rachel222's Profile

中秋節當然唔可以虐待自己個肚，又有藉口可以去食我至愛嘅放題，面對住琳琅滿目嘅食物，真係心曠神怡～～～係openrice見到呢間食評幾好，加上係K11隔離，地點非常方便，就決定一試～分兩個時段 6:00-8:15pm or 8:30-10:45pm~~我地揀左8：30，呢場唔full，大約得十枱客，所以我地兩個被安排坐四人枱，好闊落坐得舒服，而且左右兩枱都冇人，唔洗比人嘈住晒，可以同bf靜靜咁傾下計～一坐底就送上個Welcome Food~係超大甜蝦刺身+鮑魚，好新鮮～ 之後睇menu，嘩，好興奮，發覺刺身有19款 咩都試試啦～ 三文魚、劍魚腩都好肥美厚切，其他馬刀貝呀，螺片好爽，唔錯唔錯~另外一樣吸引之處係海膽軍艦任點，食多幾件都值回票價～而炸物也還可以，好快上枱; 燒物就比較耐，等左20-30mins先到，不過燒日本蕃薯仔同菠蘿係好好食好甜～其實我地唔係食左好多，可能年紀開始大，冇以前咁擦得，但最後再飽都一定要食甜品，有13款，開心死我～ 除左雪糕上嗰陣溶溶地唔好食，其他杯裝甜品係可以比個讚佢，仲擺到靚靚咁上枱，特別推介：北海道牛乳布甸，又滑又濃味！食完甜品真係飽到上心口，埋完單行去文化中心散下步睇花燈，中秋節大滿足呢！！…Read More

係觀塘想食yogurt真係得好少選擇竟然在觀塘廣場呢度搵到間隱世乳酪店店舖細小,但設計簡約而且好新淨一入店舖,店員總會笑臉迎人,很有禮貌早排行過見到有復活節限定優惠,大大杯+3個配料+1種醬料,都係$20咋 上次食完一次,一早心思思想再食今日去到仍然係優惠價揀了原味乳酪+士多啤梨+糯米滋+麥提莎乳酪甜酸味適中,而且夠滑夠凍生果都好新鮮大大杯真係好抵食…Read More

因為名隔離譚仔太多人等位,真係唔想"side"時間等~所以黎大拇指,其實真係唔差我本人唔食辣,叫左個清湯米線,個湯底都ok夠濃,好多配菜呀,韮菜,芽菜,酸菜,腐竹簡直就係錦上添花值得讚既係墨魚丸,好彈牙,係新鮮手打墨魚,唔似bbq果種丸~另外,我bf要左個麻辣米線,有分唔同程度既辣,可以自己揀佢話呢度d辣好正,d米線大大碗,連男仔都一定食得飽因為太飽啦,冇叫其他野,下次要試試佢d小食先~PS好鍾意自己劃點菜紙~佢D裝修簡簡單單,純白色,比人感覺都幾乾淨下~…Read More

翠屏村既食肆選擇真係少之又少,往往都去觀塘市中心搵食但自從呢間泰國菜開左之後,平時週末都係度食,費事出觀塘同人迫~呢度既首選推介係:海南雞飯$23 ,d雞夠嫩,又細細件易入口,最特別既係佢d薑蓉汁,有d辣又有d酸,可以送幾碗飯都得另外值得推介既係:生蝦刺身 $58有8隻,d蝦中size,好新鮮加上佢秘制酸辣汁,一流呀! 鍾意食辣既朋友一定要試試仲有泰式炒什菜,嘩,d什菜好甜,正到食晒,一條菜都冇剩個炸軟殼蟹就有少少失望,唔夠脆唔夠熱飲品方面,佢既芒果冰都好正,即叫即整,我見到佢拎住個大大隻既芒果去整,好fresh,不過可能唔係時候,芒果有d酸至於環境,真係唔好奢求咁多,始終係街市入面,只要對眼望住d餸菜,唔好周圍望就會安心好多ga啦PS d伙計好好禮貌,好親切…Read More

唔好睇佢鋪仔細細,但係d飲品絕對可以媲美許x山, 仙x岩.....既連鎖店lunch hour或者放工放學時間都會好多人排隊買野飲不過阿姐勁好記性,又有效率,唔洗等好耐價錢方面,好大眾化, 最平$6一杯鮮果沙冰推介:台式飲品 eg,珍珠奶茶 $8鮮果飲品 eg, 芒果沙冰 $10特色飲品 eg, 芒椰粒粒芒果涼粉 $9…Read More

係門口見到新出左幾款棉棉冰,入去一試食左綠茶棉棉冰($30)~都ok wor,一片片薄片,入口即融 另外食左大良鮮奶敦蛋($15),good! 值得一讚既係個靚女sale 好nice,好有禮貌,又落力推介唔同甜品比我地不過間鋪好近大馬路,好多車經過,好嘈><…Read More