Heyheywawa's Profile

驚喜發現希雲街巷仔既一間隱秘cafe，同朋友俾門口精緻既各種拉花咖啡吸引入座。嗌左兩個雞肉義大利飯、一個番茄醬扁意粉，一杯特濃咖啡、一杯有靚靚snoopy拉花既熱朱古力。雞肉夠曬鮮嫩，義大利飯都煮得好香濃，個番茄醬扁意粉就有原粒番茄仔，十分有口感。再加埋個文青環境，食得又開心又relax!…Read More

經過銅鑼灣想食餐平平地既午餐，結果行行下搵到兩草，二話不說就同朋友黎食。四個人嗌左四個飯：滑蛋叉燒飯、脆邊煎蛋肉餅飯、餐肉煎蛋飯。再加一個胡椒肉骨茶，加埋野飲平均每個人五十蚊左右埋單，十分抵食啊。最推介係脆邊煎蛋肉餅飯，太陽蛋加煎到啱啱好既肉餅，再淋上秘制甜豉油，鹹甜兩種味道衝擊味蕾，一定唔會令你失望。…Read More

疫情期間冇得去台灣 ，掛住台灣既野食於是同朋友一齊相約茶木午聚。嗌左個雞肉羅勒葉醬意粉，雞肉嫩口，個醬汁清清地，有奶油味但唔膩，啱曬想食啲creamy既醬但又怕濟住既人。最後當然要叫個茶木最出名既甜品多士，士多啤梨味又甜又滿足，有雪糕同埋蜜糖吐司，夠曬份量，捧腹而回啊。…Read More

非常驚喜 💗竟然可以係銅鑼灣既午飯時間搵到性價比如此高既鐵板料理午飯時間平均六十蚊就可以埋單仲可以任添白飯、牛尾湯同沙律同朋友一人一份鐵板餐鐵板豚肉夠曬juicy 鐵板牛舌就夠曬入味係一次非常滿意既用餐體驗…Read More

星期六午飯時間終於同朋友打卡呢間餐廳早有聽聞佢地既喇沙做得非常之好食我地兩個每人一個香茅雞翼喇沙賣相十分不錯 而且份量十足湯底濃郁 有香醇既椰奶味 而且唔辣 絕對係老少咸宜麵底有粗油麵同粉絲 一次過滿足曬兩個要求加埋杯馬來西亞拉茶 簡直就好似去左馬拉一樣 係香港亦可以食到地道喇沙。…Read More

午飯時間試左間新開既越南菜🥰四人前每人都叫左一個餐最有特色係蔥油牛肉飯同蔥油牛肉撈檬蔥油非常香 原本以為會好乾但係食完覺得岩岩好唔會太乾又唔會太濕撈檬汁酸酸甜甜 牛肉乾夠曬口感 加上青瓜絲既清爽 十分開胃！…Read More

同三位朋友為UFO炸雞盤慕名而來，咁啱幫其中一個朋友慶祝生日。環境很好，可以望住個維港靚景，食飯都食得開心啲。四個人嗌左三款食物，UFO炸雞盤嗌左六件蜜糖雞、六年件蘋果雞，捲埋芝士邪惡指數爆表，但係青蘋果口味既清新、蜜糖口味既甜蜜，又沖淡左個邪惡既感覺，好似冇咁heavy。另外又叫左韓國年糕炒麵、蜜糖烤雞，年糕炒麵有啲辣，如果唔食得辣既朋友就唔好揀啦，但年糕夠曬煙韌好有咬口。蜜糖烤雞，夠甜但甜得黎又唔怪，個配搭出乎意料地夾。店員亦好有心幫我地雪住個蛋糕，幫朋友慶祝左一個完美生日。…Read More

同朋友二人前，每人嗌左一個lunch set，包餐湯、意粉、飲品，仲可以免費加底，頗為抵食。用手機點餐十分方便、亦減少顧客同服務員既接觸，非常衛生。餐湯揀左南瓜湯，超級綿、又creamy，酸酸甜甜作為餐前湯十分開胃。主菜叫左羅勒葉雞肉意粉，就算唔加底都好夠份量羅勒葉好香好夠味，仲有車厘茄做拌菜，中和返，唔會咁heavy。雞柳夠嫩，而且份量亦夠，望落去份量唔多但食落就覺得好夠飽，整體黎講係一次滿足既進餐。…Read More

午飯時間同兩位好辣朋友一齊「挑戰」麻辣派對，用open rice app訂座有九折，可免附加服務費。三個人食，點左十幾樣菜，酸菜魚麻辣湯底，叫左小辣，辣度可接受，香勝於辣，就算係唔太好辣既朋友都應該可以接受到，好辣既朋友就可能要再嗌辣少少了。最有驚喜係午餐肉、豬紅，午餐肉夠曬厚、啲肉吸曬個麻辣湯底更加惹味，豬紅好滑又唔腥，反而魔芋就唔太襯個湯底，下次去未必會再叫。店員態度親切，主動幫忙酙水，對食唔到辣但又想試辣既食客非常友好。…Read More

去完迪士尼，去鄰近既青衣城搵食。嗌左個好得意既兒童餐輕食，多款式得黎又唔會太飽。有玉子、烤蕃薯粒、小蛋糕、芝士薯餅、清湯烏冬，啱曬小朋友，營養均衡，隨餐附贈蘋果汁，價錢係60幾蚊左右，係日本菜黎講係超值之選。…Read More

恨左好耐，終於係午飯時間同朋友黎到Little Vegas食飯。店員好有禮貌咁帶我地入座，坐靠窗位置，用餐環境開揚、鋪面裝修有特色。兩個人食，嗌左兩個餐、一個小食，再加隨餐贈送既特色飲品，好夠飽。煙三文魚蘆筍忌廉意粉，好creamy、忌廉好稀所以唔會太濟，加埋蘆筍夠曬fresh，整體黎講係好清新既主菜，雖有忌廉但唔會太有罪疚感。另外義大利飯，同樣地夠曬芝士，份量唔錯，而且口感都好好。唯獨係小食反而有啲失望，水牛雞翼略酸，唔夠辣。…Read More