nydiaatongg's Profile

新沙洞大排檔元朗區寵物友善嘅高質韓國餐廳🇰🇷🍚🥢本身自己都好鍾意食韓國菜，之前喺朋友社交平台見到呢間韓國餐廳裝修好特別，以韓國新沙站為主題，餐廳佈置好似韓劇入邊嗰啲宵夜馬車，好似去咗韓國旅行咁🇰🇷😎原來呢間餐廳有個半露天位置，可以比狗狗一齊用餐，所以就帶埋屋企嘅少爺仔出嚟🐻‍❄️同平時嘅韓國餐廳一樣，一坐低就會比韓式前菜，有醃黑豆、醃蘿蔔、泡菜我哋兩個人一共嗌咗三個主菜，食到超飽🤣🇰🇷招牌醬油蟹拼盤配麻油紫菜飯 $298必食醬油蟹醬油蝦😍啲蝦腌得好入味，好重麻油味！蟹膏都幾多，撈埋紫菜飯一齊食味道好鮮甜好好味🤤🇰🇷 鐵板燒濟州黑毛豬配生菜拼盤 $188店員首先遞上烤爐同微微燒過嘅黑毛豬上台，等我哋自己慢慢燒。啲豬腩肉超厚身，肥瘦剛好而且幾重豬皮，夾生菜同泡菜食真係超好味😋🇰🇷 宮廷燉牛肋骨鍋 $288咁凍嘅天氣一定要嗌牛肋骨鍋暖吓胃🥶成個鍋係二至三人份量，湯底好清甜略有牛味，牛肋骨燉到超淋，入口即化，配菜仲有啲紅蘿蔔同白蘿蔔，都係已經煲到好淋好入味👍🏻📍 新沙洞大排檔 (好順景大廈1座) (元朗)元朗鳳攸南街3號好順景大廈1座地下3號舖…Read More

磯野水產銅鑼灣主打超新鮮海產居酒屋 🏮同男朋友係銅鑼灣行完街，正打算搵lunch食嘅時候，經過咗澳門逸園中心見到有磯野水產，即刻諗起去日本旅行食嘅磯丸水產🦐超新鮮好好味，未有得去旅行，就一於食住呢間頂住先😭前菜:蔬菜條配鯷魚醬有青瓜條、雪梨條、紅蘿蔔條，點少少鯷魚醬食，好開胃啊🤤刺身:北海道象拔蚌刺身好爽口彈牙，仲留有少少海水味好新鮮響螺刺身（原隻）切成一片片薄片，超級鮮甜😍磯煮鮑魚壽司平時食開原隻大大隻磯煮鮑魚，都係第一次配壽司飯食，幾特別而且鮑魚細細隻都好淋身燒日本活蜆(原隻）燒到成個蜆殼都係湯汁，勁鮮甜好飲，個蜆又大粒又肥美，一啖食落口好滿足啊磯燒帆立貝分咗2種口味，分別黑松露牛油同清酒🍶帆立貝燒得岩岩好，個人更中意清酒味，更加鮮甜汁煮時令鮮魚 今日嘅時令魚係尾長魚，用上汁煮方式比較濃味同偏甜，尼款魚唔算多骨，食到啖啖肉都好滿足😌磯野水產 (銅鑼灣)銅鑼灣軒尼詩道525號澳門逸園中心19樓…Read More

/ Pigsman上環區主打食特色豬肉專門店🐷平時我喺上環做完瑜伽都會周圍，睇吓有咩餐廳好食，買外賣返屋企食😋今日行到過嚟蘇坑街，見到呢間Pigsman門口裝修幾有型格風，而且裏面裝修有好多豬嘅模型，估佢一定係主打食豬肉🐷見到佢餐牌上組合食物幾豐富，價錢又合理，所以就決定晚餐食佢啦😋Combo Mission B $102卡邦尼焗豬扒配溫泉蛋+手打豬肉丸Combo Mission B $102芝士焗越式水咖喱豬扒飯+雜菜湯佢哋嘅豬扒都係煎香過先至放入去焗，另外亦都好欣賞佢係炒飯底，卡邦尼汁同埋水咖喱汁都好好味，整個配搭好夾👍🏻另外試咗佢嘅手打豬肉丸，超級彈牙，而且足足有三粒，每粒size好大🤣再加咗個雜菜湯，蕃茄味好濃郁，酸酸甜甜幾開胃😝外賣嚟講佢都保持到熱度，食物質素冇下降，堂食應該會更加好食👍🏻📍 碧士文 (東利商業大廈) (上環)上環蘇杭街93號東利商業大廈地下2號舖…Read More

/ 正九清湯腩必食超正港式清湯牛腩粉麵我本身就超鍾意食崩沙腩河，成日都想發掘周圍好食嘅牛腩麵店，咁啱今日喺旺角行街就經過咗呢間正九清湯腩，一於試吓佢嘅質素👍🏻話明清湯牛腩，當然有得揀普通牛腩、崩沙腩、牛坑腩同埋爽腩🤣餐牌仲講明牛腩要肥、瘦、半肥瘦都要先揚聲🤭而我最鍾意食嘅就係崩沙腩，所以必定要試一碗！崩沙牛腩肉質好滑嫩，上面有一層薄薄嘅肥膏，識落口好香牛味，而湯底都好清甜唔覺有過多味精👍🏻佢都有幾間分店，如果想快食一間高質嘅牛腩河，不妨搵吓呢間正九清湯腩，可能就喺你附近😙📍 正九清湯腩 (旺角)旺角砵蘭街124-128號砵崙樓地下B號舖…Read More

/ 八幡屋涮涮鍋旺角區任食火鍋放題🍲旺角嘅瓊華中心出名多野食啦！咁啱早兩日碌社交平台見到有特別優惠，經社交平台訂座可以享有半價優惠，仲可以升級至四小時任食！😍真係好吸引啊，所以收工就同朋友一齊黎食啦！餐廳係新裝修，環境闊落座位坐得舒服，無論係同朋友聚會定係普通食個飯，都係一個好選擇👍🏻今次嗌左個C4套餐:日本A4黑毛和牛日本黑豚肉海鮮拼盤鮑魚仲包左ASAHI任飲，HAAGEN DAZS任食！餐廳任叫嘅食物都分咗兩種order方法炸物熟食會以QR CODE落單，確保食物保持新鮮熱辣，食物好多選擇，有最中意嘅炸饅頭配鍊奶、串燒、燒物等等，仲有刺身，值得一提有珍寶帶子添！自助BAR都有唔少選擇除咗有丸、菜、麵之外，都有碗仔翅、中華沙律、墨魚仔等等雪櫃裡面都有得拎壽司同甜品，甜品有啫喱、雪糕、mochi、奶凍、泡芙、布甸、韓國雪條整體來講，食物質素唔錯，選擇夠豐富，最岩同朋友聚會慢慢食👍🏻📍 八幡屋涮涮鍋 (旺角)旺角彌敦道628號瓊華中心12樓…Read More

/ 川味亭尖東站抵食又滋味嘅串燒店同朋友敘舊梗係要搵一間坐得耐又好食嘅餐廳，揀串燒店就最適合！川味亭位於尖東站附近，餐廳環境幾闊落，食物選擇足夠，有肉類菜類海鮮類，每樣食物都係即叫即燒，可以保持到食物嘅熱度👍🏻我兩個人一路傾偈一路食，唔經唔覺都嗌咗好多串燒🤣椒鹽豆腐蒜蓉大生蠔扇貝五花腩厚切牛活心肥牛金菇卷韭菜蒜蓉原條茄子金菇菜雞軟骨脆香鮮雞皮雞中翼整體嚟講佢哋食物都好味，調味料落得足夠，邊食串燒邊飲啤酒，真係一個happy Friday🤣📍川味亭 (尖沙咀)尖沙咀漆咸道南17-19號帝后廣場地下7-8號舖…Read More

/海南少爺尖沙咀靚靚無敵海景嘆海南雞飯👍🏻早排夜晚去海港城行街，行行吓突然好想食海南雞飯，咁啱呢度有一間海南少爺出名食肉骨茶同海南雞飯👍🏻平日晚上7:30入座唔使等位，不過見到餐廳裏邊都幾乎滿座，除咗食物之外，佢個無敵大海景真係值得一讚，視野一流，好似去咗高級餐廳咁😂食物質素唔錯，而且都算大份，以呢個價錢環境食物質素嚟講，我覺得都叫做性價比高👍🏻我覺得佢幾好燕窩燉椰皇幾特別，食嘅時候係液體，一放入口就會變咗啫喱，好特別嘅口感，大家如果你海南少爺食飯都可以試吓嗌呢個甜品！星洲醬油參巴炒蘿蔔糕 $106咸蛋黃魷魚 $106海南雞飯拼馬水西亞肉骨茶 $138美綠哥斯拉 $35海燕窩燉椰皇（熱）$82海南少爺 (尖沙咀)尖沙咀廣東道3-27號海港城海運大廈地下G16號舖…Read More

/ 八本橋日式燒肉旺角區高質日式燒肉店平時都比較少去旺角食飯，不過難得同朋友聚會，為咗方便大家所以就揀個中心點食飯，朋友搵到呢一間燒肉店可以任食，餐廳位置仲好方便，旺角地鐵站B3出口一出就到，呢間放題好特別，仲係A4和牛任食添啊😍就當係未去到日本旅行食住先啦😊順帶一提啊如果而家揀雨餐，成人以半價優惠享用👍🏻雨set $1108平日/ $1128星期五六日公眾假期及前夕呢個套餐係包咗A4牛同熟成肉120mins放題，而且可以食晒前面霞、雲、雪餐包嘅所有嘢食而呢個餐特別嘅包括:A4岩手和牛三角腩A4岩手和牛肩胛肉A4岩手和牛肉眼蓋肉A4岩手和牛五花腩燒肉A4香蔥薄切岩手和牛韓風醬油牛肋條Haagen Dazs雪糕雖然價錢都唔平，但係和牛真係好出色，油脂分布均勻，和牛紋路好靚，食落入口即溶，絕對對得住呢個價錢😋📍 八木橋日式燒肉 (旺角)旺角彌敦道700號T.O.P. This is Our Place 4樓409A & 409 B號舖…Read More

/ 小鍋霸堅尼地城超好味任食冇限時台式火鍋🍲住喺西環呢頭真係唔怕冇好嘢食，行到卑路乍街見到有間裝修幾靚又光猛嘅台式火鍋店，望一望個餐牌價錢唔算太貴而且係任食冇限時，仲要俾佢個任飲台式飲品吸引到🤣真係可以瘋狂飲肥仔水！餐廳環境超舒服，服務員安排咗梳化卡位俾我哋坐，張枱又夠大可以放到好多食物，唔怕嗌得太多無位放🤣任食美國Prime Grade極上牛頸脊及西班牙伊比利亞黑毛豬 $388/成人呢個價錢已經包晒所有火鍋配料、海鮮、台式特飲任飲同埋每人一杯Movenpick雪糕🍦湯底：台灣麻辣牛肉涮涮鍋 小辣台式麻辣湯底係屬於偏甜，湯底好濃郁而且有幾舊牛骨一齊煲！不過好彩叫咗小辣，因為打邊爐啲湯會越煲越辣，而且啲嘢食會吸晒味，搞到更加辣🤣呢個餐先可以食嘅極上牛頸脊同埋西班牙伊比利亞黑毛豬肉片都真係好好食😋牛肉味濃，肉質唔會太厚太硬，一啲都唔韌！豬肉片都係好大驚喜，一啲都唔孩😍火鍋配料都幾出色，大部份都唔係一般任食火鍋餐廳會見到嘅配料，以下係我覺得幾好食必嗌嘅：自家製手工黑松露芝士豬肉餃自家製手工餃蘑菇芝心堡墨汁墨魚滑三星蔥溶岩漿貢丸足八吋長巨蟹棒飲品我就試咗三款，三杯都好好飲而且好啱麻辣火鍋解渴黑糖冬瓜茶愛民芒果茉莉花茶香芋雪香奶茶整體嚟講呢間火鍋店絕對可以返兜，尤其我真係冇食過唔限時嘅任食火鍋店，真正食到飽到嘔都仲可以坐喺度繼續食🤣無論係火鍋湯底定配菜定係飲品都十分有誠意，大推👍🏻👍🏻👍🏻📍 小鍋霸 (西環)西環卑路乍街80號Imperial Kennedy地下6號舖…Read More

/ Eden觀塘區午餐超推薦嘅高質台式餐廳😋平時喺觀塘放飯多數都去駱駝漆食，今次就去到觀塘地鐵站D出口一出就到嘅觀塘工業中心覓食，其實呢度幾幢工業大廈都有唔少隱世餐廳，而今次食嘅呢間伊甸更加係好睇又好食呀！餐廳環境好闊落，設計屬於清新木系，好適合文青人士過嚟打卡🤣食物方面除咗有一般嘅台式肉燥飯鹽酥雞扒蛋餅等等、佢亦都有提供意粉沙律，啱晒有選擇困難症嘅我🥹我同同事黎食就嗌咗兩個午餐share🍝流心蛋煙三文魚白汁熱大利麵 $89意粉份量幾大，將流心蛋係半熟狀態，篤穿就可以撈勻白汁一齊食😛佢嘅煙三文魚份量都好多，淡淡嘅白汁配煙三文魚嘅鹹味一齊食就岩岩好🍱 台式香菇肉燥飯 配 鹽酥雞扒 $77香菇肉燥飯夠多汁，值得一讚係佢嘅鹽酥雞扒超大塊，而且炸得好酥脆，亦能夠保持雞扒有肉汁，送飯食超好味🥧巴斯克芝士蛋糕 $30佢跟餐仲可以額外加小食同甜品，我就揀咗個蛋糕，佢呢個巴斯克芝士蛋糕雖然中間唔算太流心，但整體都好濃芝士味👍🏻🧋波霸珍珠奶茶跟餐仲可以免費加波霸珍珠奶茶，珍珠幾有咬口，而奶茶嘅茶味都好香👌🏻📍 伊甸 (觀塘)觀塘官塘道436-446號官塘工業中心第四期1樓C室…Read More

/ 烔記燒味平時好少去食燒味餐廳，但烔記係我食過最好食嘅燒味店，佢除咗有普通嘅叉燒燒鵝之餘，總會有手撕雞、唔同嘅酸辣小食同埋好特別嘅鵝油麵。我平時好鍾意食肥叉燒，但係唔係間間都可以做到肥瘦均稱，肉汁唔鞋又唔韌，今次特登叫咗肥叉燒，食落口啖啖肉再加少少肥膏，好好味😋另外佢嘅燒鵝都係必食菜之一，燒鵝味香濃，肉質唔乾，在配搭埋鵝油麵食岩岩好👍🏻呢間烔記燒味好多地方都有分店，而且價錢好便宜份量都好多，啱晒外賣燒味返屋企加送又或者平平哋食餐飯👍🏻…Read More

/ The Upper Deck東涌喜來登酒店旁超靚無敵大海景西餐廳😻放假同男朋友去東薈城outlet行街，順便搵咗附近一間打卡靚西餐廳食brunch，The Upper Deck位於喜來登酒店隔離嘅灣景薈一樓，喺東涌地鐵站A出口一出去就會有往喜來登酒店嘅Shuttle Bus，每隔30分鐘就有一班車，穿過喜來登酒店就會到達灣景薈，好方便架👍🏻餐廳環境空間感好大，擁有270度落地大玻璃，所以有好多座位都可以安排喺窗邊坐，無論影食物定係影人都好靚架😻星期六日會有weekend brunch，包前菜、主食同甜品費事兩個人食唔晒，所以嗌一個set share再散叫就剛剛好👌🏻前菜: Eggs Benedict 一碟有兩件，半熟水波蛋上面有黑松露荷蘭醬，煙肉煎得啱啱好唔會太乾主食: Fish & Chips炸得超脆，魚肉好滑，配埋嘅粗薯條灑上辣椒粉👍🏻甜品: Caramel Tart是日甜品係焦糖凍餅，切開中間見到分咗三層，最底層係餅底，中間係焦糖布丁，頂層係焦糖慕絲散叫: Tagliatelle另外都散叫咗一個意粉，份量足夠，配有菇菌同煙肉📍 The Upper Deck (東涌)東涌怡東路9號灣景薈1樓101號舖…Read More

之前每次行街經過海港城都見到佢大排長龍，而且知道佢係用咗蘭王蛋去做佢嘅蛋包飯，今次終於行街前等15分鐘就可以入座漢堡扒咖哩蛋包飯一上枱賣相好靚，包住啲飯嘅蛋呈金黃橙色，原來中間啲飯係西炒飯，周圍再配咗日式咖喱醬，我覺得佢嘅炒飯太酸，同日式咖喱醬又唔係好夾，不過個雞蛋真係好香，炒得好滑，漢堡扒都好厚肉好食😋炸蝦小食本身想嗌炸蝦蛋包飯，但驚食唔晒兩個飯，所以就轉左嗌小食，一碟有四條炸蝦，份量都唔少而且有個薯仔沙律幾好食原味pancake 最後都嗌咗一個甜品，估唔到佢呢個疏乎厘pancake比我想像中好食，佢側邊配左一個榛子cream，再加埋楓糖漿一齊食，好好味😋但份量真係偏小得兩舊😨…Read More

難得約咗一班大學同學聚會，嚟到呢間好出名嘅日式燒肉店，聽講仲喺東京過江龍，肉質一定有保證。餐廳唔算好大，不過座位都闊落，仲有locker 擺隨身衣物手袋，抽氣方面都還可以食完唔會太臭，不過就嫌佢枱面嘅抽氣桶太大，阻住我同朋友傾偈😨食物方面都有質素，嗌咗唔同嘅牛類都分別有牛味唔會燒得耐就變鞋。豪華盛盒 (和牛肩肉眼、厚切牛舌、特上牛胸腹肉、和牛腹肉)蔥燒牛舌壺漬牛肋骨魷魚🦑牛繁溫泉蛋丼蔬菜拼盤我有幾鍾意食佢嘅厚切牛舌，燒完之後擺落口中間係入口即溶，厚得黎又夠林…Read More

因為住西營盤，所以間唔時想食串燒，都會近近地黎尼間bbq美食店😋 無論係平日定假期，夜晚七點打後佢一定長期滿座，所以記得要book位，有時太多客人連電話外賣自取佢哋都唔接架，可想而知尼間街坊小店幾出名🤣呢間串燒店係比較傳統舊式個種，食物唔會太花巧，但就係燒得好香好入味，食串燒就係要食佢嘅調味料啊嘛🤣我平時好中意嗌好多串雞軟骨，$10一串超平🤣蟹籽沙律🥗都好大兜好好食😋 仲有啲燒海鮮以時價計算，我食過蟶子都好新鮮好重蒜蓉味👍🏻…Read More