魔糖's Profile

今晚買左3碗麵外賣，一碗+4元轉刀削麵。刀削麵：好似小朋友玩嘅泥膠咁，一夾起就斷，仲要食落似「一pat嘢」咁。完全無味。可能刀削麵唔會分湯所致啦！拉麵：拉麵本身冇味，口感又唔得，最慘係佢同藥膳湯完全唔夾。食落口，喉嚨係完全唔想吞落肚。本身藥膳湯係冇問題，味道不錯的！咖哩似葡汁，同藥膳拉麵完全唔夾。咁點解可以做一個set咁賣？！麻辣口水雞入邊有豆豉，真係第一次！麻辣豬耳，唔知點解有陣酸宿味，成盒冇食。最後只食了2個餸，自己再+杯麵。唔會再有下次！…Read More

5月22日晚 7:30 同友人去食放題傾下計。我地食左刺身同迷你海膽手卷，其他熟食。出邊既甜品雪糕完全無食過。當時都覺得食物味道不錯。但星期六晚開始唔舒服，友人肚瀉了很多次。我就更慘，胃抽筋屙嘔了很多次。食左胃藥都攪唔掂，食左止嘔一樣嘔，諗住換條褲出去睇醫生都要嘔多次先出到門口...我打呢篇野唔係想中傷呢間餐廳。只想知道會否有人同我地一樣？！…Read More

第一次去咖啡灣，因為女兒剛升上小一，見到窩夫很吸引過來試試！平日放學3:50到咖啡灣，入內才發現沒有下午茶餐，反正女兒只是想試窩夫，我們叫了半份。4:04分送到！但窩夫唔熱，仲好硬身，食落好「拿」喉，梳打粉太多吧？！我同女先一人食左一小塊窩夫，女兒食了兩啖雪糕。最後，我女兒的食評：媽咪我覺得聞落好香，但食落唔好味，雪糕好難食！ 於是埋單走人！一間食店連小朋友都話差，咁真係....最後，原來4點有下午茶供應但職員從無提及過！呢間餐廳我唔會再黎！…Read More

因為老公很喜歡冬陰功湯，知道Garret新推冬陰口味爆谷，就買了M size ($60)回家試試。冬陰可以有兩款口味mix 分別是 butter / cheese我選擇了cheese回家試食後覺得爆谷偏淋。另，可能mixed cheese 關係, 味道較濃。呢款冬陰味辣辣地，幾惹味！…Read More

呢一年既生日飯, 好想食填鴨....所以同老公近近地去左九龍灣德福既仿膳食飯....我沒有訂位, 6:15PM 去到, 門口的小姐說 : 7:30PM 之前要還TABLE了! 得一小時多D......不過想食~ 無計啦!! 我地散叫了幾樣自己鍾意食既野....<<醉雞>> 雞本身好滑, 好香酒味....不錯哦! 不過小小一份要$76蚊.....抵唔抵真係見人見智了! << 糖醋魚塊>> 不過不失的菜式, 沒有什麼驚喜, 其實想食松子魚塊, 可惜無~ <<填鴨>> 佢有大鴨同中鴨之分~ 中鴨190元. 四人食剛剛好的!! 我地兩個人?! 只好打包回家!! 哈哈~~~~~ <<生煎包>> 看看它的油.........我只食了一個......早知我叫小籠包啦!! 最後, 原來恆生同HSBC 的白金卡有折. 呢樣先係最驚喜! 這裡的服務好好......環境又不錯....如果想食填鴨的話, 這裡是不錯的選擇呢~不過一餐飯只有一小時十五分鐘的話, 對我黎講, 食得有點辛苦! 同埋經常要看著手錶....壓力很大哦!!下次大家記得訂位呢~~~~~…Read More