sugarjacksheep's Profile

最近大熱蒸氣鍋，韓式的是一層層叠高，4-5個鍋一起蒸。而我這次去的酒樓，則是每次只蒸一籠，以確保每款食物都是蒸得剛剛好，不會過老。我們一進酒樓，就被魚缸中生猛遊來遊去的魚類吸引，邊看邊想，一會兒吃那條好呢？走到樓上，又見放着一盤盤貝殼類海鮮，價目表清楚列明當日時價，任君選擇。哎呀，真的花多眼亂。我們四人各有喜好，唯有先叫盤青瓜海蜇，吃着慢慢再選。拍青瓜海蜇 ($48)青瓜海蜇冰凍爽脆，不會拌進太多調味油，很清新可口。我們一行4人，每款海鮮都想試。最後決定，要個四人良朋石鍋餐 ($1188)，另加個排骨粥底（小） ($60)。侍應先放進米粒，新鮮排骨和南瓜在鍋裏，然後就開始放蒸籠。籠裏食物的精華就會滴進米中，最後就變成一鍋鮮甜無比的南瓜排骨粥。良朋石鍋餐每款海鮮都有些。第一盤當然是海鮮類，有元見，鮑魚各4隻，另外有花甲和8隻海中蝦。元貝已伴有粉絲和蒜泥調味，看似非常吸引，放上石鍋，加上個藤帽子似的蓋，差不多蒸十來分鐘。一開蓋，一陣蒸氣湧出來。海蝦已轉紅，花甲亦打開了口，趕緊拿隻鮑魚試試；嘩，蒸得剛剛好，一點兒也不靱，很腍滑亦充滿鮑魚鮮味。接著試元貝，不得了，元貝非常厚肉，彈牙鮮甜。加上粉絲蒜粒，帶出元貝的鮮味亦同時豐富了口感。再來是海蝦，有鮮甜蝦味，不錯。而花甲肉也頗大顆，很好吃。下一道是順德蒸汚糟鮮雞。雞件已調味，雞肉滑溜，再加上少許大頭菜和紅棗提鲜，味道不錯。菜蔬類我們選了梅菜蒸芥蘭。芥蘭都去掉葉子，削走外皮，所以蒸熟熟後只覺爽甜沒有渣。芥蘭沒有加任何調味，配上梅菜令其豐富味道。還有一味薑葱蒸大魚頭。魚頭己調過味，吃下去完全沒有腥味，只感到魚頭的滑溜豐腴鮮美。最後是糯米飯，選了金蒜肉蟹蒸糯米飯。肉蟹整整一大隻，肉質一梳梳。吃出蟹是新鮮即劏，因為其鲜味非其它急凍蟹可比。底層的糯米飯也做得不錯，煙靱爽口但又不會過硬或過糊。吃罷糯米飯後已經飽得不得了。但不要忘記，還有粥在下面。把蒸籠拿走，粥己煲好，呈淡黃色，南瓜都全溶在粥裏。侍應着我們到調味區拿些葱花芫荽大頭菜來調味，好，全都放進去；試一口，粥底綿滑，味道鮮得不能形容。當然啦，集合了眾海鮮的鮮味，這道粥絕對是精華所在。…Read More

最近韓風襲港，相約友人晚膳也避不過這道韓風。這晚我們一行4人到了銅鑼灣一間樓上舖，主打韓式美食。餐廳經理侍應全都是韓國人，有種置身韓國的感覺。大蒜豉油炸雞 ($178)韓式潮食當然少不了炸雞，點了大蒜豉油味，怕不夠，再要了部隊鍋和蒸餃子。炸雞上抬時熱辣辣，配以沙律菜和酸蘿蔔。炸雞是去骨的，切成小塊，一口一件，方便食用。雞炸得乾身不油膩，香脆可口；但可惜大蒜味不大特出，若果蒜味再濃些就更好。同行友人則不大喜歡蒜味，說這個剛剛好。Beergarita 啤酒麗塔 ($130)吃炸雞當然要配啤酒。原想要杯啤酒，但見每枱都放着杯飲品，是一支啤酒倒放着。問問OPPA，是啤酒麗塔，我亦叫了一個。大大的一杯，可供2人共飲。是混合酒吧，除啤酒外，應混有其它酒類和果汁，很好喝呵，難怪每枱都有點這個。燒酒－菠蘿味 ($120)友人點了菠蘿味燒酒，是一壺上。試了一杯，味道很好呀；酒味較濃，加上菠蘿香，甜甜的，不知不覺喝了一杯又一杯。部隊鍋 ($220)滿滿的一鍋，裏頭全是我喜歡的配料，有香腸，午餐肉，餃子和些蔬菜菇菌，當然少不了一個即食麵。湯底微辣，頗鲜味。份量不少，幾個人分吃剛剛好。蒸韓式餃子 ($60)一共有5隻。看似平平無奇，沒想到吃下去味道很好。餃子皮不太厚，吃下去有點煙靭（可能我吃時已放久了，有點凍)；饀料大部份是蔬菜，味道清新，點些中間配着的醬汁，少少辣很好味。…Read More

又到跟好姐妹一個月一聚的時間，她剛去完首爾回來，一直跟我說韓國有多美麗，可憐我仍未有時間去遊歷，因此她選了此cafe，一來滿足她跟首爾的情未了，二來讓我望梅止止渴。店內座位不多，而且室內比較狹小，此店有個小秘密花園，如果天氣好，其實選擇坐花園是一個好選擇，可惜當日比較熱，所以我倆都決定在室內吹吹冷氣。此店是先付錢，店員再送上食物，收銀傍邊放了一些小遊戲，可以讓客人邊食邊玩，消磨大半日。先來一個烤牛肉韓哥飯卷，賣相精美，飯卷飽滿，裡面的食材差點趺出來，牛肉連同生菜入口，口感豐富，芝士味的醬汁又不會搶去食材本身的味道，正！之後配一個凍綠茶紅荳拿鐵，眾所週知，紅荳跟綠茶是天生一對，怕甜的我覺得此飲品的甜度剛剛好，紅荳軟身又帶有微甜，實屬消暑佳品。最後，當然要來一客甜品來做總結，點了一客柚子芝士蛋糕，柚子配芝士真是第一次品嚐，味很竟然出乎意外地夾，大家都沒有搶去對方的味道，酸中帶甜，而且口感幼滑細緻， !…Read More

今日跟妹妹在銅鑼灣美甲，之後就梗係同妹妹食埋飯先走啦，我地起燈籠街附近搜，而家呢條街簡直係一個美食天堂，成棟大廈都係唔同類型的餐廳，梗有一間啱口味，由於美甲前已經食左嘢打底，所以唔太餓，食精緻嘅日本菜就最啱啦．妹妹好鍾意日式居酒屋，所以就入到呢間居酒屋，呢度嘅裝修貫徹日本風格，餐廳盡頭就係bar台，可以同師傅對住坐，望住師傅整刺身，可惜當日bar台已經滿座，所以唯有同妹妹選擇咗另一邊嘅坐位用膳．翻開餐牌，價錢唔算平，不過食物種類比較特別，而且我哋係重質不重量，呢一點亦都係日本菜嘅特色.我哋點在一個海膽豆腐同埋海鮮寄世鍋．先黎個海膽豆腐，上台已經俾整個豆腐面上面嘅金黃橙色海膽吸引住，海膽連埋豆腐一齊放入口，豆腐入口非常滑溜，海膽的甘香鮮甜配埋豆腐的清淡豆香味實在係非常完美嘅配搭．到個海鮮寄世鍋，一上枱就聞到好香，湯面鋪滿咗好多唔同類型的蔬菜同埋菇類，先呷一啖湯，非常鮮甜味美，再撈到底，原來入面仲有好多大蜆舖底，唔怪得湯底咁甜美啦，我同妹妹兩個將呢個鍋嘅湯同料一滴不漏咁食清光．最後，黎個紅豆雪糕，簡直為今晚嘅晚飯劃上咗完美嘅句號．…Read More

由於公司起荔枝角附近，所以平時都會同同事起長沙灣元州邨附近食lunch，而呢間餐廳嘅lunch我都食過好多次，覺得價錢合理而且質素非常好，所以今晚老公難得接我放工，我就帶老公黎試下呢度嘅晚餐啦．晚餐選擇種類多，有前菜，主菜，甜品。我係一個海鮮后，所以凡係魚蝦蟹我都好鍾意食，老公就幫我點咗個芝士焗蟹蓋，金黃色又脹卜卜的焗蟹蓋外表已經非常吸引，蟹蓋入面有好多材料，金黃色的芝士味道香濃，入面仲有好多蟹肉，而且蟹肉鮮甜。之後我地再叫左個香煎美國穀飼法式豬扒１３８，豬扒外層香口，有淡淡的炭燒味，入口鬆化，保留住肉汁，個配汁原來係餐廳自己調製，我見到有水蜜桃肉粒混埋起汁入面，微微既果香味配埋個豬扒，竟然好夾，感覺唔會好飽濟。至於甜品，我就點左意大利奶凍，老公就要咗tiramisu。意大利奶凍上台時，已經見到舖滿咗雲尼拿籽，一入口非常滑溜，奶味香濃，最啱我呢d鍾意重奶味嘅人。至於老公點果個tiramisu，我試咗幾啖，覺得都好好食，味道唔會太甜，餅底有香濃嘅咖啡味，而且仲有淡淡嘅酒香，連我老公本身麻麻地鐘意食甜品既人都覺得呢度嘅tiramisu 做得好出色。…Read More

補祝好朋友生日而大家都想食唔同類型既食物，所以選了食放題去滿足大家貪心既胃口。甫進餐廳，感覺西式，空間感十足，我們四個女仔，店員安排了疏化卡位，座位十分闊落坐得好舒適，環境唔算太嘈吵，好適合我們一邊享受美食一邊談天說地。我們點了梅酒，是一種好適合女仔既味道，酸酸甜甜又夠冰凍，當然要叫些炸物去配酒，甘先夠過隱。炸物做得唔錯，我們叫了南瓜、大蝦天婦羅、炸三文魚骨和炸生蠔，炸生蠔炸到外脆內軟，蠔細細隻，剛好一啖一隻，入口溶化；而大蝦天婦羅蝦肉爽口彈牙。小食也不錯，蒜香炒金菇牛肉, 上桌時是熱辣辣，金菇索晒醬汁好惹味，再配上一啖梅酒，是一種享受。再來一碗熱辣辣的蟹粥暖胃，鮮味十足，加上有蟹增加了不小口感，裡面還有一隻蟹，算幾足料。燒雞飲骨，味道甘香又爽口，火喉控制得很好。日式叉燒豬骨湯拉麵，細細碗，食完又唔會太飽，湯底麻麻地，沒有豬骨味，但叉燒做得唔錯，好入味又稔滑。終於黎到女仔最期待的甜品時間，點了木糠布甸、泡芙、乳酪和芝士蛋糕，木糠布甸外形似乎不錯，而味道就不過不失，頗香甜軟滑；由於泡芙裡面的cream雪到硬，好似食緊雪糕；雀巢士多啤梨乳酪係最好味，又可以消膩。…Read More

新蒲崗搵食，其實唔算難，只要夠細心，就一定會搵到好嘢食，好似今次呢間咁，食店處於工廈入面，唔可以有大招牌，如果唔為意，完全會走漏眼。正值下午茶時段，叫咗個 tea set 豬扒撈出前一丁，下午茶餐份量係細尐，豬扒味道唔錯，幾入味，唔會太乾身，一丁軟硬度適中，配埋個撈汁，幾惹味，回顧度高。…Read More

由於當日我同老公都食了下午茶，所以晚餐就隨便食碗麵醫肚，點知大胃王老公唔嫌唔夠飽，又捉我去食宵夜．屋企附近好多小食店，呢間小店位置起橫街，但係一到左放工放學時間就會有好多人排隊，因為佢尐雞蛋仔同埋其他小食實在太抵，我哋都幫襯過好多次．當中我地經常幫襯既就係雞蛋仔，賣11蚊有2底，講真，我唔知仲可以起邊度搵到，重點係，價錢平之餘，雞蛋仔仲要好好味，蛋味香濃，可能食得出有足料蛋漿，而且外層脆卜卜   ，回頭率高．…Read More

愛貓病了一整個月，跟老公每晚都是靠外賣來解決，經過一個月的努力，愛貓終於痊癒，我倆當然要再出關繼續密密食來慶祝一番．出關後的第一餐，當然要品嚐我最掛念的日本菜，先來個拉麵夜做前奏吧．此麵店地點非常方便，我家有巴士直達，一下車就是麵店的位置，完全符合我懶人的要求．我跟老公約七點半就抵達，店內座位不多，幸好當晚不是假期，尚有少量座位，我們選了師傅煮麵的前台位置，看著師傅不停煮拉麵，令我想起在日本街邊的拉麵車．我們選了黑天王及赤天王，小食就選了豚角煮及烤餃子，此麵店的點菜紙可以口味，香油的濃淡度以及拉麵的軟硬度，非常抵讚．台面還有自家制的辣牙菜，可放於拉麵內拌食或當前菜也可以，帶有芝麻香的辣牙菜，令我非常開胃．餃子皮薄又脆，餡料又充足．豚角煮用了五花腩肉，汁料香濃，入口鬆化．黑天王其實就是黑蒜油的豬骨湯底，上台已聞到蒜香的味道，可能老公要了淡香油，所以入口不會太濃烈蒜味，蒜味跟豬骨湯味混在一起，非常夾；赤天王就是辣的豬骨湯底，跟店內的介紹一樣，辣而不嗆，辣度控制得非常之好，不會過令人不停飲水，反而真是想把湯底喝清光．兩碗拉麵的配料都非常充足有木耳，紫菜，香蔥；薄片的义燒，肥瘦均勻，入口鬆化；溫泉蛋更加不用說，單看外表已知溫度剛好，蛋黃處於半熟狀態，蛋白不會過老，入口非常滑溜．…Read More

今晚有朋友上黎食飯，為免朋友食唔慣我嘅手藝，唯有叫老公去加餸。老公去咗酒樓斬料，買咗一斤脆皮燒肉，返到屋企即刻開餐，豬皮稍為淋咗少少，腩肉肥瘦均勻，唔駛半個鐘已經比人掃清光 …Read More

是日晚飯，選擇呢間點心店，門面就冇咩吸引力，不過都想試多尐新嘢，所以就入咗去．入面係舊式設計，客人都唔少，全部都係街坊多．叫咗3個點心，蝦餃，燒賣同棉花雞再另加一個細盅頭煎蛋牛肉飯．蝦餃皮太厚，不過蝦肉都叫爽口．燒賣一般．棉花雞入面嘅魚肚吸哂尐汁，好好味，雞肉亦都幾嫩滑．煎蛋牛肉飯都係一般．…Read More

同老公起又一城行完街，順路就去咗九龍城搵野食，今次就試下泰菜以外嘅選擇。我哋叫咗牛油蒜蓉燒扇貝，$48一隻，好香牛油同蒜蓉味，扇貝好大隻，好厚肉，而且好鮮甜。原來9點後做特價1蚊1隻添。 銀山火焰桶蠔，上台果陣仲著住火，視覺上已經係好好嘅享受，食埋入口就更加好食，外面有少少焦脆，入面蠔味足之餘仲好多汁。豉油皇龍鬚炒麵，龍鬚其實就係魷魚鬚，炒麵非常爽身，食到底都見唔到好油起碟底，非常出色，盡顯大廚功架。…Read More

呢間舊式冰室，平時 lunch hour 勁多人，今日就專登等 tea time 先黎食．叫咗個特餐，多士係厚切，奄列味道一般．沙爹牛麵好一般，牛肉冇味，要靠個沙爹汁先叫有味．咖哩海鮮炒飯，唔好食，只有少少咖哩香味，但入口好淡，同埋尐蝦仁完全係冇味 反而奶茶唔錯，仲要係用碎冰．…Read More

約咗舊同事唐師奶同瑨哥食飯，佢哋都係嗜辣一族，所以今晚就一齊挑戰川菜。食店用咗中國紅色做主調配埋中式嘅古箏音樂，地方都好大，座位寬闊。前菜梗係由淺至濃啦，先試呢個椒麻雞，聽聞呢個前菜好受歡迎，雞件入口嫩滑，好入味，麻香味重，但竟然唔辣，第一次見識到咩叫麻而不辣。 椒麻鹽水蝦，蝦肉非常爽口，青瓜粒有麻辣味 麻香豆腐炒飯，炒飯好乾身，絕對冇多餘嘅油，材料好多，少少麻辣味。富順香辣魚頭，見到紅紅嘅辣油拌住半邊魚頭，嘩，淨係睇己經帶黎視覺上嘅刺激，試埋入口，竟然冇預期中咁辣，魚頭好多膠質，魚肉好嫩滑。 鮮湯浸翡翠苗，一定要叫番個清新嘅菜中和一下剛才的刺激，湯底鮮甜，菜苗好嫩。樂山甜皮鴨，外層香脆，鴨肉帶有少少甜味，非常好食。…Read More

上老公公司探班，點可以兩手 fing fing，起佢公司附近買咗份下午茶比佢食。奶醬多 + 熱檸茶都係廿蚊者。麵包烘得夠脆，但入面嘅奶醬唔夠多；而熱檸茶略為澀咗少少。…Read More