member_506348's Profile

家母話有朋友介紹呢間，因為平，又唔使搭lift，所以試吓。1.一入到去，覺得有啲熱，以為自己行得急，抖下冇事，點知一路食嘢，一路流汗，最後忍唔住要撥扇，冇誇張，我係熱到成身汗🥵，急急腳食完走。2.人手不足扣分🫣 。開茶、遞點心紙都要不斷舉高手先有人理。3.嘢食方面，叫左蝦餃、蘿蔔糕、粟米魚肚粥、鹹水角。但味道好一般。😓4.唯一值得讚，係價錢實惠(星期日早市)+易有位，不過基於以上原因，應該都唔會再幫襯。😑…Read More

疫情開始，一路keep住幫襯兩餸飯，之前以為執咗好傷心，點知又開返，不過改咗名。見到門面靚左，價錢貴左，一碟碟餸擺得好整齊，但隻碟會唔會太細？排左一陣，心儀嘅餸已經清空曬。第一次，試兩餸飯，因為未知質素如何。點知揀完餸呆左，下?! 得咁少？俾$4x蚊喎，得兩餸，份量仲要咁少? 兒童餐都唔止啦！有啲當你係水魚嘅感覺。講真，味道ok，不過只適合雀仔胃嘅朋友。…Read More

之前食過一次 印象良好啱啱兩點 就試吓佢下午茶 嘩 $45 三餸+油菜+野飲相當抵食!!我叫左炸燒賣, 咖喱魷魚, 陳皮魚蛋, 腐乳通菜, 凍檸茶, 粗麵, 豬骨湯底, 小辣- 炸燒賣推介 又大粒 又好好味👍👍👍👍👍- 腐乳通菜 very good 👍👍👍👍👍- 咖喱魷魚 ok 👍👍👍👍- 陳皮魚蛋 正常 👍👍👍- 凍檸茶隻杯有個smile圖案 好搞笑 另附飲管👍- 要注意小辣 其實都算幾辣🥵下次試佢個炸雲吞😋 店員話可以叫半份 因為怕一個人食唔晒 相當體貼總括: 抵食 味道唔錯 服務一流 值得一試重點: 女職員相當熱情有禮 一個人負責接待, 點餐, 傳茶, 執枱, 收銀, 非常高效, 讚…Read More

叫左個肉燥火腿豬扒飯, 有例湯, 另外叫左杯凍檸茶! $56首先個湯鹹到飛起, 以為師傅一時錯手落多左鹽, 算! 😵‍💫😵‍💫跟住食個飯, 大碟, 望落都正常, 點知一食肉燥, 又係鹹到黐線, 要食返幾啖白飯先好啲! 火腿同豬扒一樣, 落咗幾斤鹽咁! 諗住飲啖凍檸茶解鹹, 點知一浸怪味, 完全唔想再飲落去! 咁多年, 我未試過飲凍檸茶都會出事! 😵‍💫😵‍💫😵‍💫星期六見冇乜人, 唔使排隊等位, 先衝左入去食, 都知唔方好野, 但冇諗過咁差, 應該唔會再有下次!…Read More