Slime's Profile

同朋友午敍, 選了環境不錯的cafe希望可以悠閑地食飯, 結果是個錯誤決定 :( 我點了牛肉漢堡餐, 找了坐位不久就送上餐了粟米是冷的, 沒什麽味道, 有些粟米切口是黑色的漢堡偏細, 整個包只是暖的, 牛肉不夠多汁, 但以價錢來說漢堡只是勉強水準最令人失望的是cafe的服務質素當時cafe下午茶時段, 入座率很低, 坐了不滿一小時就被職員騷擾:(飲品還沒喝完, 連問一聲都沒有就擅自取走, 告訴他後就一聲不發就放下飲品就走了, 一句抱歉也沒有！客人還在座位時, 連不好意思一句也沒有就擅自將枱上餐具和調味料刻意當面調來調去！掃手機時, 我們沒有發出任何聲音影響別人, 令人憤怒的是二男一女侍應居然背後指明說客人壞話, 罵人家玩手機遊戲, 偷看他人手機不得止, 還干涉別人, ！我們坐了不足一小時, 當時又很少客, 作為一間cafe竟然用如此低莊手段迫走客人, 實在可怕 …Read More

前幾日去過呢間, 幾喜歡呢度大大個田園法包 , 夠清新唔油, 幾好味見到有完整嘅包仲暖暖地咁, 諗住買返去做午餐呢度d服務真係見過嘅麵包店中最差, 次次見親都黑口黑面今次收銀時眼超超,求其幫你切個包切幾下就算, 片片忽大忽細, 切口斜埋一面又唔整齊, 唔通想倒自己米?真係浪費麵包師傅原本焗得咁靚 :(…Read More

老老實實, 呢間野如果唔係開係登打士街嘅話真係搵鬼幫襯!前幾日去試左呢間yoppi 嘅中size, 我好鍾意糯米糍所以咪同佢講toppings要糯米糍, 點知佢話啱啱賣曬,咁我望下個牌, 諗左3~4秒要轉咩toppings炸, 落order果位即刻黑曬口面! 都成十點啦, 又無咩人排隊買, 好阻住你咩!? 嫌人地要諗又唔早d貼番倘牌話賣曬, 仲要人地睇你面色!?等左幾分鐘之後, 杯乳酪到左, 但就咁放係櫃位我估呢杯應該係我嘅, 但d員工又無叫人話可以拎, 連四處望下客人都無, 一碌木咁企係杯乳酪旁邊唔做乜, 要人主動去問 :(一拎起杯乳酪係知唔妥! 我尋日先食完Crumbs, Crumbs果杯好重手下, 但yoppi 呢杯明顯輕好多食左幾啖就知原因啦, 原來裡面空心嘅! 仲要係個巨窿!!! 唉...好心唔好當d客係傻架la, toppings又少, 乳酪又輕又空心 :(今日比較熱, 外層好快就溶左, 無咩口惑有圖有真相!味道係酸酸地, 但好明顯好稀, 好似食緊m記新地咁, 連ok雪糕都比唔上雀巢原味乳酪仲好食過佢好後悔浪費左$28蚊, 毫無滿足感 :(…Read More

今日路過呢頭, 見到"高登"兩隻字就走去試下係冬天食剛炸起熱呼呼的炸雞真係特別好食 :)份量夠, 個皮夠脆, 雞肉ok,好過成日食煎釀三寶, 而且又平過KFC,口痕食下唔錯P.S. 雖然logo隻雞好楚楚可憐咁, 但好有喜感…Read More

同隔離枱明明食同一個魚生飯定食人地有前菜、湯同飯, 我就只有飯, 咁咪問個女侍應,佢話: 你個餐無架喎我: menu上面話有包前菜同湯架, 隔離枱都...(但女侍應無聽完就走左呢d係咩態度之前搵個男侍應要menu, 上面明明有寫有前菜同湯, 同男侍應講返, 佢都俾返我食完個飯, 侍應都收埋d碗碗碟碟, 仲問我係咪埋單, 我明明見到到隔離枱有雪米滋架喎,又要問一輪先有得食我同隔離枱都係俾咁多錢, 做咩下下都要問一輪先有得食, 咁差嘅服務, d野有幾好食都無用:(…Read More

行過見到呢個鋪位又換左間新鋪, 一於試下~:)呢間茶餐廳早市有得食粥同茶餐廳早餐, 下午又有粉麵飯, 下午茶特價仲抵朝早食個艇仔粥+炒麵, 同普通粥鋪差唔多, 但價錢都係14蚊咋 鋪位細細, 但煮野嘅阿叔幾親切, 食完碗粥, 充完電又再開工…Read More

從未開始供應任食前來過, 果時覺得ok, 點知上個星期六去食LUCH, 先知道原來明將只是大boss, 呢間係隱藏boss! !一入到去, 侍應愛理不理, 算...叫左個雜錦魚生飯+魚翅湯 $38order之後隔左幾個字d食物都未嚟, 突然間侍應俾左杯唔熱又淡嘅茶俾我:(又等左一陣, 魚翅湯出現! 以前飲過係似碗仔翅咁, 點知今次飲一啖就好鹹! 為肝臟著想, 直接pass掉!又再等左一陣, 雜錦魚生飯終於出現!!! 常言道最後出現的當然是大魔王!雜錦魚生飯上有:挺多蟹籽、四/五片大大片魷魚、兩件小蝦毛甜蝦、兩片超薄切的螺片/墨魚 (?唔記得)、兩片三文魚、兩粒塞牙縫都唔夠嘅三文魚粒。d魚生全部都有陣難以形容嘅怪味又唔新鮮, 魷魚脆過薯片, 唯一ok的是蟹籽:(魚生只是魔王的普通技, 憑著對魚生的厚愛擋下, 誰料到平平無奇的白飯才是魔王的大絕! 食左一口....我從來沒有在任何一間餐廳食過有酸"縮"味嘅一舊舊隔飯冷飯!!!!飯一d都唔香軟, 倒鼓油都掩蓋唔到果陣酸"縮"味,一d飯似沙, 一d就似湯圓咁大的一舊舊軟飯, 明顯係無整熱過咁,正常人煮飯都唔會煮成咁, 好明顯係隔飯嘅!! (嗱~我覺得咁諗已經算好正面o架啦, 唔好話俾我聽係二手....)左挑右挑都搵唔到d可以擺入口嘅, 食左有事就唔好啦, 唯有唔食, 埋單走人。之前等候食物期間, 見到牆上貼著任食嘅人唔好浪費食物, 否則原價計算。我呢個食lunch嘅都唔知係算好彩定唔好彩,如果任食俾呢種質素嘅食物俾我, 已經夠慘, 仲要迫人食埋佢就真係慘無人道。廁所寫著維修, 無緣見到下面食評的景象。即使是明將, 他們也算是有企業良心, 他們的飯至少是可以入口的! 試問給這種質素的垃圾給客人, 良心何在?…Read More

16/06 果日行過見到係馬會隔離, 以前羽壽司嘅位, 開左新鋪"禾稻壽司", 一於去試下!叫左個魚生飯lunch set : 前菜(海帶) + 有3件壽司 + 魚生飯 + 味噌湯前菜和味噌湯 ok令人驚喜的是壽司和魚生飯的魚生都很新鮮肥美! 魚生飯的飯量較少但魚生份量較多, 而且有粒粒晶瑩剔透的三文魚子!! \ (^_^ )/飯裡混入香口煎蛋(?)的粒粒, 令飯中帶甜可惜的是飯底粉紅色的甜絲跟煎蛋和魚生鼓油再加上三文魚子配起來實在太甜了orz雖然是櫻花魚生飯, 但若果減少飯底粉紅色的甜絲份量的話會比較平衡侍應很親切, 斟茶遞水都好主動勤快, 抵讚!畢竟是新開張, 希望可以一路保持落去!總結:好食又食得舒服, 值得推薦。…Read More