WinnieYeung33's Profile

親子友善餐廳推薦✨超級爆場 而且親子友善嘅串燒店話說媽媽想食燒烤野好耐 但無奈冇勇氣帶2個bb去慢慢一齊燒l 所以果斷揀咗串燒店 貪佢快靚正😌我哋6點幾入座 當時只有零星幾枱客人 點知7點鐘已經望落全場坐滿我哋叫咗超級多嘢最推薦海鮮類🦪紅蔥油蒜蓉粉絲燒元貝 好鮮甜又大隻蒜蓉燒生蠔 都幾好食 非常juicy😋味淋魚干🐟爸爸媽媽都超級鍾意蒜蓉茄子🍆好大條 有2種口味 我哋點咗川燒 有點偏辣 唔想太辣可以試另一種口味🤤牛油芝士蒜蓉焗雜菇🍄‍🟫超級大份鰻魚炒飯🍚望落細碗 實際好大碗又好飽。。。另外仲有好多串燒 唔仔細盡錄另外一提就係Sapporo有買一送一🈹伴串燒一流 岩晒酒鬼爸爸🍻呢間串燒店有提供至少2款兒童highchair 有需要使用就可以睇下邊款更適合小朋友店員們對小朋友都超友善 而且服務超好真係值得比足: ⭐️⭐️⭐️⭐️⭐️…Read More

今晚約咗老友來咗呢 間傳說中「食蟹聖地」，未開動已經滿心期待 —— 畢竟能在香港屹立多年的老店，總有幾道鎮店之寶收服到食客個胃。🍤 第一擊必屬「喜記避風塘炒辣蟹」！蟹殼早已拍開方便入味，蟹肉飽滿得快要爆出來。蟹肉混著辣椒與蒜粒的焦香，鮮甜彈牙，辣度剛好。朋友話呢碟辣蟹嘅靈魂在於「鑊氣夠重」，確實每口都吃到鑊邊炒出來的焦香，配埋凍啤酒簡直絕配！🦐 接著登場的「椒鹽特大瀨尿蝦」簡直是巨無霸級別！手掌長的瀨尿蝦被剖開一半，椒鹽均勻裹住粉紅蝦身，剝殼時已經聞到濃郁的胡椒香。蝦肉紮實，椒鹽嘅鹹香滲嗮入肉。🐚 冷盤「醉鮑魚」則是另一種風味極致。還未入口先聞到濃郁酒香。咬下去軟中帶韌，鮑魚本身的鮮甜被酒味激發出來，尾韻帶點微甜~🍝 最後壓軸的「避風塘炒牛河」看似平凡，卻最考廚師功夫。牛肉片嫩而不韌，配埋蒜蓉與辣椒碎，簡單又好味。朋友話以前覺得避風塘醬料只配海鮮，原來用來炒牛河更顯層次，鹹香中帶點脆口。🌙 見到牆上貼滿名人合照與報章剪報，確信有些味道之所以能成為經典，除咗食材新鮮，更在於多年堅持的鑊氣與心意。下次再來，大概會帶著父母來試試，讓他們也回味一下這份屬於香港的「鑊氣記憶」吧～ 🦀✨…Read More

近排成日周圍搵好嘢食，就想搵啲特別嘅味道嚟刺激下味蕾。經朋友介紹，去咗呢間聽講好有特色嘅餐廳🤩🤩炭燒加拿大翡翠螺及帶子🐚🦪呢道菜一端上檯，已經吸引曬我哋目光。螺肉保留住本身嘅鮮甜，咬落去口感煙韌有嚼勁。而帶子就煎得金黃誘人，外層香脆內裡嫩滑，每啖都充滿住大海嘅鮮味👍👍龍蝦濃湯🦞🦞呢個龍蝦濃湯真係超級濃郁！湯底呈深黃色，一啖落肚，濃厚嘅龍蝦味充滿整個口腔，湯入面仲有細細粒嘅龍蝦肉好有驚喜，食落好有口感，飲完一碗，感覺整個人都暖笠笠。安格斯牛肉芝士漢堡配薯條🍔🍟厚實的安格斯牛肉扒，據聽係選用上等牛肉，經過熟成處理以高溫快速煎烤，外層焦香酥脆，鎖住裡面豐富肉汁。搭配嘅薯條亦都炸得好酥脆，鹹淡適中根本停唔到口。珍藏赤霞珠梅洛紅酒🍷餐廳推介嘅呢款珍藏赤霞珠梅洛紅酒同以上嘅美食簡直係絕配🤩紅酒嘅色澤深紅誘人，入口時酒嘅口感醇厚、丹寧柔和，同牛肉嘅油膩感中和得好完美，飲一啖紅酒，再嚟一啖食物真係非常enjoy😆😆…Read More

點解呢個playhouse好似怪怪地。。。原來佢響餐廳入面架！今次係親子餐廳好介紹😍有小朋友嘅家長有福了💕呢間火鍋店竟然有個大廚房遊樂區可以俾小朋友旁邊就有2張卡位俾大人專心食嘢我哋今次二拖二去 體驗都幾好 起碼父母有機會解放雙手食嘢講翻食咗乜有機蕃茄薯仔鮮牛鍋 湯底鮮甜濃郁得黎又適合小朋友 配稻庭鳥冬簡直一流用冰盆上嘅正脆鯇魚腩🐟火鍋竹串蝦🦐新鮮魚卜霜降肥牛肉🐮好好食😋絕對係必點 牛味香濃 而且肉質軟腍油香馥郁鬆脆響鈴 手打四寶丸有機蔬菜可以雙拼 我哋揀咗娃娃菜 皇帝菜小食: 酥炸蝦餅 Vinson超鍾意食整體都推介俾一家大小去食！無論playzone area/食物衛生都滿意的📍九龍城瀛鍋…Read More

夜晚收工，同事拖實我衝上尖沙咀「試吓呢間開咗成半個世紀嘅喜記，你成日話無好餸！」😎一入到來已經聞到陣陣镬氣夾住蒜香撲面，牆上滿滿嘅明星合照同老字號牌照，即刻覺得呢度唔單止係食飯咁簡單。避風塘炒辣蟹比我平時見到嘅都要大隻！ 蟹肉吸滿咗辣椒、蒜嘅焦香，辣得通透卻唔鎖喉反而越食越上癮，每啖都食得出廚師嘅功力👍。豉椒炒蜆每粒蜆肉都厚身飽滿，豆豉香濃。最驚喜係金銀蛋時蔬🥬，皮蛋同蛋白蓉鋪成金黃銀白嘅，青菜食落好新鮮，食完前面啲重口味嘢最啱來翻啲菜中和下。黑椒牛仔粒煎到外焦內嫩，表面金黃得好誘人，切開嚟，中間粉嫩粉嫩嘅。原隻蠔皇扣鮮鮑魚夠曬「溏心」，咬落去彈牙又有口感，鮑汁撈飯我可以食三碗。呢個年代，連快餐都講求快速迭代，但總有啲味道，寧願慢火細熬，等時間話俾你知：真正嘅經典，從來唔需要趕住潮流💖…Read More

服務差過茶餐廳，衛生都一般。一入座，我哋表示唔太想3大1B一字排開咁坐。阿姐表示: 係咁架啦。然後枱面有3張點餐紙，我哋落咗1個order先，點知阿姐好差語氣話: 你哋4個人食一碗麵！？冇禮貌到咁，我哋都真係火都黎埋。我真係未試過日式食麵餐廳，係要1張點餐紙落晒食乜。如果係要一次過點餐，咁就唔好放3張點餐紙啦。好景不常，我點果碗烏冬又有發現異物，係發泡膠粒一講比阿姐知，就二話不說話幫我換，咁知咩事啦。…Read More

襯今日去咗大世北，一於試下最近好多人推介嘅元朗平民飯堂 天龍咖哩我哋2個人總共叫左2個主食 2個小食 2杯飲品後來發現其實可以叫少啲，因為真係好夠飽但樣樣都好食，真係有啲難揀主食咖哩牛仔骨飯 咖哩吉列豬扒飯: 咖哩份量好多，會係分開用碗上，入面會有薯仔粒，真材實料！因為係港式咖哩，所以要有心理準備係會有少少辣我大推吉列豬扒，炸得好鬆脆，皮又薄，啖啖肉，基本上係可以直接用吉列豬扒餸飯，唔使用咖喱汁小食唐揚魷魚鬚: 炸物真係好出色，味道都好食，強烈建議大家一定要揀至少1款炸物食孜然羊架: 唔會太重騷味，而且肉好鬆軟，唔會澀野飲方面都有好多選擇，尤其特飲及時令飲品，總有一款岩飲整體食物都比想像中好食，大推大家去試！…Read More

預祝爸爸生日飯🎂揀一間親子友善餐廳真係唔容易 💁🏻‍♂️今次經朋友介紹 加上爸爸媽媽好耐以前都有去過其他分店撐過枱腳 印象都好食 所以就一於挑戰一家四口去呢間餐廳Dinner @homeland.kitchen 一開始冇為意呢個餐廳名 後來食完就發現呢間餐廳真係好有家的感覺店員超級Helpful 又會間唔中同2個BB互動黎呢度食飯 千祈記得要加$35安排甜品寫字畫碟🎨可以訂位時提前同店員講聲想寫嘅字 甚至畫嘅公仔！真係畫得好逼真細緻架而且仲會送張即影即有 儀式感滿滿💕講翻食咗乜松露牛肝菌雞肉芝士薄餅 | 北海道帶子海膽意大利燉飯｜ 滋味小食拼盤 | 黑松露牛肝菌蘑菇湯兒童餐(肉醬意粉)挑食大王PakYin表示蘑菇湯 risotto 炸雞薯條🍟 pizza🍕 佢都鍾意食簡單來講 就係全部都好食🤤我哋一家四口都好滿意👍🏻記得想食要訂位💁🏻‍♂️餐廳好多枱 但一到8點就Full到嚇親大家@homeland 荃灣廣場分店📍荃灣大壩街4-30號荃灣廣場B1樓B109-B110號舖…Read More

好耐冇食東南亞野食喇，今次同老公揀左呢間響太子嘅蘇山雞飯就算平日，呢間餐廳都keep住係滿座，可想而知質素應該都唔錯我哋叫咗海南雞飯 配湯 雞肉夠嫩及鮮 唔會乾爭爭 配埋個油飯真係一流咖哩牛腩飯 牛腩肥瘦適中 而且有牛筋搭配 誠意滿滿之後再用加配優惠價加左份咖央 超級有誠意 牛油好厚 多士有烘底 我覺得係必食另外點了2杯特飲菠蘿冰 原個真係會成個菠蘿上 超級震撼 味道都幾好 打卡一流開心果椰子奶昔 飲落都重椰子味 有開心果配搭就唔怕單調 …Read More

老公今日響馬鞍山收工，見時候唔早，就決定買外賣番屋企食。揀咗呢間評價唔錯的，的確回頭率高我地叫左五味炸雞 $239 超級飽肚，有5種口味，勁有誠意，每隻都好食。最重要係拎到返屋企唔會淋晒唔好食煙熏五花腩 $158 有配菜及醬料，可以好似生菜包咁食，食落都好fresh又惹味清燉牛肋骨湯 跟飯 $88 配飲品一罐及醃蘿蔔前菜 呢個口味會清d，但始終其他野食都重味，用嚟中和一下或者濕下個口都幾好韓式年糕 夠味最後我哋2個都食唔晒，炸雞同五花腩都留左第二日加餸，不過依然好食！…Read More

今日去開黃埔搵朋友，就睇下附近有乜好嘢食揀咗呢間評價幾高，而且環境唔錯嘅餐廳，好適合同朋友傾吓偈我地2個人叫左: 避風塘香辣軟殼蟹意粉: 唔係好多西餐廳有呢種口味。味道特別兼出色惹味，包保食過翻尋味。軟殼蟹好食亦夠脆口香煎帶子•紫蘇葉明太子醬意粉: 帶子熟度適中，口感都好好棉花糖糯米皮提拉米蘇: 好大份 味道都唔錯 超級滿足飯品就點了NIKSEN 咖啡組合（濃縮咖啡&短笛）: 打卡、味道都一流洛神花樣: 好清甜，而且可以refill熱水，飲多啲都唔怕…Read More

上次食過大埔果間，覺得幾正，今次就帶朋友食旺角呢間。一如既往，都係咁爆場我哋今次都係揀左養生蟲草花雞煲前菜有刺身、凍蟹、翡翠螺雞煲嘅可以添加，不過我哋冇添加了，因為本身個份量都好夠2個人比較細心嘅係轉火鍋會收走舊鍋，然後可以揀另一個湯底，我地揀咗豬骨牛尾鍋，好鮮甜又入味，都唔使點醬料海鮮拼盤都係好豐富，有六款海鮮，都係好新鮮，啲蝦都仲識郁火鍋配料選擇都好多，旺角分店可以出去自助區夾，有得自己揀基本上都食到好飽。牛肉有2種，各有千秋，絕對係必點！除咗以上講嘅之外，另外仲有炸物可以，今次就冇炸雞翼，不過其他都唔錯 飲品都有好多選擇，啱晒唔同口味嘅人最後食完可以出去揀枝雪條，口味都多而特別，算係為整個晚餐畫上完美句號#hkfoodie #852food #hkfood #foodie #hkblog #美食…Read More

聽朋友介紹土瓜環新開左間好食又抵食嘅車仔麵，一於咁岩經過就去試下整體味道一流，餸嘅選擇都好多我地叫左2碗米線一碗車仔麵: 雞翼、豬腩肉、肥牛豬腩肉必食，無論味道口感都好好一碗大什麵: 有6個餸，但因為冇晒冬菇，職員比我哋選另一個餸補差價就ok。我哋選咗舖頭另一名物-豬潤，果然冇介紹錯2碗麵嘅份量都好足，餸都唔係少，非常有誠意小食就選了鹽酥雞，份量都係多，而且口感味道都好好飲品方面都有好多選擇叫左一杯熱好立克、咸檸七整體都唔錯，味道幾好、坐得舒服、職員又幾nice…Read More

今次去咗一間叫yakiniku kakura嘅燒肉餐廳，整體上感覺好唔錯。我地嗌咗一份黑毛和牛西冷，個肉質鮮嫩多汁，每啖都帶有濃郁嘅牛肉味，真係好好食。另外，我地仲試咗餐牌上一個叫做「樁」嘅套餐，入面有好多精選嘅和牛肉種類，包括赤身、腹柳小排、牛舌同雞腿。每一款都烹調得剛剛好，肉質鮮嫩，入口即化。特別係和牛赤身，質感彈牙，肉汁豐富，真係令人回味無窮。除咗肉類，我地仲點咗一份豆腐前菜同冷麵。豆腐前菜清爽可口，豆腐嫩滑，配搭紫菜，非常開胃。冷麵爽口涼爽，麵條彈牙，配上醬汁更加美味。最後，我地仲享受到一個美味嘅甜品。甜品份量適中，甜而不膩，完美為整餐劃上句號。整體而言，「yakiniku kakura」係一間值得一試嘅燒肉餐廳。佢嘅肉質鮮美，配搭豐富，服務亦好友善。下次再去食飯嘅話，我一定會再去呢度。…Read More

估唔到大埔呢間火鍋雞煲又幾正，而且超級爆場，就算佢有兩層，我哋眼見都基本上爆晒棚我哋叫咗絕對新鮮海鮮雞煲套餐，選了養生蟲草花雞煲首先嚟嘅係錢財，好惹味，開胃一流雞嘅份量好多，而且肉好嫩、配料都好足。雞可以無限添加，不過我哋冇添加了，因為本身個份量都好充足海鮮拼盤有六款海鮮，有貝類、蝦、扇貝、龍躉片。。。全部都好新鮮又好甜，啲蝦都仲識得郁火鍋配料方面，選擇都好多，基本上都食到好飽。牛肉絕對係必點！除咗以上講嘅之外，另外仲有炸物可以叫，炸雞翼我覺得都係必點飲品都有好多選擇，啱晒唔同口味嘅人最後食完每人仲有支雪條，好fresh，算係為整個晚餐畫上完美句號…Read More