GARYXXXX's Profile

今天一行九人去食了，抵食，片皮鴨有水準，配菜齊哂，食到你飽都得呀，我哋同炸子雞無緣，幾次都取唔到，無奈，點心製作認真，蝦餃及燒賣好大隻，腸粉好滑，燒味小食都好有質素，叉燒及鴨下巴好正，但小炒名菜就失望D，特別係脆皮炸鮮奶及窩貼大明蝦，炸得唔好，可能炸到尾油溫唔夠熱，脆漿及麵包吸了較多油，油膩感好重，唔夠乾爽，希望鳳城店方多加留意，好彩佢小炒名菜每份約二人份量，合大家試多幾樣嘢，整體好抵食，當食片皮鴨及點心放題都抵，建議煎炸嘢剪開分享來食，可試多些種類，上菜速度合理，所以千萬不要一次叫齊超多熱嘢，免放涼而變得唔好食，三個鐘夠哂大家慢慢嘆。…Read More

早前用了$148購買的二人套餐團購，但之前的食評完全慘不忍睹,令我食前已經完全無期望，硬著頭皮去訂位，好彩最後都有唔錯的食物下肚，否則就慘慘啦。1）食物 兩碗冬陰公湯：，味道不錯，起碼每碗有一隻中蝦，如多少少香茅味就更理想。泰式併盤：包括春卷、豬頸肉、蝦餅及腸仔，蝦餅、春卷及豬頸肉還可以，但泰式併盤有腸仔就有少少怪，如不跟腸仔，整體效果更好。生菜包豬肉：，味道不錯，只是略淡，但加多少少泰式併盤之醬汁就立即很美味。海南雞販跟油飯：4片幾美味的雞肉，油飯帶暖，整體味道好好。青咖喱牛肉跟白飯：青咖喱味道好好，稀稠度適中，泰式咖喱一定不會好像印度咖喱般稠的，不過牛肉就是一般凍肉啦。甜品就真係有少少不知所謂，唔跟好過啦！反而飲品好好，因可選擇ASAHI啤酒及凍飲。整個套餐，$148算是很不錯啦，如果原價$298就有少少誇張啦。2）環境 :(:(:(:(:(根本不是一般用膳的餐廳，而是一間飲酒玩飛鏢的酒吧，當日晚上七點過後，很多飲酒玩飛鏢的人已開始抽煙，整個廳堂充滿煙霧，全場好像不禁煙的，(香港不是己嚴禁店內抽煙嗎！) ，而且開始非常吵鬧，好彩店方盡量安排用膳客戶坐在其中一方，盡量避開煙霧及嘈吵，而且好彩我六點幾開始用膳而可以避開煙霧。…Read More

第一次團購日式放題, 好彩無失拖.刺身夠新鮮, 又切得適中, 唔會太薄,壽司口感幾好, 唔會太硬或太軟.燒物都唔錯, 可能當日午市唔係滿座,所以所有食物都有中上水準.炸物都唔差.總括來說, 今次$120可算超值呀.…Read More

3點後$38全包打1.5小時邊爐真係好鬼抵, 雖然佢唔係什麼高級食材, 但起碼食得你好飽及質素都唔係差先啦, 普通去茶餐廳食個下午茶餐都差不多要$25啦! 而且食飽這個下午茶, 你一定飽到晚餐都可以唔食啦!! 不過我覺得當佢係任食麵餐可能更適合. 湯底只得清湯, 肥牛及蝦是一人一份, 無得加添, 菜種類算多, 而且算新鮮,丸都有幾種, 但味道一般,肉類就唔多啦, 最多有豬皮牛柏葉及雞肉片, 魚肉就好快已沽清!!而且有幾種麵選擇, 如包裝出前一丁, 烏東, 日式拉麵.另有多種混醬自由選擇, 而且有幾種汽水飲品任飲!!總括來說, 算抵食, 當日現場都有很多學生哥放學後來開餐, 氣氛都幾熱鬧, 不過不要期望有很好的服務, 因HIPOT有少少走快餐廳型式去運作的.…Read More

一向都有光顧本餐廳，但多數都在餐廳的非繁忙時段(下午2時後...)自從知道有下午茶餐之後..昨日在下午茶時間一試佢o地o既下午茶...食完下午茶後睇o左佢o地o既聖誕大餐menu(有湯，沙律，主菜，甜品及餐飲)...決定再支持支持 ！！有三個主菜可選擇：西冷排或肉眼排或羊排拼龍脷柳我叫左肉眼，我友友叫左羊+龍脷柳蘑菇湯：蘑菇味可以再濃o的..另外如果熱番少少會好o的...可能係人客太多關係...煙三文魚沙律：味道OK...沙律汁味道配搭得好....肉眼排：好有牛肉味，但有半部份略為過熟，配菜近似中菜o既泠盤，薯蓉味道都OK..如果稠化一點會仲好食...羊排拼龍脷柳：羊排好味．．這裏的羊排水準一向好好．龍脷柳都炸得脆．不過個汁唔係太配．如果配成其他濃味少少o既汁可以會好一點芝士餅：味道一般．．可能係跟老闆熟落o既關係，當晚送o左一杯紅酒俾我o地(多謝老闆！！)坐係我o地旁邊o個枱熟客都有份係呢個區．．收呢個價錢．．．有呢個水準o既餐廳．．當然係好好好啦！！…Read More

見有$50 折扣優惠劵, 咁咪去試試啦,不過原來要叫原價餐才有用, 而且係每累積滿$100就可以用一張.服務大致上可以接受, 雖然有新人, 但佢地肯問清楚才回應有關使用優惠劵的問題,服務及學習態度算好好, 其他員工都算唔錯.而食物方面就算合格啦, 起碼有份量, 而且最緊要無好強烈的鬆肉粉味,我覺得已很好, 不過如果食牛, 一定最多只可要7成熟,因到上碟已變了接近全熟, 而跟餐的餐包就出奇到熱及脆...美味.最差可算係個蕃茄汁青口(單獨叫, 要成$68)太熟啦, 不過個蕃茄汁就好美味, 但跟青口的法包就太差啦, 其實原本很脆及很好的,但因切口太淺, 根本很難分開.總括來說, 2個套餐加個青口, 折扣後 $155, 都幾抵食啦.…Read More

上星期日, 一行5人去完海防博物館,路過入去食了魚蛋河, 牛腩河, 清湯腩撈粗, 西多士及牛油多士,其實食物算普通水準, 不是什麼特別出色,但當日粗麵太多"梘水", 好難入口 madmad(希望係當日麵廠生產出了問題啦)最氣頂係最後埋單, 樓面阿姐多多說話 .. huffy"食咁少東西, 用咁多碗!!", 聽完真係俾佢吹脹!! huffyhuffy埋單都成百蚊, 人均消費都成 $20...咁都算少呀????幾時有 minimum charges 最低消費呀????咁差的服務, 下次唔使人去食啦!!! huffyhuffy…Read More

濃湯魚翅 ($48) 好濃的雞湯味, 正! 酬打邊爐材料新鮮, 份量都多, 價錢公道.今次我就叫了一個海觧拼盤 ($98)及加多5碟 ($22-$32).上次食過 招牌手切牛頸脊 ... 好好味, 好過出面出名的€肥牛.最後個粥鍋一定唔可以錯過, 太鮮味! 免茶芥及加一, 慳好多好多呀.3個人食都係 $410 .. 抵食!…Read More