gf2889's Profile

瘟疫後Citiplaza 大革新，金錢萬歲之下，貴幣驅逐平幣，幾個飲食集團都係呢區大展拳腳，LUDBUS亦霸咗幾個陣地。因為賣價進取，Penna 初時冇咩客。漸漸地本城客人適應咗，人流就多咗。但係隨住時間，所有財技管理人攪嘅飲食都出咗大同小異嘅問題，守業從來唔簡單。以Penna為例，餐單冇改過，食到厭啦。其二、後生樓面唔易養，小姐姐個性冇得你教。就算中坑肯落場親力親為，又頂得幾多更。三、為遷就港人口味，意大利餐變得不倫不類。呢個係有歷史嘅套餐幾個頭盤都唔錯，各人口味，Hamachi 同牛肚差少少。海鮮湯比蘑菇湯稍好個risotto 係好啱亞洲腸胃，紅蝦味濃，冇得輸。Tiramisu 好甜64%朱古力好甜…Read More

近日全世界流感打橫行，雖然好想飛過日本食海鮮，但係都忍住而留港消費。九龍新界唔知，港島呢間算係最接近神～似嘅打橫行味道。上次食藤Fuji，蟹之外配有和牛慢煮同鮑魚，味道亦都唔算差。不過呢啲嘢其他地方都時常食，無需嚟呢度。今次食季Ki全蟹套餐，本來係鱈塲、松葉、毛蟹配。但係松葉蟹沽清，改為食佢老婆～香箱蟹。此蟹蟹膏同蟹肉混埋，再放回蟹殼內，口感綿綿纏纏另有一番滋味。呢個起手式醒胃作用細，不過冇呢啲素菜又好似欠缺些少嘢三春之雞春 、魚春、海膽。幾次嚟食都食到好新鮮嘅海膽。香箱蟹殼燒蟹腳唔多夠香，要醮汁食。粉勝在夠薄，雖然勻循度尚有進步空間。清淡，係好濃嘅日本味。毛蟹拆好啖啖肉!飽肚蟹肉飯甜食…Read More

嚡，經濟起飛後魚翅需求狂增，遠洋船隊大量濫捕虐殺鯊魚，惹來衞道之仕強烈反感。禁捕拒食呼聲席捲全球之下，越嚟越多食開嘅酒家唔再做魚翅。然而自古以來，鮑參翅肚各有風味。魚翅嘅口感，花膠係取代唔到。今次馬交之旅呢，就係一日內連續幫趁咗兩家魚翅店。咩都係假，最重要係真翅份量足。呢間做嘅紅燒翅可以成疏翅上，翅裙又夠腍夠入味。唔錯唔錯，下次叫天九睇吓啲針會有幾粗先。魚我所欲也，喺香港想食方利一係貴，二係貨疏。一場嚟到，蒸條本地龍脷食下先。呢條魚有成尺長，肉薄唔削，裙邊夠嫩滑，食得好有滿足感。澳門龍脷泥味重，唔係人人接受到，前處理有進步空間。小菜鑊氣夠，色香味都有水準。星期六晚上七點鐘未夠就爆棚。後生仔接手冇丟伯爺架，加把勁！旁邊嗰間呢…….就係大半滿咁啦。…Read More

以為是英倫Burger & Lobster，所以特地前來再尋英國風味。餐廳除咗簡約度更上一層樓之外，燒filet mignon 和配菜都接近，皆因大家都係咁原汁原味囉。龍蝦畧小，表面gratin不夠脆口，也因此缺了層次感，混淆了龍蝦本身味道。杭州作汴洲，Cardiff店的調味醬是另上，喜歡蘸吃或者撈埋一齊悉隨尊便。沒有英國風薯條，也沒有英國啤酒，當然也不是大西洋龍蝦。只係隔離連鎖店見個舖吉咗咁耐，擸埋嚟做。當然，雖然係大路貨，食物質素也不算差。午餐時段人流多，人在中環…廣場附近，覓食也是一門學問。…Read More

呢間有幫趁開外賣靚湯，貪佢夠熱，個真空包裝穩陣唔會瀉，番到屋企剪開膠袋個椰殼重係燙手。住家阿大阿二唔算，成個太古城區最好飲都怕係佢，拍得住西苑爵士湯。附帶一提近排西苑差咗，就快去到轉彎嗰叄間美記水鬼尿水平。講番個湯，有椰味、有淡淡藥材味，雞肉鷄骨唔少，濃淡適中，重識剪走雞腳甲添。唔好處係鷄骨碎，湯量畧少。臨尾加句，鹹菜好正，絕配冇餸飯。…Read More

叉燒原名插燒，是粵菜燒味極品。據聞大哥叉燒按豬脢頭紋理挑選肥瘦均勻的部位，用人手將腩肉的纖維打鬆，然後塗上由海鮮醬、柱候醬、蜜糖、麥芽糖、薑汁等調成的秘製蜜汁，在200度高溫明火暴燒下肥油爆出，將肉汁鎖住才轉細火烤至焦香，做到嫩滑甘香外焦而內裏鬆化的妙品。今次慕叉燒名而至，只想試試西苑以外的選擇。端上卓一看，此物買相暗紅偏黑，估計是色素而非天然燒烤所燒成。蜜汁量多偏濃並且過份甜，品嘗之下覺得肉乾而無肉香，嚥不下的肉渣竟有四份之一。環顧左右食卓，一眾叉燒俱為瘦肉。大哥做到的小弟竟然都反向做到了。順帶一提，茶有色而無味，當然亦沒有近來新城市中心自來水的水喉味。又：茶錢每位十元。白灼菜心偏硬偏老，侍應推介錯了。 …Read More

大江東去浪花淘盡多少英雄，鰂魚涌康怡廣場譚魚頭敗退後又來間連鎖酒樓殺入港島東。此地點夾在太古城和吉之島之間，應旺不旺皆因人流不至。本來以前東湖經營多年平靚正，搞什麼新活化呢。講番呢間海港薈，裝修佈置唔錯，魚池比上兩手都靚。廣東菜之外又有日本魚生拼盤，雖然話中式酒樓加個日式生鮮好易撈亂粘板，但食物及衞生局批得個牌都怕有個譜掛。好，開壺普洱先，水滾茶色都好，飲落冇水喉味。是晚點了三個菜黑松露蝦仁炒蛋油多而膩，松露不太香，雪蝦味沒去除。因為大部份蝦的腸未清除，沒勁，吃剩半碟。蒜茸蟶子約五吋長，得唔太乾淨，我取出肉後要手動處理，初時吃下尚覺新鮮甜美。醮上碟上的蒜茸及豉油後頃覺嗆喉並有強烈油益味，吃罷殘留味道越來越強，木獨感覺蔓延至舌面。南瓜芋頭煲火侯不夠，浸在吉士粉汁內格格不入。如此便宜的菜居然還要加上幾片木薯，敗筆。唔知呢個集團其他分店係唔係都係咁呢。…Read More

麻布茶房走的是大眾化路線，失縱一排後又再浦頭，記得初初在舊大丸時期，Azabu的味道非常東瀛，後來濫開分店後口味漸漸港化，用料亦較次，失望再失望，最後唔見左！今次在樂富再遇上此店，看到樣品櫃內賣相精美的甜點不禁垂涎，又豈能錯過呢。無法抗拒的安培川年糕軟腍腍之餘又有綿綿口感，冰涼的日本綠茶雪糕在前，勁甜日本風紅豆在後，醮點黃豆粉，把東京的感覺送進口腔了。軟滑的日本軟雪糕捲在壓成圓餅的蕃薯茸上，底部繞一圈熱騰騰的黑芝麻。用長條匙羹薄薄的削一片放在舌頭上，冰涼的甜味馬上滲上味蕾，芝麻香氣凝繞在鼻尖，冷和熱出奇地和諧，是百份百的享受啊！抹茶和敬清寂，清香而味足。離開時喝一杯，淡淡的草茶粉把雪糕的冰甜味封印。…Read More

十多年來太古城三期的食店從中泰海鮮酒家散班後變成大路貨翠晶軒，以後鐘菜銳意搞高檔路線不果，再由美心集團做超豪裝修搞間洞庭樓。今次裝修將個接待處大大個擺到正中，派頭威過隔離潮州野，入面落地玻璃加個柵，睇街睇埋窗框，又地毬又地板分隔出幾個區間。連去廁所條路、牆壁都鋪過哂，洗唔洗呀！真係十年人事幾番裝修新，以前舊址舊店食到變老友的伙計們好多都出頭發達收山矣。是晚也，習慣性地浦浦下盪到呢個地埗，洞庭開張囉。以前食過中環那間感覺不差，又幫趁下先。由於我生飛滋，點的菜都不辣。兩個人點的一羹兩菜，份量足夠有餘。豌豆海鮮羹 - 四人份量，熱度足夠，碗豆茸加上幾粒荷蘭豆，豆味濃而清新。可惜碗豆茸未能攪勻，上碗時還有粉團。咸蛋炒蝦球 - 去殼雪藏蝦加上厚厚鹹蛋炸粉，唉。富貴牛腩 - 出水牛腩舖面，下面是未晾乾水的灼熟黃芽白，牛腩片淋上紅色的蕃茄醬，很有塔巴斯科辣椒味道。賣相不像富貴，倒疑似洞庭水景。值得一讚是茶味雖淡，卻無太古特有的水喉味。重可以用運通白金半價，正呀！…Read More

霎東街間舊鋪食品雖然味道普通，但少落師傅，淡得來不搶食味，尚算不錯。日常見到老板娘親自打點，人情味搭夠。呢間新店裝飾得富麗堂皇，走廊寬闊多卡位，用上雲石檯雕花凳華麗玻璃屏，而食品種類比傳統粉麵店多，合哂米芝蓮規格。本地品牌發奮圖強想衝出香港是美事，作為土生港人自然大力支持。是日旁晚時份經過，不用思索就直奔此店。侍應招呼坐下後遞上兩杯茶，茶色淡而無味，熱度亦不夠。隨手點了兩個招牌食品，但嘗後卻大失所望。雲吞麵：份量足，有六粒雲吞。但係湯底鹹雲吞更鹹，所標榜的三分豬肉七分蝦看來有三分師傅頂多兩分蝦，麵底不爽亦無麵香。只能評為坊間十四元店水平。乾牛河：河粉碎、醃牛肉毫無味道、油多有油膱味，鑊氣比老店更差。茶錢三元，明知師傅重手食後客人多會發渴，侍應竟然飲哂都唔加茶。罷了罷了，走過隔壁小館清清口味，食埋下半場。…Read More

康山商場閣樓北食店經營多年，始終人流不多，今年中趁租約期滿，剷走抵食東湖海鮮酒家之餘，亦將樓下東江好棧、越棧拆骨來個大變身。搞了差不多半年，閣樓食店群率先開業。改動得宜，有旺氣。此店與Delifrance屬關連公司，食物風格頗類似。下午茶套餐有八、九款可選，平時行過亦見多師奶群幫趁。我食過的天使麵芝士和橄欖油味道適中，份量足，雞肉無雪藏味。脆Pizza超薄之餘亦有咬口。雖然名字有點恐怖，但店內衛生、餐具整潔，食過幾次都冇事，食怕佐快餐店的可以一試。…Read More

食在香港，只要你能，你便可以從街頭吃到街尾。吃啊吃，吃遍每一個角落，由頭到尾都可以咁好味。剛剛連盡三碗不同風味雲吞麵，雖然越吃越好，亦要喝些好味的凍飲中和一下被強鹼攻擊過的口腔和上食道。吹住冷氣嘆冰鎮香檳奶茶，由頭到尾都咁好味。錫蘭散裝車仔紅茶同立頓茶包好唔同味的。雖然飲左幾十年，問我點唔同法，我又唔識講喎。勉強分辨，散裝車仔有天然茶香，立頓就好似加左野、木左D。沒吃包，薯條略嫌炸得不太透，可能係油鑊問題。始終學唔足英國炸魚薯條的風味~懷念啊。…Read More

剛剛吃了威靈頓街兩檔名氣麵食，肚有八成飽，但個口同條脷抗議喎。唯有行番落山搵番D好野食鎮壓佢地啦。呢間鋪近排水準飄忽左，而且冇'世家'那麼旺，裝修更差，但都係客接客。唯一相同的，就係越來越貴。彈牙兼入味。雲吞就係雲吞，薄皮同用有蝦味的鮮蝦，落少少少調味野吊出鮮味就夠啦。雖然已經非常飽同霎喉，今次上湯對板，全部人都飲哂。麵過三巡，埋完單拿拿臨去隔離七仔買百事飲。…Read More

第一站吃完碗肚皮同咀巴都抗議的麵食，去黃枝記略遠，不如呢間啦。佢抵食又坐得舒適D。19蚊碗，又係冇分大細蓉。冇以前咁大碗，但都係大。哇，兩隻蝦！雖然冇味，但夠爽口。湯底淡，亦係有些鹼水味，但點都好過封喉。順帶一提，阿姐清枱快過快餐店。…Read More

看到雜誌有篇文章講麥家麵，挑起條筋，今日趁週末，中環人少D，吃它三巡去也。時至今日，要做好食雲吞麵，已經冇咩獨門秘方。最緊要係材料好，而最最最緊要係有冇堅持用個心去做。呢幾檔雲吞麵，水準不定，有時食落好D，有時食落又差D，就係咁意思。那本雜誌特別讚麥奀世家，所以優先幫趁，讓全新味蕾滋味滋味一番。入門口老闆面色唔多好，伙計又係。但係講話係客客氣氣，聽來久經訓練。如果唔望佢地個樣，都叫做有禮貌的。呢度冇大蓉，淨係得賣三十蚊碗的細蓉。☆坐得躋迫 - 坐在角落頭。不過中環係咁咯☆雲吞的色 - 兼且雜肉過多，妹仔大過主人蝦☆油湯封喉 - 什麼味都有，最特出係鹼水，又讓我的咀唇沾滿油☆麵身乾瀝 - 機製麵，唔夠幼細又唔彈牙咁樣.....世家有什麼好讚呢？好在佢有杯茶送。…Read More