傑.杰's Profile

在去會合朋友途中，無意中發現既涼茶鋪-興仁堂，店鋪坐落向大圍雲疊花園附近，因前幾天食咗好多煎炸同熱氣野，搞到個喉嚨好唔舒服，所以經過見到，就想去買枝涼茶（白花蛇舌草）飲下由於我要暖既，所以就入咗鋪等老闆調制，等待期間，發現除了有涼茶之外，仲有傳統既中式糖水和台式糖水，價錢唔貴，所以都買咗台式黎試下（$30-5款材料）俾錢走人，就已經急不及待開支涼茶飲，飲咗幾啖，過咗一陣，個喉嚨真係舒服咗，有之前漲住漲住既感覺，真係真材實料，但真材實料既唔只係涼茶，連糖水都一樣，啲料好多，我果碗就係叫咗芒果、西米、椰汁、桃膠、芋泥，一打開已經見到好多材料向面，糖水味道不太甜，好食料多，$30有5款料，依個價錢既糖水我已經好耐無見過，下次再經過我會再試下佢啲中式糖水…Read More

冷氣超足夠，一坐低，職員就會拎一盤串燒過黎，仲會介紹醬料同簡約講俾你聽點燒，亦都會講夠鐘前半小時就會last order,到依刻都覺得唔錯既，用手機落單叫完野食，咁就放野落去燒啦，食串牛肉，都覺得唔錯，之後其他就不停出事，豬….食落有小小酸醙味，諗住可能一串半串串係咁啦，燒第2串都係咁…，當堂已經無胃口，再拎串燒好既豆卜.，聞落去無野，一放落口，咬第一下就出事，果陣酸醙味供出黎，吐🤮都吐唔切，羊肉卷同雞肉卷都中規中矩，其他食材真係唔得，最好味就係臨尾果杯雪糕總括黎講：價錢唔係平，同食物質素唔成正比，食材唔新鮮，所以一定無下次…Read More

今日下午出開旺角，下午諗食咩果陣，突然醒起一直想食既安平燒肉，都仲未去試，先前睇網上留言都話好多人同網上訂位極快被人book晒，本住上去搏一搏既心態，睇下今日食唔食到，坐電梯上去，一打開電梯門，就見到兩排等，都只有幾個人向度等，諗住埋櫃枱拎飛，職員就話可以即刻入座，原來外面果幾位人兄，都係等緊人，未人齊唔入住，因依度限定，係由入座起計120分鐘，離座前30分鐘就係last order,到咁上下時間，都會有職員提一提醒⏰，依一點非常好，唔係間間都會提，向第2間試過無為意，當發覺既時候已經太遲本人有少少既提議，大家可參考一下，因果個M5和牛，質素唔係咁穩定，加上另外兩款既牛肉其實已經好出色，如果下次我再去既，我會選$308果個，唔需要俾多幾十蚊，食個質素無保證既M5和牛…Read More

向 社交平台睇到一間新開既鋪，做緊買1送1優惠，又突然想食燒肉既情況下，就揀左依間仲向試業階段既燒肉店，內裡環境都不錯，地方整潔，座位都唔迫，幾好坐，飲品種類比較少，雪糕都係，有d頭盤係一坐低就會送黎既，不過就唔記得影相，有刺身，甲羅蟹膏等等，都係一次性，唔係任叫，另外任叫既食物種種都多既，不過真係無咩時間食，時間只有90分鐘，如果個爐係明火爐會好d,佢地個電子發熱線爐根本唔夠熱，好多野食都要燒好耐先熟，根本係唔夠時間食，不只我們這樣認為，因剛好隔離枱既食客都係咁講，都有反映俾職員聽，仲有，原來向離座前30分鐘，就係last order ,入座前都無講，因我用qr code點野食果陣，發覺失效，落唔到單，先望一下張qr code,原本寫住離座前30鐘，就唔可再落單.....依個係我大意，無睇到，但職員都應該向入座時就同客人講，還有值得一讚既就係其中一個店只好有禮貌，服務態度非常好，但留意，只係其中一個，另外兩個，一個帶位既，我就向門口等入座果陣，佢就已經好無禮貌，黑口黑面咁，唔知係佢本身既說話方式係咁定其他原因啦，d語氣真係差到不得了，另一個就無咩特別，野食都係好一般，我有另外加左6隻生蠔食,但真係好失望，d生蠔🦪好難食，唔係好新鮮，坦白講，時間真係唔夠，雖然佢拎單俾我地埋果陣，有講話已經夠鐘，不過依家係試業階段，都可以有位走盞，但依句係佢自說自話，我地都未應佢，佢就即收錢走人，希望依d咁既情況，向佢地正式開業果陣，會有所改善啦…Read More

今次係第3次食，壽司🍣保持水準，料很新鮮，刺身今次係第一次食，帶子鮮甜，吞拿魚都不差，係蝦令人失望，鍾意食咩就點咩，價錢唔貴，火灸鵝肝壽司真心覺得好食，大家可以一試，不過店鋪座位有限，食既時間都有人來叫外賣拎走，坐低食既真係唔多，所以我平時都係放假，下午既時候先去，就比較少人，雖然疫情關係，叫外賣食係最好，但我唔係街坊，如果外賣，拎到返屋企都怕變壞，所以都係坐低，快快食完就走人，仲有一件事值得讚一下店舖，就係有提供口罩袋俾大家自取，因真係唔係好多店舖會提供…Read More

先前經過，見排晒隊，就覺得依間餐廳應該啲野食唔錯😋，可能疫情關係，今次經過見到，唔使排隊，就入去試下啦😄，刺身就一般啦，拖羅唔係入口即溶果種，仲有啲筋，鯛魚都係一般，味道不太好😟，最好就係海膽，無唔新鮮既腥味👍🏻，因好怕食海膽會有腥味，隻生蠔🦪食得出好新鮮，但就無咩蠔味，有d失望😩，咋外仲叫左支清酒🍶，柚子味，幾易入口，柚子味好香，有d覺得自己係飲緊柚子蜜，但食到無咩心機，所以支酒都唔記得咗影相，店員服務都幾好，會不時幫你加茶，唔怕好似有d地方咁樣，每次都要叫人加茶，無自覺性，店可能還有其他較好既食物，但小弟應不會再去，依個任務就交比其他人啦⋯⋯…Read More

起初是被佢門面吸引，加上網上食評不差，對佢好期待，食完之後簡直覺得失望，應該無下次，鋪內環境是不錯的，可惜食物質素有點強差人意，唔知係咪因為疫情關係，所以令佢質素下降啦，但咁既價錢，我覺得有好多其他既選擇，加$48可以任飲酒類，而且係可以逐個人加，唔使所有人一齊加，依點係直得讚既，另外佢雪糕種類好多，但今次就無影相啦，因影影下已覺得有d失望，已經唔想影，覺得無意思，飲品種類不多，串燒都有食，但味道又係好一般，試唔試就大家自行決定…Read More

每碗飯也會奉送一碗湯，沒什麼料的，但味道還可以，一行三人，各叫了不同的飯，現在去相叉燒飯賣相不錯（$40）味道都可以，可要求半肥瘦叉燒再來就是叉雞飯（$46），叉燒沒有剛才那碗叉燒飯的好，比較乾和瘦，雞就一般吧到我食的燒腩仔拼燒鵝飯（$52），燒腩仔皮脆肉嫩，好好食，但燒鵝就麻麻地了，比較乾，同無咩香味，那醬的酸味我很喜歡，因本人很喜歡食酸的，但也十分甜，如果無咁甜，個醬會好吃d，依d口味上既野，很難說總括來說，以燒味飯和味道來說，價錢偏貴…Read More

材料新鮮～店員服務良好～地方都唔算迫～乾淨整潔～一開始會有個湯比你飲～材料好足～之後就係蒸海鮮啦～鮑魚黎果陣～仲係識郁既～蒸既時間又剛剛好～咬落去啲肉好爽口，其他海鮮都好鮮味～最好味係個飯～可選8款配料～好豐富～相片既係5人份量～可參考一下～…Read More