夾埋啲蛋汁 好香口另外當然唔少得係dubai chocolate croffle有滿滿一大層開心果朱古力 上面仲有雪糕點綴croffle好脆 淋滿開心果醬 成件事邪惡得黎又好好食未食之前仲會有灑金粉呢個表演睇😍😍😍Dubai chocolate basque cheesecake好香濃嘅開心果味 cheesecake好軟滑份量仲好多👍🏻上次食過嘅tiramisu我哋都再order左唔會太甜 岩岩好杜拜朱古力咖啡 個拉花超級得意隻貓貓仲有兩個$$ 好濃嘅開心果 杯邊都有啲開心果碎 杯內都有開心果醬掛杯 好有心思另外一杯叫咗維也納咖啡上面嘅奶泡好綿 中和返咖啡嘅苦澀味 推介👍🏻👍🏻👍🏻…Read More

之前喺山頂已經食過幾次 幾鍾意啲嘢飲估唔到西沙GO PARK咁快就開咗🥳今日湊熱鬧去新屎坑睇吓西沙有啲咩好做原來周圍都咁多人 就喺度食下午茶入邊有得坐出邊都有得坐係狗狗Friendly嘅餐廳 所以有好多人都喺度放狗一個疏乎厘pancake $45有好多種唔同嘅味道可以試我哋叫咗伯爵茶味同埋開心果味開心果味上面有好多開心果碎 啲醬汁唔會好膩伯爵茶味都好濃厚 賣相仲好靚 我哋一人食一個啱啱好 仲可以互相share咁抵食唔怪得知咁多人排隊食Dirty嘅奶偏多如果鍾意飲奶就會好鍾意呢一間嘅Dirty仲有賣點Tiramisu coffee 濃濃嘅Tiramisu味仲有一隻手指餅 好滿足嘅下午茶食完仲可以喺附近行吓又可以繼續做運動了！…Read More

之前食過古今其他分店，今次終於可以約朋友喺旺角食古今！坐低先嗌咗刺身同埋少少壽司食住先！帶子同三文魚非常高質素，好新鮮而且好大份🤣柚子蝦沙律有好多款沙律菜，味道清新，開胃，好適合中間用嚟過場。古今最出名就係特色卷物，呢兩款超級龍捲風同粉紅佳人一如既往份量超澎湃，口感同味道都好豐富，醬汁都好夾。食日本嘢點可以冇天婦羅同埋串燒！呢個鹽燒白鰻真係做到外脆內嫩😏係近期最食過燒得最好嘅串燒！天婦羅有齊蝦冬菇南瓜同埋番薯仔，即叫即炸好好食！…Read More

平時多數都係黎食晚餐燒肉多今日lunch同事話去呢度食先發現原來午餐有很多選擇 仲好平好抵😍我哋叫咗兩個餐share燒肉方面我哋叫咗鹽燒牛舌加麻藥蛋飯牛舌上面有好多蔥 店員教我哋燒一面燒30秒就可以食牛舌肉質好鮮嫩 仲有個麻藥蛋 流心好吸引 味道一流👍🏻👍🏻👍🏻兩樣嘢撈埋啲紫菜飯都係$78超級抵另外叫咗芝士泡菜五花肉韓式拌飯份量超級多 兩個人食都夠 上面鋪滿芝士 粟米同泡菜 撈埋隻蛋 好惹味😋午餐可以加配小食我地要左蜂蜜牛油炸雞同埋魚糕串蜂蜜牛油炸雞好嫩 食落唔會好嚡加埋啲甜甜地嘅蜂蜜 好開胃炸雞下面仲有薯條😆😆加配價嚟講非常之合理 魚糕串同出邊唔一樣 有啲辣辣地嘅感覺食吓炸雞再食吓啲辣嘢感覺都唔錯嘢飲叫咗柚子檸檬梳打同埋薑橙梳打個人比較鍾意薑橙梳打 清新啲同埋薑味好重最後當然唔少得食佢嘅爐邊蛋同埋芝士 超好味 仲可以任fill😍甜品仲有雪糕食 居然有兩塊lotus餅雪糕中間仲有朱古力醬 好滿足👍🏻…Read More

今日放工喺旺角附近搵嘢食估唔到廣華街呢邊開咗咁多新嘢食呢間拉麵店雖然唔係好大但係裝修好有日本特色仲有沾麵食我哋六點幾去到已經差唔多full晒 仲一路keep住有人等位係用手機QR code落單 都幾多種類可以選擇我哋揀咗一個雞白湯炙燒豚肉拉麵同埋一個慢煮A4和牛沾麵 大家share一齊食雞白湯拉麵湯底好惹味 啲麵好彈牙有三大塊炙燒豬肉 仲有流心蛋好出色拉麵份量都好多菜單好細心寫咗海老湯有啲鹹所以我哋就揀咗黑蒜湯 今日唔想食咁重味而沾麵用石頭鍋裝住黑蒜濃湯 粗拉麵好掛汁和牛肉質好鮮嫩 油脂分布平均 份量岩岩好野飲叫左白桃烏龍同埋荔枝烏龍解解渴本身仲諗住叫雞皮餃子，可惜今日售罄唯有下次再過黎試下佢滿足…Read More

上網見到呢間評價唔錯，就約朋友嚟試吓，我哋一致認為一定要再encore🤣海南椰子雞鍋湯底好香椰子味，仲有馬蹄同五指毛桃。海南雞好新鮮，食落好嫩滑😋鍾意雞湯一定要試吓。霜降頸脊肥牛估唔到細份嘅份量都咁多，食落好嫩滑，牛味好出，同佢啲醬料好夾👍🏼蝦滑拼墨魚滑兩款都好彈牙，食得出好足料，點埋xo醬嚟食真係好正，中意蝦滑同墨魚滑嘅一定要試吓。鮮蝦雲吞又係勁足料，入面嘅蝦係新鮮蝦🦐食落好彈牙。江南魚腐魚腐有八粒，索左啲雞湯之後再點醬，好食。嫩滑鴨血份量夠多，食落好滑，一啲都唔腥，點辣醬一流。飲品要咗鹹檸七，好解渴，同火鍋好夾😜…Read More

喺銅鑼灣唔知食咩好，見到呢間有$298 5-course set幾抵食就試試佢！章紅魚刺身好新鮮，配住檸檬皮+羅勒一齊食非常清新同開胃。😋手拆蟹肉多士就一啲都唔簡單🫡，酥脆嘅多士同鮮甜嘅蟹肉係perfect match啊！🤭兩個pasta份量都唔細🤣！白酒蜆肉意粉啲蜆肉多得嚟仲煮得好嫩👍🏻，不過最鍾意係三黃雞青醬長通粉，雞味濃同時又有青醬嘅清新，好有心思嘅一道菜🥹！再嚟到主菜，西冷嘅嫩滑有驚喜，薯蓉又打到好綿密，看似簡單但絕對考功夫！另外三文魚煎得啱啱好，肉質一啲都唔柴抵讚。👍🏻👍🏻最後上埋Tiramisu，大件之餘仲好creamy 。👍🏻 呢5道菜食完真係會勁飽，性價比夠晒高！🤣…Read More

天氣開始轉涼就心思思想打邊爐咁啱今日喺大埔做完嘢就一於試吓大滾友嘅分店裝修同荃灣嗰間差唔多都係古色古香 有種宮廷味道我哋叫咗花膠雞湯底 每次都會比雞嘅份量嚇親店員幫手剪開花膠 我哋飲完湯先開始倒啲雞落去食少少雞先開始打邊爐我地叫左牛拼盤 入面有牛五花 牛舌 牛仔粒 肥牛 肉質鮮嫩 油脂分布平均 入口即融👍🏻最有驚喜係牛骨髓 好爽口彈牙另外叫咗個伊比利亞橡果豬佢切到好薄 淥幾秒就食得😍好好食手打蟹籽鮮蝦丸 啖啖蝦肉🤤黃金脆炸響鈴 鹹蛋黃佈滿響鈴 新鮮滾熱辣 淥2-3秒即食 同花膠雞湯特別夾另外叫左雜菜拼盤 清清地可以消消濟拼盤有萵筍 油麥菜 唐生菜 娃娃菜蓮藕 粟米 紫芋頭 鍾意食菜嘅人必點👍🏻打邊爐如果怕熱氣 飲竹蔗茅根最岩清甜又解渴😆最後我地仲點咗豆腐花做甜品 店員係豆腐花上面倒滿黃糖加埋酒再點火燒到好香焦糖味👍🏻👍🏻打卡一流下次會再同朋友一齊食 可以叫多啲野食share性價比高👍🏻👍🏻真心推薦🤤🤤…Read More

早幾日收工約朋友去觀塘食飯，而今次竟然係食平時好少食嘅潮州菜，好奇之下，一於決定試吓。潮州菜當然唔少得滷水鵝片，肉質鮮嫩，油脂分布都均衡，仲有大量豆腐鋪喺底。🫢另外叫咗海蜇同松露鵝肝流心蛋，一樣都係好大份，調味啱啱好。另外蠔仔餅都係招牌，炸到非常酥脆，入邊就係勁多蠔仔，正。🤤最後叫咗中菜必點嘅瑤柱蛋白炒飯🫡，炒飯粒粒分明，口感出色，瑤柱都好足料，抵讚！題外話，呢度服務都好周到，定時幫手斟茶同換碟👍🏻👍🏻👍🏻。期待下次多人啲再嚟過!🙈…Read More

第二次嚟呢度食飯 一直都對個金龍卷念念不忘今日黎荔枝角終於又可以食到啦😍估唔到星期二夜晚都咁多人 仲爆曬場我地今次坐係吧枱可以睇住師傅整嘢食 真係唔錯我同朋友點左好多菜式一齊share前菜帆立貝刺身 中間夾雜住鮮甜既蜜柑擺盤用心 醬汁清甜 好開胃🤤上次食左金酒杯 今次試下金糖盒 賣相一流 有個透明玻璃罩住下面係用棉花糖襯托住盒上係日式豆腐 配搭海膽三文魚籽日式豆腐入味 海膽亦都好新鮮 👍🏻金龍珠海膽吞拿魚蓉卷🥰必點菜式！簡直就係我既至愛海膽配吞拿魚蓉 口感豐富個醃漬蛋黃提升左成個層次👍🏼👍🏼👍🏼主食方面 我地一人叫左一個丼飯金丼 - 月見海膽三文魚子拖羅蓉滿滿既三文魚子同拖羅蓉😍戀丼 - 月見特厚燒牛舌三文魚子牛舌好厚好香 兩個丼飯上面都有鮮蛋黃撈埋一齊食 爆丼賣相非常吸引👍🏻仲有點左幾串串燒牛舌心，自家製雞皮蝦，五花腩，安格斯牛肋肉最愛雞皮蝦 雞皮燒到好香🤤最後食日本嘢又點可以唔飲梅酒清甜酒香 好易入口👍🏻下次希望可以同成班朋友黎 可以坐包箱房又可以叫多啲唔同既野食😁大推👍🏻👍🏻…Read More

星期六同屋企人一齊去中環呢間食中菜，食物同服務都非常好👍🏻燒味嗌咗泰國櫻桃鴨，份量啱啱好，鴨肉好香好淋，一啲都唔油膩，配埋泰式甜酸醬好夾😍是日燉湯係猴頭菇豬骨燉湯，好足料，味道清甜，飲落好健康。另外佢嘅碗碟餐具都好靚同精緻，好有中式特色😍點心有蝦餃同燒賣。蝦餃皮好薄，蝦又大又新鮮，燒賣都好香好大粒👍🏻主菜有蟹黃脆蝦球，非常多膏!配埋好脆嘅多士，加大蝦，真係好滿足😍😍好推薦試呢個!另外佢嘅叉燒皇同炒飯都好似好出名，下次要再試下。…Read More

之前有屯門嘅朋友介紹過呢間燒肉好好食今日咁啱係屯門行街 順便可以試一試佢😋餐廳好多卡位 坐得好闊落 好舒服仲有沙律任食 可以食住等我哋叫咗菠蘿漬鑽石和牛胸腹肉和牛肉質好鮮嫩 因為放喺菠蘿入邊所以有陣陣菠蘿香味賣相超靚 原個菠蘿起肉裝住 最後食飽仲可以燒菠蘿消一消滯👍🏻👍🏻鹽燒特上三角牛小排油脂分布平均 燒幾秒已經食得 入口即溶咁多道菜我最鍾意食呢一個 真係超好味醬漬原條封門柳長長的一條封門柳 要打對角燒先夠位😂牛肉味超重 雖然唔多油脂 但係肉質好腍香蔥牛舌 好厚既牛舌中間切開咗 釀咗好多香蔥喺入邊呢個比起其他牛要燒耐啲 食落有好香嘅蔥味同牛肉味 鍾意食牛舌嘅朋友一定要叫😋牛油蒜香生蠔 兩隻生蠔超級肥美價錢仲好抵 $80兩隻 性價比超高上面仲有牛油蒜香一齊燒 勁香👍🏻👍🏻燒日本雞肉北海道豚肉飯丼飯set 有啲豆腐青瓜芽菜嗰啲小菜幾開胃仲有一粒流心溫泉蛋 留落啲飯度夾埋啲雞肉同豚肉一齊食雞肉好嫩滑 啲豚肉都層次分明一定要趁佢熱辣辣嘅時候食😳野飲方面叫左白桃同巨峰提子乳酸梳打食完咁多肉飲一啖好清爽埋單$1300左右 物超所值😘…Read More