kristy_mi.mi.'s Profile

本應該諗住發掘下銅鑼灣區有咩好食嘅米線，見到店面同menu唔錯就入左去，叫左碗酸菜豬扒拌米線，$57。咁呢個價錢我都無話expect啲乜，見張相靚靚仔仔，所以就叫左呢碗！點知？！出到嚟得兩條豬扒！問曬店面兩個阿姨都答我「係咁架啦！豬扒米線呀嘛！切開係咁架啦！兩三舊！」😅😅😅😅會唔會有啲過分？話明豬扒米線，豬扒得兩條！？講真，味道係唔錯嘅，但係啲態度唔係幾好！見我影相唔知係咪開始驚，行過嚟話「一係我炸多幾條俾你啦！」😅😅😅聽到都唔舒服兼奇怪！之後仲係咁聽到話「少少嘢都要影相！」「依家啲人食嘢都咁多事！」同埋有唔少惡意嘅舉動大家小心伏！:):):):):)…Read More

本身好想食米線，見到番工附近最方便係呢間譚仔就去左！結果真係眼淚都流埋！同平時口味一樣，都係叫重慶酸辣炸醬米線加細白肉。啲嘢上嚟個陣好似同平時一樣，一食先知出事，啲炸醬完全係肉粒同汁，同「醬」距離十萬八千里，個蒜泥白肉得個五塊（平時食細都唔係咁），蒜泥仲要水水地，漿咁。一句講曬，未食過咁奇怪嘅譚仔😅早知寧願行多兩條街食三哥或者雲桂香，一樣價錢至少唔洗咁受罪。唔會再有下次幫襯，餐飯錢真係唔想俾🙏🏻🙏🏻…Read More