Snowyanyan's Profile

終於同朋友試到大陸好出名嘅海底撈，雖然係大陸都食過幾次，今次開到嚟香港梗係要試試啲食物、 （尤其係啲服務）係咪同大陸一樣啊銅鑼灣海底撈位於利舞臺 上到去見到嘅門面等候區亦都好闊落員工服務都真係好好 同大陸不相伯仲 個個都面帶親切嘅笑容 好似真係同我好frd咁未有枱可以係等候區食下小食 又有生果 飲品都任飲～門口旁邊仲有免費整甲雖然只係單色soft gel但絕對唔係hea整 仲會幫你修一修死皮美甲 我就揀咗隻低調得嚟 效果好掂嘅色大人可以整甲之外，仲有個兒童區架帶小朋友嚟食野都無問題有員工姐姐駐場睇住各位小朋友架家長可以放心係裡面食醬料區同大陸食一樣 各張枱都有位員工跟 入座有熱毛巾抹手～長頭髮嘅女仔仲有條橡根提供俾你紮起把頭髮其實可以見到，座位都好闊落 地方好大上菜啦！今次因為朋友唔食得辣，我又都幾鐘意食辣，所以我地就揀咗四宮格，有蕃茄、清油麻辣湯底，另有兩格係清水，咁樣仲平雙拼湯底$70添啊fit到兩個人嘅口味又可以試多啲湯底 正啊btw麻辣湯底真係一流，啱曬無辣不歡嘅朋友仔！！！今次同朋友兩個人，全部都係半份半份咁叫可以食多啲唔同嘅野食，又唔洗做大嘥鬼～服務真係唔話得，又剝蝦又幫手淥野 基本上係等食最期待嘅畫面出現了又有表演睇 又咁好服侍 又周到嘅一站式服務 真係得海底撈先有最後嘅重點！好重要～食完一啲邊爐味都冇！！！食完一啲邊爐味都冇！！！食完一啲邊爐味都冇！！！原來係因為爐底有個抽氣系統，會吸曬啲油煙味架～…Read More

■ 黑糖珍珠鮮奶 $30**個人建議少甜少冰味道更好完勝老虎堂喎真心 個時係岩岩開無幾耐效率真係十分高！三十分鐘已經可以買完拎埋走人 （依家仲快手）仲有珍珠係勁好食 即使少甜亦唔覺得黑糖珍珠會好膩 係令人飲完一杯好想再飲多杯💯珍煮丹 > 幸福堂 > 老虎堂 我嘅排名😅/■ 黑糖珍珠布丁鮮奶 $30今次試埋有布丁嘅 一樣少甜少冰 但今次個杯竟然成杯都係冰 飲第一啖成口都係碎冰🤷🏽‍♀️ 不過同黑糖珍珠鮮奶一樣 好飲嘅 係多舊布丁食吓😋/■ 黑糖冬瓜 $24個人覺得偏甜 因為限制咗甜度，冇得少甜😕但係消暑嘅 清甜清甜…Read More

去銅鑼灣唔一定要飲黑糖珍珠嘅😂依家又多一個健康嘅選擇～！醋頭家同老虎堂、幸福堂開喺同一條街 渣甸街滿滿都是人👯‍♀️👯‍♂️哩杯係中杯～大杯都幾大 兩個人share應該就啱啱好/第一次飲個時本身無咩期望 朋友試過話有茶底個隻嘅仲好飲（哩杯無茶底）所以以為齋醋應該唔好飲 估唔到係好飲的～🤩每杯可以選擇兩種水果，我揀咗🍎蘋果同🍓士多啤梨，都算係perfect match掛😂 飲落一啲都唔酸唔嗆喉 味道啱啱好 有埋生果粒更加fresh 成件事多麼的！健！康！啊！🤗 第二次嚟飲終於試到醋茶飲茶底有四款可選擇：紅茶、綠茶、青茶、烏龍茶～店員建議鍾意飲濃茶可揀烏龍茶/而我哩杯係綠茶底，飲落都好重茶香味 絕對唔係淡茂茂嘅茶底；蜜桃本身同茶類係夾嘅 而且本身係peach lover, choosing peach for sure🤪/上一次試淨酵醋已經覺得質素好掂 今次試醋茶果然無失望 GOOD 解渴又健康 又自我感覺良好咗🤣…Read More

其實我係佢未正式開業去食架（大約七月中），仲記得係七月廿二先正式開業。大約係夜晚去食，店裡客人都唔算多，老細招呼都算周到，有介紹下有咩推介，就食完仲嚟chitchat下有咩意見～當時試業期間好多餸都未有，本身嗌左個牛三寶之類，不過其中一寶未有，老細送咗碟蒜泥白肉俾我🤩 好好味啊 好食過譚仔啊我覺得！牛丸！牛丸！牛丸！我一定要講牛丸，因為真係估佢唔到咁好食嘅牛丸 牛肉味好出好香亦好重。到湯底！試咗老細推介嘅胡椒豬肚湯底！之前係上海食撈王都試過哩個湯底，一試不返啊真係，特別暖胃～唔知點解網上都多負評，都係話明星效應 不過我覺得還好啦未去到講得咁差 可能車仔麵店嚟講 榕記係算貴 $50up一碗 食車仔麵通街都有平啲嘅食 不過都係個句 平有平食 貴有貴食🤪…Read More

■ 御選綠茶+鐵觀音霜淇淋 $25睇落以為應該唔大支 但原來都幾聚手～好飽啊食完個人鍾意鐵觀音口味～茶味好出！好香！綠茶口味就甜甜地 兩隻味道相比之下好似淨係食到鐵觀音味咁 不過都好夾 淨係鐵觀音口味都值得一試啦…Read More

賣相好得啊個人覺得鐵牛又係間算係味道正宗 好食 價錢唔貴嘅台灣菜餐廳 小私心：希望將軍澳區開間就好喇～😂☺️■ 麻辣大塊牛肉麵 $68大中小辣 任君選擇👀 麵一到即刻試下啖湯先～我嗌咗小辣所以辣度唔算辣 雖然啖湯係幾油膩 但好好飲😭😭😭😭 牛肉麵啖湯好重要㗎嘛（我食咩湯麵都會飲湯先😋）跟住啲麵勁有咬口 口感好實在 勁鍾意啊 一碗食完都已經夠曬飽～大塊牛肉其實都唔算大塊😅😅同埋就得三塊左右 係唔韌唔難咬易入口個種。/■ 奮起湖燒雞腿排便當 $62個半隻魯水溏心蛋好好食😋 燒雞腿排都好食 隻醬汁係甜甜地 愛嚟送飯好啱！不過魯肉飯個part就一般般 個人覺得麵係好食過飯～/■ 逢甲鹽酥雞 $36 隻醬酸酸甜甜幾好味 不過唔蘸醬其實都OK😂 炸粉唔算厚～必點嘅小食囉¯\_(ツ)_/¯/■ 百香果QQ冰茶 $28係好飲嘅 又係酸酸甜甜咁 仲有啲椰果 最正嘅配搭 但覺得最怪個part係加咗珍珠😨/■ 珍珠奶茶 $28冇咩特別 普通😂…Read More

有晚同朋友約食飯，有人介紹咗哩間日本餐廳，店有個阿姨好好傾啊超友好 成餐飯不停同我地傾計😂講返食物先，材料真係好新鮮 全部都即叫即做 落單後起碼都要等十至十五分鐘以上鐘意食刺身、壽司嘅話 哩間係其中一間幾就腳嘅餐廳、邊食邊傾下計飲下sake 可以坐上個兩三個鐘！…Read More

即日新鮮出爐售完即止嘅占師傅 仲限定每人只可買兩盒 我仲次次去都摸門釘 提早關舖ಥ_ಥ 心諗有冇咁好食 今次終於試到⋯⋯好失望啊ಠ_ರೃ 說好的流心芝士呢ಠ_ಠ 仲以為係一層好creamy嘅芝士 點知係同麥記包個啲芝士有9成似😂味道鹹鹹地個隻⋯⋯而且一定要趁熱食 唔係就會啲芝士就會更加硬 同埋蛋糕又乾趁熱食起碼個蛋糕都仲係好軟 蛋香味仲係到 加返啲分下次再試下原味 蛋糕質地應該不錯吃…Read More

■ 知魚之樂 $38個名又幾得意 係奇異果🥝+菠蘿🍍+蘋果🍎製作而成嘅果汁 Fruity Story除咗sell fresh health之外我諗仲有個特色就係夠colourful 將幾款果汁拼色成為一杯靚靚特飲～…Read More

入元朗搵朋友買啲嘢 見到有想試好耐嘅nene chicken就即刻入去食返個lunch先～■ 炸蝦紫菜包飯 $68可以將紫菜包飯做到咁香口 好似食緊乜乜炸物 勁啊 好好味■ 芝士炒年糕伴拉麵 $68年糕煮得夠淋 好鍾意但啲芝士 完全唔拉絲 一pat嘢咁硬咗係表面 同埋個汁味道偏甜 膩到同男朋友share食都可以食淨一半 不了:(■ half size 韓式甜酸無骨炸雞 $85好失望 下次一定唔會食返哩個口味 大概係6-7舊雞左右 唔係好抵食 仲要味道麻麻 一味得個酸甜 啲汁太多啦 多都過曬火⋯⋯ 好想搵杯水嚟浸下啲雞 等佢冇咁多醬汁 後尾食到meet曬啲雞皮先食先好好多🤦🏽‍♀️…Read More

通菜街有好多食肆，乜國嘅菜都有今次就搵到間泰國菜嘅餐廳環境都幾細 坐得都唔會舒服 不過至在食個飯就閃人同男朋友嗌咗個二人餐 $170 兩主食兩小食兩飲料兩小舊甜點■ 海南雞飯 可以見到其實係冇咩雞肉 雞皮就一大塊味道真係麻麻地 最後食淨一半 經已唔想食了■ 雞肉飯 冇汁得雞塊同白飯⋯⋯dry到不得了😂不過啲雞皮好食過碟海南雞飯啲雞 肉都厚身好多啦■ 雞肉串燒冇記錯好似係8串 可以揀雞或豬 有埋隻花生甜醬 好好食■ 炸蝦餅應該都係買現成急凍嘅返嚟炸？所以冇咩特別，味道OK■ 珍多冰 ■ 青蘋果梳打最後甜點係椰汁糕之類 見到店員用微波爐翻叮🤦🏽‍♀️🤦🏽‍♀️…Read More

■ 熱紫米芋香拿鐵 $32飲落有紫糯米同芋頭粒 咬吓食吓 飲得兼食得🤘🏼之前冬天飲過一次仲正 暖笠笠 今次去見到MENU冇 以為冇 直接問店員原來仲有賣 噢！原來係冬季限定嘅飲料嚟嘅！但不過過咗冬天都可以賣？女人一個月有幾日係會特別想飲熱嘢咖嘛～…Read More

食得多麥記都想食吓KFC嘅～住尚德嘅朋友終於唔洗行到去popcorn先食到KFC老老實實哩間KFC環境幾好，最近有埋部自動洗手機 又有自動水機 想要杯水都唔洗下下去counter問店員拎咁麻煩人地～又有甜品站等等。哩次經過就見到sell緊扭紋雪糕，try try sin■ 特濃朱古力扭紋雪糕 $14$14其實cone嚟講都算貴 不過味道嚟講 佢朱古力真係特濃 朱古力味一啲都唔假 衰就衰在個cone就好淋 好似放咗好耐咁 冇麥記咁脆 壞咗件事…Read More

搵咗日中午 嚟咗新都城二期嘅上海小籠皇 試下哩間算係平價上海菜嘅餐廳仔～一坐低有杯熱茶飲:)午餐餐牌上都有好多選擇，都係$50-70左右另外仲有啲乜煲乜煲嘅小菜送飯～■ 小籠包 午餐加配+$12/2隻小籠包size都係一口 裡面饀唔會偷工減料好細舊 而且一啖咬落去啖啖都係肉汁！男朋友仲被噴到手機MON都濕曬😂 配埋黑醋食 正啊■ 上海排骨菜飯 $56碗飯好細碗🤦🏽‍♀️ 午餐嚟講 都唔係幾夠飽 排骨OK 係油咗啲 食完即刻飲返杯茶解一解油膩■ 菜肉雲吞湯拉麵 $45個湯幾清幾好飲～ 餐飲仲可以試下豆漿！都唔錯啊！…Read More

近幾年東港城開咗好多食肆～又係將軍澳友（我）一個搵食行街嘅好地方■ 俺流鹽湯拉湯 $59湯底好清 好好飲！片叉燒都唔咸唔薄㗎！面頭仲加咗少少柚子粒 好match啊原來 湯底咸咸地帶點甜～拉麵份量都唔少 59蚊比有啲拉麵舖要$80up嘅抵食好多喎 至少個下真係食得飽肚@@■ 黑蒜熟成濃湯拉麵 $73個湯底又係超讚 雖然比頭先個碗俺流鹽湯底咸 但黑蒜油湯底一樣無得輸 成碗拉麵更香更高層次haha■ 唐揚炸雞因為拉麵冇餸 得片叉燒 所以諗住送麵食 點知食完碗麵 仲要再催再等先至嚟 等到蚊都訓zzz炸雞好油 好厚油！btw 如果嫌拉麵湯底唔夠香可以加佢枱面嘅調味醬料 有黑蒜蓉、梅子醬、柚子胡椒…Read More