健的個人專頁

好運的一天，我一向去開品香樓晚飯，當晚無啦啦又排晒大隊，無聊四處逛之際，發現粥檔轉左伙計，見到布拉腸粉就即刻坐低試食一般义腸牛腸15蚊，蝦腸25蚊，見到貴成十皮，梗有d野，叫蝦腸先，等左冇耐就到，嘩，晶螢通透，好大隻蝦添，蝦仲又爽又脆好彩唔慳呢少少錢，另外再蒸多幾籠點心，飽晒點心都好用心做，即叫即蒸，師父仲邊籠先熟邊籠先上好鬼貼心下次要再去試下其他野…查看更多

上次行經深水埗時發現呢間餃子店,位置處於容記小菜王側,看到店前報章食評,話係全港最好味急凍餃子,所以今次專程去試一試.叫左最出名魚湯韮菜餃湯面,結果冇令人失望,魚湯甜,餃子有肉汁同韮菜香,餃子皮軟滑,上海面面質一般,可改善,但十八圓已相當超值:):(另外想提一提,此店全店冷氣原先不錯,但竟將厠所內臭氣傳出舖面,令全舖充滿尿味,實實難頂可能店內人員聞慣左:(原先想叫多份煎餃都急急離開建議厠所前加風閘頂一頂個氣咪…查看更多

上圍一村一向係皇崗打火鍋必去地方,整條街都係火鍋店,呢間係雷洲火鍋店,食羊肉比較好,今次想食羊所以揀呢間,一行十人叫了六斤羊肉加二斤羊肚,每斤48蚊,共384,另加一隻野生水魚,賣九十蚊斤,一隻有二斤六,共250蚊,水魚先用姜蔥爆過,再下鍋滾,好心機,將水魚上腥味除上,一滾就可食,羊肉湯底係用粟米,紅蘿蔔,白蘿蔔一同煲,清甜無比,不會搶走羊肉味道,再加幾碟青菜一同食用,非常美味,我覺此店比附近出名二八,三叔等店子更好…查看更多

早幾日返日收到傳單一張,見到公司附近開左間新魚湯米線,:)午飯時間走左去試,叫左一碗香茜皮蛋魚腩湯米線(HKD$21)即時送來醒胃咸菜一小碟,食左兩塊即見肚餓,跟住米線就到,送來時已聞到香茜香味,碗內發現原來仲加上什姑,什姑爽甜同魚腩都鮮甜,只係魚湯唔係好夠濃,可以再濃d就好,一定會去再試…查看更多

早幾日試左,真係,佢咁都夠膽叫人上o黎寫食評:(當晚去到第一次食,叫野時覺幾好,又話可以自己話肥D瘦D淋D,又可以要坑腩或爽腩,但貴三蚊,成三十一碗,結果叫左爽腩米一碗米粉最好,唔會影響湯味,先試湯,湯係清湯,有牛味同蕃茄味,算幾好,但D腩,一食落去湯渣咁o左咀,再去我諗叫淨米好喇,其他普通牛丸咁都廿幾蚊碗,真唔值…查看更多

尋晚兩個人去咗紅跑車試吓,叫咗生牛河,越式拚盤,越式生菜包,兩個啤酒,共一百九十蚊,加一后209找數生牛河~32蚊老闆話冇味精,仲用安格斯牛肉,跟一碟金不換,青檬同辣蕉,咁足料都係32蚊越式拚盤~58蚊有扎肉,春卷,柚子沙津同藍青口,柚子沙津好清甜,春卷都好食,藍青口有成十隻,但個人喜歡凍食多D,扎肉能厚D仲好,越式生菜包~48蚊同泰式差唔多,但用牛肉炒,都好食老闆仲教我地飲越南啤酒,好nice下次會再去,會試咖哩蟹,燒魚等等今次冇帶 coupon,老闆冇打折,下次一定帶coupon去,老闆 Roney,下次見到我要打折比我,同請我食嘢,哈哈…查看更多

早前睇雜誌見到泰樂廚個海南雞飯獎,於是走去試,叫了一個海南雞飯同一個泰式生菜包,同老婆兩份食,雞飯跟中湯一個或咖啡奶茶一杯,賣36蚊,d飯太軟,林晒同唔夠香,食落冇晒胃口,d雞起骨,但冇口感,d冰鮮雞又梅又冇雞味,點解會獎,獎果碟用幾錢成本做??另外生菜包都係一般,兩人食七十蚊,為食海南雞飯就一定唔會再幫襯........…查看更多

成個月冇去小曼谷,因舊舖改為小曼谷甜品店,覺得新舖麻麻,但忍唔住又去食,上星期三晚七點幾去到,排幾張,等半小時,可以入座,即時點菜,叫了生蝦,生菜包,燒魚,魷魚串燒,雞肉串燒...發現每樣都加價,串燒加一兩蚊,其他加差唔多五蚊,冇所謂啦加幾蚊,叫D好快,即刻到,生蝦一早做好成碟雪,雪到有D乾,生菜包一早炒好,快餐製作仲細碟,燒魚改鹽燒,好咸,冇以前秘製醬料燒法(即蠔油加胡椒粉) ,燒後有蠔油帶出的甜味,依家好咸好失望,串燒仲幾好,跟住加了一個海南飯,D飯又係差,唔夠軟同香味又冇,呢餐飯失望到唔想再去小曼谷,請問有冇人知道舊舖果幾個靚姐去邊處煮,好想食佢地煮D,好怕食唔番,唔該話我知啦…查看更多

用全場十蚊引人光顧,話咩都係十蚊包括火鍋,剌身,焗飯,意粉,湯麵,天富羅,卷物,壽司,酒水.....通通十蚊想試...請先訂位訂坐優先,即有位舖頭經理只顧做生意冇理顧客感受,人多優先,因舖內全是兩人桌及四人桌(茶餐廳種),只要你人多,拍比你,訂位比你,如你得兩個人就等啦,有兩人,都拍比五至六位先啦,你得兩個人,食得幾多錢,碟碟十蚊,八點後,有剩,咪比你,到時四人都有得你坐好啦,講食火鍋...兩片肉,一條菜剌身...十蚊兩片焗飯,意粉...平時分量五分一碟湯麵...一口食完,d湯唔得壽司...差過外賣店三蚊件d樣樣都唔得啦,你試過後,會發覺十蚊真係有得做,做生意,冇理由唔賺你錢,唔通蝕比你,照同同類食品分量比較,收十蚊賺得你更多,兩個人,食十五樣,飲六支清酒,埋單$210 x 1.1 = $231,唔好以為我飲得,一支清酒得兩小杯食日本,以後唔會再諗佢…查看更多

一行十人到紫荊酒樓食晚飯,一心諗住就腳近地鐡站,方便大家搵同集合食飯,點知食真係難食到嘔,一早到了酒家開位,等人食飯,先叫了啤酒啤啤佢,咁一於叫D送酒小食啤一啤佢,先來鹵水拚盤,川椒鱔片,椒鹽豆腐及椒鹽白飯魚.先上的是鹵水拚盤,包括有豆腐、大腸、掌翼及老蛋,味道尚算好,但大腸有味,再來川椒鱔片,鱔片未熟透,干炸白飯魚,一聽個名就知干晒,椒鹽豆腐表面脆粉厚過舊豆腐又冇味最後退唔食。終於齊人叫,因前太難吃,只敢叫特價菜,炸子雞$22.8一只,可以一吃因為$22.8,另外叫多了一個$22.8特價,荔苧鳳尾蝦又跟一個冇味醬汁點來吃即時叫服務點員來了幾碟豉油點才吃得落,再來古法蒸水魚又冇味又係點豉油$68,糯米蒸羔蟹$58,蒜茸突然又咸到食唔落糯米又濕把鬼。最後加了四碟清菜包括西蘭花炒蝦仁、蟹肉扒豆苗、花枝炒芥蘭、柱扒西蘭花,終於有幾碟食得,記住去紫荊食清菜好啦。比千壹蚊,得幾碟清菜食得把鬼,冇必要唔好去!…查看更多