andy15 's Profile

多年前光顧過，今次與友人聚舊再光顧。店內裝修依然貴麗，舒服，富懷舊氣氛。Lunch set 有六個選擇，叫咗六安士美國菲力牛扒及另外一杯紅酒。等左10-15分鐘左右，牛扒及紅酒一同送上餐枱，見牛扒外貌有啲特別，相機食先後，品嚐牛扒，依舊美味，十分滿意。紅酒亦有豐富熟香味道，絕配，亦有熱麵包。呢個午餐不錯🔹不過牛扒上枱時，有啲特別，不是一塊，而是兩塊🤔？是否chef 贈送？抑或先前唔夠六安士重量，後加？又抑或烹調期間，chef 切開睇吓熟未？無論點都好，呢個賣相，跟快餐店差唔多。所以希望餐廳高層留意一下。…Read More

2020/5/5 下午六點第二次再到灣仔分店購買好味及柔軟蛋糕，因為上次經朋友介紹後，品嚐過新鮮芝士蛋糕及黑糖蛋糕後，深深吸引。但今次在懷着開心嘅心情，去買番上次好好味嘅芝士蛋糕及黑糖蛋糕，入到店內，有兩名女職員，我向負責切及放入盒內嘅女職員講＂要半個芝士蛋糕及黑糖蛋糕＂，之後比錢，但見到該職員放入左半個黑糖及唔知乜嘢蛋糕入盒內，我即時話＂我要芝士蛋糕喎＂，該職員話呢個咪芝士蛋糕囉，我即時理論，我話芝士蛋糕係圓形嗰隻喎，佢話咪流心芝士囉。好彩我上次試過，根本唔係呢隻，我仲話我要芝士蛋糕，唔係流心，即係$98蚊嗰隻，收銀機職員話，＂6號仔要6點半先有呀＂仲好冇禮貌咁問我＂你要唔要吖？＂。呢啲服務態度，簡直不知所謂。今時今日做得咁晦氣不如唔好做。希望老闆留意一下職員態度。…Read More