cl0305's Profile

今次嚟到大埔一間由二人經營嘅溫馨咖啡小店，店內座位不多，但一入到去有一種隔絕咗外界嘅感覺，同店外好繁忙急速嘅節奏截然不同。店內裝修行日系風，餐枱與餐枱之間有足夠嘅空間，顧客可以享有自己嘅私人空間。我揀咗蕃茄雞肉意粉同oat milk flat white，意粉份量足夠，即叫即煮，好夠熱！！當日好肚餓，所以好快已經清碟！😆而咖啡就不過不失，咖啡味略為淡，但小店嚟講已做得好唔錯！兩位店員亦好有禮貌，另外，見到佢哋都有自製唔同甜品，下次經過都會再入去幫襯！🥸…Read More

黃大仙區一向唔多Cafe選擇，咁啱今日喺呢區工作，同埋網上見到有呢間新店開咗，今日就特登過嚟試吓。小店位於商場內，商場位置唔係特別容易搵，本區嘅街坊可能先會熟路啲。我去Cafe比較着重其環境，所以都特登search下小店嘅環境同裝修，發現都幾chill。今日平日下午去到，人流唔算多，正好可以俾我休閒咁睇吓書、飲下啡同發下呆，我又會可以周不時播吓咖啡師點沖咖啡，都幾寫意！我今日點咗一杯latte，但可惜小店沒有提供oat milk，所以我揀咗whole milk，希望之後有機會可以提供oat milk。Latte 奶感比較重（可能我唔飲開全脂奶），咖啡豆風味比較nutty，飲落舒服而且順口。另外，小店亦有提供唔同嘅包點、蛋餅同甜品，所以我都額外叫多咗一個合桃香蕉蛋糕試吓，店主會主動問需唔需要翻熱。👍🏻翻熱後，蛋糕外脆內軟，而且好香合桃同香蕉味。咖啡同蛋糕價錢亦唔貴，絕對可以一試，CP值高！最後我坐咗個半鐘，外賣嘅人都唔少，可能cafe日喺屋邨附近，一半嘅客人都係上咗年紀，都幾特別。😆下次經過會再幫襯。希望呢間二人小店可以越做越好。🥸…Read More