小澤亞叔's Profile

朋友介紹, 知道晚上人較多, 所以中午到此一試, 食物真的不錯. .... 咸雞; 豬肚湯; 狗肚魚; 鹵水鵝; 炒麵綫都好, 但價錢相對樓面服務及地方, 試一次就夠. (太氣了, 乜相都無影)…Read More

之前見到食評正面, 剛好在觀塘又想食泰菜, 便前往一試, 到達時晚上6點, 第一枱, 就坐後, , 有如去左紅館山頂位最後個行睇演唱會, 舉極手都無人應,(當時有一位女士在講電話及一位後生女在抺餐具), 足足舉左10分鐘手, 講電話女士才暫停講電話幫我落單, 跟住再講電話,10 分鐘後, 菜到, ....賣相OK, 炸虾餅一般, 串燒樣靚但入口暖嘅, 心唔熟, 乾炒咖哩虾又係樣靚但連暖嘅感覺都無, 虾嘅外皮糊哂, ????? 好似做好左好耐咁 !!重有加支啤酒又係暖嘅真係唔知點講!!!…Read More

本身極度喜歡海南雞飯, 見食評讚好, 路過又唔使等位, 立即一試, 但.........1) 不能用入餐廳心態進餐,  先付款, 後送餐, 同大xx, x心無分別, 地方峽窄, 枱面細小,手掙撞手掙, 全部用即棄餐具, 2) 雞肉滑但韌, 油飯只有椰醬味無香味3) 雞肉底大豆芽殼多過菜, 廚房無整理但只係$5x.00 有位你坐, 無投訴…Read More

經常路過此店, 因口味問題, 從未試過, 今日見到 poster 上吉列豬柳咖哩汁, 不分辣度, 不設碎上, 幾特別, 一於試下. 落單, 10 分鐘後送到, 吉列豬柳熱到燙咀, 極香脆, 可能就係不設碎上原因. 夠細心, 加分. 但....D 飯雖然不是泠飯, 但全無溫度感覺. D 咖哩汁更是凍的, ??? 百思不得其解 ???? 未知是否新食法 . (時間是晚上8 點半, 準備收工?)…Read More

閒遊至鯉景灣, 無所事事口又痕, 見一店面甚光猛, 明亮整潔, 姑且入內一試. 一看餐牌, 價格甚進取, 落單細蓉一碗 ($38), 約7,8 分鐘送上, 白磁碗配底碟, 四粒雲吞在底, 麵一兩口放面, 多湯, 賣相甚好, 兩啖食完, 連湯都飲埋, 雲吞內虾肉及豬肉甚新鮮, 麵非常幼細, 非常滿意. 回到家中都無口渴感覺, 應該不是味精或化學調味湯, 雖然略貴, 會再去.…Read More

兩個老野, 星期六西貢閑逛, 尋找往日足跡.  原想在巷仔食個咖哩虾, 坐低一睇餐牌, 立即離座 ! 百物騰貴, 物價飛漲, 唔好話人貴, 只係自己食唔起. 行下;行下, 見到喱間, 外觀尚見整潔, 未試過, 問下有無位? 經理型物體話冷氣位無, 露天位就有, 費事再搵, 坐低睇餐牌, 只有2, 4, 6, 8, 10 人套餐, 老妻想食蟹, 問價, 奄仔每隻二佰五. 心想, 又入左謀人寺, 唉 ! 既來之, 則安之, 一於 2 人餐算數.唔使 15 分鐘, 上菜, 驚喜開始, 1) 粟米羹, 6 個人都夠食, 粟米夠多(當然係忌廉粟米), 有旦花, 燙咀, 好 !2) 芝士大虾伊麵底, 8 隻虾都有 3 寸長, 身捲埋, 無甩頭, 唔係雪櫃底貨, 好 !!3) 清蒸鮑魚, 淋 , 滑, 唔老, OK !4) 清蒸海上鮮, 黃立倉, 突眼, 有 12,3 両, OK !5) 炒白菜仔, 6 個人都夠食.6) 有橙味嘅橙一個, OK !埋單 2 人餐加一支啤酒, $421.00, 在西貢區晚飯, 價錢合理, 當然不能跟上千蚊大瀨尿虾,海斑比, 但全部食落唔腥, 彈牙, 可見用料並非雪櫃底貨, 2 個人食唔哂, 夫復何求?…Read More