WaiKuenChan7399's Profile

同家人第一次試呢間，整體嘢食都一般，環境唔算太大，不過都乾淨企理，上菜速度超慢。嘢食係細份，鹹，冇乜鮮味。唯一最好嘅就係蒜蓉蒸蝦，服務員態度都OK。價錢都合理 大概百幾蚊左右一個人。…Read More

以前成日食，但今次真係好失望，應該唔會再去食呢間粥底火鍋食過數十次，覺得海鮮好新鮮同埋抵食。今次去到見到餐牌有啲唔同左，可以揀鴛鴦湯底，呢個都係一個唔錯嘅改變。價錢方面就好似比以前高咗dd。最平個鮑魚加貴妃蚌嘅選項冇得嗌，咁我哋問店員係咪鮑魚冇咗貨，佢哋又話唔係，係驚唔夠貨，下面嘅次選項係可以揀的，咁我哋就揀咗蟹加貴妃蚌，係貴咗少少，不過都冇所謂啦。其實坐低嗰陣已經聽到隔籬枱話啲蟹唔得，有陣機油味，當我哋烚完嗰陣一食，真係食到嗰陣味，咁我哋就即刻同店員講，個店員(似係店長)收走咗，跟住隔咗一陣，就再拎咗碟蟹過嚟，話呢碟正常，已經檢查過晒。咁我哋都信佢嘅，心諗應該唔會咁大膽，第二次都仲拎啲有問題嘅嘢過嚟掛，點知第二次，都係一樣，我朋友就話有佢唔食就算。咁我哋都冇再計較，亦都冇食嗰啲蟹。諗住俾錢嘅時候同店員講叫佢唔好再拎啲有問題嘅蟹比其他人，亦都想睇吓佢哋會唔會少收我哋錢。店員(另一個)聽完之後就好尷尬咁話”得得得”，跟住就即刻走，感覺好似知道但迴避呢個問題。咁我哋都冇再追究。另外佢有啲自家製嘢飲都唔得，朋友嗌咗之後覺得好苦，似係浸耐咗嘅檸檬嘅苦澀味，之後都叫佢換過普通汽水。中肯啲嚟講，其他食物都OK，但呢個服務同體驗，令我以後唔會再想去幫襯。…Read More

朋友話想食韓國嘢，於是訂咗呢間韓式嘅餐廳。但係佢同一般傳統韓國嘅主食唔同，餐廳嘅設計全部都係圍繞着柑橘，設計簡約而休閒。入邊嘅嘢食主要係輕食甜品同埋嘢飲，當然佢都有主食既。同朋友嗌咗唔同款嘅嘢食。燒醬油黑毛豬白切肉紫蘇飯 $138個豬肉燒得好惹味，當中加咗一啲韓國特色嘅紅色辣醬，但唔算好辣。醬燒牛肉飯卷 $88牛肉都幾出味，同平時嘅飯卷唔同就係少咗啲酸嘅黃瓜。香橙茴香沙律 $86 有幾件橙同蝦，再加上啲沙律菜。好fresh~ 濟州柑橘乳酪 $68 橙加乳酪，唔會太酸，都幾特別。基本上佢嘅餐都配上一嚿橙，好清新。…Read More

呢間日本餐廳開咗唔係好耐，佢嘅套餐抵食吸引，裝修都唔錯，仲坐得幾舒服。食物種類豐富，有拉麵，串燒，壽喜燒鍋，咖喱飯，日式便當，全部價錢都係由$40至$70不等。呢個價錢對佢要求唔會好高。好欣賞佢嘅嘢飲係大大杯，一啲都唔孤寒。幫襯過幾次，之後會再幫襯。有試過串燒，咖喱飯，同埋日式便當。全部都大件抵食！讚👍唔算太多人幫襯，會繼續支持小店。…Read More

平日的晚上可Walk in直入，以前嚟嘅時候係立食日本餐廳，依家轉咗可以有凳坐，咁樣舒服好多同埋可以坐耐啲🥰食物種類豐富，豐儉由人，有Omakase，串燒，手卷，麵，丼飯，刺身同壽司。有啲特價品可以有八折。 最後兩人食叫咗三文魚沙律，甲羅燒，海膽手卷，軟殼蟹手卷，廣島蠔烏冬。三文魚沙律是特價的折後價錢 $73配上炸魚皮，有些新鮮感甲羅燒 $88 配上炸魚仔，最鍾意食香口脆卜卜嘅嘢 加拿大海膽手卷 $78 & 軟殼蟹手卷 $38海膽鮮味，唔使點豉油同Wasabi可以就咁食軟殼蟹脆口…Read More

食海南雞嘅專門店！呢度出名食海南雞，晚餐更配有油菜和湯，另外嗌左青咖喱豬頸肉飯。福星海南雞飯 $68 雞肉有一半都係好嫩滑，係個底既雞就多骨啲，配上酸酸哋嘅小菜一流青咖喱豬頸肉飯 $68 個咖喱就缺少咗一份香，不過算係幾豐富，豬頸肉彈牙，有好多蔬菜配搭。…Read More

係附近食完晚餐食埋個甜品岩岩好，呢度好多榴連甜品，可以滿足榴連引，我哋各人嗌左一個。榴槤奶凍 $35榴槤雪山 $34榴槤紫米露 $34 雪糕芒果班戟 配芒果雪糕 $37 全部都係好好味，同埋出嘢出得好快，效率高…Read More

同家人朋友食左幾次，間唔中都回味想再食，因為性價比高，海鮮超級新鮮，配埋粥就更加飽肚。基本餐$218/人，再配龍蝦或其他野飲就另外加。新鮮海鮮煲成既湯低做粥真係好鮮味，永遠唔會食厭。唯一不足之處就係有時間嘅限制。六點入場既八點左右就要離開。 …Read More

晚餐時份周圍都好多人排隊，因為太肚餓所以入咗一間唔使點排隊既餐廳，同埋見佢食既西餐，門口裏面裝潢都唔錯。入面係手機點餐，都好方便。嗌左一個漢堡包餐，同一個意粉。- 艾斯阿格牛肉漢堡連薯條同荔枝凍飲$148 牛肉有牛味，不過唔夠Juicy 薯條新鮮好味，荔枝凍飲就好淡冇乜味- 香濃蕃茄布塞托風乾豬面頰意大利麵 (少辣) $138 豬面頰炸到幾香不過無湯/飲品 少貴二人共$315 食完唔算太飽。覺得唔需要再試，如果佢個價錢係套餐價有埋沙律湯會較合理。…Read More

一日平日的中午揀咗嚟呢度同同事食韓國燒肉燒肉，午餐套餐幾抵，價錢由$7x起。環境唔錯，坐得都幾舒服。而且食物選擇豐富，可以食燒肉或者其他韓式套餐例如人蔘，雞湯，炒粉絲等。揀咗食燒肉，所有肉都有醃過同埋加咗啲醬。內質不錯大大份幾抵，不過如果啲肉唔好加咁多醬會更加好。前菜係任加，爐邊蛋都係。可以食到飽飽的。😋總結午餐係幾抵(相比起晚餐)性價比高，食物分量大。建議如果細食人士可以同友人share食，避免浪費。…Read More

初嘗喺香港嘅正宗印尼菜，喺平日既一個中午，唔使排隊就可以入座。整體食物質素唔錯，環境都坐得舒服，印尼嘢原來普遍偏甜，無論啲醬定係串燒。價錢算中等。人均消費：$100-130 lunch …Read More

與友人相約這間潮州菜館，見新開張一陣子都未幫襯過。餐廳需要預先book位，因為平日晚上都比較多人。在OpenRice book左八位，去到嘅時候見到前面有啲空圓枱，所以就問侍應可否轉過去，不過侍應說已經俾人book咗。餐廳的食物都偏貴，本身想嗌多啲潮州海鮮但都$300-400 以上。最後叫咗薑蔥桶蠔，卜卜蜆，芥菜煲，烏頭，蠔餅，蠔仔粥，小炒王，薯仔牛柳粒。食物的質素都高，材料新鮮。特別喜歡個卜卜蜆，都幾大兜，桶蠔大大粒好肥美。差唔多食完嘅時候店員都係咁問我哋使唔使加餸，同嗌糖水，又問使唔使收嘢，收左兩三轉野。來來回回左幾次，似想趕我哋走，但出面冇人等位，仲有空枱。最後我哋食左個幾鐘八點幾就走左。…Read More

呢日出開尖沙咀想食拉麵，所以上網搵左呢間由貝汁拉麵，係話每日新鮮直送60斤大蜆熬製，同埋唔添加味精。入到去唔使排隊就直接坐低，點左兩個招牌貝汁醬油拉麵同貝汁鹽味拉麵，一個小食-涼拌黑松露紋甲墨魚。本身想嗌既磅蟹湯底無得售，可能係季節限定。醬油拉麵 - 味道較濃鹽味拉麵 - 味道清淡相同之處都係有少許黑松露味同鹹香味，但食完唔口渴，真係無味精。墨魚 - 酸酸地幾開胃兩人埋單: $359 人均消費$180 唔算好飽。價錢偏貴，整體評分中上。…Read More

呢個位平時啲餐廳都排晒隊，唯獨是呢間餐廳人龍冇咁長，所以就入咗去試，發現其實質素又唔錯喎。呢度既招牌係燒豚肉，燒得幾香下，不過肉質一時時，有時鞋少少有時又幾滑，油香會滲入啲飯度。跟住就係佢啲海鮮丼飯，幾新鮮。期間限定出咗個鮑魚刺身，同平時食開嘅鮑魚就冇乜分別。係加咗豉油同Wasabi感覺就日式啲。每個餐嗌多$33 就有湯，甜品，茶碗蒸同沙律，好欣賞佢個湯係好濃好多材料。😋兩人食可以share其中一個餐加$33既湯品，都好夠飽。☺️…Read More

食物質素一般，名過其實，牛肉及豬肉也沒太多肉味。價錢偏貴，因想試辣湯及清湯所以轉了鴛鴦鍋，需人頭計$78 再加$88 一枱，但辣湯也不太辣。點的菜不多但人頭費已接近$400。店員的服務好。沒什麼特色，應該不會再光顧。…Read More