Funny Wai's Profile

已經黎過好幾次，但朋友C話掛住，好想再食，咁我當然奉陪啦大約7點鐘黎到，入座大約八成滿，我地一行四人安排坐卡位，如果係一人黎既話坐吧枱都係一個唔錯既選擇。我呢個溏心蛋控，一見到特製沾麵有溏心蛋，就決意嗌佢！沾麵個醬唔杰身，配上大葱、筍同日式魚蛋，味道都夠濃，沾上麵食岩岩好，啲麵又唔會太硬身但有質感，不過我個人鍾意食重口味啲，所以加左啲辣油同生蒜落個醬度，等佢再出味啲而叉燒同溏心蛋都好味，溏心蛋真係無得輸本身食完麵可以加湯落個醬度飲埋佢或者加白飯食，但食完個麵都好夠，所以無再加湯~另外叫左小食炸雞球同煎餃子，雞球外皮炸得好香口，但裡面既肉都仲係好嫩滑，唔錯~~~而煎餃子就普普通通，無乜特別。我個人就覺得呢間沾麵係我食過既店鋪算中上水準，唔係人地講得咁差，服務都可以，所以會繼續幫襯:)…Read More

同閨蜜約左去食下午茶，但又無諗定食乜好，所以隨街逛，見到呢間都幾多人幫襯又岩岩有位，所以就入左去試，安排坐吧枱，呢個位幾好，唔駛同人眼望望，傾計又方便:)兩點開始有下午茶餐，有粉麵有飯配飲品，價錢都係由廿幾蚊起，唔算貴，仲可以加錢配雞翼或扎肉，我地就決定每人一碗金邊粉同配雞翼。我叫左生牛肉湯金邊粉，牛肉黎果時係粉紅色生生地，唔錯，牛肉同金邊粉既份量都夠食，待應姐姐仲好體貼問要唔要青檸同辣椒仔，我咁鍾意食辣當然要啦，仲要落埋士拉差醬添，加配既香茅雞翼都幾入味~閨蜜叫左扎肉湯金邊粉，佢話味道都幾好，加埋魚露更正。整體黎講都唔錯，唔係劣食，行過路過旺角都可以試下，而家仲做緊個限時優惠，$28香茅豬扒飯配可樂。…Read More

喺尖沙咀返工，周圍既食肆經常轉換，每次有新餐廳開張都想去試一試。同事A某日經過K11見到三田製面所，表示想去試下，但價錢偏貴，咁我地就揀左做完展覽會去食，好好慰勞一下。餐廳樓底高，地方光猛，座位亦算闊落，雖然係午餐時間去食，但都唔需要等位，直接安排入座。主食係拉麵或沾麵為主，仲有少量飯類，我揀左辛辣濃厚豚肉魚介沾麵，而小食就叫左胡椒風味雞翼 & 蟹肉忌廉薯餅黎SHARE。辛辣濃厚豚肉魚介沾麵，微辣既沾湯質地杰身，偏咸同漏。拉麵要左大份麵，麵質較粗但味道一般，大份份量食唔晒，細食既女仔揀中份或小份已經可以，豚肉亦略嫌鞋口，溏心蛋本來都抱住期望，但鍾意食咸野既我都覺得咸得滯...小食：(右)胡椒風味雞翼 & (左)蟹肉忌廉薯餅 & (後)枝豆胡椒雞翼外皮幾脆幾有味，但中間既肉就無味。蟹肉忌廉薯餅我覺得唔錯，炸得幾香口，餡亦CREAMY，配埋醬汁食會重味道啲。枝豆我無食，同事們略嫌唔夠咸。同事們一致認為咁既價錢可以食得更好，呢間食一次就夠。…Read More

每次朋友聚會，大家都會旨意我去搵好野食，厚福街一向都係覓食既好去處，集合世界各地既美食，今次就去試下想食好耐既"鉄火堂"。我地一行三人大約7點15分到門口，等位約五分鐘就安排入座。見到有十幾款已經SET好既丼飯，或者可以自選刺身，我既選擇困難又發作嘞最後我地每人一個丼飯同埋叫左兩款小食~首先係鰻魚卷蛋，卷蛋整得好嫩滑，配埋燒鰻魚同鰻魚汁，好食！然後朋友A揀左自選丼，包括有磯燒鮑魚，牛舌同三文魚，自選丼飯量自己選擇，份量比較小。朋友V叫左火炙4色丼，好有份量，三文魚、帆立貝、左口魚刺身都好味，仲要配上溫泉蛋！我自己就叫左沙律風火炙丼，好Surprise，份量爆燈，完全唔知由邊度入口好，帆立貝、魷魚、三文魚都好新鮮，將啲飯混埋蟹籽一齊食，每一啖都好有口感仲叫左客芝麻雞翼，一黎就食左無影到，不過都好食，皮脆肉嫩…Read More