isaac.to's Profile

今日晏晝喺中環食lunch，成個IFC mall要又平又快又抵就只係得幾間揀，吉野家就係其中之一喇。佢嘅位置喺正出閘機出面，佢間餐廳就只有外賣冇得堂食，而且一律用八達通俾錢，所以成個買外賣嘅流程都好快、好方便。我就order咗佢嘅牛肉溫泉玉子飯，仲送可樂或者綠茶。佢啲牛肉汁就出晒名香㗎喇，的牛肉都算唔錯，以50蚊嘅價錢算係中上。最重要係佢送埋嘢飲，咁就可以食到個又平又快又抵嘅lunch啦，very good!…Read More

間餐廳雖然位於中環，但係佢個位置都比較難搵，佢喺某條巷嘅中間，真係要睇住Google map先識行。佢12點前都有早餐提供，而佢嘅特餐同常餐就係全日提供。今日就試咗佢嘅常餐，有火腿雞蛋、雞翼公仔麵，加4蚊仲有懷舊嘅玻璃樽裝奶飲。雖然餐廳外面好似好污糟、好多積水，但係入面衛生都算係咁。食味嘅味道水準中上，份量都好夠，佢嘅火腿雞蛋真連埋包食真係一流，而個麵就搭有4隻雞翼，麵嘅軟硬度啱啱好，重點係有懷舊嘅玻璃樽裝奶！…Read More

去尖沙咀海港城食飯嘅話，Greyhound Cafe嗰一帶有好多得揀，但係點解會再食Greyhound Cafe呢？如果你有睇我另一篇喺九龍㘣方寫嘅Greyhound Cafe食評就知，想再食Greyhound Cafe嘅Ice Cream Waffle。但係好不幸地今次叫錯咗佢個Banana Waffle，雖然都算唔錯，但係真係同佢個Ice Cream Waffle冇得比！另外我地仲叫咗個金邊粉，蝦就得3隻，味道都偏鹹。…Read More

平時行開尖沙咀海港城都唔太捨得食，因為60幾蚊1杯雪糕對我咁嘅一般打工仔好似有啲over咗。但係今日見到佢用某張信用卡有50% discount就立即一試！店入面都幾多人，要喺入面食就要等一陣先有位。而排隊買雪糕就唔算耐，1-2分鐘都搞掂。叫咗個麻糬牛奶抺茶，佢嘅配料仲有紅豆、脆脆同埋涼粉。成杯係好好食，特別喺優惠時段係算幾抵。另外一提，見隔離叫咗個蜜瓜雪糕，個蜜瓜睇落好多汁，好吸引，不過折咗都過百元，抵唔抵就見仁見智！…Read More

今日天氣咁熱，去到尖沙咀R出口轉個彎就係老虎堂，所以都係整返杯。雖然有傳佢地喺微博發表咗啲政治立場，本應要求餐廳都要政治中立，但係因為位置實所太方便，所以都係買咗1杯。未去到，已經聽到入面有店員大叫，唔知佢地喺舖入面係咪玩到得意忘形，忘記咗仲係有客人喺出面。去到係唔使排隊，少咁啲遊客嘅尖沙咀真係好好行！等咗3分鐘都冇就拎得，但係今次杯黑糖冇咁濃，對身體可能係一件好事。而佢嘅珍珠就太腍，水準略嫌有啲下降！…Read More

星期嘅晏晝就緊係要同成班同事去食返個好西！佢嘅位置離地鐵站有少少路程，不過唔算難搵，但係就要行下斜路喇。佢間餐廳都好大，唔使book位其實都可以即入。入面嘅裝修好有英倫風，氣氛好好，不過長枱嘅話就係會太嘈令到頭尾嘅人冇乜交流。佢嘅lunc set可以好正，有意粉、蜆、豬扒、牛扒，大部分嘅人都揀咗牛扒，而我就揀咗豬扒，因為仲芝士豬扒！不過望落就牛扒好食啲嘅，蜆仲要係一大盆，真係一流！lunch set仲可以揀豆腐甜品。…Read More

今日收工喺中環附近食埋先返屋企，所以就睇下openrice有冇咩特別優惠啦，見到佢嘅折扣都唔錯就狗衝！由中環站出發，經過天橋，10分就到，位置都算方便。雖然我地book咗位，但係其實餐廳嘅人流唔算多，book唔book其實都會有位。入去帶位嗰陣見到waitress喺到做緊功課咁，應該係大學生嚟做part time，所以佢地嘅服務都好一般，例如叫埋單完好耐都冇反應，要自己出去埋，佢地仲會玩食物，聞下先再上菜！…Read More

今日晏晝因為公事繁忙，所以決定買外賣返公司食，咁就直接落樓下機鐵中環站到睇下有咩買啦！去到其實機鐵中環站唔少舖頭都淨係做樓上office打工仔生意，咁就揀間多人啲排隊嘅諗住冇咁伏啦。結果排隊用咗4分鐘左右，等拎就等咗6分鐘。叫咗個慢煮叉燒加燒腩仔嘅雙併飯，total 59蚊。佢啲叉燒同燒腩仔都整得好食嘅，但又唔算特別出色，感覺得算中上。但係加埋啲飯真係唔落正評，佢啲飯好多水，可以算係難食。下次都係不了。…Read More

佢嘅位置距離大三巴仲有10分鐘嘅路遠，不過絕對值得一試。佢嘅舖頭不設堂食，但係都有個bar位可以企喺到食。環境就唔算舒服，不過好有懷舊嘅味道。去到其實好多人叫外賣返屋企食，作為遊客嘅我地就決定企喺到食。叫咗個蝦子撈麵加豬手，佢嘅撈麵係會配碗湯，撈面平身就冇乜味，但加咗蝦子上去真係一流，絕對要試一試。而佢嘅豬手更加冇得彈，非常之咁滑，可以話係入口即溶，佢仲煮到入晒味，邊食邊有湯嘅香味，咁嘅配搭真係一流！…Read More

禮記雪糕店之前有俾某電視台介紹過(CCTVX)，佢地店入面都有擺放TVBuddX，所以一望落觀感就已經差咗啲。佢地嘅位置係超級遠，不過為咗食冇計啦。佢地嘅舖頭超級大，目測可以坐60-70人，有卡位亦有圓枱。佢地餐牌上面有唔同口味嘅雪糕，亦有公仔麵下午茶餐之類嘅熱食。我地就叫咗花生味雪糕同一個雪糕三文治。花生味雪糕超級甜，係甜品愛好者嘅選擇，佢嘅花生味都好濃。而個雪糕三文治就有三隻味，不過個皮腍嘅，冇乜口感可言。…Read More

位於新馬路嘅鐵蛋號雞蛋仔專門店，佢嘅位置有少少偏僻，行到有啲攰。佢店入面嘅空間好大，可以俾客人食埋先走，因為今日落雨嘅關係，所以完全冇人，我地落咗單就坐低等。佢地嘅餐牌有好多種唔同口味嘅雞蛋仔，就算朱古力味都有三種，仲有其他唔同嘅配料可以落。我地就揀咗普通朱古力再加麻糬，佢地係會將麻糬擺入雞蛋仔入面，非常之特別。可惜嘅係，佢地完全忽略咗吹風嘅步驟，個雞蛋仔拎上手完全係塌嘅，一啲都唔脆，就算啲料嘅好食，但個口感都係好奇怪。…Read More

位於大三巴賣草地里嘅世記，位置雖然喺旅遊區，但因為喺一條巷仔入面嘅盡頭，所以都有少少難搵。哩間係不設堂食，入面嘅位只可以用嚟等外賣。因為落雨關係人流比較少，等咗5分鐘左右就有得食。今日叫咗厚蛋豬扒包同佢地嘅瓦煲炭燒咖啡。厚蛋豬扒包menu上面係搵唔到，menu上面只係得豬扒包，厚蛋係上網見到有人推介先識叫。蛋非常之嫩滑，仲會爆漿，而豬扒就炸到好香，夾埋包一齊食係非常之正。而佢嘅咖啡都非常之香，值得推介。…Read More

嚟澳門一日遊，一定要食嘅就緊係葡撻啦！位於新馬路嘅瑪嘉烈蛋撻店（我覺得佢應該改名做瑪嘉烈葡撻店）位置非常之方便，由附近賭場行去大三巴中間必經位置。今日有少少落雨，所以冇人排隊，一嚟就可以即買即食，不過可惜唔係好夠熱。1個10蚊，買兩個淨係問係可唔可以分開裝都已經俾人問候，強調係只係問下，不過服務態度比香港嗰啲算好少少，做開狗冇計。佢地葡撻幾好食，中間嘅部份好甜，餅底就好鬆脆，不過餅底就唔算特別喇。…Read More

喺灣仔，識飲一定係飲老虎堂。佢嘅位置喺A1出口嗰邊，買完一上電梯就通往灣仔稅務大樓、入境大樓等政府機構位置，亦可以通往近期人氣熱爆嘅書展、動漫展，位置真係十分方便。唯一美中不足嘅地方係灣仔老虎堂分店不設八達通付款方式，一般市民喺灣仔老虎堂買完任何嘢飲都只可以用現金找續，如果係找得多散紙，真係十分之非常唔方便！不過佢嘅黑糖珍珠奶茶真係非常好飲，我叫咗杯老虎堂珍珠厚鮮奶，佢嘅奶味濃郁，珍珠好有黑糖味！…Read More

銅鑼灣L. Place一樓嘅越式餐廳，佢地入面嘅裝修其實算ok，不過唔知點解張張櫈都有啲黑色一點點嘅色。其他衛生清況都算唔錯。6點半上到去完全唔使等，冇人。計埋我張枱得三枱人，所以落咗單唔使5分鐘就上菜。叫咗碟豬頸肉撈檬同埋香芽雞扒飯，雞扒飯肉唔算多，男仔食就算叫做飽嘅，而撈檬就比較失色，可能係因為啲唔夠香，帶唔出粉嘅味道。總括嚟講中中挺挺、不過不失。不過佢勝在服務態度算好，位置又方便，旺中帶靜，氣氛又唔錯，室內裝修有鏡增加空間感。…Read More