艸夕口's Profile

本來冇打算寫食評，所以一上野都冇影相，但一食個麵就忍唔住想講下同屋企人下午茶，屋企人叫咗艇仔粥+油炸鬼，我就叫咗雲吞麵+凍豆漿艇仔粥我冇份食所以唔講。凍豆漿不過不失。油炸鬼唔知係咪即炸，熱辣辣又好脆口，我同屋企人都好鍾意。但我想講嘅係個麵。$38，份量以下午茶嚟講唔算貴，冇因為下午茶平咗而馬虎，個麵面照舊有啲蝦子係面，都係上枱先係客面前先用個壺斟湯，第一次見識，都幾特別。有5粒雲吞，雲吞皮薄，未咬開都見到係原蝦而唔係蝦肉碎上，蝦夠爽，雲吞size可以一口一粒。但麵真心覺得麻麻，鹼水味極重，雖然冇勁到變苦味，但非常之攻鼻，本身有鼻敏感的我，天氣凍/涼個鼻會塞塞地，食第一啖麵嘅時候，鹼水味衝擊到個鼻通咗，不過口感彈牙嘅，如果可以冇咁鹼水味會好啲…Read More

9龍人過港島唔係好識搵好野食，屋企人話呢度啲扒唔錯，咁就黎試下，餐廳位於商業大廈，位置唔難搵，用餐環境亦都好寧靜，可以好好享受食物見openrice其他食評有羊，本身想試，但用餐果日lunch menu冇羊😞前菜個湯好濃好飲，條春卷好好食！！可能我本身唔好麵包，所以片包我就覺得麻麻地，驚喜嘅係，前菜唔單止有菜，仲有生果(我食完生果先記得影相🤣）牛柳我揀5成熟。味道不過不失，但肉質有少少失望，有少少韌，要用多少少力先切到食唔出紅酒汁薯泥好食，不過如果唔好整咁爛，有返啲薯粒，有咬口我會更鍾意同行屋企人揀咗豬鞍，呢味係我想回頭嘅重點！！！侍應話呢款豬建議9成熟，咁梗係聽推介唔要全熟啦首先個汁係好味而肉質係「爽」架！！！而且表面煎到又甘香又脆脆地我本身怕怕地豬羶味，所以出街食飯好少揀豬嘅菜，但呢塊豬鞍冇我好怕嘅豬味，而且肉質又彈又爽，勁想搶咗屋企人個餐黎食試完屋企人分畀我試果塊肉之後，我已經忍唔住講，我下次黎要揀豬最尾唔少得甜品——法式焦糖燉蛋小妹本身就唔太好甜野，但係黎得到又好想試而我又相當喜歡呢個燉蛋，我一直以為燉蛋都會好甜，起碼食過坊間某啲都真係好甜，但係呢個唔係，佢嘅甜度好啱我口味，可能係焦糖量冇其他咁多🤔不過，對我黎講，呢個焦糖嘅份量已經足夠總括，個豬鞍令我好回味，雖然柴灣對我黎講有啲遠，但係有機會會想再黎…Read More

年三十拎個盆菜返屋企同屋企人食飯，一粒蠔豉都見唔到，搵返張廣告相，明明就寫有「生曬蠔豉」打電話去問，聽電話個女人態度極差話：冇理由冇，一定有放落去，點解即場唔講仲話係放係面，話係我地拎之前唔睇下，之後cut線下？！佢用保鮮紙包實個面，即係要啲客即場打開黎check齊唔齊野？如果食到落底先見冇蘿蔔，咁係咪要個客拎嗰陣逐層撩開黎check，啲食物味道唔算差，但係食得唔開心，佢啲價錢比較貴嘅野個名放前面，但點知打開係冇咗一樣野嘅。底果幾層就勁多有沙豬皮千幾蚊買個盆菜，唔會有下次…Read More

平時好少網上/電話叫野食，驚送到黎質素會好差。但今日壽司癮起，又WFH，壽x郎離屋企太遠，而且要排好耐，見千之味係網上評價唔錯，一於試下網上落單。屋企有個奄尖老人家，海鮮類嘅野，就算其他人話唔腥，佢都會話好腥，所以第一次食都唔敢全部嗌海鮮類。Whatsapp聯絡嘅職員同送送貨哥哥好有禮貌，就算我網上落完單，係whatsapp改收貨時間，態度都好好，送貨亦好準時。細妹拎完上屋企，我好驚訝會提供埋保溫袋，仲有一大舊冰，所以壽司同刺身啲質素都keep得好好，好新鮮，連個奄尖老人家都冇話啲魚有腥味，仲食得好滋味我媽話可以encore4個人食，每人160蚊左右，送埋到屋企樓下，抵呀下次可以嗌多啲野食添呀…Read More

平時好少寫食評，不過今次好想贊下。本身勁鍾意芝士、乳酪之類嘅食物，之前一直都好想試，但本身又唔鍾意食包、餅之類，所以今日第一次食。難得突然想食pizza，今日同媽咪特登走左去銅鑼灣，就係為左藍芝士蘋果pizza，難怪人地啲食評話必食，因為真係好好食😋見隔籬左右都有嗌😆蘋果嘅酸甜，同芝士好夾，忍唔住食完一塊又一塊。我地仲叫左黑椒雞翼，黑椒味唔會好濃，我唔好黑椒嘅人都覺得好食。重點係，員工好有禮貌，服務態度好好，一間餐廳，食物質素固然重要，但我會唔會做回頭客，睇食物質素之餘，主要係取決於員工嘅服務態度，今餐我同我媽咪都食得好開心，下次再同fd一齊黎😊…Read More