cecilia_mps的個人專頁

一直都有留意呢間舖頭嘅scone，見到佢早排開左實體店，即刻去試下！一口氣買左12個scone (新開張仲有優惠超級抵！)分別買左: 花生醬鬆餅配鮮奶麻糬🥜小山園抹茶鬆餅配鮮奶麻糬🍵 開心果鬆餅配鮮奶麻糬🥠 全麥鬆餅配蔓越莓乾🍒日本玄米茶🍂泰式奶茶鬆餅🧋日本宇治抹茶Hershey’s朱古力粒🍵雙重巴馬臣車打芝士🧀比利時雙重朱古力合桃👑桂花烏龍茶🌼 花生醬鬆餅🥜咖啡鬆餅☕️個人最推薦嘅係有鮮奶麻糬嘅scone! 特別係花生醬味！！如果係本身冇配麻糬嘅都可以加$15就可以加麻糬，最最最重要係店員可以幫手整熱返個scone，外皮會更加脆同香口，成個質感即刻提升左幾個level!!!⭐️⭐️⭐️⭐️⭐️除左麻糬scone之外我自己覺得抹茶朱古力，泰式奶茶同桂花烏龍都係必試！抹茶同朱古力係一定唔會出到錯嘅配搭，但估唔到泰奶同桂花烏龍擺係scone到都可以咁出色！完全體現到泰奶嘅濃郁同桂花烏龍嘅清香！👍🏻👍🏻👍🏻除左scone之外我仲試左佢哋嘅芒果布甸，好有以前去酒樓食嘅味道！同埋真係有好多芒果肉係入面，十分之足料！大讚！環境方面:尖沙咀地鐵站一出很幾分鐘就到，非常就腳，夏天避暑聖地。店舖環境十分舒適，裝潢都好精緻，一入去就可以見到啲scone，十分吸引！舖頭嘅兩邊仲有一個香港自家品牌嘅創作，仲有人現場幫你畫畫，好特別，值得一去！✨…查看更多

中午趕時間，諗住係Aeon快食lunch。但其他鋪頭都要排隊，但呢間唔係好多人，即刻有位，所以就入左去。叫左個甜酸雞肉炒金邊粉，唔洗加錢有野飲。計埋加一$64講返野食先，個金邊粉酸酸甜甜幾開胃，份量正常，金邊粉偏濕。不過呢個價位都唔expect 係好標青/會有驚喜。飲品叫左個薑蜜，冬天飲十分暖胃驅寒，幾好幾好。賣相普通但味道幾好。住附近諗唔到食咩嘅話呢間係唔錯嘅選擇，價錢合理。而且員工都好nice，熱情好客，好難得。…查看更多

同friends 中午黎食飯，可能因為係平日中午，所以冇乜客人。環境唔錯，清幽安靜。見其他食評話招牌係乳豬，不過可惜中午只有set lunch，試唔到。西餐黎講佢地嘅Set lunch係幾抵嘅，包湯包野飲，不過選擇就唔算好多。我地揀左3個set，餐湯係南瓜湯。南瓜湯唔錯，南瓜味幾出，唔會好水，夠甜夠creamy。第一個set我哋揀左黑松露野菌意大利飯。一上菜就已經聞到好重黑松露嘅味(friend話似汽油味😂)。味道係標準嘅，唯一好扣分嘅係啲飯嘅質感太硬。我地仲要左慢煮三文魚柳。除左三文魚柳，仲有青口、2隻蝦同一啲蜆。我覺得三文魚柳偏咸，而同行朋友覺得有啲腥。我就覺得隻蝦比較腥。但個汁幾好味，值得一讚。最後仲有西班牙豬鞍配烤菠蘿。係我三樣入面最鐘意嘅。本身上菜覺得冇乜特別，但個豬一食落口，真係好juicy，已經唔需要其他汁，味道口感都非常好。烤菠蘿就比較普通，不過隔離有啲烤蔬菜都幾好食。總括黎講都係唔錯嘅，但未必會再嚟，因為好似冇乜好特別嘅嘢得呢到有，食過嘅又未真係好食到一定會黎再食😂…查看更多

與好友在晚飯時間每人點了一個set，包括一個餐湯，一個主食和一杯飲品($33以下的免費)。我們還額外點了一個小食拼盤(+$49)。【餐湯——粟米】餐湯是粟米湯，外表不怎麼樣，只看外表還以為是粥。但有很香粟米味。雖然裏面只有幾粒粟米，但唱下去味道很濃郁，口感也很濃厚。【主食——芝士肉醬千層麵】不錯，雖然看上去份量不是很多，但因為有芝士的關係，飽腹感很重，我們都吃到很撐。味道就是正常芝士肉醬千層麵的味道(˶‾᷄ ⁻̫ ‾᷅˵)，雖然不是太特別，但也挺好吃。【小食拼盤】小食拼盤裏有薯條、炸魚條、咖喱角、麥樂雞、春卷。配一個疑似是芝士醬的source。感覺都是普普通通，芝士醬的味道不知道為什麼跟小食不怎麼夾。除了薯條外，其他的份量都只有兩件。…查看更多

食野除左野食質素，環境都好重要，瘋鳥嘅裝修設計就啱晒中意文藝氣息嘅朋友仔啦🤤所以經過我地再三嘅思量，係眾多選擇入面揀左瘋鳥🥳首先講下店內裝飾先啦:店內有個書架，上面擺左好多精緻嘅小飾品，復古得黎又有格調。唯一美中不足就係店內燈光偏暗，不過咁先有氣氛🌷而另一邊就有棵樹，見到即刻有種大自然mix夢幻嘅feel。而每張枱都有個插左花嘅樽仔，令成個食飯嘅氣氛提升左個等級。環境固然重要，但食物嘅味道先係令人決定會唔會encore嘅重要元素😉我地個日去到係dinner嘅時間，我地每人都點左一個黑松露帆立貝意大利飯，再點左一個分享拼盤。飲品方面就點左一個荔枝玫瑰茶同芒果蜜桃茶。首先講下黑松露帆立貝意大利飯啦 ($89)味道唔錯 不過有小小失望嘅係份量唔大，同埋原來只得一隻帆立貝，而且感覺黑松露味道唔濃郁。之後就係分享拼盤。($108)呢個分享拼盤值得一試！入面有炸雞翼、鹽酥菇、西蘭花芝士卷、薯條同埋薯波。仲有小小沙津同2款醬(芝士醬同沙津醬)。入面最特別就係鹽酥菇同西蘭花芝士卷，好好味，而且夠特別。2-3個人share就啱啱好啦。野飲方面，我就叫左一個荔枝玫瑰茶(原價$35，因為有點主食所以減$20)個茶一到嘅時候已經聞到好香荔枝味，而且佢用茶壺裝住，再配一個細茶杯，即刻變到好有feel。但雖然聞落好甜，但飲落去反而覺得味道有啲淡，而且個茶其實都係用普通茶包，值唔值呢個價就見仁見智啦。而我嘅朋友就點左芒果蜜桃茶(原價$38，因為有點主食所以減$20)用一個字黎形容呢杯茶就係甜，兩個字就係好甜。一飲落去就覺得全部都係香精嘅味，冇水果個種fresh，淨係好chemical嘅甜。最後講下服務啦，店員落單上菜個陣都好好，但可能我地個位坐得近廚房同bar枱，聽到晒店員講野都幾大聲下，令到成件事有小小美中不足啦。總括黎講，係一間唔錯嘅餐廳，價錢都算合理，環境食物都唔差，唔知食咩嘅時候值得一試😋…查看更多