likaka's Profile

行入一間coffee shop，話要飲一杯冇奶嘅咖啡，竟然唔知點推介！點杯Espresso Tonic，一飲完全冇Tonic嘅甜味。問佢係唔係落錯咗梳打水，第一時間就話換過杯俾你😵‍💫問佢攞個罐睇吓係點樣，用唔同藉口唔想俾你睇到個罐 - 又話嗰罐係最後一罐，又話個罐掉咗落垃圾桶⋯⋯你掉咗落垃圾桶，都係個面啫，拎起嚟睇一睇有乜問題？而家生意難做，如果你嗰罐係Tonic，只不過冇甜味，我有乜所謂！？但係你呢啲咁樣嘅態度，非常難令人接受囉…Read More

已經跟咗師傅幾年，到宜家師傅出嚟自己開，竟然 ... 水準再提升，再好咗各樣都好食，配搭好新鮮，次次都食同樣嘅嘢，唔簡單 ！最重要係越食越好 .... 我仲可以去邊食 😎…Read More

睇介紹說是米芝連班底，就嚟試一試，點知 ...到咗餐廳，只見有一枱客人，同一個專心玩手機嘅waitress，個心已經涼了一截不過因為俾咗deposit，唯有繼續見你日式fusion，點杯特式日本cocktail，竟然話「我哋今日做唔到喎」好，點枝白酒 ... 都冇 ... 上頭盤同包，包係暖嘅，👍🏻。點知把刀竟然有上手留低嘅食物 ... 叫個waitress換，佢返嚟話應該係花咗 ... 小姐，你有冇睇清楚然後只係俾返叉同匙 ... 刀呢？食物質素普通，調味偏濃，最敗筆係食物上枱時嘅溫度…Read More

成日經過北角匯，呢度實在有太多餐廳可以選擇今日就試吓呢間小巷弄牛肉麵。入到嚟發現餐廳嘅餐牌好環保，用筆畫咗，落完單抹乾淨就可以重用👍🏻選擇都ok多！既然店名叫牛肉麵，咁點可以唔試吓 ... 今日有啲餓，叫個勁啲嘅最後揀咗特盛台灣牛肉麵，再加個綜合甜不辣綜合甜不辣先到 - 剛剛炸好熱辣辣，再用個金屬鑊上，正！加埋片蘿蔔同姜，食落即刻冇咁heavy主角終於到！食牛肉麵，最重要係個湯！呢度個湯夠味又唔油，正！跟住就到牛肉 - 呢度用牛腱，入口即化 食牛肉麵加小小辣是常識吧 估唔到竟然有辣菜脯 一時重手咗落得太多辣菜脯唯有叫杯凍飲解一解。叫咗芭樂多多，入面仲有蘆薈粒 ... 即刻爽晒！食完準備走，個員工放低份下午茶menu ... 竟然佢哋用國語講嘢，好台灣呀好似幾抵食喎 ... 下次要晏小小再嚟食…Read More

約咗個老友食晏，就佢返沙田，就訂咗呢度。叫咗個2人午餐，先嚟個小籠包。正正常常，ok咁啦之後嚟咗個蟲草花菜苗，又係正正常常主角終於到 - 水煮牛 味道唔錯，牛肉，牛肚，薯粉 ...... 朋友唔太食得辣，佢都話可以突然夾到一條頭髮 唉，冇辦法，小小意外總係會有嘅，唯有放响碟度 ... 咁啱有個伙計見到，就問「係咪碟餸入面有頭髮？」我哋點頭，佢就攞咗入廚房話要查。心諗你咁主動，値得加分點知佢返嚟話「我哋所有廚師都有戴帽，而且條頭髮咁乾淨 ，你肯定 ... 」本來我大事化小，你竟然太。過。份 佢另一個同事就話已經安排咗discount (9折)，而且like佢社交平台又送甜品，但係我哋已經嬲到冇食個甜品 做飲食，衛生有問題已經唔ok，再加埋呢個咁有意思嘅伙計 ⋯⋯ 我一定唔會再返轉頭 …Read More

今日約咗朋友去太古城，見到呢間店個店名咁日系，就入嚟試吓啦。睇吓餐牌，好多選擇，見到蟹粉蟹肉餃話係必食推介，所以就叫咗個連拉麵嘅套餐。另外叫咗2個小食。醉雞翼尖同埋醃蘿蔔。個醉雞翼尖唔係好入味，又食到啲雪味好在個醃蘿蔔幾好食 ... 個套餐終於到啦！一啖咬開隻餃子 ... 有少許蟹味同蟹殼，但就係冇鮮味估唔到會推介呢個 ... 個拉麵就正正常常，冇乜特別 原本睇menu時見有海膽餃，因為呢個冇得同蟹餃雙拼，而煩惱食邊個。食完之後，我應該煩嘅係去邊度食 …Read More

行開炮台山又差唔多夠時間食晏，又想啡一啡，就嚟咗呢度。呢杯Lemon Shakerato不過不失，下次要試吓其他啡。黑椒牛肉多士配薯條做得幾好！切開蛋黃，啲蛋汁配埋個黑椒牛肉，連埋多士一齊食，正記錄在案，下次再嚟…Read More

去海港城行街，最容易會肚餓 見到呢間韓式餐廳，個公仔咁攪笑，就入嚟試吓 ......炸午餐肉，正正常常，不過可以再脆啲同少油啲 😅煙肉手搓粉，個汁幾好味，又掛到上麵，good!炸雞夠脆夠味，而且芝士分開上，可以用又可以唔用。如果食曬個芝士汁，應該可以做相撲手 海港城咁多選擇，下次要試吓其他先…Read More

西九文化區有展覽，剛好到午餐時間，於是就打算搵間餐廳食埋。間間都好多人於是留咗電話然後去睇展覽 ....終於有位！簡單叫咗個螺絲粉，沙律，同埋Dirty。食物水準唔錯，追加嘅薯條亦好食加上Dirty，enjoy咗一個好chill嘅lunch …Read More

灣仔，坐得舒服，又可以訂位嘅餐廳唔多，呢度絕對係其中一個首選午餐個manual，竟然隱藏响大manual其中一頁個QR code度，要用手機先睇到😆頭盤揀咗沙律，不過不失囉⋯⋯主菜點咗牛扒薯條，保持水準餐後甜品，詢眾要求點左呢個月餅😅入面係Earl Grey味雪糕，幾好味！好鍾意朱古力就可以食埋個皮連加一，大約300 ... 好中產 …Read More

今晚朋友book咗呢度，真係一個好適合吹水嘅地方！呢度咁多Tapas，啱晒！ 先嚟個Tuna Tartare同埋Sangria。個Sangria用 Limoncello 做base，好refreshing 配埋tuna tartare食，正😋Scallop Ceviche個汁酸酸甜甜，同個scallop好match朋友好鍾意個Clams 嘅調味，我自己就覺得不過不失啦 😆呢個Pan Con Tomate，個配搭幾好，如果個Ham再老啲呢就仲好朋友要食7成熟，對食開3成嘅我，會擔心 ....... 難得入口仲好嫩 不得不提，薯條好好食甜品時間！Lemon tart 個酸度係我like嘅，不過上面嘅cream我就覺得多咗。呢度好坐（可惜sofa位只係可以坐到8點，之後就要轉高櫈，冇得睇海景🥺），食物細細碟（Tapas 吖嘛😆）可以叫多幾樣試，而且價錢合理下次可以再嚟 …Read More

幾個朋友好耐冇見，想搵個地方舒服好坐，有人就提議嚟呢間新店一試 一坐低，打開餐牌竟然有魚皮，即刻叫咗先調味唔錯，不過魚皮再脆啲就仲好😅脆皮雞真係又脆又好食，不過要趁熱食，凍咗就會唔脆🥲 加埋青檸汁更好！季節限定嘅上湯白蘆筍，幾入味😋小炒王，合格之上個蟹味道唔錯，只係個汁太稀，唔太上到伴食嘅法包個麵自己企左係度 ...呢個酸甜蝦脆脆麵，打卡一流，而且睇得又打得，好好食值得一試…Read More

又係Happy Friday，梗係約埋朋友，搵個地方食個long lunch啦!朋友話經過呢間幾次，好想試吓。個餐牌選擇都幾多，最終我就揀咗刺身套餐。午餐食刺身，都預咗唔會特別出色，呢度亦唔例外特別要提嘅，係呢度嘅服務唔錯。我哋三個人，餐廳就送咗三款唔同嘅甜品俾我哋試👍🏻傾吓講吓，大家都夠時間要回歸現實 …Read More

本來嚟到天后，係一心想食xx清湯腩 ... 突然見到有間刀削麵賣飛佛，立刻就試吓啦！個餐牌好多選擇，又冷刀削麵，又熱刀削麵，最後都係要有湯嘅穩陣😅⋯⋯最終揀咗溫泉蛋五香牛肉刀削麵。個湯好好飲，溫泉蛋同個麵質就正常囉⋯⋯個五香牛肉就精彩囉夠香，夠嫩，又夠牛味👍🏻下次路過又要煩惱食邊間…Read More

一大班人想食個long lunch，當然想坐得舒服，食得出色，仲可以飲幾杯就更好！原來有人已經訂左呢度 ...環境幾好啦頭盤揀咗beef tartare （套餐+$20），好特別，加咗啲pickle，又有少少辣，幾好食⋯⋯不過我都係prefer傳統嘅beef tartare多啲。主菜都係牛。叫medium rare，上枱真係冇overcook，正肉夠Juicy，又夠味，$248呢個價錢加埋個free flow，呢個long lunch真係好long ......…Read More