Casey Yan's Profile

老公話今晚要去食石頭鍋嘅飯焦🤣二話不說去返呢間餐廳🤤（其實同老公已經唔係第一次食呢間餐廳喇😜😜😜我哋都食咗起碼四次，都係沙田呢一間🤣🤣🤣）因為之前啲食物相影得太核突，所以就冇上嚟寫食評🙈🙈🙈我想講我哋之前食佢啲燒肉餐真係唔差㗎！我同老公都唔算好大食😝記得我哋上次食燒肉餐食得好好好好好飽，仲要打包🥴🥴🥴為免歷史重複，今次就同老公清清地食個散嗌啦😊😊😊總括我哋嚟呢間餐廳嘅經驗，佢哋服務都🆗，又未至於好似其他朋友咁樣遇到啲麻麻哋嘅服務態度🤨🤨🤨可能我哋好好彩😮‍💨😮‍💨😮‍💨又或者佢已經改善咗？我哋晚上6:30左右去到，都要等一等位🤣一入去就Serve我哋四款嘅前菜，啲前菜係任添㗎！我想講食前菜都真係可以食到飽🤤🤤🤤特別要讚吓佢嗰個薯仔蓉沙律，個樣好似雪糕咁㗎😋😋😋係好甜不過好好食👍🏼👍🏼👍🏼另外都要讚下佢個泡菜好新鮮，不過可以辣多少少就更加好啦😄同埋店員都好好會主動幫我哋Refill👍🏼👍🏼👍🏼今次我哋拒絕燒肉🙅🏻🙅🏻‍♀️所以只嗌咗以下呢2⃣️樣嘢咋👇🏼1⃣️R1. 極級霜降牛肉釜飯👇🏼呢個係我嗌嘅，因為我要做功課嘅關係，我要秤下啲嘢食大概有幾多克🤣🤣🤣我今日連個食物磅都拎埋過嚟，就睇睇你足唔足料！首先講吓佢啲飯先，有成接近2⃣️碗嘅份量，真係好多🙈🙈🙈個牛肉都🆗嘅有少少靭，但都可接受嘅，咁證明佢唔係太肥🥴🥴🥴秤完啲肉都有4⃣️至5⃣️安士左右㗎👍🏼整體成個飯味道偏甜，係好味！😊2⃣️M10. 石鍋牛肉拌飯👇🏼呢個係老公嗌嘅，佢就最鍾意石頭鍋出嚟嘅飯焦🤪不過聽佢講好似個石頭唔夠熱，所以唔係整到好多飯焦出嚟😖😖😖不過整體都係讚佢個味道，因為好香麻油味，我老公就最鍾意麻油味❤️❤️❤️🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：暫時都保持到高水準嘅韓國餐廳，佢嘅前菜真係做得唔錯👍🏼👍🏼👍🏼同埋好多嘢都好大份好足料，啱晒大食嘅朋友！細食嘅朋友記得拎定食物盒打包😂😂😂呢一餐兩位夾埋只係用咗$260，真係好抵食！😋😋😋🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

我同老公嘅結婚午宴終於完成啦🤣🤣🤣新婚後第一餐出去食嘅餐廳就喺酒店附近嘅K11 Musea，上OpenRice搵吓有咩食先（因為係平日嘅關係，商場真係冇人行㗎）之後行吓行吓見到呢一間餐廳好工業風好吸引🤨🤨🤨其實今次食呢一間餐廳係因為俾佢嘅工業風吸引到，我都唔期望佢嘅嘢係好食🤨不過我見咁多話佢個蛋治好食，咁就即管試吓啦！😮‍💨😮‍💨😮‍💨點知又中伏！🤮🤮🤮1⃣️Omotesando Koffee Hot (R)平時飲咖啡我淨係飲齋啡，喺我飲過咁多間公司咁多間品牌嘅齋啡，呢杯咖啡係咪好特別？我答你：唔係🤔正常你喺屋企都沖到嘅咖啡，Capsule都可以整到出嚟嘅咖啡😮‍💨2⃣️Iced Mochaccino (No Cream)呢杯係我老公嗌嘅，只係一個字：甜😞我老公飲咗一半已經放棄咗佢😂😂😂3⃣️Egg Sando個個都吹捧呢一個三文治，得罪講句，我真心覺得呢個蛋三文治難食！😖😖😖個蛋一啲都唔好食，唔知乜嘢嚟，又無蛋味，似食緊夠硬膠啫喱多啲😖😖😖個麵包又唔新鮮又唔軟熟，呢個Egg Sando真係好難食！茶餐廳蛋治仲好食過佢😖🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：通常啲咩咩咩國家引入香港啲咩咩咩所謂「美食」，呢啲Gimmick嘢真係試一次都嫌多😞呢啲餐廳都係俾人打下卡嘅啫⋯⋯佢哋係唔係真係有心做美食？真係唔知曉⋯⋯🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

同老公去海港城買賀年禮物，買完之後搵吓附近有冇啲好嘢食先😋😋😋睇睇下就搵到呢一間Honbo，睇落乾乾淨淨，又有得對住海景，OP有咁多正評，似係幾正咁，一於就試吓佢啦😜😜😜點知⋯⋯伏嚟嘅！🤮🤮🤮好！首先睇吓佢個餐牌！🫣🫣🫣餐牌正正常常，都係嗰啲價錢啦！餐牌仲Design得幾靚添👍🏼不過呢啲Marketing包裝，啲嘢唔好食，你再靚都冇用啦🤮🤮🤮睇睇我哋食咗啲乜嘢👇🏼1⃣️Cheese Burger👇🏼我老公嗌咗Cheeseburger，佢塊包細到不得了🤣🤣🤣（張相已經影大咗佢啦😤）我老公話成個包正正常常啦，不過好奇怪點解冇蕃茄可以Extra加落去嘅？因為啲菜好少，所以成個包就乾掙掙咁啦⋯⋯2⃣️Impossible Burger (Lettuce Bun)👇🏼因為今日唔想食包，所以我嗌Bunless，佢Impossible Meat係真係好大塊，不過紙咁薄呢😄😄😄塊肉都係正正常常啦😊都係嗰間公司出品嘅啫⋯⋯3⃣️Fries👇🏼哇😡😡😡喂個薯條完全唔合格，又硬又凍，你話’WE HANDCUT OUR FRIES’都冇人信😤😤😤我老公話佢個薯條似佢由細到大係英國超級市場買返嚟Frozen嘅薯條，自己叮翻熱佢，然後攤返凍嚟食🤯🤯🤯我真係笑咗🤣🤣🤣4⃣️Coleslaw👇🏼喂咪玩啦！成兜嘢冇Mayo或者是但啦你俾啲沙律醬，你食過Coleslaw未㗎究竟⋯⋯仲有蔥🙈我真係俾佢激死🙈5⃣️&6⃣️Coke & Ginger Lemonade👇🏼嘩我個Ginger Lemonade真係好甜，我見有一塊Ginger呀，不過成杯嘢無Ginger味㗎😁🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：靚景真係有用咩？呢間餐廳排隊只係一個假象，佢唔係好多人要食，而係餐廳實在太細，得七張枱😅😅😅講真麥記都好食過佢😖去樓下食Shake Shack仲好過啦😞😞😞呢間餐廳以呢個價錢，呢個食物質素，相信都唔生存得幾耐⋯⋯👋🏻👋🏻👋🏻🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

無無聊聊碌吓OpenRice睇吓有咩好食，因諗住同男朋友去食一餐好食嘅晚餐😋😋😋見呢間餐廳OpenRice Book位有折，係啲新小小嘅餐廳，見又冇乜食評，一於就膽粗粗試試佢啦！😜😜😜上到去餐廳職員就幫我哋帶位啦😜發現其實餐廳都冇乜人去食嘅🤔當晚去到成個場咁大都只係得四至五枱人食飯（計埋我哋自己嗰枱）😅唔通唔好食？😮‍💨正當我哋喺度有少少後悔嚟呢間餐廳嘅時候，侍應就遞咗個iPad過嚟俾我哋睇餐牌，話當日夜晚係Semi-Buffet或者À La Carte😌我同男朋友都唔係好肚餓，咁梗係À La Carte啦😊😊😊以下就係我哋嗌嘅兩個Mains同埋兩個Side Dishes😋😋😋發現真係出奇地好食呀！0⃣️任食麵包👇🏼我一向都係麵包控，所有酒店嘅麵包我一定要試食🤣🤣🤣食Buffet我都係食麵包先🙈🙈🙈呢間餐廳嘅麵包係真係好新鮮，鬆軟，夠熱👍🏼👍🏼👍🏼食完一籃之後，因為佢太好食嘅關係，我真係厚面皮咁問佢可唔可以在添麵包🤣🤣🤣佢竟然話得❤️❤️❤️開心到興奮❤️❤️❤️第二輪又係我食晒啲麵包哈哈哈哈😂😂😂1⃣️Carbonara Spaghetti 🧀卡邦尼意粉🍝👇🏼呢個係我男朋友嗌嘅，佢對意粉好有要求㗎😂😂😂一上菜就已經係聞到好濃好濃好濃嘅芝士奶油味，最重要係佢出緊煙㗎！真係好夠熱，好好食，唔好睇佢細細碟，其實都好厚實，裏面係真係好足料嘅意粉嚟㗎😋😋😋好夠食，好飽😄😄😄我男朋友都讚👍🏼👍🏼👍🏼但真係好邪惡哈哈哈哈😈😈😈2⃣️Barbecued Cod Fish 🐠叉燒醬鱈魚🐟👇🏼呢個係我極度極度極度非常推介😜😜😜個鱈真係好Juicy好嫩滑❤️❤️❤️味道係好特別，我又唔覺得係好重叉燒醬嘅味道，但真係冇誇張真係好好食！最特別嘅係佢側邊一排白飯，好似有啲燒過嘅痕跡？因為佢乾乾地身，其實有少少硬，呢度有少少扣分🙈🙈🙈不過佢個叉燒醬鱈魚真係攞滿分💯！另外佢嘅擺盤都係好特別又精緻🤭Very Good👍🏼👍🏼👍🏼3⃣️Oven-roasted Baby Vegetable 🥕燒焗雜菜🥦👇🏼4⃣️Sautéed Baby Spinach 👶🏼炒菠菜苗🌱👇🏼呢兩個Side Dishes正正常常冇咩特別，價錢便宜，抵食！🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：真係好開心好開心無意中遇到一間咁好食嘅餐廳😄我哋食完當晚真係好Surprised點解呢間餐廳冇人去😅😅😅可能呢間餐廳太新啦，又可能仲未俾人發掘到😮‍💨其實我都希望佢可以多少少客來試吓佢咁高質素嘅美食😋😋😋亦都希望呢間餐廳Keep住做到高水準，因為我應該好快又來食你哋嘅叉燒醬鱈魚㗎喇🙈🙈🙈希望喺我下一次嚟嗰陣時你哋都整得咁好食啦😜🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

距離結婚仲有一個月嘅時間❤️❤️❤️大部份婚禮嘅嘢都差唔多整得7788了🤭🤭🤭結婚其中一樣重要一環當然係我哋嘅花球襟花啦🌸🌸🌸經過我一輪嘅資料蒐集，最後決定去灣仔嘅一間花店🤭今日同男朋友去咗呢一家花店訂花球🌸🌸🌸選花過程非常之順利🙏🏼🙏🏼🙏🏼訂完之後，嗰陣時大概係2:15左右，就睇下附近有冇好嘢食🤪睇吓OpenRice後睇吓Google Map，誤打誤撞之下就發現咗後巷嘅一間茶樓😲😲😲呢間茶樓係上樓嘅，雖然個門面唔係好大，但係佢個牌就真係好大😅一入到去地下大堂個門口，個職員已經好好招呼🤣🤣🤣話我哋呢個時間嚟就最啱，因為已經冇乜人🙈🙈🙈上到去，另外個接待我哋嘅職員又係好好招呼，仲介紹咗我哋佢啲出名美食🤣🤣🤣睇佢牆上面啲海報又話自己有米芝蓮推介🤔🤔🤔本身同男朋友都覺得可能會好貴，但睇一睇張點心紙，咦！價錢非常合理！😜我哋兩個人嗌咗以下五碟嘢😋😋😋1⃣️魚湯雲吞浸時蔬👇🏼飲茶點都要有啲菜食😛對於平日嘅上湯浸時蔬已經有啲悶，所以就嗌咗呢一味😄我嘅評語係不過不失，雲吞同埋白菜仔完全吸晒啲魚湯嘅味道👍🏼雖然味道偏鹹，但尚可接受😄2⃣️水晶鮮蝦餃皇👇🏼鮮蝦餃皮晶瑩剔透，裏面啲蝦仲大大隻，新鮮好脆口😋😋😋其實我哋食過咁多間茶樓，佢哋呢個蝦餃真係做得唔錯👍🏼👍🏼👍🏼3⃣️蔥花蝦米腸👇🏼其實呢一味餸夠多蔥花同蝦米，我就已經係好滿意㗎啦！呢間茶樓嘅蔥花蝦米腸果然冇令我失望，佢哋嘅蔥花同埋蝦米都好多，係足料😋😋😋所以係完全唔使點醬去食！料多自然就好香！4⃣️蘿蔔千絲酥👇🏼呢個我讚呀👍🏼因為入邊嘅蘿蔔絲真係切得幼細，真係做到外脆內軟，蘿蔔絲又好甜，口感非常之好！仲係新鮮熱辣辣去食，一流😍下次嚟我會Encore🤣5⃣️金沙蝦多士👇🏼職員推介我哋食呢一個蝦多士🤣🤣🤣佢唔平㗎，要$35件🤣🤣🤣不過又真係幾好食嘅！多士都好鬆脆，不過就偏油膩少少😉其實唔係好健康🙈呢一個嗌一次啦😅下次就唔會嗌㗎啦🤔🤔🤔6⃣️免費紅豆沙👇🏼餐廳嘅職員都好好，免費送咗個紅豆沙俾我哋食😋😋😋佢個紅豆沙都做得唔錯！不過因為我之前食開一間齋舖嘅紅豆沙真係超級好食😋所以我一定會有比較㗎⋯⋯🤣🤣🤣佢哋呢一間嘅紅豆沙就都好足料，不過就唔係好夠起沙喇😉🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：好開心喺無意中之下喺灣仔發現到一間較高質素嘅中菜，我同我男朋友食完都係好滿意，尤其係佢哋嘅服務態度都係非常之好👍🏼👍🏼👍🏼呢一餐較為滿意嘅菜式係佢哋個蔥花蝦米腸同蘿蔔千絲酥，推薦大家一試！😋😋😋🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

我哋今次去咗一間好有歷史嘅中菜館食返啲正宗粵菜😉點解會去尖沙咀分店呢⋯⋯💭事緣係因為兩次去上環嗰間都咁啱有人中COVID關門唔開🤣🤣🤣我哋同上環嗰間真係好無緣👉🏼👈🏼突然間諗返起呢一間兩次都去唔到嘅餐廳，就一於試試打電話去Book下枱啦😜我即日下午電話☎️預早Book咗當晚6:30PM😉去到見到佢個生招牌都覺得呢間餐廳好有歷史感😜6:30PM準時上到去，嘩！全場爆滿！有冇咁誇張呀！真係無諗過呢個鐘數竟然已經係爆滿😥😥😥好在有Book枱咋😜✌🏼我覺得呢間餐廳所有職員嘅服務態度都係非常之好👍🏼👍🏼👍🏼佢哋1⃣️唔會催你落單2⃣️俾你慢慢睇餐牌3⃣️又不停幫你斟茶😂😂😂我哋都覺得唔係幾好意思😉😉😉經過一輪討論之後，我哋決定嗌下面呢5⃣️樣嘢食🤨🤨🤨1⃣️燻蛋琥珀合桃👇🏼其實佢嘅燻蛋同平時食出面食嘅糖心蛋都唔係太大分別🧐不過有琥珀合桃點綴下😉但就唔算好脆口，只係中中作品🤨真係識煮呢啲小食嘅老人家（我Uncle🤣）仲整得好食過佢🫣我講真㗎🤨2⃣️干燒明蝦球👇🏼個蝦球好大隻🤩🤩🤩蝦球個汁係好大陣泰式酸辣醬同豆瓣醬嘅混合味道🤣係幾好食，甜酸嘅味道都幾開胃，雖然係咁，但好可惜成碟餸鑊氣欠奉🤨側邊嘅西蘭花都比較硬😅😅😅好似真係擺喺高湯裏面烚佢幾下就算😩😩😩唉⋯⋯個西蘭花真係完全扣晒分😣$298嘅一碟餸，我真係俾佢唔合格！3⃣️擔擔麵👇🏼佢好好咁分開咗兩份俾我哋，每一份仲要都係好靚好精緻嘅擺盤👍🏼呢個讚👍🏼我覺得呢碗擔擔麵都OK嘅，但花生醬唔夠多🥲🥲🥲所以唔香😥😥😥麵嘅質感都係正常啦，同埋個湯再辣啲就仲好😜😜😜呢個係成晚唯一一個比較OK嘅嘢食😅4⃣️楊州炒飯👇🏼冇咩鑊氣嘅楊州炒飯，雖然佢唔貴但唔值得嗌，茶餐廳或者大排檔仲好食過佢😓😓😓5⃣️酒釀丸子👇🏼都係令到我有啲失望嘅甜品，因為佢無桂花味，係一啲都無😣只得個酸味😟😟😟啲小丸子質感又唔夠鬆，唔好食🤨🤨🤨大家唔駛嗌呢個甜品了😣🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：成餐飯食咗$750，但係冇一樣係有驚喜😣我諗香港老飯店真係「老」喇，眼見大部份嘅枱都係一啲老一輩嘅食客，或者係熟客😞以餐廳呢個質素，同埋呢一個偏貴嘅價錢，我諗新一代嘅年青人都未必會想去呢個地方度食🤔但係不得不讚嘅係佢哋嘅服務態度係真係一流！我諗餐廳老闆係時候諗吓轉下型啦⋯⋯🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

同男朋友去咗MIKIKI入面呢間「講咗好耐話要去，但遲遲都未去」嘅餐廳食扒😅今日終於都食到啦！門口個牛形燈好靚🐮🐮🐮不過一入到去冇人理你🤣了解咗之後，原來由1️⃣落單，2️⃣攞嘢食，到3️⃣收食物盤佢都係自助形式，無人會招呼你嘅😆因為有幾張枱都仲未抹乾淨🥴所以最後搵咗一張比較乾淨啲嘅枱坐😙今次坐門口😉（不過真心評論，餐廳嘅衛生真係一般般😓😓😓好多張枱都冇抹乾淨，有幾張係未執枱😥可能佢哋人手真係好唔夠⋯⋯）好啦就睇下餐牌，佢提供嘅牛肉都真係好多選擇喎！😜👇🏼-🐮STEP1️⃣：係揀牛肉😜😜😜👉🏼因為佢好多款，所以我哋都睇咗一陣個餐牌😂😂😂我揀咗Premium Sirloin，而男朋友就揀咗Premium U.S.A Prime Tri Tip🥩🥩🥩我哋大家都係嗌200g🥩🥩🥩-🐮STEP2⃣️：係加配料😛😛😛👉🏼蔥、洋蔥同埋蒜蓉全部都係我哋嘅至愛😍😍😍我哋全部都加🤪🤪🤪-🐮STEP3⃣️：係轉Set或加Add-Ons🤪🤪🤪👉🏼轉Set只需要加HKD 30，所以我哋都轉咗🆙🆙🆙我加咗沙律🥗溫泉蛋🥚同Coke Zero🥤男朋友就加咗碗飯🍚溫泉蛋🥚同正常Coke🥤🤣🤣🤣最後店員問我同我男朋友塊扒都係230g左右，🆗？我哋都明白係好難切到咁準200g嘅⋯⋯🤣🤣🤣等咗一陣就拎餐❤️😋講下我塊扒先，我塊Sirloin扒好厚❤️❤️❤️係熱鐵板上，要讚一讚佢塊鐵板真係好夠熱👏🏻等塊扒煎熱到咁上下，就可以食㗎啦😋😋😋Sirloin都幾好食，一啲都唔靭，有少少牛味，但就唔太濃烈🥲👇🏼呢個就係我嘅Sirloin扒啦🥴上面啲蒜蓉再多啲就仲好！沙律就不過不失啦，都係啲生嘅菜再加啲芝麻醬😉溫泉蛋都係正常😉最後就係罐飛機餐Size嘅汽水🤣👇🏼👇🏼好Large大塊扒😂👇🏼👇🏼因為塊鐵板好夠熱，我覺得我都煎得塊扒幾靚！👇🏼之後偷食男朋友一嚿牛先⋯⋯嘩我就覺得男朋友塊扒就正好多，可能因為有比較，佢塊U.S.A Prime Tri Tip扒好有牛味，亦都唔韌，亦都好多汁😛😛😛我哋都覺得以呢個平民少少價錢都食到一啲🆗嘅牛扒，係唔錯！大家睇睇佢塊扒👇🏼又係好Large大塊扒😂👇🏼🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：除咗呢間餐廳係唔執枱、衛生方面一般之外，我覺得佢啲牛扒真係唔錯🤣🤣🤣我男朋友話下次都可以再返嚟食😜不過如果大家真係去食嘅話可能要留意番個份量，因為我哋當日都唔係太肚餓，所以食230g就覺得啱啱好，但係如果大食啲或者好肚餓嘅朋友就至少嗌300g以上啦（我諗🤣）我哋嗰日兩位最後埋單都係HKD 419，呢個質素呢個價錢真係幾🆗親民😋🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

哇放完工好攰🤦🏻‍♀️但男朋友想去馬鞍山食嘢，咁就陪咗佢去馬鞍山搵好嘢食啦！好耐冇食過BEANS啦😜以前啱啱開嗰時就成日都食😜咁多年後嘅依家BEANS開到成行成市，唔知會唔會冇咁好食呢⋯⋯今晚見入邊又冇乜人，就入去食食佢啦😋😋😋餐廳職員好好，俾我哋坐卡位，佢個卡位梳化超級舒服😌今晚又唔係好肚餓，就試吓佢Light啲嘅晚餐選擇先😌佢個餐牌依舊係雜誌嘅排版，我最鍾意呢啲偽文青嘅格調🤪🤪🤪我嗌咗「焦糖香蕉熱烘窩夫全日早餐」🤪男朋友就嗌咗「黃金蟹肉意大利粉」😍😍😍1⃣️焦糖香蕉熱烘窩夫全日早餐🍌🧇- Caramel Banana Breakfast with Beans Waffles -睇見呢個全日早餐就流晒口水🤤🤤🤤因為樣樣嘢我都咁鍾意食！佢個焦糖香蕉冇得彈呀，焦糖燒得卜卜脆，香蕉熟度啱啱好👍🏼雖然焦糖同香蕉一叉落去就分開咗，但係夾返入口真係覺得佢哋嘅味道係好夾🤗另外就係佢嘅煙肉啦🥓佢嘅煙肉煎到脆卜卜，就嚟要燒燶但又冇燶嗰種程度🤣🤣🤣炒蛋就正正常常，但嫌佢俾得少😥😥😥最後就係佢嗰兩個「窩夫」😅我唔知點解佢做窩夫，佢完全唔係格仔格仔嘅窩夫🧇只係一舊圓形嘅蛋糕🤣但係你又吹佢唔脹，因為真係好好食呀😍😍😍佢好食個位係：好新鮮，夠熱😋切細細個，成個掉入去鮮忌廉，然後再掉入去花香蜜糖入邊，再撈返上嚟🧇🍯超級Heavy😈超級邪惡，但真係好食好食好食😋👇🏼2⃣️ 黃金蟹肉意大利粉🦀🍝- Spaghetti with Crab & Salted Egg Yolk -男朋友嗌呢個意大利粉，賣相非常吸引，有一隻蟹蓋喺上面🤣BEANS嘅意粉平時都係出名好食，今次都係一樣，完全保持到水準！佢嘅意粉硬度適中，白汁又夠Creamy，同埋最重要嗰樣嘢係非常之夠熱，一撩起啲意大利粉嘅時候啲煙係升起嘅♨️♨️♨️同埋佢嘅蟹味係非常之濃！份量又啱啱好！非常之推薦呢個菜式俾大家😋👇🏼之後男朋友仲嗌咗杯凍朱古力，佢嘅凍朱古力都幾濃味，唔係啲茶餐廳馬馬虎虎嘅朱古力嚟㗎☺️👇🏼🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：咁耐冇食BEANS，今次食返依然係好有驚喜👍🏼因為你哋餐廳做咗咁耐又開咗好多間分店，冇覺得你哋退步，反而係進步咗好多👍🏼你哋嘅全日早餐同埋意粉真係好好食😋我依然覺得BEANS係一間用心去做食物嘅餐廳，職員嘅服務態度都係非常之好👍🏼要俾個讚你哋👍🏼👍🏼👍🏼希望你哋之後都會Keep住做到咁高嘅水準😊我哋會Keep住返嚟食你哋嘅菜式㗎☺️🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

同男朋友去西環食Fish & Chips🐟🍟食完之後就帶我去咗隔離飲咖啡🤩🤩🤩嘩呢個組合簡直係冇得彈🤣今日要返我最鍾意飲嘅Latte with Oat Milk😋😋😋要Nutty啲🤣🤣🤣男朋友平時都唔飲咖啡，唯有跟我嗌🤣佢嗌咗個Latte☕️☕️☕️呢間白色小屋真係打卡嘅好地方，對住個海係一流！星期日真係好多好多好多人，要影靚相真係難啲🫣🫣🫣樓上2樓都已經滿晒人啦，不過好好彩買完咖啡啱啱好有個吉位可以坐（對住收銀）☺️☺️☺️嘆下咖啡，睇住職員沖咖啡都幾寫意㗎😄👇🏼講返杯咖啡先🤣味道正常啦，咖啡味再濃多些少就仲好🫣☕️不過對飲唔慣咖啡嘅男朋友就覺得好濃🤪👇🏼杯子滿滿的👇🏼雖然係外賣，職員都堅持拉花😜👍🏼🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：如果大家想真正Chill下，真係要平日先好黎啦😅因為實在太多人啦🥲我哋買完之後排隊條龍排到門口出邊轉彎再轉彎😵‍💫😵‍💫😵‍💫不過我覺得佢都幾值得返嚟試其他味道嘅咖啡😊👍🏼下次再嚟啦😋🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

🥳Happy Birthday to Me🎂生日放自己一日假🎂男朋友都放咗假，話帶我去食我鍾意食嘅嘢🤣我鍾意食啲乜嘢呢，咪又係女人鍾意食啲靚靚嘅西餐🤣🤣🤣之後男朋友就喺OpenRice搵到呢一間餐廳😍😍😍咁啱係星期五晏晝大約兩點，返工啲人都食完飯返返辦公室🤨我哋去到餐廳就有位坐了☺️餐廳職員都好好，比我哋自己揀位，咁我哋就揀咗餐廳入邊正中嘅一張方枱，咁啱太陽曬唔到我哋😜男朋友嗌咗個三文魚，我就嗌咗個All-Day Breakfast😍😍😍1️⃣Daily Soup👇🏼男朋友最鍾意飲湯，佢嘅習慣係點都要嗌餐湯開胃🤣今日係雜菜湯🥘🥫佢啲雜菜足料到不得了，但係啲湯就唔係好多，似係食湯渣多過飲湯🤣2⃣️Pan-Roasted Salmon with Mashed Purple Sweet Potato & Citrus Sauce👇🏼三文魚擺盤好靚，一嚟到都好吸引眼球🤩🤩🤩佢個三文魚好新鮮，唔似我哋平時網購啲三文魚柳😂佢個紫薯蓉都好好食，旁邊啲沙律菜加埋柚子汁都好開胃😋😋😋不過份量就比較少😉3⃣️MG All-Day Breakfast - Classic Breakfast👇🏼(Scramble Egg, Bacon, Tomato, Sausage, Croissant, Mushrooms, Beans)正常嘅All-Day Breakfast☺️我自己覺得呢個Classic份量啱啱好😛😛😛幸好店員落單前提醒我呢個份量係比唔係太肚餓嘅人食😂😂😂因為原本我係糾結緊食佢個Fantasy🤣🤣🤣店員話Fantasy比較大份😜😜😜我覺得佢個腸仔幾好食，可能我已經好耐冇食過腸仔🫣🫣🫣其他炒蛋，蘑菇同埋茄汁焗豆都係正正常常☺️呢個價錢份量都係偏少😉🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：呢間餐廳食物質素正常，主要係食佢個環境😌😌😌但唔係太抵食，始終喺觀塘區都係覺得偏貴🫣不過當日過咗一個真係好悠閒嘅下午，食完之後同男朋友去咗觀塘海濱行個圈🥳🥳🥳開心😘😘😘🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

預約咗星期五晚餐同男朋友預早慶祝生日，嘩真係要早一個月先Book到枱🥶有冇講到咁犀利先，啲鴨係咪真係咁好食？嗱我唔係打手，我講真話㗎🥺佢哋嘅鴨肉無味，係淡而無味😡😡😡真係「食之無味，棄之可惜！」😡😡😡我都見有其他OP朋友講佢啲鴨無味🧐原來唔係我得一個人覺得無味啊，我男朋友都覺得無味🥺我無中過COVID，我啲味覺正常㗎🤣🤣🤣我哋成餐只係嗌咗以下兩樣嘢咋👇🏼1️⃣傳統北京烤填鴨👇🏼（一食，有片胸皮，胸肉，腿肉，連青瓜，大蒜，黃麵醬，薄餅）首先唔講佢無味嘅鴨肉😒講吓佢啲好嘢先🤨佢個鴨皮係好脆卜卜，加白砂糖食係幾好食㗎👍🏼👍🏼👍🏼另外就係廚師嘅刀工係真係好好，啲鴨皮真係冇肉冇脂肪，切得非常之靚！真係要俾個讚佢👍🏼👍🏼👍🏼雖然係咁⋯⋯但係都真係搭救唔到佢無味嘅鴨肉😡😡😡我想講成個菜我只係食到黃麵醬嘅味道，同埋青瓜索索聲，肉類煙煙韌韌嘅口感😒😒😒完！2️⃣魚香茄子煲👇🏼講真話，魚香茄子煲比佢個北京烤填鴨做得更加出色，加埋兩碗白飯，我同我男朋友都讚不絕口👍🏼👍🏼👍🏼我哋已經好耐冇食過好正宗，好有鹹魚味嘅魚香茄子煲啦😍呢個菜我反而係極度推薦比大家食！唔好嘥錢食無味嘅鴨😡😡😡🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：雖然個魚香茄子煲真係做得出色，但係個北京烤填鴨真係做得好差，所以我先俾劣評😡😡😡大家唔好嘥錢食北京烤填鴨，佢啲小菜更出色（但有待驗證，畢竟呢度打手太多了⋯⋯）同埋我都想讚吓餐廳嘅職員服務態度好好👍🏼👍🏼👍🏼我下次都會再返嚟試你哋其他小菜，但一定唔會食北京烤填鴨🫣🫣🫣🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

朋友約食11月生日飯😍慶祝我哋三位11月之星🌟🎂我哋今次揀咗Rosewood入邊嘅Bayfare Social😍😍😍朋友話本身一開始係訂唔到枱㗎，不過之後又再打電話去問😂餐廳職員話當日只可以留吧枱位比我哋🫠我哋一行5⃣️人，要一字排開坐🤨我哋其實都冇乜所謂😄😄😄照去！去到餐廳門口，啲燈光好暗🤣已經有啲想休息瞓覺嘅感覺🤣🤣🤣當我哋期待行去吧枱嘅時候，餐廳職員俾咗張大圓枱我哋喎！（我哋仲諗緊呢佢係咪比錯枱我哋，嘩好呀唔駛坐吧枱😝開心😍）其實我今次係第一次食西班牙嘢😅雖然朋友之前食過呢間，不過我哋都再請待應介紹下🙂待應都好好，好用心介紹比我哋🙂主菜方面我哋嗌咗以下五樣嘢😀1⃣️Pulpo A La Gallega - octopus, paprika, olive oil👇🏼問職員Tapas有咩好介紹，佢話第一次食應該試吓Hot Tapas先，唔好嗌Cold Tapas住🫡佢就推薦左我哋試咗呢個八爪魚Hot Tapas😍因為佢個汁好濃同八爪魚好新鮮好食，真係唔錯！佢嘅賣相都好吸引❤️2⃣️Steak Frites👇🏼佢嘅牛肉都OK，正常，不過認真，無扒房咁好食😅可能係啲打手吹大咗😅😅😅不過我啲朋友話個薯條好食到想再Encore🍟😂但我自己就覺得正常過正常，又未去到真係咁好食😉😉😉我覺得家寶漢堡啲薯條仲好食過佢好多囉😂😂😂3⃣️Rotisserie Chicken (Half)👇🏼雞肉正正常常，似普通酒樓晚餐嘅炸子雞😓唔算特別出色，大家可以唔嗌呢個🤔4⃣️Verde Flat Bread👇🏼我哋嗌咗呢個有好多菠菜嘅Pizza🍕（餐廳侍應用Pizza嚟形容Flat Bread，我都係跟佢講㗎咋🫣）呢個Pizza上面有好羊羶味嘅芝士🤨佢嘅芝士羊羶濃度係去到臭🤣唔係好頂得羊羶嘅朋友就唔好嗌呢個了，因為聞落去真係好臭🫣🫣🫣不過食落去就完全冇嗰啲羊羶，整體我覺得都OK嘅🤓值得一提嘅係佢哋將個Pizza分咗5⃣️份，我哋覺得佢哋好細心❤️雖然唔知係唔係巧合😛不過就當唔係先啦🤣5⃣️Seafood Paella (Large)👇🏼呢個飯推薦比大家，佢哋嘅海鮮真係做得幾好，好多唔同嘅海鮮🐙🦑🍤🦪我哋五個人嗌咗個大嘅，份量係真係啱啱好😎😎😎不過唔鍾意食蒜頭嘅朋友就叫佢唔好落嗰個醬，因為嗰醬真係好大蒜頭味🧄不過呢啲就係西班牙菜嘅特色啦😜食完主菜，梗係嗌甜品食啦！6⃣️Churros👇🏼呢個甜品係我朋友介紹俾我哋食嘅，鬼佬沙翁，不過長條形，有砂糖幾正🤩再加埋朱古力醬係一流😍我認我係朱古力控🍫❤️7⃣️Apple Crumble👇🏼不過不失，唔係我食過最好食嘅Apple Crumble🤨又係比打手吹大咗😒😒😒8⃣️Chocolate Mud Cake👇🏼因為我哋生日，呢一個蛋糕係餐廳免運送俾我哋嘅😍😍😍我想講呢一個蛋糕係呢一餐食甜品入邊最好食嗰個😂要俾錢嗰啲返而冇咁好食😂免費嗰個最好食😋可能我自己係好鍾意食朱古力嘅人🍫佢個蛋糕嘅朱古力味真係好濃郁，同埋真係又重好足料👍🏼👍🏼👍🏼飲品方面，我哋都係嗌無酒精嘅飲品😅9⃣️🍹Berries Cooler👇🏻我飲呢杯，普通麻麻哋，唔知咩味，不好意思我真係講唔到😓1⃣️0⃣️🍹Blood Orange Lemonade👇🏻呢杯幾好飲，偷飲咗朋友一啖，清新少少，似飲橙汁😄1⃣️1⃣️🍹Organic Chamomile🍸1⃣️2⃣️🍹Organic Long Life Green🍸有兩位朋友就嗌咗上面呢兩款熱茶，都幾好飲，好清新👍🏼😉特別係我哋食完啲好甜嘅甜品，飲啖茶就舒服晒😙侍應仲會幫你Refill，Refill咗之後都好仲好有味👍🏼😛🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸我覺得呢間餐廳不論環境同埋服務都係一流嘅，好適合情侶慶祝紀念日啦，因為餐廳真係好暗😂😂😂食物質素我覺得中規中矩，普普通通，有一兩味都OK嘅幾好食，但唔算特別有大驚喜😅反而佢係高級酒店入邊一家西餐廳，我會期望佢啲嘢食係要再再再好食啲🤔🤔🤔不過以呢個價錢（我哋五個人埋單都係$2200）係高級餐廳食到一餐西餐，真係覺得CP值超級高，所以要求就唔應該咁高啦🤣🤣🤣🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

食完晚飯🍚梗係要去食碗糖水啦🤩🤩🤩去返我哋嘅地頭啟德，唯一一間嘅糖水舖Dessert Country食返碗芋圓糖水先😋星期五夜晚去食糖水通常都比較多人，不過好好彩，仲有一張兩人枱🙏🏼☺️唔使睇餐牌啦！喺呢度我淨係嗌一樣嘢㗎咋，就係招牌綜合芋圓！🍡🟡⚪️招牌綜合芋圓🟣🟠- 荳腐花、黑糖珍珠、紫薯西米、芋圓、雲尼拿雪糕 -招牌綜合芋圓真係我食過最好食嘅芋圓糖水，自從我兩年幾前搬入去啟德，我叫咗呢個糖水起碼30次以上😅😅😅因為佢啲芋圓真係好新鮮，唔硬，煙靭度啱啱好😍😍😍加埋佢其他配料：黑糖珍珠➕紫薯西米，撈埋落個豆腐花度一齊食真係口感滿分😍😍😍最重要係佢用Mövenpick雲呢拿味雪糕，當佢個雪糕溶溶地變咗個湯底，連埋豆腐花真係好好食😋🍫朱古力心太軟🍰- 制作需時15分鐘 -朱古力心太軟係我男朋友第二次食㗎喇，上次食完之後今次佢又嗌😅😅😅因為佢話好好食😂😂😂佢個朱古力心太軟真係新鮮焗，落單之後真係要15分鐘先食到⏲🤪不過真係要讚一讚佢，一拎到嚟真係好香噴噴朱古力味，熱辣辣，用個匙羹撳吓佢，啲朱古力熔岩真係會湧出嚟🤣🤣🤣熱辣辣嘅朱古力心太軟加埋凍冰冰嘅雲呢拿Mövenpick雪糕夾埋一齊食好正🤩🤩🤩🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：食過咁多次佢嘅招牌綜合芋圓，依然都係覺得佢最好食😋因為佢啲芋圓好新鮮，再加埋用咗Mövenpick嘅雲呢拿味雪糕做一個豆腐花嘅湯底😍😍😍另外佢嘅朱古力心太軟都係推薦！🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

同一班姊妹喺尖沙咀試完姊妹裙，我提議去食印度嘢😜上去OP睇吓有啲咩推介啦，咦呢間餐廳有得訂枱不特止仲有85折喎！今次就試試佢！原本係OP約咗係夜晚8:00，不過我哋試姊妹裙早咗完🤣7:10就已經上到去🤔🤔🤔入到去門口係一位印度姨姨招呼我哋😌問佢可唔可以早啲入啦，佢話得喎😍😍😍因為我哋5人行，印度姨姨就俾咗一張圓枱我哋，圓枱夠晒大，我哋坐得好舒服😌睇吓Menu📒我哋都睇咗都有成15分鐘先決定到嗌啲乜嘢，因為樣樣嘢都好想試！以前去食印度嘢最記得係Mango Lassi，係好好飲嘅芒果酸奶，今次又見到喎！一於再嗌下先！我哋第一Round叫咗幾樣嘢：1️⃣KP CHAAT PLATTER- 🌮印度特色街頭拼盤🥙 - 佢嗰Caption係「激動的拼盤包含四不同圓脆餅」真係好好笑😆不過食完依家先睇返啲相，佢好似得兩種餅咋喎😝😝😝不過佢呢一碟餸真心覺得好食😋佢啲脆餅同上面啲餡料好夾🤩其實我都描述唔到係啲咩味道，總之係一啲香草呀醬料呀印度啲味道咁啦🫣2️⃣PANI PURI- 🟡印度特色薄荷水配炸圓脆泡芙🟡 - 呢個炸圓脆泡芙係有啲驚喜！炸咗嘅泡芙波波入邊有薯仔粒，之後佢比兩個汁你到入去，其中一個汁係辣辣地，另外一個汁係甜甜地，雖然唔知係咩嚟嘅，不過撈埋倒入去個泡芙入邊食，又真係幾得意喎！我哋個個都覺得倒晒兩個汁，會好味過單一個汁😜😜😜建議大家都係倒晒兩個汁去食呢個泡芙😋😋😋3️⃣VEG PULAO-⚱️印度素黃飯🍚 - 呢個都係用印度嘅Basmati Rice➕黃薑去炒個飯😋味道正常，但冇之前我食過咁好食🤔有比較啦😂😂😂可能我覺得佢個黃薑唔夠多所以唔夠香，同埋啲飯有啲濕🤔4️⃣PANEER TIKKA LABANDAR- 🧀乾酪濃滑蕃茄肉汁🥫 -呢個讚👍🏼👍🏼👍🏼真係好惹味，裏面有一嚿嚿唔知係薯仔定係芝士嘅正方物體🤣🤣🤣好有咬口好好食，可以用佢啲汁嚟撈落去啲素黃飯，真係撈汁食飯😍😍😍呢個極度推薦！5️⃣STUFFED PARATHA WITH CHEESE- 🫓餡餅（芝士）🧀 -芝士餡餅都係好好食，其實唔使點任何汁佢本身都好有芝士味道，不過因為上面個蕃茄肉汁實在太好食，我哋個個都撈蕃茄肉汁去食呢個芝士餡餅😍😍😍呢個都係極度推薦！6️⃣MANGO PATIYALA LASSI- 🧊芒果酸奶沙冰🍼 -佢個芒果酸奶沙冰令到我有少少失望😮‍💨因為冇我上次去另外一間印度餐廳飲個杯咁好飲🤣我又有比較啦🆖🆖🆖可能佢今次呢一杯有加咗一啲特別小小嘅香料，嗰隻香料嘅味道我唔係特別鍾意🤔🤔🤔我飲完呢杯Lassi都已經飽晒😓😓😓已經食唔到啲嘢食啦😂但係我啲姊妹嘅戰鬥力依然旺盛😂嗌咗第二Round嘢食🤣🤣🤣其實第二Round我都冇乜食到，因為飲完杯Lassi我實在太飽😮‍💨😮‍💨😮‍💨以下嘅食評大部係我啲姊妹提供😂😂😂7️⃣TIKKI CHAAT- 🥔印度特色薯餅🥔 -呢個好食，佢有薯餅，又有薯蓉，又有薯仔粒大雜燴撈埋一齊😂😂😂再加下啲醬汁呀芝士呀有啲香草呀，惹味👍🏼👍🏼👍🏼8️⃣DAL MAKHANI- 🫘奶油黑扁豆紅芸豆肉汁🥘 -呢個肉汁都幾好食，但係冇上面嗰個「乾酪濃滑蕃茄肉汁」咁好食，因為佢啲豆味都好濃🫘🫘🫘平時唔鍾意食豆嘅朋友就唔好嗌呢個啦😌😌😌9️⃣STUFFED PARATHA WITH COTTAGE CHEESE- 🫓餡餅（乾酪）🧀 -呢個同餡餅（芝士）係唔同嘅，問咗印度姨姨，問佢乾酪係咪即係乳酪Yoghurt，佢話唔係，乾酪係Cottage Cheese🤨🤨🤨呢個都幾好食，不過其實係同上面個餡餅（芝士）差唔多😅😅😅🔟AAMCHI MUMBAI SANDWICH- 🥪經典印度孟買烤三文治🥪 -最後就係呢一個印度孟買烤三文治啦，啲姊妹話好食😚因為得四件，我冇食🤣🤣🤣🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：整體呢一間餐廳都係唔錯㗎，服務態度都好好👍🏼全場起碼有一半都係印度人，都可以間接講話呢間都係幾正宗嘅😄👍🏼我哋五個人去平均每人都係$170🤩真係超級抵食！不過衛生就真係一般😜因為俾我哋發現有眉毛跌咗落去啲嘢食度喎🤪雖然印度嘢真係好好食，不過佢應該用咗好多油去整🧐🧐🧐有個姊妹返到屋企痾，另外個姊妹就要飲檸檬水消下滯，而我個胃就係咁頂住，同埋會Urrgh返啲嘢食味道上嚟🫣🫣🫣印度嘢真係好間中好間中好間中好間中食下好啦，真係好肥膩㗎，唔信你試吓！😜🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More

食車仔麵通常第一時間都會諗起囍記，因為佢餸嘅款式多選擇不特止，個面底又多款，揀四款餸仲有嘢飲送😜今日又有食車仔麵條癮啦😍😍😍行咗過去Mikiki食囍記😍😍😍個Menu依然無變，都仲係咁多選擇😍😍😍我都係嗌返自己最鍾意食嘅，就係米線🍜➕腩汁湯底🐮➕菜心🥬➕甜酸齋🧆➕糖心蛋🥚🤣再加多碟菜心全走🟰完全係健康之選🤪米線依然係咁滑！亦都好大陣米味😋佢唔似其他連鎖式米線店舖啲米線係冇味嘅😌😌😌要特別一提嘅係佢個甜酸齋！次次食都係咁好食！好新鮮又入味！糖心蛋依舊，蛋黃熟度啱啱好😌雖然冇嗌四款餸，冇得送飲品，但都額外嗌咗支Zero，嘩原來支裝㗎！正呀！男朋友就嗌咗粗麵➕清湯底➕生菜➕香菇貢丸➕糖心蛋😜佢個粗麵正常，不過鹼水味就重咗少少🤔🤔🤔但係佢個香菇貢丸好好食😋係啲足料嘅😋不過得2️⃣粒，又好似少咗啲😣😣😣🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸總結：呢幾年每次食囍記，每次佢都保持到水準🫡🫡🫡特別係佢個甜酸齋😋😋😋今次試埋佢個嗰個香菇貢丸，好好食！呢個下次我都嗌先！🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸…Read More