我的素求的個人專頁

潮流興監獄play。要體驗監獄，去咩澳牛？茶餐廳滿足到你。由坐低到走嗰一刻，啲侍應貫徹主題監獄式服務，落單唔望人態度west掟嘢落檯全部交足戲。常餐個通粉一食完即刻收你嘢，爭在未講一句「走啊你！」，呢度戲就爭少少。講返主題餐廳啲食物，本身見到常餐有番茄湯通粉，心諗正喎，於是揀左呢間。嚟到發現原來係番茄+湯通粉。而味道考慮埋性價比就真係below average。唔正常嘅餐仲可唔可以叫常餐？建議改為特餐。但可能性價比低都係主題餐廳嘅特色。我好少俾差嘅review，因為唔想影響人地生意。但食完成肚火，真係忍唔住反映下。我唔係要求卑躬屈膝嘅服務，亦唔一定同意顧客至上，但要求最基本嘅禮貌其實唔係好過份？當然，由主題餐廳嘅角度評分，呢間整體100分。而且人來人往，可能真係潮流興監獄play。…查看更多