琴晚同老公行完街，搵地方撐枱腳，見到呢間係轉角位嘅餐廳，見佢有特價晚餐就諗住試吓啦，於是就入左去。叫咗個水煮牛肉、乾炒牛河埋唔記得叫咩名嘅籠仔飯食，籠仔飯有火腿、冬菇同斑塊，蒸出嚟啲飯都幾有荷葉香，斑塊好滑，東菇都有返咁上下大隻，飯量啱啱好， ＄48有成個蒸籠蒸飯俾你食，感覺上都幾有誠意。乾炒牛河唔記得影相，不過又係＄48大大碟，未拎到黎已經聞到香味，色水幾靚，夠鑊氣，唔會好油，冇點辣椒醬都食得晒成碟，讚。水煮牛肉都幾有水準，芽菜夠晒多，唔會非常辣，牛肉入味，茶餐廳整到呢一個賣相同味道，感覺都幾驚喜。總括嚟講，嘢食都幾驚喜，環境唔會好嘈，比想像中好食，老闆娘幾靚女幾好傾，笑容可嘉，下次唔洗湊小朋友再同老公黎啦～…Read More
