mango tofufa's Profile

慶祝聖誕節，男朋友帶咗我去一間超好味嘅日本料理餐廳，好耐冇食過omakase啦！喺出發去日本之前，喺香港食一食止下癮先！呢一餐真係食得好滿足，無論係擺盤、用料食材、去到師傅嘅菜單設計，全部都超高質！絕對係味蕾享受既一晚🤍特別想highlight 佢嘅燒和牛，個醬汁真係超級惹味，見到佢喺食材櫃入邊拎出嚟嘅和牛，每一片都係日本好高級好多雪花，紋理好靚嘅牛！另外佢強肴都超級精彩，本身以為係豆腐上面有海膽，食落似乎唔係豆腐！味道比較似係奶凍，非常有創意，食落嗰個感覺超夾！好好味！！出面食唔到既配搭。仲佢個鵝肝配上類似梅味啫喱， 一酸一甜既配搭撞落又係勁正。個蠔都係世界級咁鮮甜，真係好有驚喜！！其他食物都係非常有水準，相信因為係新開所以價錢比較抵，整個廚師發辦套餐$880 ，實在係超抵食，好享受既一晚🫶🏻。…Read More

荃灣不嬲都多好嘢食，今日朋友就帶咗我嚟一間隱世美食小店，叫做Vision8，佢嘅西餐非常高質！呢度氣氛唔錯，暗暗地又唔會嘈，店員態度好好，特別係男經理/老闆，好熱心介紹佢地食物。叫完餐之後好快就有餐包食，呢度嘅餐包非常有驚喜，感覺全部都係新鮮出爐或者自家製，第二度食唔到！圖中呢塊長形嘅包，薄薄地又鬆脆，再點埋佢哋嘅黑松露醬，超好味！另外兩個餐包都係好鬆脆或者好鬆軟，估唔到呢度嘅餐包係咁高質。我哋首先叫咗個燒牛肉沙律前菜，呢度嘅沙律菜好多好爽脆，佢用嘅醬都好好味，酸味啱啱好，上面仲有炸洋蔥圈，都炸得幾好味，唔會話太熱氣嘅感覺。重點係呢一個燒牛肉！份量都唔多，而且都大大片，燒得非常好味，估唔到一個前菜沙律都可以咁好味。佢嘅餐湯又係不得了，係超級濃嘅蕃茄湯，入邊真係好多蕃茄肉，飲落酸酸甜甜，超級啱我呢個超愛蕃茄嘅人。接住落嚟係鮮菇茄醬燴意粉，好驚喜嘅係佢嘅茄汁唔係平時啲好典型嗰啲茄醬味，佢係有佢自己嘅調味，而且係好惹味好好味，蜆肉都好新鮮，意粉份量都足，抵食。最後係燒西班牙黑毛豬扒，黑毛豬嘅肉質爽口彈牙，食落好香，真係有種食牛扒嘅感覺，唔係講笑，仲有佢嘅薯蓉，係香烤過，非常惹味，我好鍾意食呢一種薯蓉。好少餐廳可以每一碟餸都咁精彩，呢間真係高度推薦。…Read More

好耐冇喺旺角食飯，今日喺旺角行完街，喺附近搵間好味餐廳落腳。記得之前嚟旺角，食過好好味嘅卡邦尼意粉，就係喺豉油街附近嘅一間Cafe，叫做孖啡～首先我哋叫咗兩個餐，一個係卡邦尼意粉，令一個係黑松露軟殼蟹意粉，嘢飲叫咗藍莓乳酪同埋薄荷朱古力。藍莓乳酪味道好味！甜甜地，又唔會太甜，有乳酪嘅香味。面頭有一個忌廉，令到成杯嘢更加靚，不過如果無就更健康！意粉到啦，份量好足，睇吓呢個軟殼蟹黑松露忌廉意粉，成隻蟹咁樣嚟！軟殼蟹好脆口，咬開入邊仲有好多蟹黃。意粉味道唔錯，加咗啲紅椒青椒吊味，幾惹味，仲有淡淡的松露香。卡邦尼忌廉意粉，有非常多煙肉，意粉份量都好多！啲忌廉汁充分咁掛上麵條，食落好creamy～非常飽滿又滿足的一餐。…Read More

幾年前開始香港越黎越多立食壽司店～主打高質壽司，由於冇座位，所以價錢比出邊平。今年留意到有趣嘅現象，而家呢啲壽司店都有位坐啦！簡直係我呢啲超鍾意食壽司嘅人嘅福音，因為我可以用唔太貴嘅價錢食到超高質嘅壽司，仲可以舒服咁坐添！之前想食立鮨都要去銅鑼灣同尖沙咀，今日去完荃灣附近見完客先發覺原來荃灣都開左分店，即刻排隊入去食。叫野食就用呢幾年都好流行既電話點餐，疫情之下又方便又衞生。好快我地就點完餐，首先我地叫左三文魚腩同帶子壽司，好鮮甜同好厚切好有口感。之後叫左火炙左口魚壽司，好有炙燒既香味，同埋左口魚入口即融！然後分別叫左我地最愛既大拖羅同中拖羅，拖羅既油脂香真係超正，超出色。仲要勁厚切，超足料最後叫左個迷你三文魚籽丼，本身想叫三文魚籽軍艦，碌碌下見到呢個丼成個面都係三文魚籽超吸引，即刻改變主意忍唔住要試下！ 結果真係一啲都冇失望，啲三文魚籽好足料仲要勁鮮甜，正！一次過食左好多好好味既壽司，超滿足既一餐！…Read More

Weekend 晏晝想食好d，出左銅鑼灣揾好野食～銅鑼灣呢帶一向都多高質日本餐廳，今日就去左禮頓道呢頭一間新開既日本餐廳 花貝日本料理～一出lift，已經覺得呢度好有氣派，店面大堂有日本温泉旅館大堂既感覺，有d位比人坐低除鞋換鞋，不過唔太清楚係邊度用，因為我地入去係唔洗除鞋🤣餐廳裝修日式得黎好時尚，高級既感覺。lunch set有唔同既野揀，除左壽司/刺身set、仲有西京燒魚、燒肉、和牛火鍋。好耐冇食過和牛，所以我就揀咗和牛配海鮮紙火鍋～午餐set首先有個好開胃既前菜，係魷魚仔水雲，水雲酸酸甜甜，非常清新好味，口感爽口👍之後就係刺身兩片，有我好鐘意既池魚，好新鮮～主菜來了，好吸引，海鮮紙火鍋好fancy。仲有麵豉湯、茶碗蒸。麵豉湯濃味得來唔會太過鹹，茶碗蒸好出色，蛋好滑好香，入面既料好彈牙～火鍋上面有花蛤、蟹柳、野菜、大菇、細菇，花蛤非常多汁，鮮甜！和牛有三大片，每片肉同油脂既分佈都好靚，見到肉紋都流曬口水。和牛牛味好香，口感軟得黎有咬口，正👍最後有甜品雪糕一球。有得揀豆腐同蕃薯味，我揀咗豆腐味，豆腐味嘅雪糕唔係四圍都有，好味！係一個完美嘅作結。…Read More

今日去咗科學園踩單車，踩到廣福道附近停咗㗎單車之後就入去附近搵吓有咩好食。行行吓見到有一間好似好高質嘅日本嘢，叫做良鮨，攤牌見到好似壽司刺身串燒丼飯咩都有得食咁。入到去拎咗位，佢安排我哋坐喺師傅前面嘅高枱位，就好似食omakase咁～呢度點餐係用電子點餐方式， 不過都有實體Menu，我鍾意睇實體Menu，會比較睇得清楚同埋見到多啲大張圖片，不過落單我都係鍾意用電子落單方式，好方便！Menu入邊嘅食物非常豐富，啲刺身好似好高質！一場嚟到咁高質嘅壽司店，梗係叫多啲日本靚嘢啦。我哋叫咗辣味拖羅茸卷物，仲有個超級吸引嘅蟹膏蟹肉軍艦，另外我哋再叫咗厚燒玉子、芝士年糕、炸廣島蠔、燒五花腩串，因為太掛住日本居酒屋既小菜啦！首先嚟嘅係卷物，呢個非常惹味！辣醬撞落沾上豉油嘅拖羅茸隻味好正，辣辣地又甜甜地鹹鹹地，不得了！佢有四件，我地食得好滿足。之後我哋就食串燒，份量都幾多，豬味都幾出同香。呢度既炸物我覺得好出色，芝士年糕既芝士係流心，外脆內軟既口感不得了～芝士又香。炸蠔都超好味！廣島蠔真係唔同d，隻蠔好香，feel到好新鮮，炸既部份都好正，好鬆脆，唔會吉口唔會太熱氣，口感不得了。厚燒玉子係我朋友至愛！佢同出面既調味有d唔同，面好似有d焦糖面咁，甜甜地，加埋下面鹹鹹甜甜既蛋香，好味！份量剛好，唔會太多，又唔少。最後食既，就係最期待既蟹膏蟹肉軍艦，果然冇令我失望！蟹膏好新鮮，真係好似之前喺日本食嗰啲咁，隻味香濃得來唔會太過犀利，而且非常足料，感覺落咗好多！蟹肉嘅口感都好彈牙，成件事好滿足。本來仲驚唔飽，但係食食吓估唔到都啱啱好夠飽！正呀，滿足嘅一餐。…Read More

上星期係銅鑼灣想揾間餐廳食餐好既happy friday一下，上openrice見到好多人推薦凡高廚房，睇下d相覺得都好吸引，於是就黎試下！上到餐廳呢層，已經好期待，因為餐廳出邊嘅佈置好有心思，又好濃厚嘅聖誕氣氛仲有好多梵高嘅作品，真係非常有主題！入到去之後，見到個氣氛都好好，已經好多聖誕裝飾，四圍都有好多梵高嘅element，我好鐘意梵高既作品～餐廳服務非常好，坐低冇幾耐之後已經向我地介紹餐牌入邊嘅內容，我地最後揀左燒牛柳同豬肋骨，跟餐加個心太軟。首先係前菜melon 西班牙火腿同黑松露蘑菇湯，個湯真係非常足料，好大碗，而且你見到佢充滿着好多菇既碎，完全無同你慳！飲落好香，黑松露味都出，好飲！我叫左杯雲呢拿雪糕加荔枝梳打，呢個配搭好正，好味。首先黎既係燒牛柳，個擺盤一流，估唔到仲有表演睇到好見到咁多火嘅效果覺得好似燒得好正！味道亦都冇令人失望，啲牛生熟嘅程度啱啱好，口感好好，牛味都好香，配上佢嘅汁亦都好好味，推薦！豬肋骨份量亦都好大好吸引，肉質都唔錯，唔會好痴骨/難咬，豬味幾香，有質素！唯一就係佢嘅燒烤醬料唔係我想像中嘅，如果可以冇咁甜嘅話應該會更加好味～最後就係一個心太軟～心太軟超級香，而且𠝹開入邊嘅熔岩真係超多，味道非常好，加埋雪糕一凍一熱嘅口感完美！朱古力味好出色，推薦！creme brulee都好味！又飽又滿足嘅一餐～…Read More

今日去咗觀塘附近打羽毛球，打到好攰好攰，連食嘢都冇咩胃口，但係朋友又話想食啲嘢先返屋企，所以就想搵一啲唔太飽嘅嘢食下，然後朋友就推介去食清湯腩。本身諗住食清湯腩嘅都會係一啲比較舊式嘅舖頭，不過呢間入到去裝修都幾新淨，坐得都幾舒服。餐牌上面嘅嘢食都幾多選擇，唔止湯腩河，連咖喱同埋擔擔麵都有得揀，不過第一次嚟食，所以都係揀返最傳統嘅湯腩河黎試下。我同朋友都揀咗清湯牛腩牛筋河，因為我比較肚餓，所以再加左墨丸。呢度嘅牛腩十分之講究，除咗普通牛腩之外，仲可以升級揀崩沙腩/坑腩，本身想揀崩沙腩，不過可惜賣晒，所以就揀咗坑腩。食完呢碗河粉之後真係十分之有驚喜，湯底超級好味，然後啲坑腩都好入味同埋煮得好淋，連本身好少食呢類中式湯粉嘅我都覺得真係好好味。另外我哋仲嗌左兩杯嘢飲，都好有茶餐廳風味。食嘅期間不斷聽到有人話想嗌崩沙腩，可想言之應該真係好好食，希望下次黎食嘅時候可以食到。滿足的一餐！…Read More

今日又去咗住翠怡嘅朋友屋企玩佢隻貓，仲記得上次嚟嘅時候係佢新居入夥，佢帶咗我哋落樓下一間好好味嘅良心西餐廳度食嘢，當我仲諗住今次可以食過返尋味，發現原來呢一間西餐廳已經轉咗做日本野！不過開心嘅係佢話都係同一個老闆開嘅，相信都係質素保證！於是我哋今晚都係去咗呢一間改咗名做禮既日本餐廳食～餐廳室內嘅裝修同我印象中其實唔係差好遠，最主要都係啲裝飾換咗啲日本風嘅～好鐘意佢bar枱上面果幅大日本畫～好似係人手畫嘅，但係又畫得好專業好得意。不過我竟然唔記得影低佢哋！轉咗做日本餐廳後，餐廳食野嘅門檻高左，佢嘅定位似乎係居酒屋，食物嘅價格比以前高，不過食物嘅等級都感覺高啲！朋友話嚟到居酒屋，梗係要食枝豆！不過其實平時我係唔食枝豆嘅，但係佢話就算唔食都好，嚟到呢度食完一定會超鍾意！於是佢就叫咗個黑松露枝豆，佢又真係冇講錯！一拎出嚟已經有好香嘅黑松露味，仲咁嗰啲黑松露醬係相當高質，啲枝豆素晒黑松露嘅汁嘅味，成個食起嚟超惹味，就連平時唔食支豆嘅我都食到停唔到！真係好香。然後我哋就叫咗一個刺身拼盤試吓呢度嘅魚生品質！我覺得呢間餐廳老闆sourcing既能力真係好高！我仲記得之前喺度食嘅黑毛豬價錢唔貴，但係非常高質！口感一流，而今次嘅魚生都係件件又大又新鮮！感覺非常抵食！啲帶子真係檸檬片咁大粒！好瘋狂！厚切三文魚亦都係非常好笑，食落去啖啖肉，超級滿足。最開心係有油甘魚，我除咗吞拿魚同埋三文魚之外最鍾意嘅就係油甘魚！佢嘅油甘魚每一件都係爽口之中帶點彈牙，味道非常新鮮～呢個刺身正然後我哋就叫咗啲燒物，首先係免治汁燒雞肉，估唔到呢間餐廳嘅燒物都係咁拿手，佢嘅汁燒既汁重得黎唔會過份，甜中帶鹹，好惹味～最正嘅係佢下面仲有生雞蛋，可以打完之後點d生雞蛋醬嚟一齊食，超級有日本嘅感覺！接住落嚟就係燒魷魚，一見到真係話咗一聲，估唔到佢嘅燒魷魚係原隻燒魷魚咁大條！好記得以前去過其他居酒屋，佢啲燒魷魚就係得幾個圈，但係呢間真係超級有誠意！成隻咁樣上肉質仲要係彈牙之中又帶點入口就溶既感覺，再加埋佢嘅招牌燒汁，又一美蕾享受之作～然之後就挑戰下佢嘅燒魚，去到日本居酒屋其中一樣鍾意食嘅就係燒魚，因為平時唔食熟魚嘅我唔知點解去到日本居酒屋就真係特別鍾意食！當然都試過去一啲中伏嘅餐廳食到唔啱心水嘅魚，但係呢一個又係驚喜之作！魚味好香，完全唔會腥，脆脆地既外皮入面係油香既魚，完全唔會燒到太乾，非常好味～另外我哋仲叫咗個天婦羅炸蝦卷，叫嗰陣時其實真係估唔到有咁多舊，因為其實我哋都已經有少少飽，估唔到呢度每一樣都係咁足料！不過我覺得呢度神奇嘅係就算你已經爆都好，呢度嘅嘢食都係有種魔力會令你食晒佢，呢一個炸蝦蟹子卷嘅炸蝦非常趣口，但係又唔會有好熱氣嘅感覺，成個口感一流，因為食到蟹子爆開又食到天婦羅嘅脆皮，再加入軟身既飯同蝦肉，好正，沙律醬嘅調味亦都非常配合。我哋仲叫咗個玉子燒，呢個玉子燒特別之處係佢入邊係包住蟹膏，呢個又係超級誇張！超級多玉子燒都算，入邊嘅蟹膏仲要係爆出黎咁多！真係好癲，玉子燒都係令人好驚嘆嘅級數，玉子燒燒到好似滑蛋咁樣，非常之吸引到人繼續食落去！因為平時出邊嘅玉子燒好快就會令到人哋有好飽好頂肚嘅感覺，但係呢一個又係會令人忍唔住係咁食，因為佢入邊嘅蟹將實在太正！非常鮮甜，完全唔腥，加埋玉子燒一齊食真係神級。因為鍾意食蜆，我哋叫咗個清酒煮蜆，好多時清酒煮蜆就係有少少嘅酒味，然後呢度又係足料度清酒真係有好重嘅sake，真係落足了！朋友係好鍾意飲酒，所以佢超級鍾意呢個湯！我平時唔係好飲酒嘅話就覺得有點太濃，不過真係覺得佢非常有誠意！啲蜆亦都係新鮮卜卜脆。食到呢度已經超級飽，不過我哋都仲有另一個胃食甜品，我哋叫咗個tiramisu 千層蛋糕切餅，因為呢間餐廳本來都好在行整西餐，所以佢嘅甜品絕對係唔會令人失望！第一次食呢個味嘅千層蛋糕切餅，覺得好好味，有少少咖啡味同芝士味，但係又有薄薄嘅pancake皮，口感好好，唔會有肥膩感覺～好味！最得意嘅係佢真係堅持返有Tiramisu入邊嘅濕蛋糕，夾係中間，真係正宗嘅tiramisu 千層蛋糕！呢餐真係超級爆超級滿足！覺得青衣人有呢一間良心美味餐廳真係好幸福！…Read More

今日係eMax睇完傢俬，睇吓附近有咩食，對呢度嘅印象淨係知道呢度有個food court，但係原來仲有其他餐廳都幾有特色，有一間餐廳係同一間狗仔friendly 既Cafe連埋一齊，係法國主題嘅餐廳，環境好舒服，入面仲有法國嘅一啲好柔和嘅音樂，叫做I m not nothing～入到去，員工服務好親切，餐牌好有特色，上面嘅畫風係好有玩味既畫風，感覺好有品味。花多眼亂嘅餐牌，最後我哋就揀咗意大利雲吞同埋法式田螺，再加兩杯朱古力味嘅特飲。首先嚟嘅係一凍一熱嘅朱古力味特飲我叫咗一杯熱朱古力係有拉花嘅，好足料好夠濃，非常驚喜。另一杯係凍飲，係榛子香蕉奶昔，賣相非常吸引。法式田螺賣相好靚，原來仲有薯蓉喺底部，每一粒法式田螺底下都有一個大菇裝住佢，擺盤好有心思，田螺有香草牛油味，好香，啲菇同田螺夾埋一齊嘅味亦都好好味，下面嘅薯蓉更加係不得了！有牛油嘅香味，仲有上面嘅醬油撈埋一齊食非常惹味。之後就有煙三文魚意大利雲吞，意大利雲吞每次叫，望落去都覺得數量唔多，但係其實絕對夠飽，每一個雲吞沾上忌廉汁都非常好味，好夾，雲吞入邊嘅似係一啲菜類嘅醬都好好味，煙三文魚配上呢啲雲吞嘅配搭都非常夾，成個雲吞都令人食到停唔到口，好好味～食完以上兩個主菜都覺得呢度嘅調味非常出色，所以再叫多個甜品，我哋叫咗個crepes，係最common嘅榛子醬忌廉香蕉味，賣相非常之靚！佢仲有啲薄切嘅杏仁片喺面，食落去非常有口感，有薄薄嘅可麗餅，入邊有香蕉，仲有啲醬同埋超大個忌廉奶油，有冰火嘅感覺，仲有啲杏仁片脆脆地好似椰子片咁，口感非常立體，亦都好好味，其實我哋已經好飽，但係都係食到停唔到！非常出色嘅一餐！一定會再幫襯。…Read More

前幾日喺IG見到有人去超級夢幻嘅一間粉紅色主題餐廳度食嘢，睇相覺得超靚，所以今日咁岩喺沙田附近放工就一於去朝聖啦！餐廳位於新城市頂層好多餐廳果一層，基本上上到去好快就會搵到佢，因為佢真係超級搶眼，成間餐廳嘅裝修好靚，我唔係本身超級鍾意粉紅色嘅人，但係一間餐廳望落去嘅粉紅色唔會令人覺得好俗，係好有少女心好靚嘅粉紅色～呢度嘅店員服務都好好，到咗我哋之後都好有禮貌咁帶位，我哋坐係卡位，好闊落坐得好舒服。呢度點菜係用QR code手機點菜，呢點我好鍾意，因為喺疫情期間真係其實唔會想掂大家都掂過嘅Menu，用手機就岩曬。本來以為係西班牙菜嘅餐廳，嚟到見到菜單就相信係西班牙fusion菜，你會見到食材方面係會由西班牙菜嘅菜式在家其他國家混合出嚟嘅風格，非常特別。首先我哋叫咗個小食，叫做黃金牛柳條，似乎係入邊係牛柳外面係有脆皮嘅小食，嚟到都好驚喜，入邊嘅牛柳網絡非常吸引，一邊嘅肉質都仲係鎖住咗喺入邊，食落亦都令人喜出望外，牛柳嘅肉質非常高質，外面脆嘅口感在家入邊有少少咬口但又入口即溶嘅牛柳粒，非常好味。估唔到百零蚊嘅菜式都有咁好味嘅牛食。主菜方面我哋叫咗個蟹盛樂，顧名思義就係好多蟹肉嘅西班牙飯，嚟到見到蟹殼入邊有蟹肉撈忌廉醬，另外仲有兩個好似平時茶樓食會見到嘅蟹鉗炸物，呢個忌廉醬我覺得整得好出色，好惹味，甜甜地鹹鹹地好啱我口味。而今次呢一個點心就冇我想像中咁脆口，不過都好足料，入邊嘅蟹鉗都好大隻。最後我哋仲叫咗個甜品，呢度嘅甜品好多都好吸引令人選擇困難症，不過我哋最後就揀咗抹茶麻薯窩夫，因為見到佢話窩夫有麻糬覺得好特別，最後果然無揀錯，窩夫嘅口感帶啲麻糬嘅稔感，感覺好新鮮，亦都唔係平時好容易搵到嘅口感，抹茶醬嘅味道都好出色，將抹茶醬撈埋呢一種窩夫，再加埋啲雲呢拿雪糕佢食非常正。飲品方面我哋要嘅係荔枝貴妃茉莉花茶，整體上味道偏澀，不過茶味好濃，感覺上係幾健康嘅一杯飲品～滿足的一餐。…Read More

今日喺尖沙咀買完鏡頭，想喺附近搵間好嘢食下，慶祝吓升職，諗起附近朋友講過有間西餐超好味，於是就黎到H8朝聖啦。呢度裝修比較平實，應該係十幾20年前嘅裝修，不過入面非常熱鬧，全場都爆滿，睇得出呢度一定係實力派，咁多年來都保持住咁受歡迎。呢度嘅餐牌內容都好吸引，價錢亦都幾親民，唔使$100有一個好吸引嘅小食，就算係主菜都係$200樓下。首先我叫咗一個白酒忌廉煮青口，另外叫咗一個海膽吞拿魚蓉他他。白酒忌廉汁真係超好味！好濃既cream，又香，青口都好新鮮，肉質鮮嫩，一啖cream sauce浸住青口咁入口真係人間享受，你會想飲曬啲忌廉汁佢！本來以為青口已經最精彩，點知呢個海膽吞拿魚他他個調味出色到癲!隻海膽由於係吞拿魚出產而唔係日本，味道當然就冇喺日本食開嘅咁鮮甜，但係份量好足，非常抵食。另外，呢一個吞拿魚茸用上嘅醬汁真係超級好味，有微微芥辣味但又有日式醬油味，總之極香口，咁樣去造個tapas咁野放入口真係世界級。雖然無食咩澱粉質，但呢兩味菜已經有好豐富嘅肉同埋好足料，已經即刻飽曬，超級滿意嘅一餐！…Read More

呢晚係尖沙咀附近行街，買咗好多衫，之後行到攰攰地就搵嘢食~突然好想食壽司，然後見到呢間日本同西班牙菜嘅fusion菜餐廳，覺得應該幾新鮮幾特別，所以就決定入去試吓~食物選擇都幾多元化，想食西餐嘅有扒或者意粉之類，日本野都有壽司或者唔同嘅卷物去揀。因為本身想食壽司嘅關係，我哋叫咗個特選手握壽司拼盤，仲另外加咗一個漁夫沙律同埋輕燒和牛他他。雖然呢間係fusion餐廳，但係佢呢個壽司拼盤都好有質素，魚生好新鮮，啲飯都有調味，正！滿足到我想食壽司嘅願望！至於呢個漁夫沙律，其實係有調味嘅刺身加一啲沙律菜，同埋刺身份量都幾多同埋有唔同種類，有三文魚油甘魚墨魚，好好味！最後嘅輕燒和牛他他，個調味更加不得了，酸酸甜甜，再配埋啲魚子醬，味道同口感都配合得好好，好立體，超級有驚喜！下次再嚟嘅話會試吓去更多唔同嘅fusion菜，滿足的一餐！…Read More

My colleague recommended a new restaurant nearby ( Tin hau) and so I decided to came here for dinner after work tonight.Maybe it was a monday night, we could walk in without having to wait. We got a seat beside the windows, where We could see there were some balcony seats, looking chill. The atmosphere seemed to be good, but It wasn’t a spectacular view to us, so we didn’t request to sit outside.We ordered a sliced tuna, boneless chicken wings and a truffle soup. Sliced tuna was nice, cold served with a little sour taste from the fruits on top of it, making it very appetizing. We couldnt wait for the other dishes.Truffle cream was surprising. It was creamy and the truffle taste was strong enough and natural. It was great to go with the dry bread. It would be great if it could be served with a little more bread. I like this soup.I was wondering how the boneless chicken wings would look like, and it was quite out of my expectation that it was served like skewers. The flavour on the chicken wings was quite out standing, but it would be better if it could be more juicy. Overall it was 👌🏼 Here comes the mains! A spacatelleTbh i was not sure what it was on the spacatelle, it didnt look especially attractive to me so I skipped it haha, yet as the first time to try spacatelle, it was pleasant. The pasta was chewy, i like its texture quite a lot. There were some cheese like stuff on it, not sure what it exactly was, yet it was nice to go with the pasta. It is quite a special and fresh dish to me.Carbonara, it looks nice with palmar hams on it. The palmar hams were nice. The pasta is chewy too yet i would prefer some more creamy sauce/ richer flavour. I personally like the spacatelle more. Dessert time~the tiramisu was quite specially served, with the “components “ separating from each other. It was creamy and slightly like the texture of a mousse, which is nice. This is my first time to try this dessert, it was quite crispy. A night with creative dishes!…Read More

今日下晝去完尖沙咀食tea，晚飯唔想食咁飽，去到大圍一帶諗起好耐冇食M3，於是就去咗食啦！由於仲係唔係覺得好肚餓，所以我哋淨係叫咗兩個前菜，不過都已經好滿足！今次我哋叫咗個牛肉他他，估唔到份量係咁多！非常足料！味道超級正！啲肉葉得好入味！呢一隻醬撈埋啲牛肉一齊食簡直完美！肉又有咬口，一粒粒，口感非常好！將啲Tata放喺啲蒜蓉包上面食就完美，啲蒜蓉包好鬆脆，超級上癮！如果有多啲就更加好！之後我哋叫咗個忌廉煮青口，又係估唔到份量係有咁多！超級好味！啲青口非常有驚喜，估唔到覺得咁係咁軟，感覺好新鮮！因為好多其他地方食嘅青口都係口感好乾，同埋好硬，但係呢度嘅青口係又滑又軟，仲有鮮味。重點係佢個忌廉汁超級好味！勁惹味，忌廉好濃，又滑，成碟嘢都超級足料！忌廉加埋青口呢個配搭，真係超好味！就算我食晒啲青口，都當啲忌廉係忌廉湯咁飲呀！食完呢兩個前菜都已經飽晒啦！真係超好味！一定會再回頭！…Read More