Roader's Profile

經外賣平台落單外賣自取，遲遲都唔接單，查銀行帳戶又見到嗰筆扣數。去問佢哋究竟接唔接單，個店員check完先話佢哋部機可能冇電所以冇接單。之後我響個apps見到我張單被拒絕。個店員想我落多次order但係個menu已經轉咗，佢又話唔識用個外賣apps唔知點樣可以做返之前嗰單交易。如果佢哋唔想有咁多途徑畀啲客落單，又或者唔夠人手去check嘅話，咁佢哋不如cut緊一啲途徑啦. 飯又食唔到，又要我打去平台處理返單交易。不過嗰個店員都算helpful，畀咗張單我去做supporting。但經過今次經驗我諗我唔會再幫襯佢。…Read More

唔知點解之前寫嗰篇幾日都冇出街, 為咗寫食評我專登做會員, 起碼如果呢篇嘢再次出唔到街, 我都有渠道搞清楚究竟咩問題而令到篇食評唔出得街. 年初二嗰陣同親戚行完街搵地方坐, 附近啲甜品店一係冇開, 一係就好多人. 見發記有位, 又未試過咪試吓囉. 我就叫凍豆腐花芝麻糊, 我親戚就叫另一樣都係凍O既甜品. 冇幾耐有個侍應話冇凍豆腐花, 問我轉唔轉熱. 因為想食凍嘢, 我轉凍西米芝麻糊. 我哋叫O既嘢等咗十分鐘都未嚟. 之後我親戚ORDER嗰樣嘢嚟先, 食咗幾啖, 佢要出去俾嘢佢個FD. 期間第二個侍應先過嚟同我講, 個冰櫃啱啱開, 芝麻糊唔夠凍. 我問佢想我轉第二樣定想我等陣. 又順便問佢如果等O既話要幾耐. 我問只係想知清楚個情況做選擇, 如果要兩三個字就唔等. 個侍應話要問老細. 之後負責收銀嗰個老細真接同我講話冇凍芝麻糊, 要我轉熱. 嗰陣我都因為等得太耐, 隔一陣同我講冇呢樣, 隔一陣又同我講冇嗰樣而覺得好煩、好掃興, 佢話轉就轉啦. 幾分鐘後我親戚返嚟碗嘢都未到. 好勒, 終於等到, 味道都OK, 但食到中間有一兩啖食到有苦味, 不過我見問題唔大, 費事煩冇出聲. 之前都聽過其他人對發記啲評價都幾正面, 但我今次第一次幫襯O既印象就唔好. 我覺得過時過節未READY好開舖可以休息架, 一係就一早同個客講得啲乜嘢會供應, 邊啲又唔會供應. 冇貨要我轉ORDER冇問題架, 但應該响我一ORDER嗰陣話冇, 而唔係响度坐咗幾個字先兩度同我講又冇乜又冇物架? 第二個侍應只係話芝麻糊唔夠凍, 個老細就直情話冇叫我轉, 好心口徑一致啲. 如果個老細都係話唔夠凍而建議我轉, 好聽過直接話冇(除非從來冇人話俾我知"未夠凍"). 聽起上嚟好似係焗客去轉. (不過實際上就算有得等我都唔會等架喇, 响度等O既時間夠我食完一餐正餐). 我諗冇特別O既理由我都未必會再去. …Read More