BrianChiu7088's Profile

試左個龍蝦汁炒意粉，一路睇住個廚煮，一路勁落cream，然後佢拋鍋露兩手又跌左幾條意粉落檯面，竟然係執返上鍋繼續炒…睇到都已經唔係好開胃，碟意粉煮完仲要一餅野咁，淨係食到cream，cream同cream！…Read More

個名叫小廚，但係menu係茶記野，有少少台灣菜式。不過味道連普通茶餐廳都不如。叉燒得肥膏冇肉，焗豬排飯冇炒飯底，台灣麵湯底仲差過米線x。好耐冇試過茶記係難食，失望。…Read More

食完埋左單後離開時，職員在門口大聲問我埋單未。雖然我即時show單據比職員，但職員睇完後仍然態度差勁，同埋職員係其他客人面前已經搞到我超級尷尬。咁大間餐廳唔會check清楚客人埋單未就追住客人大大聲話「請問埋左單未」？唔明點解可以用咁既態度對待同埋咁樣冤枉客人。 事後完全冇誠意道歉！…Read More

見食評唔錯走去試下，試左兩樣嘢：墨西哥餡餅揀左雞肉餡，幾cheesy，有yogurt，番茄等配料，唔油膩又幾fresh。另外叫左rib eye，grill得唔錯，係多筋左少少，跟薯菜都幾飽。隔離檯慶祝生日有播生日歌係加分位。overall，整體水準幾好。…Read More

餃子可以，但$100碗烏東，食落似韓國濃x即食烏東，普普通通。服務就完全係零，入到餐廳order，本身叫蒸餃，烏東，點知店員比張單我確認時變左係兩個粥😅。clarify清楚後，最尾出黎蒸餃變左煎餃。坐係走廊位，已經坐到最入，但係俾人經過係咁踢凳。食得唔開心都算，book左8點但早到左，入去之前已經show 左reservation，點知話我缺席。唔會有下次…Read More

lunch time 冇咩人，叫左個烤牛肉lunch set，連加一要過$100。不過漏單等左我超過30分鐘，然後牛肉份量極少，只有寥寥幾舊。 除左環境乾淨闊落，冇任何地方令我回頭。…Read More

同朋友去試lunch set，食左個滑蛋吉列豬排丼(連加一要$110)，味道好港式，豬排好似冇炸過咁，蛋冇蛋香，唯一只係份量夠大。而朋友叫左魚生丼，份量細到好似白飯碗咁。總括而言，質素唔太對得住呢個價位。…Read More

係滿滿既油膩感～重油，足料，好似吸緊成隻豬既精華，湯底淡，完全唔怕蓋過油既味道。不過除左油味，食唔到其他味道。個人認為太多油，食完會膩足一日。非重口味者未必適合。…Read More

睇個門面都係d高質餐廳，坐得幾舒服。不過價錢同味道唔成正比。晚餐粉面飯平均約$80，期望份量唔大味道都唔會差。但結果令人失望。order左炒椰菜，冬陰功湯麵，馬莎文咖哩牛肉，同薄餅。味道正常，無驚喜，但整體唔夠熱。咖哩同薄餅明明已經整好，但因落單混亂而放左係收銀機隔離，遲左5分鐘先上菜。冬陰功湯麵唔夠熱，d粉索曬d湯，食落似撈麵多過湯麵。配料有蝦，魷魚同珍珠帶子，但非常靭，好似食香口膠。最後埋單$400幾，失望。…Read More

味道唔錯，算中上，份量同價錢都合理。試左叉燒拉麵同雞叉燒拉麵，叉燒拉麵正常，但湯底唔太特別。反而雞叉燒拉麵有驚喜，個湯底清d無咁鹹，雞叉燒唔老，有炭燒味，值得一試。…Read More

買盒飯，一直等左半個鐘，期間成日話1-2分鐘就得。原來買個陣先煲飯，d飯仲要煮唔熟，硬繃繃。真係唔明點解飯係生既都可以照賣，結果只係得d雞係食得既。 真係食大家樂都唔洗咁難受。…Read More

食開大家樂，但係水準每況愈下，份量又越來越少。後來食左昭隆，d燒味超正，叉燒同白切雞、油雞都好正，幾新鮮，份量又多。單拼都係$38，雙拼$42。好少位，所以要早去。除左燒味，咖哩都唔錯，紅咖哩香唔太辣，仲有蘿蔔牛腩。…Read More

家常便飯，親民價。有鍋氣，味道比得上大排檔，酒樓，但無論單點或套餐價錢都絕對平一半。晚飯二人套餐$188有三餸（小菜選擇很多），兩白飯，兩湯，份量足夠。抵食，絕對推介！…Read More

12:15 去到都已經無咩位坐，12:30開始要排隊。座位逼，伙記送飯要係頭頂過。份量夠，味道中上，但係等候時間唔快。不過中環$45 包餐飲已經算抵。總括而言，一間價錢正常，味道不錯既茶餐廳。…Read More

非正宗日本嘢，拉麵質素不及連鎖快餐店，食物質素非常一般。叫左一個拉麵，一個牛肉飯，等侯時間長，食物唔熱，湯底有如公仔麵味精湯，仲要唔平。唔系學生要加一，呢個價位唔太值。…Read More