glovepeace's Profile

第二次再來，但是價錢和餐牌卻有所調整。還記得那時吃下午茶，是$3一件三文魚，現在沒有了，換了$15烏冬。1)溫泉蛋：在台灣的北投試過一次，一試難忘。和花亭的溫泉蛋雖不及台灣的，但也很好吃，只是$8有點貴。2)炸雞中翼（2隻）：他會把雞翼切開再炸，放便進食，亦很甘香。3)三文魚壽司：4件要$20，比起之前貴了很多4)冷烏冬：一直不喜歡吃烏冬，在日本如是，這次也不例外，因為烏冬怎煮也是沒有味道，只是靠吃醬汁。不覺有什麼服務可言，杯內沒茶放在當眼處很久也沒人添茶，但卻要收加一服務費（請問那些服務費去了哪裡？？？？）…Read More

壽司店在香港有很多選擇，那天忽然想吃壽司，經過這間店鋪沒有多想便光顧。有很多食物想吃，但卻沒有，如冷麵、軟殼蟹壽司（但卻有手卷...）。而且wasabi的味道很怪很久也沒有人添茶，店內的串燒也是在那裡即燒的，一邊吃也一邊嗅到那些煙燒味，很難受（不過雞軟骨即叫即炸，味道卻不錯）說真的，當你經過時心血來潮想吃壽司，而又不想找其他店鋪的話， 可以入內一試，不過價錢與質素卻不成正比。…Read More

這間店鋪座坐很少，要等很久才能入座，但是上菜速度卻剛好，值得一讚。1)凱撒沙律：菜新鮮，麵包粒夠脆，只是用的沙律醬不太夠味。2)千島海鮮pizza：pizza底不知是不是用餅干做，脆卻不會太硬，連平時不太喜歡吃薄底的我也覺好味。3)白汁蘑菇雞意粉：鹹了一點，但可接受。4)青口薯蓉：很喜歡這道菜。食物價錢便宜，但卻有一定水準，難怪店鋪常常爆滿。…Read More

1)酸辣粉：友人點了BB辣，怎知辣得噴火（他是吃得辣之人），感覺就是得個"辣"字，辣到一直標眼淚和不停喝水。而我則叫了不辣，其實也是有一點點辣，但還可接受。（真不知他們是怎樣調校辣度）。題外話：這個酸辣粉比起我之後在旺角街頭吃的酸辣粉真是差太多。旺角街頭上賣的酸辣粉不會辣得讓你受不了，反是"麻"，這樣才算是重慶的麻辣風味，而且酸度剛好，吃後感覺比這傷心酸辣粉更好味。2)口水雞（辣）：對我來說很普通，因為很肥3)夫妻肺片（不辣）：這個值得一讚。個人還是認為點不辣的可以自行加辣椒油，才能吃出合心意的辣度。因為如點辣的，他們也是在上面加辣椒油吧？這個餐廳奇怪之處就是不會提供水，辣得口裡如火也沒有水喝，真難受！（為何不提供水呢？？？）…Read More

聞說廟街煲仔飯非常好食，咁岩果日行去果度，見到興記幾多人下，就幫襯。1) 蠔餅：在屋企都食過蠔餅無數次，不過同佢地既煮法唔同，佢地係落好多蛋炸，食落同自家煮有不同的風味，不過超多油，但都好味。2)滑雞煲仔飯：雞幾滑，不過d飯好大"濃"味，底果d飯焦黑到唔好食，敗筆。3)牛肉加蛋煲仔飯：呢個d飯雖然ok，但我覺得滑雞煲仔飯香d，因為牛肉無乜味，而且煮作煲仔飯好似唔襯。4)腐乳通菜：食咁多肉無菜好似唔多健康，通菜一直都鍾意食，基本上無乜問題。總結：飯的量太少，不過$20係咁，如果唔係太"濃"都ok。…Read More

行到累，就求其揀一間入去試。餐單上見到既都係香港平時食到既，無乜特別。叫左切雞飯，腩肉飯，感覺香港既切雞飯好食d，同行男友就話腩肉飯好食，因為佢鍾意食肥肉，我見到就怕怕。總結：餐廳內都係香港見到既食物，所以感覺普通。…Read More

去到深圳，食店林立，左揀右揀先入去食。見佢寫住亞太區食物，有港式、台式、日本、泰國等等。叫左海鮮醬雞扒拉麵、炸豬扒飯。同香港既味道好唔同。海鮮醬係店內一大賣點，不妨一試。總結：有多種不同亞太區美食任君選擇。…Read More

果次去銅鑼灣，想食下台灣野，就入去試。明明見間鋪入面無乜人，服務員硬係要我地坐門口位。想俾人錯覺好多人幫襯嗎？叫左肉燥飯同栗米斑腩飯，兩碟野都係涼涼地，而且只能算是普通貨色，無乜驚喜，但係價錢上就不太合理，睇黎都係去晒裝修到。其實間舖午市都吉到咁就知咩事。總結：我無試餐廳內其他小食，唔知味道如何，不過吃午飯就一次就夠。…Read More

因為想過下壽司隱，所以再一次黎呢度食。十分推介炸軟殼蟹、帆立貝、冷麵。冷麵第一次試，好鍾意佢個碟醬汁，忍唔住撈晒黎食。十點後有半價，不過我地八點去到，肚餓忍唔到咁耐，門口已經開始有人排隊，走時超多人等。總結：食物質素有水準，半價優惠時段幫襯更加係物超所值。…Read More

粉麵店我都幫襯過無數次，但好食既五隻手指數得晒，呢間都算有水準。牛什河：唔係間間鋪頭可以煮得掂，牛腩唔會太軟或太硬，沒有多餘既肥肉或泡，用料亦足，而且湯底幾甜。墨丸河：我食過咁多間鋪既墨丸，呢間都算好食，因為夠彈牙，唔會太淋，而且食到d脆既粒粒。湯底幾好，同埋佢落好多蔥，夠晒香。店內有個老伯幾好人，佢會走黎問我地好唔好食，又俾我地借黎洗手。總結：離島區既餐廳都有唔少水準之作。…Read More

黎到大澳，都無話想試咩特別的菜，肚餓時就求其搵一間入去食。一行二人，入去見到有蝦醬炒飯就試下，而且果日幾凍，叫多個枝竹羊肉飯暖身，想不到一試難忘。蝦醬炒飯：揚州炒飯+蝦醬，確實是一個美味配撘，蝦醬係大澳出產的特色醬料，一定要試。枝竹羊肉飯：羊肉幾軟綿綿，而且又入味，連我本身唔鍾意食羊肉既，食左一口都覺得好食。茶餐廳的飯確實係抵食夾大件，d飯多到我食唔晒，十分適合胃口大的人。間餐廳多做居民生意，可以見到佢地幾有人情味總結：大澳特色菜，一定要試，夠晒經濟實惠！…Read More

每逢節日或特別日子，唔係食西餐就係日本菜，生日想轉口味試中菜。果日響銅鑼灣行街，於是就沿住大街行去灣仔，搵下有無美食。見到橋底辣蟹，俾佢門口貼住眾多明星光臨的相片吸引住，而且又有好多日本人坐在門口等位，於是就決定試下。呢間野既招牌菜應該係辣蟹，因為差唔多每台都叫呢味菜，不過我就厭拆蟹麻煩，無叫到。叫左炒蜆、炒牛肉菇、蟹湯伊麵1)炒蜆：辣&鹹，而且幾油下，有幾隻蜆無開殼2)炒牛肉菇：又係好辣&鹹，不過都幾好味，因為我鍾意食菇3)蟹湯伊麵：三樣菜入面最鍾意呢味，不過唔記得影相店員對外國人既服務態度幾好，好詳細解釋菜單&酒。不過餐廳既客人比較多，環境擠迫，見住d服務員響你台邊行黎行去真係有點礙人。因為今餐太辣&鹹，所以兩個人叫左4碗飯，埋單約$160。總結：鍾意食海鮮，又食得辣&鹹既人，不妨一試。…Read More

一直都鍾意行IKEA，不過去佢間餐廳食都係第一次。見到IKEA肉丸在openrice的好評幾高，就試下。間餐廳在IKEA入面，超多人，紅日搵位坐都幾難。去到當然就係試下肉丸，又平又好食。最正既係汽水任飲，都係收一次價錢，值得一讚。其實餐牌上仲有好多其他食物都想試，不過果次去係下午茶時間，下次有機會再試。總結：抵食！…Read More

諗住同男朋友慶祝聖誕節見到間餐廳報置幾靚，就去試下啦因為我地係兩個人，佢比d二人卡位，坐落去張台又細，d食物上台又唔夠位擺，真係食同坐都唔舒服！我地叫左龍蝦湯，凱撒沙律配炸雞，牛扒條鐵板燒，蟹肉漢堡+蘑菇片，剩係前兩樣好食，其他都麻麻地，又貴。1)龍蝦湯：幾甜同鮮，入面加幾舊面包粒一流。2)凱撒沙律配炸雞：菜新鮮，雞粒辣左d。3)牛扒條鐵板燒：d汁唔好味，酸酸地咁，d牛柳條又咬極都咬唔開，食左幾舊都係食唔落。4)蟹肉漢堡+蘑菇片：個漢堡係類似印度果d，要自己包黎食，但係個蟹肉餅有d苦味，d飯粒又硬，好難食！都係食返正常既漢堡好d！蘑菇片燒得好黑，好多油，但味道都算ok。因為以前我食過一次，果次係叫超級漢堡，好食好多，勸大家都係唔好試個蟹肉漢堡&牛扒條鐵板燒。是次服務又麻麻地，我地坐個位對正放雜物的門口，叫人添水又無人。仲要埋單700蚊，如果唔係慶祝聖誕節一定唔會食！總結：無半價優惠的人千其唔好黎食！因為咁既價錢係出邊食到比佢好味又多份量既餐廳超多！…Read More