orangeeee's Profile

路過呢間元朗小店，俾入邊嘅昭和風裝修吸引仲播住日文歌，仲以為係食日本料理點知原來係主打手工意粉店員十分熱情有禮貌·每個套餐都有湯同埋沙律跟蘑菇湯濃稠好飲🍄沙律就好清，食到底個啲先有啲沙律醋味所以面頭嗰幾塊都係冇乜味～·試咗店員推薦嘅蟹膏蟹肉意粉少少失望蟹膏只有一點 就係張相見到中間個少少😮撈勻左之後基本係食唔到🦀蟹肉都係冇乜味～～不過意粉確實好味，中意食硬啲嘅意粉會中意好有𡁻口，啲奶油都好掛面🍝·再試左卡邦尼意粉發現兩隻面嘅底汁係一樣🍝幾好食，係蛋黃味唔夠如果煙肉係煎過焦香個種就好不過純粹係個人口味·想食啲香口嘢所以加咗呢個芝士條🧀20蚊2條，以為會長啲以分量嚟計，確實貴咗少少·跟餐加3蚊嘅凍檸水🍋大大杯😛 ·總結舖頭乾淨坐得舒服店員態度超好嘢食對得住價錢只不過個人口味覺得如果濃味啲就更好但絕對唔難食，支持小店😋…Read More

旺角呢個日式串燒係彌敦道地庫～門口掛住好多紅燈籠，都易搵到。·先講服務，侍應哥哥都幾cool講野唔望人，又未至於冇禮貌。·知道舖頭係出名清酒任飲但因為小弟唔係好飲得所以就咁嗌左個啤酒。都幾抵$58大大杯🍺一番搾啤酒本身點都冇死，估唔到溝埋柚子蜜都夾到。•燒雞翼，面個皮燒到脆脆地入邊啲肉都幾嫩，不錯不錯。·本身嚟食主要係為咗生蠔，但原來而家已經冇供應，大家要留意！呢個蠔就冇乜特別，因為蒜蓉辣椒啲味太勁完全掩蓋左蠔味，所以唔似食緊蠔😂·燒和牛粒，有牛味🥩唔會太老，搞到要𡁻好耐•朋友話全晚最好食係呢個😂的確係不錯，入邊啲芝士仲係半溶送酒一流🍺•呢個都係見好多人推薦個湯幾清甜，不過啲蜆好多沙😕•佢而家換咗新Menu，好多以前嘅嘢都冇例如韭菜、生蠔大家嚟之前要留意番…Read More