yesplease's Profile

一向都有買開呢度既咖啡，食物水準都ok，多數都係takeaway，但第一次坐底食先發現職員態度好差！我叫左個flat white同煙三文魚bagel，本來見冇咩人坐底就放左個背囊喺隔離位，後來有個外國客入來，就被告知最入面張櫈係唔可以坐（店入面無任何告示講明唔坐得），一位女店員就大聲叫另一個員工叫我拎開個袋，好似用呢個方式串返我放個袋喺度。點解同一個人唔可以直接同我講返呢？食食下見到兩位剛剛食完lunch既朋友，其中朋友喺我身旁坐底叫左野飲，另一位見狀亦坐底，打算傾兩句就返上公司。點知店員態度好差咁同冇買野既朋友講要買野先可以坐底，朋友十分尷尬離開後，我同另一位朋友仍然喺度食野，有位女店員同其他同事講，買件cake都得啦！其實我地三個係識既，相信café既staffs都見到。如果覺得冇消費就唔係客，咁我同一位朋友都買左野坐喺度，你地需要喺我地面前串返走左既朋友嗎？另外，希望你地唔好雙重標準，當日我都見到有客人冇order野坐底，不難發現店員係欺善怕惡，揀人出聲。如果白紙黑字寫得清清楚楚，每位坐底既人必須買野飲/野食先可以坐底，咪少啲拗撬囉。本來覺得去開既café 係黃店十分開心，但提醒大家某啲鋪頭態度可以好差。如果佢地都唔當負面評價係一回事，作為客人都唔洗再幫襯。…Read More

已經嚟咗呢度好多次，好有親切感，感覺員工氣氛都好和諧，態度唔錯，點心足料十分大份。兩人食最多只嗌到6-7樣野，已好飽。油菜(一整個生菜)-夠大可兩人分，飲茶減少罪惡感🤣例牌會叫蝦餃(2件)-蝦鮮餡料入味流心奶皇包(3件)-細細件但流心食得好滿足，唔會太甜味道啱啱好馬拉糕-十分香甜，但唔算好鬆綠茶紅豆煎堆(3件)-好香芝麻味，餡料亦唔會太滯，但建議一人一件已足夠古法叉燒包(3件)-略有少少甜，整體都唔錯芝士春卷（三大條)- 個人覺得有點肥膩，可能本身唔係特別鍾意食春卷，不過一如既往十分足料，啖啖蝦燒賣-幾濃味，不過二揀一會揀食蝦餃…Read More

之前曾幫襯，覺得店員熱情且對咖啡有熱誠，但近日再訪，發現店員已不一樣，而兩位男士均無戴口罩，明白零碳天地很熱，但不戴罩也令人很不安，黃店都咁話！店員行為令人有點懷疑cafe已易手。…Read More

見到open rice咁多正評，行完山就同男朋友黎試一試呢度既芝士雞煲($178)。不得不說啲雞鋪上芝士，一舊榴槤咁(唔鐘意榴槤既人慎選)，芝士味道唔錯，但雞件完全冇味。平時食雞煲都有醬料喺上面，而今次食既雞係無味、無醃過，雖然份量多，但絕對講唔上好食。其實呢間餐廳唔係任食火鍋，要逐樣喺menu上叫，已經比其他餐廳貴。食完哂啲雞後就開始叫其他配料，雖然似乎響鈴好出名，但實左太大份，啲芝士雞本身已食到好濟，叫唔落手。配料叫左wasabi墨魚丸、蜂巢豆腐、韭菜餃同菜，加上竹庶茅根水對兩個人黎講太大壺，最後大家都食唔哂啲野。咁多樣配料，韭菜餃算比較足料夠味，但講真一開始啲雞食到咁飽，夾硬食落肚，唔算enjoy。埋單兩個人都要$574 （一人$287），實際上唔係叫左好多野，大家可以自己衡量去唔去。…Read More

同屋企人去食lunch,見係新餐廳諗住試下，點知一肚氣。本身叫左扎肉撈檬，待應落錯單落左雞柳撈檬，而且俾我碟餸有扎肉又有雞柳...幫我雙併埋，menu又冇寫清楚...舉手示意想告知侍應，明明餐廳唔多人，人手明顯足夠，都有人特登扮望menu唔行過黎。到有人行黎處理，先拎走碟嘢，問我邊個幫手落單，我話唔認得，到落單既侍應行埋黎，就話係我自己落錯單，拎返同一碟出黎話俾我當送埋雞肉俾你食，寧願夾走啲雞肉都唔肯換走佢，我都費事同佢再多講，話由得佢。我地另外叫左春卷，粉皮卷同扎肉炒河粉。小食唔錯，但服務態度再唔改善應該就好快執。臨走之時又見有侍應落錯單，用同一個伎倆堅持無落錯，睇黎我自己唔係個別例子。野食中規中矩，但做屋邨生意都服務態度咁差，難怪一直都冇咩人去。…Read More

見到咁多正評諗住試一試呢間餐廳，一上到去就覺得中伏，餐廳樓下係雀會，上到去餐廳有一班班人聚會都幾嘈。諗住野食應該都唔差，晚餐menu都80-90幾，同朋友叫左墨西哥辣肉醬意份同黑松露野菌燴飯，味道唔係難食，但感覺唔值呢個價錢，最多都係50-60。可能餐廳都係target d想上黎聚會既人，唔係sell食物質素同環境。餐廳伙記都算nice,但係餐廳既環境及野食同open rice正評不成正比。我同朋友都因為餐廳多好評而黎，但點解好評同質素唔成正比？相信聰明既大家都明白。對餐廳冇特別好感，唔會再去，同樣價錢有其他更好既選擇。…Read More

幾乎每次去葵廣都會食又一戟，廿幾蚊一個戟，又好足料。通常我都會食香蕉雪糕班戟，班戟好似個cone咁，香蕉忌廉喺底，上面既雪糕有得揀口味。其實一個戟兩個人份都夠。平時食開甜班戟多，今日叫左個菠蘿火腿班㦸(加芝士），咸既會落沙津醬，加左芝士同烘完有啲脆，感覺好似食緊pizza，唯一係自己心理上覺得班戟要配甜先夾啲。我覺得老闆（冬菇頭）同（好靚女既)老闆娘都好nice，雖然生意好忙，但次次見佢地都笑笑口同好親切。香港呢種貼地小店買少見少，希望佢地可以繼續做落去。…Read More

同兩個朋友一齊用groupon去川婆婆打邊爐(任食），一開始有位短頭髮阿姐招呼我地。野食冇問題，中規中矩，但阿姐既態度就好有問題。我地嗌左一份肥牛，真係大份到成兩本字典咁厚，五個人食都得。食野時阿姐同另一位阿叔成日走黎check住，問我地點解只係食菜，叫我地食快d云云。再點菜時阿姐都係望住碟牛，搞到我地好唔好意思，後尾聽到阿姐又同後面枱食客話我地俾足料架，可能串我地食剩野。其實我地都有盡量食哂d餸，但實在食唔哂d肥牛，唯有話唔要，阿姐就話剩底d牛出哂血水，言下之意就係我地浪費左佢d食物。後來我地想叫多包飲品都唔太敢出聲。其實你俾既份量太多，我地食唔哂，點解會怪返我地轉頭？最後，其實groupon唔會平好多，因為額外收你加一同附加費，另外收公眾假期每人加20。自問作為食客都好有禮貌，另外餐廳當時唔忙，相信平時都咁對食客。第一次俾錢受氣去食飯，仲要唔平，以後唔會再黎。…Read More