野飲仲唔係汽水，可以簡荔枝汁，巨峰提子汁等等，同平常食肆唔同， 雖然餐牌寫即焗要等十分鐘，但係都好快出到餐，唔洗等好耐，讚！比想像中好味！肉醬味濃，芝士份量岩岩好，飯既份量都好夠，係粒肉丸差左小小
係普通的牛丸， 我仲以為係好似IKEA啲肉丸咁
整個飯都唔錯幾好！而杯野飲大大杯冇呃秤，荔枝味濃！good！最後整間餐廳裝修都唔錯，雖然唔大，但凳坐得好舒服，食完冇咩客人又可以舒服傾計，本次進餐感覺好好！下次會再去！
…Read More
再問佢另一個甜品係咩黎，個侍應竟然唔清楚??!!!??!所以之後轉左做SET 叫「芝麻醬雞絲撈凍烏冬」，朋友叫左「芝士忌廉海鮮焗長通」落單到出餐，總共等左45分鐘有多，大約落完單15分鐘後，出左2杯凍檸茶，好稀冇茶味，之後途中都已經見到其他早到既枱催單已經心知不妙，之後就等左30分鐘先出到哂，出菜超慢!!!!!!!!!!點知食落都OK，我都冇咁火，心入面鋸返小小，但食落出事!!!! :( 朋友個個係焗，面頭D芝士忌廉好好味，但底到係微暖，唔夠熱，但整體味道OK :) 我個個係撈凍烏冬，食落芝麻味重幾香，但雞絲粉粉地我都懷疑係咪唔熟，但朋友話冰鮮雞係咁，咁我就冇懷疑食落去，之後食左大半，比我發現到有碎蛋殼係D野食到?! 即刻呆左!! 唔係佢落左生雞蛋黎做汁下化?!?!?!之後即刻問侍應(變左侍應姐姐，可能輪更掛?)，係咪用左生雞蛋，之後佢即刻話「冇!!冇用生雞蛋呀!」，我再問「咁點解有碎蛋殼係呢到?!?!?」「可能唔小心跌左落去姐!」之後佢同手指幫我撩返係碟邊粒碎蛋殼出黎，當時唔知點解覺得冇野，而家諗返覺得好嘔心!!!!最後食完返屋企，我同我朋友都肚痛 
，大家都係食左呢間野之後一齊肚痛，朋友痾左2次，我自己痾左1次，好明顯呢間野處理食材唔乾淨，煮食溫度未夠熱，導致食完肚痛!!而到夜晚9點零我仲有D唔舒服，下次一定唔會再黎，完全中左伏!!! 食材不潔係一個好嚴重既問題，唔係我都唔會打出黎比大家見到!BTW埋單前十零分鐘，聽到個侍應姐姐自己講，「堆單又係我，落單又係我，出菜又係我，邊做得切呀!」佢自己都承認左係唔夠人手，總括：呢間野好唔掂!!!!!!!!!!!!!!!!!!!!我食完而家一肚火! …Read More
凍既豆花第"鞋鞋"地 冇咩豆味 雖然食個陣預左係比較難食 (因為凍既豆花真係差一層)不過食完個人涼哂 但係下次黎大可不嘗試之後就係凍豆漿(堂食個個)呢個真係好好味依然都係冇渣 飲到盡都係冇渣!應該隔左好多次渣 出面最多隔1/2次就唔隔 因為好哂時間!之後到你飲哂個陣成個口都係豆粒-.- (你有飲過普通野你就知)之後o答真d唔知點解有陣芝麻味!!!!搞到我地個個都好驚喜 唔通呢d叫回甘?! 正!!我諗熱既應該更加濃豆味 不過下次先試啦!咁樣驅使我地走個陣買多左2杯凍既拎走點知一外送就唔同左味 得個甜字 勁失望! :(最後係環境我只會比1分張枱痴立立 地下濕立立 同埋幾焗下坐得唔舒服 食完即想走咁樣2優3劣,但係點解我又會推薦大家黎食呢?因為我覺得撇除環境黎講(深水埗係咁上下)最緊要係受街坊歡迎係我地食野既其間 好多人都黎呢到買一磚磚豆腐返屋企整仲有好多一家大細落黎食返碗豆花即使冇名人推薦 但係深入民心 呢樣先係最緊要再講呢到係老字號 買少見少 黎呢到食我覺得除左食佢既野之外仲係食到傳統香港人情味!所以我覺得好值得叩大家黎呢到試下佢既豆腐花叫支持或者維食都好 都係可以令到呢個咁好既野傳開去!(題外話)呢間鋪都唔知係唔係真係北河街118號-.- 我地搵左成粒鐘都係得117同119 真係見唔到118打去問佢又老點我地 話一出地鐵出口就見到一來我地望極又唔見牌 二黎要行一段小路先到最後都要係咁問人先搵到!! 激死…Read More
等到7分鐘左右我同友人傾談之中問及朱古力脆包係咩因為我好好奇個包係咩樣?點朱古力同點脆法??之後老闆冇啦啦送左我地1人1個朱古力脆包比我地試下原來佢認得友人係熟客仔就好大方咁送左1人1個比我地食!朱古力脆包真係一試上癮!佢個包好鬆軟 但係又脆脆地熱既脆包之後加埋滑一滑既榛子醬!! 正!!因為食得好快冇影到相不過寒冬入面食一個咁熱既包 真係滋味無窮! 必試!我地一路食一路睇全老闆細心幫我地整野食佢係將D豬扒雞扒煎到好均勻豬扒就貼心幫我地起埋骨 等你食落係啖啖肉雞扒就幫我地將燒汁搽到2面均勻 等佢入味D之後等左好耐我個雞扒包終於得啦一啖咬落去 哇好多汁! 雞肉又嫩! 好正!豬扒包個豬肉雖然冇雞扒咁多汁 但係佢入面有洋蔥 所以都有好多野味既汁醬出左黎成個味好夾 豬肉唔會煎到太過乾 熟度岩岩好最讚係佢個包!!!我真係未食過一個雞扒/豬扒包個包係可以好似佢咁 鬆軟中帶點脆 包面個粉粉地既表面整到乾身唔黏牙同埋仲好熱 食落真係好正我覺得呢個真係入長洲必試!仲有 我覺得呢個老闆整既野食唔單止好味仲包含左佢地耐心細心我地去食呢個野唔係淨止食佢個味道 仲食佢既態度雖然我只係試左佢個鋪前面個檔仔 不過已經好過佢對面個間野多多聲(今次經過都冇去食 而且以後都唔會再去食!!!)態度 心思 定味道 我覺得都已經超出左$12呢個價錢 (唔記得有冇記錯~)下次去長洲一定再返黎食! 希望可以KEEP住個手水準! …Read More)不過呢個都唔係重點跟住睇餐牌佢地係好有心機畫同寫 餐牌幾令但係起初唔係好睇得明邊個價錢打邊個 (因為佢分左有手卷套餐同埋就咁手卷)係友人指點下先明明地-0-之後我叫左個蟹柳蟹籽手卷一試下食之後覺得 讚既有紫菜的確好脆! 食落卜卜聲既蟹柳係用左本港買到既日本令蟹柳絕對唔係個D CHEAP CHEAP蟹柳不過其餘都麻麻蟹籽好腥沙津醬唔見得有幾特別 (我諗應該都係市面上買到既個D口味)飯冇咩味只有個蟹柳係令到成日手卷甜哂不過我覺得16蚊價錢真係貴左D講真...自己係屋企包都得啦! (即使紫菜係冇佢咁好)雖然佢係即叫即整手卷但係唔見得有幾令個味道昇華左最多都係暖暖地之後友人又買左個紅豆餅試試我咬左一啖試下雖然我本身唔係好鐘意食紅豆但係呢個味出奇地好甜甜地又唔係咁漏紅豆味又出不過美中不足就係唔係熱嫁囉 只係暖暖地如果下次再黎手卷我就免啦今次係第1次黎試下紅豆餅都可能有機D總括黎講 我覺得都係第1次試下好啦~ 唔洗次次黎食既-0-…Read More
