六姨's Profile

屋企人之前喺鰂魚涌呢邊返工，今次嚟開呢頭就嚟試下呢間屋企人推介嘅咖喱豬軟骨飯。接近傍晚嘅繁忙時間，舖頭都算好多人，不過坐得都唔算好逼。本身唔算係好鐘意食咖喱，不過一上菜嘅香味已經係同平時食嘅咖喱係兩個世界。咖喱係偏日式風格，香、甜、唔辣。豬軟骨超級稔，無論係肉定係軟骨嘅部份都係用匙羹輕輕一撥就可以分開倒。配菜嘅薯仔、西蘭花、紅蘿蔔一樣係好稔！豬軟骨、配菜、飯連埋咖喱食，係好食到令人念念不忘，值得推介！…Read More

都唔係第一次嚟食銀cafe，一直都算係食物質素唔錯、價錢亦都算幾抵食！值得一提嘅係餐廳主要由長者打理，係一間支持長者就業嘅社企。今次無嗌到佢哋嘅晚市二人套餐，散嗌嘅選擇好似多啲、價錢都唔係爭好遠。卡邦尼意粉，調味幾好食，應該係餐廳自製嘅卡邦尼醬。意粉質地軟硬適中，煙肉同蘑菇等嘅配料都幾多。慢溫醬油豬軟骨拉麵，個湯唔會太鹹，拉麵個麵體正常。不過個豬軟骨稍嫌硬咗啲，有好幾舊都唔係好夠稔，有待改進。特選羊架鐵板餐，唔使一百蚊有三塊羊架，連埋意粉同野飲。羊架本身好稔，用刀唔使好大力都切得開，揀配嘅燒汁都幾夾。意粉用一個好細嘅兜上，如果比一個大少少嘅牒可能會再方便啲。另外加咗一個日式炒雜菜，算幾大牒下，無乜特別，調味比較淡口，可以落多些許調味會更好。…Read More

同屋企人慶祝生日，又見到有openrice嘅折扣優惠，就一齊嚟左呢間自助餐食晚餐。餐廳基本上喺正太古城隔離，地點非常就腳！成個氣氛偏暗色少少，環境嚟講算係幾舒服嘅。自助區一入去就見倒一大盤生蠔，當晚係愛爾蘭同蘇格蘭兩款，鮮味都唔錯，不過唔算非常肥美。旁邊仲有凍海鮮，長腳蟹相比其他自助餐瘦削咗啲，蝦都仲有進步空間。壽司刺身區係中規中矩，壽司幾多選擇，三文魚刺身大舊兼肥美，冇乜期待嘅螺肉反而好有驚喜，好甜！沙律、湯同甜品都算係水準之上，尤其係gelato同焦糖燉蛋都幾好食，不過抹茶蕨餅我就略嫌唔夠甜。反而即叫即煮嘅主菜非常高汁，牛扒可以自選熟度，就算我揀七成熟都好冧。羊架、帶子，乃至係中式嘅蒸比目魚都好好食，瘋狂encore！印度薄餅就油咗少少，有啲滯。另外訂位嘅時候餐廳有問嚟食飯嘅目的係咩，竟然有特別嘅生日甜品盤！雖然部份喺出面甜品區都可以搵到，不過好有儀式感！…Read More

叫左個海南雞飯 同 海南雞叻沙摻摻😋叻沙個湯濃郁順滑好好味，而且唔算太辣，不過海南雞就少左啲，肉質唔硬唔淋，4個豆卜好索汁，滲滲軟硬度適中，米粉較多。最後飲剩少少湯🤗海南雞飯都唔差，啲雞好入味，而且唔會太嚡不過啲皮就肥左少少。整體嚟講唔會太漏！個飯好食，夠味 有雞味，但唔會太膩。👍🏽食完飯飲返啖湯，正！好清，仲有海帶，中和返個油飯！杯凍拉茶正常味道，有奶嘅口感，但係啲甜味沉哂底，唔太勻循。如果濃啲會好啲。…Read More