很能吃王子的個人專頁

今日晏左少少收工，所以就同同事一齊撐枱腳，食埋個晚餐先番屋企！同事尼講，唔需要太有情調🤣所以就揀左呢間小店。一人套餐都有成11個選擇。我地揀左「泰式青咖哩配豬頸肉」同埋「原個菠蘿海鮮炒飯」。店員先送上餐湯🥣冬瓜大大件，湯頗清甜，不錯。套餐配有小食，我地揀左「泰式酸辣鳳爪」和「香茅雞翼」。鳳爪好食！夠凍夠爽，酸辣味適中，非常開胃！雞翼同同事一人一隻，過下癮咁啦！主菜來了，豬頸肉好多，肉質爽，咬口十足。青咖哩香濃唔辣，撈飯食好滋味！🍍菠蘿炒飯用了心心碟來代替菠蘿殼，好搞笑，雖然有小小失望，不過誠意答夠！😆 飯粒炒得乾身惹味，青口大隻飽滿，整體都不錯。套餐配飲品，我地各自加左6蚊配泰式特飲椰汁冰同埋青檸梳打。最後最後，就是送甜品！入面有煙韌西米及香芋粒，味道香甜清新！價錢$88-$118, 中環區尼講，晚餐有齊湯、小食、主菜、飲品、甜品，都幾抵食！…查看更多

無得出街禁耐，出去就梗係揀間注重衛生既。「為食仔」門口感覺都做得好足，探熱捽手唔少得之外，仲有提供密實袋比我哋袋起口罩，窩心！♥️😷入到去兩邊台同台之間隔條河禁遠😂 用即棄碗筷，而且提醒我哋食物到才除口罩👍🏻招牌卜卜蜆鍋蜆睇落都好大隻，份量都夠多，兩個人食絕對滿足！湯料有濃郁蒜味，而大蜆完全無沙，一隻都無👍🏻 蜆肉含多種礦物，有美肌效果，食多d都唔怕肥！另外大推「吊龍伴」，是店員推介的，而我完全不知道是屬於牛的哪一個部位😂😂但食落有牛肉香之餘，更有爽爽的口感，唔會韌，好好食！「手打蟹子墨魚滑」爽甜，一啖一粒好快就食哂了😟之後我地仲試左個水煮魚鍋二人份量剛好！一開蓋就見到滿滿的魚肉！魚肉非常嫩滑入味，食埋索滿濃湯的薯粉，麻辣味湧上味蕾，有驚喜！哩段期間，都想幫襯下小店，希望大家都捱過逆境，香港人加油！💪🏻💪🏻💪🏻…查看更多

前幾日睇電視見秋生哥食羊肉食得津津有味，搞到我又鬼禁想食😆諗到去工廈食西餐感覺比較實惠，一搵之下見到哩間都幾多好評，咁就去覓下食啦！坐低環境都唔錯。店員馬上遞上餐包🍞溫暖餐色、餅乾條配上細滑的黑松露牛油🧈，是一個好開始。揀了個set dinner，先係鮮蝦牛油果他他🥑非常之清新，除了表面看到的3隻大蝦，清香的牛油果蓉內更收埋了不少的蝦肉，好食。另外加了一份水牛雞翼🍖份量比想像的多，調味也很出色，酸酸辣辣的，雞翼亦很厚肉，不錯。主菜是期待已久的炭燒澳洲羊𩣑🥩睇到肉汁不斷流水尼，入口首先聞到微微的炭燒焦香味！它的羊羶味不算太重，肉質非常嫩滑，連同少少脂肪，很滋味。甜品方面，是鮮果Air yogurt🍨 這個超有驚喜！驟眼看像忌廉一樣，但食落卻是鮮乳酪，質地好soft，感覺好輕盈。配上清甜的雜果，簡直想encore!…查看更多

日日焗住個口罩，真係好耐無好好咁鬆一鬆。今晚揀左告士打道一間吧，貪嗰頭唔算太多人，可以慢慢坐低食下飯。入到嚟發現有生蠔食🦪正呀！好耐無食喇！！即刻整番半打，分別揀咗日本，美國同西班牙。先食日本Shimonoseki No.1 🇯🇵日本蠔肥大肉厚，爽口清身，夠哂滿足感♥️之後食美國yellow gem 🇺🇸 Size相對細小小，不過入口清新滑溜～最後試比較少食的西班牙蠔🇪🇸哩隻係最新鮮和size最大篤下群邊仲有反應！哩款蠔海水味強烈，蠔既甘甜味十足，十分有驚喜！其次叫咗炸薯條🍟同炸雞翼🍗過下口癮。配左黑松露醬，香脆可口。雞翼嫩口，亦不錯。填飽肚食物叫左乾蒜炒意粉🍝意粉口感煙韌，用上簡單的配料如紅椒已炒得微辣惹味。整體食物都不錯，如果無渣車，過嚟飲2杯傾下計也是推介的👍🏻…查看更多

都好耐無食過放題喇, 原來依家已經進化到成十幾張點菜紙，坐低當然唔使諗即刻點大量魚生啦。最鍾意食蝦, 所以都點左大赤蝦, 仲有甜蝦添全部都好有鮮味, 以放題黎講, 絕對超抵食仲有厚切三文魚, 師傅絕不沽寒, 大大舊, 有野咬仲點左榮螺，幾爽口。係落完order 之後, 有得出去自助拎野食，我地當然唔執輸啦, 拎左炸薯格, 仲有鮮炸魚皮，螺肉, 蝦片, 炸尤魚圈，葡撻，甜品，湯, etc..都好多種類，有左自助之後, 就唔使浪費時間等佢送食物黎，就已經可以食等o(^▽^)o蕃薯仔天婦羅兩樣至愛合拼埋一齊，外層脆既甜蕃薯粒，甜甜地食落好過癮！燒物不得不提燒菠蘿啦, 好Juicy, 又夠甜，都好厚好大件，若然佢可以加埋焦糖係面, 咁就更正！燒鰻魚果然係必食推介，啖啖鰻魚肉，無骨，鰻魚汁香濃，份量亦唔少。最後仲有我最愛既雞亦啦, 芝麻雞亦好好食新鮮即炸, 絕不是反叮果d, 鍾意食雞亦既朋友記得點黎食。久唔久尼食下放題，咩都可以食d都真係幾爽！…查看更多

今年提早一日慶祝情人節♥️男伴提議去藍塘傲一間西餐廳，地鐵站行去5分鐘左右就到喇！餐廳裝修有格調，座位闊落，粉色和木材的配搭都好浪漫～🌹店員先送上每日店內新鮮做的手工麵包-『抹茶紅豆包』䁔暖的麵包永遠都係最好食！麵包本身不太甜，和淡淡的抹茶味令紅豆本身的味甜味更出，包皮上有好像菠蘿包的脆脆質感！大讚！『蜜糖雞鎚花』🍗『鹽巴香葱青口』『蟹肉荷蘭野菌濃湯』🥣又一驚喜！一梳梳蟹肉，咬落質在，份量極多！而野菌湯味道香濃又唔稀，配上法包，轉眼就成碗KO哂！到了主菜方面『芝心露荀烤雞卷』雞肉煮得嫩滑，芝士不是太多，配菜新鮮juicy！『黑松露蝦肉鵝肝飯』每粒飯都沾滿了黑松露醬，黑松露愛好者感到好滿意，而且用上粒粒飽滿的日本米，好好咬口。最後兩杯飲品是『Affogato 』杯邊沾滿糖，混埋微苦的咖啡，隨着雪糕慢慢融化，奶香更濃，質地更綿密。『Cream Burlee Cappuccino 』感覺很有趣，首先傳來淡淡的焦糖燉蛋味，然後是咖啡香，兩者味道很夾，出奇地好味道！…查看更多

嚟到唔只係飲咖啡，原來食物都好高質！🥑 Avocado on toast with poached egg 🥚 主角牛油果熟成度剛好，夠林但又不會過熟，份量多到滿瀉，放在酸種麵包上，加點檸檬汁、少許鹽，很不錯！🦑 Squid ink spaghetti aglio e olio shrimp 🦐 意粉上看不見辣椒碎，但一入口就食到香辣味很過癮。意粉硬度適中，亦煮得乾身，因為唔會一pat pat咁。而大蝦也很新鮮夾口，很好吃！當然唔少得咖啡！店員推介他們的手沖咖啡，仔細聽聽佢地唔同咖啡豆的分別，原來佢地的咖啡豆贏過大獎嫁。今次試了兩款咖啡☕Ethiopia Bale Mountain 是日曬咖啡豆水果味味道較突出，香味同入口真的有red berries 的酸甜感！但隨後再飲又會嘗到咖啡的醇厚，很特別呢。另外是來自Kenya Kangocho它是水洗咖啡豆，入口酸度較強和清澈，聞起來有陣陣的黑加侖子飄香。原來睇落顏色分別不大的咖啡，都會有唔同的感覺和變化，平時只飲奶類咖啡，較難飲出咖啡原味，睇尼哩度係一個咖啡學堂呢！…查看更多

首次嚟到天后覓食，見到爆場要坐到出門的『甜姨姨』，緊係要試探下虛實啦！見到高人氣的「芒果大合奏」，裏面有五種芒果材料，包括最特別的芒果乾。成日都就咁食芒果乾，但加入糖水內都係第一次，唔好見佢細細碎碎咁唔起眼，但佢真係有畫龍點睛作用，令芒果味更實在，很有心思！🥰另外揀左『尋榴敢』榴槤愛好者覺得好滋味！同行朋友就話我每郁一下隻匙羹就湧一下出嚟，好難頂( ´▽｀) 可見香味幾咁濃郁。而綿香的榴槤蓉同細滑的豆腐花亦極度融合，又可以夾下果凍或者脆脆西米食，多種不同口感，非常滋味。叫了咸點過下癮，係我最愛的黃金系列『咸蛋黃魚蛋』魚蛋上面的鹹蛋黃份量極多，勁滿足！鹹蛋黃醬非常甘香，食到喉嚨也不斷有咸香氣味湧現。而原來這裏有原樽鹹蛋黃醬售賣，愛好咸蛋系列者可以一試呀！…查看更多

本身係想試試來自五星級酒店廚師的手勢，去到門口發現有不少為香港人打氣嘅貼紙。仲放左箱水俾有需要人士使用！💛講番正題，今次尼晚餐，美味由麵包盤開始。🥖餐包的款式都很特別，有一款未見過的黑色長身麵包片，食落有點像蝦片的質感，也像餅乾，少少咸味，頗有趣的！然後是沙律🥗，用上了Raspberry 做dressing, 感覺清新醒胃，配上煙三文魚，可口而不油膩。主菜揀左慢煮雞髀黑松露意大利飯，賣相已經贏了！🍗雞髀好大隻，是火雞脾嗎？可能係慢煮關係，肉質好嫩滑，而且保留到肉汁，調味剛好，不太咸。而Risotto 每粒飽滿，質地有咬口，黑松露香撲鼻，整體都不錯！😋抬頭仲見到，講一句為香港人打氣的說話，全單仲有88折！支持港人港店💪🏻💞…查看更多

喺大坑哩個寧靜小區，有間面積細細嘅餐館，入面只有一位廚師和一位店員，造出重質不重量之美食！先上場的是牛油果羽衣甘藍藜麥沙律🥗全部都係健康的食材！一入口第一個感覺係好Fresh! 牛油果打成蓉，伴着藜麥飯和蕃茄粒，配上士多啤梨青檸汁，酸酸地好醒胃，個配搭都好Perfect!👍🏻煎鴨肝🦆鴨肝size不小，但鴨肝相對較鵝肝無禁油膩，而且仍然有入口即溶的感覺，外表煎得甘香，伴着蘋果醬和脆口的薄片多士，好食得想encore! 😍紐西蘭羊鞍併玉米餅🐑羊鞍肥瘦適中，重點是真的好林，咬落油脂香味四溢，羶味不會太濃，而且調味得啱啱好！粟米餅很特別，由好多細細粒類似餅碎的小顆子而食，食落口感、味道都有驚喜，一定要試呀！😃香煎石斑魚🐟厚厚的一塊石斑魚，肉質很結實，魚皮也很香脆，簡單的調味無需再濃稠的醬汁，已能帶出魚肉的鮮味！這裏食物量不大，但如果不是胃口大的人，何不多去嘗嘗多點精緻而高質的美食呢？💜…查看更多

金寶在九龍城琳琅滿目的泰國餐廳中，可是夠經典的。小菜沒有用上很華麗的餐碟、也沒有特別的伴碟和堆砌，但有的是不用修飾的美味!💫首先必點的是泰式生蝦，食泰國嘢點可能唔生蝦呢？生蝦份量明顯比其他食肆多，雖然冇用冰坐住，但生蝦依然非常夠凍，爽口得很！汁醬可揀另上或者直接淋上。小食拼盤🍢分別有鮮蝦春卷、荷葉雞、炸蝦餅及雞肉串。即炸鮮蝦春卷用上原隻中蝦，皮脆之餘又有啖啖蝦肉！3串都是雞肉，雞肉燒得嫩滑，串燒的沙嗲醬也調得不錯，我們都點清光了！😆豬肉生菜包😋免治豬肉辣度適中，肥瘦肉碎平均，份量頗多，每塊新鮮爽脆的的生菜也可以包得滿滿來吃！芒果糯米飯🥭可選黑/白或雙拼糯米，當然要兩款也試試。黑糯米較煙韌有咬口，白糯米則較軟糯，各有特色，飯上淋了厚厚的椰漿，椰香味濃。而芒果也很甜，唔覺唔覺就食完了！🉐另外點了冰凍鮮甜椰青，居然只是$32!!! 其他食肆用這價錢絕對喝不到吧！👍🏻…查看更多

半價時段真係可以開懷大吃！😂睇餐牌的心情都即刻唔同咗！平價，食物質素依然高！💯先講湯底，非常足料，花椒八角圓肉不少得，仲有好多百頁豆腐同埋鴨血，未有食材到之前都可以醫住肚先！先嚟嘅係小食，麻辣爽肚絲㊙️牛肚索滿麻辣味，愈咬愈有濃濃的麻香味！再嚟喺火鍋必點的響鈴⚜️自家製的響鈴Size夠哂大，落湯淥3秒，吸收湯嘅味道仲繼續脆口，一d都唔會有油益味！過足口癮，最後我地都Encore了多一份！🤪另一重點，手切牛肩肉🥩睇落肉色鮮紅，油脂分布得像雪花，食落牛味濃濃的，實在得嚟又唔鞋口，吸收了湯的精華，已經不需要再點調味料。魚皮餃的魚皮煙韌，無平時食到嗰陣麵粉皮的感覺。冬瓜茶有驚喜，夠凍，又唔會得個甜字，食完辣野降下溫好爽呀！🥤好美的圖像，令人再三回味！💜…查看更多

九龍城出名食泰國菜，但原來日式居酒屋都有驚喜！「禮」的環境和食物皆屬中上，連朋友都忍唔住向店員讚一讚！店員首先奉上小食，是「味噌螺肉」此為讚位一，平日食到的螺肉都是林的，而這裡的卻是爽口很有𡁻頭！前菜我們點了「紫菜芥辣八爪魚」🦑用紫菜圈住一啖放落口，八爪魚彈牙，芥辣不會太搶風頭，醒胃又好食！串燒「燒雞皮」、「牛舌」、「雞軟骨」🍢原塊大雞皮很特別，並沒有切得小小的，燒得比薯片更香脆，很有驚喜。牛舌爽，調味剛好，非常惹味。而雞軟骨很不錯！「媽媽咸蛋豬肉棒」🍖免治豬肉棒上鋪了一舊咸蛋黃，使整體味道更甘香！豬肉棒肉汁依然，口味新穎，可以一試呀！「天婦羅盛合」🦐綜合了蔬菜和大蝦天婦羅，炸粉薄脆，感覺不會很油膩。有香濃的紫薯，很特別，也很好吃。另外碟上有很讚的芥茉，新鮮生磨的芥末真的十分清香，不嗆鼻！最後，如果在「禮」的某社交平台比個like, 會有豆腐/抹茶雪糕送呀！大家不要錯過喔！😍…查看更多

渣甸街有好幾間飲品小食店，今天看到有新店試業，一於試試。🥤芝士奥利奥奶茶🍫本身好鍾意食Oreo, 所以一眼就俾奥利奥款式吸引咗！好邪惡呀！芝士上鋪滿Oreo餅碎， 芝士非常濃郁、綿滑，鹹香十足！奶茶底味道淡淡哋，都夾得幾好！🥤芝士高山綠茶🍵看得出製作用心，芝士上灑了三行抹茶粉，賞心悅目！芝士滿杯，很濃很稠。而高山綠茶茶味清香，想飲青茶這杯不錯！今次試新野無伏，以後飲台式飲品又多一個選擇喇！🥰…查看更多

相信泰菜迷對這裡絕不陌生，每次行經，無論平日假日總會見長長人龍！我都食過好幾次，質素的確係唔錯！👍🏻我們點了最愛的生蝦刺身！❤️生蝦夠凍、夠爽口、夠新鮮、夠大隻、夠厚肉！汁料調得惹味，令人愈點愈想食，加上生蝦上大量的生蒜和辣辣，啱哂重口味人士，怕辣的人要小心喔！😜泰式酸辣鳳爪🏖同樣係必點，去骨鳳爪啖啖肉，口感清新爽脆！生菜包🏝免治豬肉頗辣，生菜厚身爽脆，可以中和番辣味。食幾多，包幾多，用手食，很滋味！泰式青咖哩軟殼蟹鍋配法包🦀軟殻蟹炸得外脆內軟，味道不錯！薯仔外層炸過，內裡軟綿，好有驚喜！😍而法包係咖哩必撘之選，用尼索d一路加熱緊的青咖哩，大滿足！…查看更多