KimmyLi666's Profile

見星期一至四2:00-4:30pm有$88食88分鐘優惠特登走去試下，只限定Lv1嘅牛肌腹套餐，肉類包牛肉、豬肉同雞肉。可以加錢叫更高等級肉類或海鮮。牛肉完全冇牛味，我以為係豬肉黎，反而豬有豬味，好味過牛，雞肉冇叫。麻辣鍋+$10，冇乜特別，唔香，得個辣字。手機落肉類單嘅時候只可以每種肉類嗌一款，唔知點解要咁。自助吧好少野食，得幾款蔬菜同丸類；飲品都係茶類同可樂、自家製沙冰同雪糕、最抵讚竟然係泡芙，全場最好味。唔洗特登去食，雖然平但真係只對得住個價錢，性價比不高。…Read More

早排喺高雄食過已經覺得好高質，知道香港會開第一間築間就去試下。員工應該有部分黎自台灣，會用國語招呼客人，如果客人唔識國語佢地都會講翻廣東話，好犀利！服務一流，全程笑著幫你點餐，解答你問題，會不斷留意你需唔需要加湯，幫你收走檯面多餘嘅嘢等等，環境舒服，用餐環境優良。食物一如既往嘅好，推薦梅花豬，肥瘦分明，有雪花嘅感覺，小肥牛就不過不失，覺得豬比較驚艷，下次可以叫霜降牛，應該較多油脂。極甜軟絲似係魷魚，但唔係exactly魷魚，都好嫩換好快熟。醬料一定要調佢地嘅自家製白醋，酸酸甜甜配肉類超好味！配菜就一定要試芋頭貢丸，食到唔停口。午餐$88，湯底另外收費，再加一服務費，大概一人一鍋都差唔多價錢，湯底必食招牌石頭湯，有洋蔥、香菇、乾魷魚、蒜蓉炒香，配上粉絲好入味，輕輕地嘅台式風味，滿足的一餐。…Read More

lunch time同同事黎食，今次係第二次，特別掛住佢地啲炒飯，粒粒分明有鍋氣，今次嗌咗個清真炒飯，入面有雞肉、牛肉、牛肚、疑似羊肉，非常惹味香口；咖喱牛腩粉絲湯，牛腩軟糯、小棠菜同粉絲好夾，湯唔辣，好適合唔食辣人士；蔥油餅熱辣辣香口，入口唔油膩，充滿麵粉香；牛三拼揀咗牛肚、牛肉、牛筋，配上特製醬汁，熱辣辣嘅天食真係好舒服；總括而言，今日用餐非常愉快同滿足…Read More

揀咗任食2小時時段。訂咗7點食，早咗少少到，張單寫1851入座，食兩個鐘理應就食到2051嘅，咁2000就催我地埋單都算，2022就同我地講食到2030就要走，姐係當我食一個半鐘頭？？仲猛喺度話「走路啦走路啦」，未食完未離座就開始執嘢，擺明趕你走啦，但道理就唔係你嗰邊，因為講到明任食兩個鐘，真係好差嘅服務態度，記錯人地入座都算仲猛催，極無禮貌。食物款式又少，又成日漏單，雞腎叫咗三次都冇黎過，同埋又唔係好食，本身諗住好耐冇食回憶返個味道，因為印象中真係好唔錯，但係以後唔會再去。希望各位都check清楚自己係幾點交枱，唔好被人搵笨，如果我食到超曬時係我衰，但你地未夠鐘趕人走就非常之差勁。…Read More