ahk019的個人專頁

已經有一排冇喺上水粉嶺食日本嘢，之前一間高質嘅已經結業多時，另外一間都好食，但係質素近來下降好多，但今日真係唔想去咁遠，即管去OpenRice搵一間，估唔到．．驚世大發現🤣，近在咫尺粉嶺中心居然有一間好味，性價比又高嘅先來燒蟶子，細細條肉質好爽，好新鮮，size 啱啱好唔靱，連鋪面的蔥同埋蒜蓉都新鮮好味。壽司盛得一款，上枱時見到其中一件係吞拿魚腩（單點都50幾蚊），真係眼都大埋，真係好少見二百幾蚊嘅壽司盛都會俾吞拿魚腩咁正，另外幾款魚壽司都好新鮮，我鍾意壽司飯嘅size細細嚿。燒雞泡魚乾，老人家都食到，最鍾意食佢添，燒得香，亦都腍身。另外叫咗一個蕎麥麵，都係正常嘅日本餐廳嘅水準。甜品係檸檬雪葩，賣相普通，都好味好Refreshing，但係價錢偏貴要58蚊，不過整體價錢都抵，所以拉勻完全唔貴。改善嘅係服務員的態度，可以友善少少，有d d笑容就更加好…查看更多

今次係第二次幫襯，上次食胡椒豬肚湯飯，唔錯又足料，就算星期日嘅午餐選擇都多，所以已經預咗會再有幫襯，今次點咗牛舌飯，飯底由肉燥飯，改為海苔飯，另一碗牛肉麵。牛舌飯：牛舌夠厚，煎得好香又夠腍，海苔飯底都好味，若揀肉燥飯底的話成個餐就會太漏牛肉湯麵：牛筋同牛肉都好腍，湯底好味，係鍾意食嗰種台灣味道餐飲味道正常，要讚嘅居然熱飲都同凍飲一樣咁大杯。而服務方面，可以改善一下，服務員多數後生仔女，冇乜表情同埋笑容，其實反過來，先歡容d，心情會跟著開朗d，客人會被感染，咁成個食肆氣氛就唔同晒。…查看更多

今次已經係第二次幫襯，上一次係年幾前，見佢質素唔錯，亦都近近地喺大埔，所以慶祝朋友生日都再嚟一次。我哋點咗兩款唔同嘅Omakase Menu，二個$790另外一個$630，其實前者係抵食啲，因為食材好啲，款式亦都多啲，不過我怕自己食唔晒。海鮮方面佢嘅鐵板帶子、凍鮑魚、香芒蝦好新鮮，配上唔同煮法同食材，好味。我嘅鐵板牛扒就麻麻哋，冇乜味，另外一個Menu嘅鐵板網皮F1西冷和牛厚燒，若選擇medium rare就會好食d。食到最尾嘅甜品，先播生日歌，再為朋友送上一碟pancake，之後我哋等好耐，都未上另外兩個餐嘅甜品，原來朋友嗰碟就係我哋三個人嘅甜品，呢樣真係大大扣分，首先，唔通我哋叫生日嗰個同我哋分咗嗰碟甜品？好肉酸囉，而事前我哋亦都唔知要大家分，另外味道麻麻哋，太淡…查看更多

喺太子站附近搵地方食午飯，天氣熱，所以諗住就近一間都算，見到呢間泰國餐廳一於入去試吓。 裏便地方唔算大，不過都企理乾淨，但差不多到一點食飯時間都唔見有太多人，就搵咗一個貼牆嘅四座位坐，一坐低，未落單，已經有一碗仔嘅湯，感覺都幾窩心。午餐選擇唔係好多，但係都係一啲典型嘅泰國午餐選擇，叫咗一個海南雞飯加$12一杯青檸梳打。 青檸梳打唔係落糖漿好甜嗰隻，清清地夠健康，d雞油飯味唔係太出，雞都幾滑，味道都唔錯，沾醬都OK，其實$64埋單，我收貨。…查看更多

我叫杯草莓芝芝，輪候飛8號，等咗20分鐘，中間段時間，見佢已經叫到10幾號飛，問佢點解唔係跟號碼，佢話做甜品先，呢啲係乜嘢邏輯？ 講到質素，奶蓋係幾滑，不過太稀，冇乜香味，底層草莓似係沙冰，冇乜草莓味，冇果肉，$44唔值…查看更多

睇住呢間牛肉麵開張，幾年前已經$90幾、$100一碗麵，但好食，耐唔耐都會幫襯，今日經過，原來已提供午餐，比以前都抵幾多，選舉都幾多，叫咗一個半肚半肉粗麵，加錢要了一杯珍珠奶綠，賣相麻麻地，牛肉係腍嘅，但係冇乜味，感覺只係一舊肉，湯底亦都好行貨，以前我覺得佢湯底幾出色，有用心製作，杯茶亦都好普通，略略有奶味，好在珍珠好食，有嚼感。如果佢真係要將貨就價，我真係寧願佢收返貴啲，我估我下次唔會再幫襯。真可惜，又少咗一間好食牛肉面。…查看更多

上次來係午餐，見食物唔錯，今晚約朋友再來試下晚飯又點先，好食👍原先想試下$768二人聖誕餐（應下節），點知睇到第二主菜果欄，兩個主菜都要另外加$88，點解咁㗎，通常至少一個主菜唔洗加錢㗎嘛，所以我哋叫單點。兩個例湯配兩塊酸種包：ok。牛肉他他配薯條：朋友大讚牛肉他他好味， 賣相亦十分唔錯。油封鴨腿意粉：鴨腿好香，皮脆，意粉好香鴨油味…查看更多

店鋪位置勁方便，出地鐵行幾分鐘就到，無用餐時限，入到去都好寛蔽，所以就算坐滿人，都唔覺得好嘈，食物方面兩個人叫咗芫茜皮蛋鍋、雜丸(四款共8粒)、芝士響鈴、頂級雪花肥牛、兩杯大咸檸七。芝士響鈴幾特別，不過有d漏漏地，雜丸大大粒，但口感有d粗糙，寧願細粒d，用好d材料，肥牛係應有水準。服務方面，當我想再添醬料時，侍應要我等其他枱用完至比我，咁我等緊時，我見盤醬料由另一個侍應係一枱客擺去另一枱客，我又等下啦，見果枱客又添完，但冇人攞比我，我再問至有．．咁係咪代表全場得一盤醬料？…查看更多

由呢間餐廳開業以來，我都唔明點解成日都好多人排隊去食，睇餐牌食物唔多吸引，一直都冇諗住試，但有朋友話見佢裝修靚喎，咁就去試下啦大家都叫tea set, 賣相幾靚，食咗朋友一啖牛肉漢堡，都唔錯，但我嘅紅豆多士就唔得，多士凍嘅，搽塊牛油都唔會溶，好失望，紅豆蓉冇咩味，餐飲係紫薯牛乳，紫薯味好少，同埋係暖，唔夠熱輪服務，冇乜特別，唔覺友善，平平淡淡咁，不過坐咗三個鐘食一個下午茶，唔趕住要人走，我加番佢份啦！…查看更多

訂咗7:30晚飯，最後7:55至有得坐低，其間服務員只係不停講有枱埋緊單，之後就行開咗，而walk in就10幾人排隊，有另一個都係訂7:30，大家都等到慶，都覺得要咁等，做咩要訂位啫！到入座點菜，因怕一次叫太多食唔哂，但服務員有d唔耐煩，話之後再落單要等好耐。希望佢哋d服務改善一下，因d食物真係幾好食，我都想再來。點咗通菜、豬手、粉絲蝦沙律、沙爹串都有水準，而甜品拼盆只係百幾蚊，估唔到夠5個人食。…查看更多

隔一時間就會幫趁河夢，都有成10年，今次發覺比往時更好食，連兩位初次來嘅朋友都覺得食物正。點咗椰菜苗，扎肉炒飯，半隻海南雞，牛鷄豬沙爹，蒜蓉包，無骨鳯爪，冬蔭公兩位用，杧果糯米飯，四杯飲品，八折後$1200幾，抵食又好食…查看更多

見200幾個哈哈笑(讚)應該冇揀錯，點知呢一餐我請嘅生日飯，令我都幾失禮。海皇粒粒飯：冇味，自己加咗鹽至好少少，都有問侍應攞胡椒粉，但辣都唔辣嘅，朋友(生日果位)話放耐咗會走哂d味😅冰鎮豬爽肉，其實係咕嚕肉，不過等佢比d冰凍下佢，凍食好味d。通菜牛肉：好咸柚子蜜疍散：甜甜地，不過朋友話ok啦😅。埋單600幾蚊，唔值、唔推介…查看更多

好少去長沙灣，search 下附近有咩甜品店，搵到呢間，見佢門口幾靚，但一個人都冇，諗住可能中伏，不過諗下都可以試下，結果係嘥咗個quota😭入到去有一男店員係廚房，佢望一望我冇講嘢，到我想落單，唯有大嗌”唔該”，等佢行出來。我叫嘅宇治金時沙冰，d紅豆唔太甜，白玉都唔錯，但抹茶雪糕，除顏色係似抹茶外，完全食唔出咩味，我只食出係甜味，好在佢唔係好甜，而沙冰呢，係冇乜味。食物質素影響食評分數高與低係好重要，但今次真係差嘅係服務，男店員係由頭到尾，去到埋單，係一句嘢都無講過，佢嘅表情一係好煩惱咁，一係無表情，令人感到我(客人)係不受歡迎，但當佢係廚房時，佢又會大聲唱歌。 …查看更多

第一次幫趁，入到去光光猛猛，佈置簡約，但有小小心思咁，坐得幾舒服。打開餐牌，食材係典型中餐有果d，但煮、同配搭出來又好食喎，其中個啫啫菜煲，全煲只得生菜，但估唔到好香，脆口，加上用韓式煱盛載，看來特別。粟米蝦餅：厚身大件，內有粒粒蝦膠，呢碟我最鍾意，花膠芥菜煲：清清地，花膠薄薄幾片味道可以，芥菜唔太苦，湯好味。腸粉，唔記得個名，但似炸兩，夠脆。總結，食物好，價錢都合理，要改善係服務質素，服務員好多時都聚集一邊，冇話望下d食客係咪要叫餸或其他需要…查看更多

記得好幾年前去Whitewood Coffee，食過佢嘅梳乎厘pancake，好唔錯，今日再去，原來已改咗名。餐牌寫住$98一個pancake下午茶（兩件pancake加一杯西式茶包茶），咁貴嘅，不過一心想食就算啦！大概等廿幾分鐘，來到嘅賣相麻麻，旁邊有pat快溶嘅綠茶cream，食冇耐已溶哂，隻碟又細，d cream差d漏落張枱。講到味道，其實都唔錯，只係去到食第二件，𥚃面濕溫地，感覺未太熟。講到服務，由入去食至我走，只有我一個堂食客，而做嘢嘅就有幾個後生仔女，到食物來擺到我張枱，我見冇刀叉比我，我等咗幾秒，感覺係自助？最終自己行去攞，全程佢地都冇出一句聲…查看更多