Jccsl's Profile

第1次嚟試，平日下午接近2點既時間，環境寬敞舒適，職員態度友善有禮貌，食物質素都唔錯👍🏻今次試左牛油果炒蛋多士，牛油果份量好足，重配有羽衣甘藍，整體感覺性價比高。另外叫左杯短笛咖啡Single shot，濃度適中，拉花雖然簡單但穩定（相信大家飲開咖啡都知道，看似簡單既拉花，要拉得靚其實都唔易架😄）今次體驗唔錯，會再嚟😋😋…Read More

令我非常失望既串燒小店！！見到食評幾好，又見到人流幾多，諗住應該幾好食，點知就中伏🥴20：49落單叫左6款野食連2杯飲品21：15 先有第1道菜‘’鐵板魷魚’’（$58),但個份量細到離曬譜，上菜非常慢。21：09加單叫多3款野食其中燒生蠔，每隻生蠔都有殼碎😵‍💫21：20先話豬手同雞腎賣曬三催四請野食都未到齊😑個炒米粉催左三次都未到，職員態度十分差，再三追問先覆。22：01炒米粉先到，接近1個鐘，會唔會太過分呀？米粉味道好咸，無咩餸（只有幾片腸仔同蝦米），質素麻麻。只有雞軟骨＆雞皮係好食😔最後埋單$544/3人，重點係3個人食唔飽，好似無食過咁！😭總括而言，無下次，唔會再幫襯！！…Read More

見到新開既法國餐, 諗住價錢實好貴, 但睇睇餐牌, 都算價錢合理, 同朋友們決定一試!前菜, 揀左個磨菇湯, 蒜蓉包, 諗住都無咩驚喜, 但個磨菇湯竟然啖啖磨菇碎, 入口有質感,唔錯👍🏻蒜蓉包都係脆口既, ok~重有個芒果蟹肉沙律, 感覺都幾fresh, 涷食都唔錯。主菜: 意外地...炸豬手勁好食, 因為咬落去脆卜卜, 又唔覺好肥膩, 平時唔鐘意啖啖肉既我, 都覺得好正重有青口, 多數餐廳青口質素都麻麻, 但偏偏自己又鐘意食, 最後都膽粗粗照叫, 都算新鮮, 唔會有腥味,下次可以encore朋友叫左6隻生蠔, 口感都juicy, 價錢適中。跟住, 重有卡邦尼意粉, 味道適中, 份量都算多。最後, 全男班店員服務幾好, 有熱誠, 會繼續支持💪🏻總括而言, 對呢餐法國餐非常滿意, 之後會繼續幫襯。係呢度推介下比大家😋…Read More

佈置用心特別,善用鏡子及玻璃令空間感變大。服務態度良好,能照顧客人需要。食物味道不錯,賣相特別。唯一需要改善廚房通風系統,油煙過多,氣味殘留。希望下次到訪有所改變。…Read More