GaryLok-man's Profile

第一次黎呢間，全因為openrice的食評而來，所以我也要做一些小食評以供參考第一道菜是做緊特價的上湯焗開邊龍蝦，半邊$68,只有一種味道便是上湯焗，沒有我最喜愛的芝士焗，不過唔緊要，上湯才顯功架，因為可以無限添食，打算每人先叫一份，好食再添食，結果係食了半邊唔想再order, 上碟賣相是中上，味道郤一團糟，除了咸便只有咸，單調的咸味，咸到連龍蝦的鮮味都蓋過，肉算彈牙，如果唔係因為唔新鮮用咸味掩蓋，我真唔明白為何咸得要命。第二道菜係安格斯牛柳粒，伴隨菇粒，味也是偏咸，牛肉大約6成熟，裡面深紅色，鍾意食嫩牛覺得不錯，要食熟牛要注意，雖然味道偏咸，但夾塊炸蒜片同牛一齊食又幾夾，但味道都只屬一般。第三道菜係生炒骨，一般生炒骨，外脆內軟，合格第四道菜係脆炸雞，肉嫩味淡雞味不濃，又係普通貨。最後order我最喜愛的壽包，只可用失望形容，蛋黃我估係普通咸蛋黃的⅕,小得可憐，而且很乾身冇油，認真失望。唯一要讚係服務，侍應服務唔錯，平日時間食客少頗寧靜。結論係：失望唔會再黎…Read More

偶然下入黎食個下午茶，order了糖心蛋牛肉飯加$10配脆炸薯條，一客鮮茄焗豬扒飯，再另order一個非下午茶類的韓國風香酥炸雞。先評韓國必食招牌韓國炸雞，對於我黎講，韓國炸雞同廣東菜中的咕嚕肉一樣，一間煮得唔好食的酒樓煮咕嚕肉我會大大扣分，所以呢間餐廳究竟加分定減分，韓國炸雞係全個餐廳我覺得最重要的最具代表的食物。好！癈話少講：menu裡的菜名：韓國風香酥炸雞，唔香唔酥偏硬，汁似韓風實質唔係韓國汁醬，而且上碟竟然係唔熱，微暖及唔酥脆，仲有d炸過籠俗稱的食乾柴的雞，汁也不是一般韓國的炸雞醬，如果100分滿分，呢個加埋期望分，打正旗號的韓國店的要求分，結果得分係35,水準之下下下，幸好只是29蚊。另一個係鮮茄烤豬扒飯，用的珍珠米，無太特別，四平八穩。隨後一客：糖心蛋牛肉飯，上碟不是糖心，是實心的蛋黃，好彩我唔係糖心控，最正係鹵水蛋，點解會係鹵水蛋？費解！！牛肉飯是肥牛再用上韓式燒汁醬甜甜地好送飯，用的都是珍珠米，最正係泡菜唔似泡菜，大佬，唔識整泡菜起超市買包算啦，唔好唔識韓式扮韓菜。不過要讚加$10的脆炸薯條，熱脆好味。總結的係：唔當韓式餐廳去食個牛肉飯算，期望食韓食的實激死。…Read More

舖仔細細，點心頗有水準，梅菜排骨飯：飯底好味，梅菜夠林合格有餘；另一味虎皮椒釀魚肉：特別之處係用日本大阪燒汁再灑些木魚片，味道口感非常夾下次會再order, 牛柏葉軟硬咸甜度適中，也是不錯的選擇，粉果皮看以厚，食落又唔係，而且餡皮比例啱啱好，唯一要彈係馬拉糕：皮un肉軟結果就感到怪怪的，呢個要扣分，另一個扣分就係位太迫，食點心除了食還要嘆茶，可惜太迫食完坐耐d又唔好意思，但味道好過一般屋村酒樓多多聲，埋單130,以晚餐黎講非常超值！…Read More

三文魚魚生，鮑片頭一輪新鮮，第二轉order冇魚味，羊串有穌味不過好咸，雞翼天婦羅ok合格，壽司無驚喜，酒煮蜆冇酒味，辣蜆味道唔錯但兩款蜆都有沙，整體冇特別唔好食，又冇野特別突出，最最要彈係坐位，迫死了，隔離枱位小姐的汽水都倒瀉在我手機上，激死了…Read More

叉燒腸的皮好削，毫無口感，好似食左濕水麵包，唔合格，咸水角皮略嫌硬了一點，味道ok偏濃，酥皮叉燒包好好味，值得食，最後一籠係薑䓤牛肉餃，獻汁好杰，裡面係山竹牛肉球再包層腐竹皮，一般質素及咸，整體所有點心味濃，清淡者慎幫襯…Read More

唔想再去飲茶，點心太難食第一要彈係個叉燒酥，咁樣整唔好食，底厚過鬼之餘叉燒又少，最最最閉係菠蘿包皮面，九唔搭八到成個都唔好食燒賣蝦餃都係一般味，唔算好食腸粉真係非人可以頂得到的，粉皮鞋到真係有飛滋都比佢鞋親，勁厚及勁多粉味，我諗緊有乜可能業餘成咁，有張腸粉橫切面，足足有1.5cm厚，比個勁佢三個字：冇下次 …Read More

Order了一個大門拉麵，麵身較粗，煙un彈牙，自己鍾意食粗身拉麵多過幼麵，所以加分。湯應該係麵豉湯，極濃味，鍾意食濃味的會滿意，但是我覺得偏咸者太油，成碗湯底都是油，可能因為有油，拉麵變得滑，可惜太細碗，一個大漢應該要食三個麵，haha，OL食一個。。勉強可以，下午茶時段收費可接受，$48,唔貴，還會來吃，試試其他食品…Read More

第一次黎，點了2個午餐，一個吉列豬扒井，兩個字，難食，吉列豬完全唔脆，應該話同脆冇關係，沒有吉列豬應有的脆到及4未道，不合格，第二個係蒜香煙肉磨菇意粉，意粉軟硬度剛好，可惜有太多炸蒜粒，變得好硬，初時以為意粉烚唔熟，味道不過不失，份量較少，OL勉強可以，大漢就多叫一碟吧…Read More

第一次光顧，點了三款餐蕃茄肥牛手打烏冬，湯有濃蕃茄味，略嫌酸豬軟骨十谷飯，好味，仔細數數有六七樣的谷物，感覺很健康，豬軟骨好淋好入味，超贊蟹籽牛肉鍋燒炒飯，order了很久才來，沒什麼特別，只是夠熱及有少少蟹籽增加咬口的吉x家的牛肉飯三個商場都是連鎖食iyr, 這間算是少數及有驚喜的日式食店，味道令我支持它及會再光顧…Read More

入黎呢間餐廳唔知係食咩既，坐低order左肉眼扒餐，海鮮意粉餐，經典薄餅餐，個set有包及沙律，送黎一碟方包但點醋，先諗緊呢間店食咩？原來係意大利野，唔怪得知點醋及咖啡酸味濃及有少少酒味，接受左呢間係意大利餐廳後就開始食餐頭盤係蝦沙律，蝦辣的，好味彈牙，沙律甜酸油適中-滑，唔錯我本人不太喜歡海鮮，因為大眾一起食的原故都order了，成個意粉滿怖碎三文魚，還有青口，帶子，另一種魚，魷魚及三文魚粒，心諗大獲@.@我最怕食熟三文魚，一口咬落，唔腥，好好食，意粉硬身彈牙滿口檻欖油，好好食，我估落左唔少白酒僻腥，呢個意粉十分欣賞，分數甚高，下次要再試肉眼扒咸，一般及偏熟，不過不失沒驚喜Pizza幾好食，薄身味夾唔漏，味道口感中上幾唔錯的餐廳，可以一試…Read More

性價比低的下午茶點心的賣相及味道，與地段，環境，價錢都不相符，絕對只係屋村街坊級酒樓的質素賣相扣分：一個精緻的賣相會令吃的人食慾大增，賣相不合格，味道非常一般，對在銅鑼灣呢個黃金地段，要求高少少一d都唔過份，好，再黎味道：炸雲吞及春卷，熱，脆，味道算是唔錯，粉果皮完全唔得，皮沒有煙un感，係一咬就塌下來，餡都較gel口，叉燒包味道ok, 只係皮太濕，食落去口感唔好，霉霉咁既感覺，我至愛的咸蛋黃壽包。公眾假期12蚊一個，呢個除左樣衰之外，都可接受，冇乜特別彈及讚的有燒賣及鳳爪，整體碟碟都熱，如果大中小點全部打8折，我會收貨，只係一切性價比低，下次唔會黎，除左做超特價…Read More

已唔係第一次光顧的餐廳，冇諗過有咩驚喜，叫左個鐵板醬炒豚肉烏冬，甜甜地，好好味，鐵板上，一路食仍然熱辣辣，烏冬彈牙唔痴口，評分中上級另一味是咖喱吉列豬扒飯，日式咖喱，有d辣度，港人完全接受得到，好味道，吉列豬扒，外脆內滿有肉味，唔係炸到乾爭爭，外皮炸到脆卜卜，係新鮮炸起，唔係翻炸或炸左好耐，豬扒非常高分，90分都值得拎。飲品，芒橙絲慕，叫餐8折，即係3x蚊一杯，味道十足雪條橙汁冰冰，不過橙汁冰冰好似幾蚊一條，值唔值？見仁見智…Read More

不過不失的晚餐，平凡的粟米湯，平淡的沙律；主菜：肉醬大蝦意粉，平凡到以為去左快餐店，冇亮點，好想搵呢款意粉的味道重心，可惜冇，全部要有的料都有齊，肉醬，大蝦，鮮冬菇，意粉，可惜原來全部齊料都可以搵唔到一個核心味道，爭左high light, 諗緊欠乜？可以話唔香唔漏唔咸唔淡，呢道菜毫無性格，填飽肚罷了。另一道菜：鐵板牛柳拼春雞薯菜；7成熟的牛柳口味極差，我以為自己食緊漢堡扒，又諗緊會否用粉"那”過？又唔太似，總之如果唔係漢堡扒，呢塊扒唔合格。春雞的肉鞋過擦膠，如果以$198黎講，絕對唔合格。最正係樽芥辣似點中式燒肉的芥辣味，唔知笑死定嚇死好。整體係：無性格，所有野食都冇自己的風格，不喜歡…Read More

精緻點心有質素，蝦春卷點沙律醬，好味，山竹牛肉冇乜特別，蝦餃好味彈牙，正！魷魚味道恰道好處，略嫌底下的粉絲太乾，不過完全冇影響其質素及味道，第四樣要讚的係班蘭奶黃包，幽香的班蘭配奶黃，好夾味，唔錯，叉燒腸粉夠滑且薄，有80分，蘿蔔絲蝦餅不過不失，唯一要彈係叉燒包，樣似生煎包，太細，而且皮較un, 唔好吃，當時揀叉燒包唔知咁細及非一般的叉燒包，酒樓應該有圖示食客叉燒包的樣，如果係宜家呢個樣我唔會order(唔記得影叉燒包相) …Read More

稻香特價龍蝦，梗要黎試，$66碟龍蝦+伊麵，抵。。。只可惜，好味食材遇著個零天份的廚師，變左龍蝦的粉朴得太厚，伊麵完全無味，因為只可揀上湯，所以結果係無味淡過水的伊麵，慘不忍睹，如果用心少少煮個上湯汁，會變返一個上品佳餚，可惜可惜~~~第二個：乳鴿，ok, 幾香口。第三味：黑椒牛仔骨煲，個煲有6,7,塊牛仔骨，收$78,唔算貴，因為雪藏的牛仔骨好鬼貴，宜家仲要煮好奉上，確係抵食。味道偏濃，略咸，不過可接受，同龍蝦伊麵撈勻就好啦。結論係尚德龍蝦唔好味，想試食龍蝦的話，去第二間碰碰運氣…Read More