涂東東's Profile

諗住做完運動，搵間靜靜地嘅地方食下飯，就上左呢度。響全日都無食過野又開胃嘅情況下，就點左個二人餐。龍蝦湯，有質素👍🏻加埋件似簿餅皮嘅多士，唔錯👍🏻煙三文魚沙律🥗，菜少，但三文魚算多。主食就大蝦天使麵同燒西冷，眼見就細細碟，但原來都幾飽。朋友唔食太生要7成，但好彩師父自動燒到5成左右😁另外叫多左個黑松露薯條同朱古力心太軟，味度都唔錯，埋單 $8xx, 個餐就全部二選一，揀左啲自己鍾意嘅，下次可以揀另一款再試。食野質素對得住個價錢，但環境就一般般，工廠一行出去就全層垃圾味，個場星期日撞啱有一大群家庭（勁多小朋友）嘈到叫餐都聽唔到🤷🏻‍♂️，不過應該閒日會靜好多，搵日閒會再去食🤤…Read More

又去左另一間荔枝角，長沙灣廣場嘅餐廳，因為今日食嘅係下午茶同朋友埋單，唔知最後食左幾多？整體感覺，野食唔錯，魚柳包餐可以，醬有啲少但魚柳食得出質素唔錯👍🏻雞翼夠滑，可能滑得濟…第一次食到生雞翼🤣同侍應講左就即刻換過碟（應該無加料😛）不過招呼就欠奉，水要自己攞同問，雞翼唔熟，個侍應攞走碟野，完全無講過重煮定取消🤷🏻‍♂️又係要問先知。不過可能一時失手，呢排會再去荔枝角，可能換日試下佢啲晚餐掂唔掂👌🏻…Read More

「一般嘅紅螞蟻」兄弟生日本身想食中餐，點知打風無開，就諗住去商場食個正正經經飯。二人餐，三百零要求已經唔高，食個餐有牛嘅算係咁🤷🏻‍♂️侍應好風趣咁問我個扒要幾成熟，一心以為有啲好野食，點知出左個快餐扒出黎，我嘅3成變左全熟….不過老實講，佢呢件扒話單點要$198，咁嘅價錢去金鳳都唔會食呢啲野🤷🏻‍♂️餐湯一般，反而個多士好好食👍🏻，沙律另叫$78選左大蝦無選三文魚/牛油果😅食得出啲蝦唔新鮮；主食就淨芝士蕃茄簿餅，個菜就勁多芝士。因為個扒唔掂，又見佢執晒野，甜品都無食就埋單走人🤣🤣仲有，一路食一路流汗，冷氣嚴重不足。…Read More

本身諗住去鴻發，點知裝修，就改去另一間網紅店-紅伶飯店。今次去食人少左，無上次叫咁多餸，因為趕住下場飲酒，所以求其食啲。冰鎮墨魚🦑，夠大塊，有麻油香；生腸墨魚，食唔到生腸，應該上漏左🤷🏻‍♂️；椒鹽豆腐，炸得唔錯，但$89有啲貴；避風塘茄子🍆，炸得夠脆👍🏻；砵酒焗生蠔，諗住叫左咁多炸野，叫返個焗生蠔，點知出黎係酥炸生蠔只不過多左個汁….；最得嘅竟然係啫啫通菜煲，出場時雖然無啫啫聲，但食落味道最得👍🏻成張單6個餸加2罐汽水3支啤酒，埋單成$9xx, 個人覺得性價比一般，無鴻發咁好同咁抵食👍🏻…Read More

其實好似第二次清醒黎食鴻發，次次飲醉都唔知佢係咩味，但發覺佢啲野其實好重味，好啱食，啲小炒又有鑊氣👍🏻潮州野唔洗講，份量足，唔似出面啲鋪咁小氣，份量細。本身想食大眼雞，點知得返啲大，都要$300條，唔係個個朋友都食，所以叫條烏頭就算；烏頭出晒油，無泥味，出乎意料咁好食又滑👍🏻蠔餅就差少少，蠔肉唔多夠👌🏻最出色係炒蜆，粒粒啲肉脹卜卜，無沙，仲要無離壳，食咁多間，價錢同份量都非常之高，食過咁嘅價錢 $95通常得十粒八粒，再加一堆青椒，翠玉瓜黎炒就算，鴻發算係好足料👍🏻👍🏻整體非常好，連酒水人均$200頭左右👌🏻抵食又好食。…Read More

同群友聚會：唔想諗，因為有太多新識嘅朋友，揀聚會嘅地方一定要小心，唔可以太貴，唔可以太小選擇，又要個個人啱口味，有熱有凍，有生有熟，有清有酒，所以就好「理所當然」咁揀日式放題。年紀大，如果後生我一定只攻貴價野食，但依家胃口無咁好，無樣試一轉都已經飽到想嘔🤣順次序叫一轉，刺身，燒蠔/扇貝，肝（唔識分鴨定鵝）但一定滑同香，中式鱔，凍鵝肝，海膽手卷（夠細舊又有海膽味），花膠，飽汁菜類，凍蝦（夠爽），黑松露糖心蛋，魷魚鬚，天婦羅，羊架，燒牛舌，菠蘿（勁甜），燒榴連，海鮮粥，火灸寺司，花之戀，和牛粒…….雪糕，甜品…打字打到手軟。價錢：星期六最貴時段，全包都係$350，性價比算高👍🏻服務：基本個個忙到死，唔好望佢地好好招呼，唔鬧人已經收貨🤣🤣缺點：1.5小時點菜，兩個鐘一定要起身交檯（咁人地都要做第二轉，無計）如果想坐底傾計就唔好黎呢度，因為我地淨係食，已經有下場玩，先選呢度晚餐。食物質素：食物刺身夠鮮，蠔就太調味重手無乜蠔味，其他煮物都出色，小小放題收費可以叫做酒店水準，會再去👍🏻…Read More

「紅火雞煲」之前食過紅火，覺得佢個鵝腸同田雞非常出色，尋晚凍凍地想去食，朋友問我去過總鋪未？我話未去過。帶左我去元州街總鋪。總鋪多好多玩法同食法👍🏻除左雞煲外，仲有烤肉食😁價錢比順寧道貴$100 左右，但勝左牛肉靚左，多左鮑魚同蠔。講返食物質素，田雞仲跳就唔洗講，碟鵝腸嘅份量，食兩碟就已經返本😁鮑魚，鯇魚腩同蝦都新鮮勁爽，仲有日本和牛同手切牛無用黎打邊爐，直接燒先唔浪費佢啲油脂🤤鱔都有燒，因為佢唔係切片所以唔方便滾😁無食其他蛋腸丸餃，因為唔想浪費左胃部嘅空間👍🏻知道左總店之後，下次都應該黎呢間食👍🏻呢間 $328，我諗飲啤酒都已經返本😁…Read More

朋友請食飯，正好搵到呢間試一試👍🏻首先呢間野菜單花多眼亂，以為淨係酸菜魚同串燒，點知仲有雞煲，火鍋，海鮮，小菜….淨係頭盤都2-3x 款，三個人都係蝕，食唔到太多款野。求其點左個雞煲，幾個小食飲下酒，諗住睇下係咪樣樣都咁掂。雞煲小辣，味道夠，雞肉最欣賞佢夠滑👍🏻皮蛋同魚皮，好少見到用「黃金皮蛋」啲汁特別好味，魚皮就涼拌，唔係普通生魚皮，餸酒一流👍🏻串燒就乾身，又有肉汁，係茄子唔夠淋，應該太大條嘅原因😁係錯在一開頭就每人兩隻生蠔，點知啲蠔好大隻，下次叫一隻就夠，起碼可以叫多兩個小菜🤤題外話，好欣賞佢個廁所，一間小店，個廁所乾淨程度同屋企一樣，由其飲完酒會常去，乾淨係值得加分。應該短期會同老豆阿媽再去食😁👍🏻啱啱想tag 地址，原來社交平台都未有，間野叫「麻聚」深水埗九江街👌🏻…Read More

舅父上機前，要去下「有鑊氣」。大部份嘅菜都要預訂，好食嘅鵝，有鵝雜跟埋，好飲嘅湯，唔訂無得飲。不過今次人小小，食唔到半隻鵝，叫多幾個小菜同小食👍🏻生炒骨都係，叫左份普通嘅，除非有7-8 人以上，先食到出名嘅「冰震咕嚕肉」😅份量太大，下次齊人先再叫。呢間近屋企，不過無訂位唔好諗住閒日可以walk-in 😌未食過震試下👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻…Read More

呢排鍾意据扒，但發覺唔係好多西餐廳有扒据，就算有都一般般。今次呢間又係，唔係貪「南昌薈」泊車免費（消費$150，可泊三個鐘未必去）西餐廳主打係小菜，又係無西湯得中湯。其實，無西餐嘅扒餐就真係扣分，仲有侍應唔問「幾成熟」，啲扒餐就靚極有限🤷🏻‍♂️不過「井茶」就出名係平，牛嘅款式得牛柳，西冷都無；不過唔緊要，佢份量多到食唔晒，牛柳餐 $108， 但雙拼牛拼豬/雞 就 $98 我問個侍應牛柳個份量係咪多啲？佢竟然話唔係，原來雙拼份量嘅牛柳都有三件，真係抵食到唔信😁三個人，叫左個雜扒 $78， 牛豬拼 $98，牛拼羊 $118。其實叫兩個餐三個人都夠食。溫馨提示，唔好叫蒜蓉汁，無蒜味仲要係甜味，叫黑椒好食好多👌🏻👌🏻…Read More

第一次食番茄🍅師兄，價錢平，出餐快，味道一流，唔怪得成 2030 都仲坐滿人👍🏻👍🏻晚餐想食飯，但發覺沾麵好食好多🤤👍🏻👍🏻因為要打夠200 個字，所以要打👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻…Read More

終於人生第一次食文記，日日見排隊排成咁，諗緊有咩咁好食。入到鋪，地方算乾淨，原來間間都係座位（無廚房）咁多間都係食同一間鋪嘅野。我問姐姐做乜得果間排晒隊？佢話原來其他三間都係食果啲麵，不過只有正鋪收現金，其他鋪頭係收電子支付工具（PayMe,轉數快，八達通，支付寶…），即係你唔識用QRcode 落單，就要排隊比現金🤣🤣我覺得成件事都好X🤣食物質素：我就試佢啲花膠，魚蛋，牛膀，豬紅。朋友就試大腸，牛腩，個人覺得質素無乜問題，一般水準，你話有乜特別？我就覺得特別「貴」 $10陳皮魚蛋得5粒，$15花膠得兩小塊…..都係等中六合彩先去幫襯佢。一碗野連野飲成$7-8x ? 我去飛鷹据個扒好過….證明我之前笑果班排隊嘅係「X頭」無錯，今次我都X左🤣🤣如果真係想食「車仔麵」，我會去太子「華記」👌🏻…Read More

本身諗住去据扒，沿路見幾間「西餐廳」都無扒据🤦🏻行去愛群前見到呢間好野，就行去試一試，見無乜人（19:45） 以為伏伏地，點知 $108 一個西冷，又出奇地大件夾抵食，我食3成，朋友叫5成。個蒜蓉汁有小小甜左，其他野都正常，扒有肉味，薯菜唔錯。不過少少奇怪係，呢排据幾間扒都係出「中湯」🤣🤣中湯配西冷，可能無咁熱氣🤣🤣因為要200 字所以要加👍🏻👍🏻👍🏻👍🏻👍🏻😅😅😅😅😅…Read More

經過攞樓上攞淘寶，順路試下樓下間雲石堡。平時唔多經過，同埋都係西餐，一向住美孚都知美孚出名西餐難食，自從幾間好食嘅都執晒，我可以講美孚嘅西餐廳無乜邊間好食。但呢間，可能係唯一一間清泉👍🏻唔好講到咁誇張，啲野食起碼做到物有所值，焗飯/意炒夠味同夠熱，咖哩🍛夠味👍🏻就收貨。最緊要貨錢夠優惠👍🏻唔算最平，但食物質素好過價錢👍🏻最後侍應姐姐都好好招呼👍🏻👍🏻👍🏻👍🏻👍🏻👍🏻👍🏻…Read More

朋友訂左午餐，訂坐有 85 折（應該無85折唔會黎）讚左先，唯一讚嘅就係侍應姐姐非常有禮貌，好招呼，……….不過可惜得一個人要照顧成場成20-30 人🤦🏻🤦🏻🤦🏻又要落單，又要執檯，又要攞水攞食物，辛苦晒。食物，可能選左普通漢堡餐（$118-$128）湯係凍嘅，茄湯啲色又怪，又酸又凍，好似飲緊嘔吐物🤷🏻‍♂️試左一啖，即刻比返佢地無謂貪食攪到入醫院。漢堡扒就一般，柴過鞋底，係啲菜同蕃茄可以，就係因為咁難食所以覺得薯條好食🤣🤣係杯野飲值得推介。見到個廚行出黎幾次，心諗野食又唔得，見到個同事咁忙又唔幫手，都唔知做乜？🤷🏻‍♂️因為咁，連想試 $2xx 嘅扒嘅念頭都無埋，普通野攪唔掂，一陣成左個貴野中伏就大鑊。…Read More